ايه ردك لما بخاطرك يتكسر قصص حقيقية

Chilli_64343 🇪🇬

منذ 4 أيام

شعور مرتبك

عملتوا اي لما اتكسر بخاطركم وقتها كان اي ردكم لما اتاذيت من اقرب الناس واكتر حد مكنتش متخيل أنه يعمل كده واي الي عملتوا علشان تتخطي الموقف ده وهل تخطيت ولا لسه ولا لسه وهل اتاذيت تاني ولا بقيت انت مؤذي لان في ناس بعد ما تتأذي تبقي هي نفسها مؤذيه حتي لو بطريقه غير مباشره

بتمنى أغمض عينيا وأفتحها تاني الاقي كل حاجة أحسن

بتمني ايه بتمني اغمض عينيا و افتحها تاني الاقي كل حاجة بقت احسن .. الاقي تعبي خلاص انتهي .. وانسي زعلي علي كل حاجة وجعاني بقالها كتير ملازماني .. تتجدد روحي فيا و شغفي تاني للحياة .. بعد ما حرفياً الواحد خلاص انطفي من جواه و بقي بيلف في دايرة ايام هي اللي عايشاه مش هو اللي عايشها .. ...عرض المزيد

0 الدعم

0 نصيحة

متجوز من طفلة ومكتئب: مش عارف أكمل ولا أنفصل عشان عيالي

ازيكم. انا سني من ٣٠ ل ٣٥ متجوز من ٨ سنين وعن قصه حب قبلها ٤ سنين. ومعايا ولد وبنت القصه ابتدت من ايام ما كنا لسه بنحب بعض كانت مش بتهتم بيا وسلبيه في التعامل رغم أنها كانت بتحبني. وتقريبا كانت بتعتمد عليا بشكل مبالغ فيه. بس كنت ديما بقول أنها مكسوفه ومحترمه ومكنش عندي مشكله وكنت متخيل أن اعتمدها عليا نوع من أنواع الدلع والحب. لما اتجوزنا كل حاجه كانت زي ما هي كأني اتجوزت طفله صغيره مش عارف اتكلم معاها أو احكي معاها ولا حتي باخد منها الاهتمام والحب الي طبيعي اخده من مراتي وحببتي. وابتديت احاول اعلمها وحده واحده وخطوه خطوه ولكن كانت شايفه اني بعمل دا عشان انا مش شايفها كفايا وشايفه اني كده بحسسها بالنقص. ووسط كل دا اهتمامي باني اعمل لنفسي حياه كويسه خلاني ابعد عن صحابي ولاقيت بعد سنه اني لوحدي وكمان فشلت اني افهم الشخص الي معايا أن الحياه مشاركه وحب واهتمام. ومش هينفع يبقا طرف واحد الي بينجح العلاقه واستحاله المركب هامشي بيا انا لوحدي اني تعبت. المهم اني بعد سنه قررت اننا هننفصل لاني مبقتش قادر. وجاءت اول صدمه.. أنها حامل هنا كل حاجه اتغيرت وقررت اني لازم اكمل عشان مش هينفع طفل ياربي من غير ابوه خصوصا أن انا مش مقتنع أن أمه هتعرف تربيه وكملت فعلا وعافرت سنه ودخلت في حاله اكتئاب حاد لدرجه ان اتوصفلي علاج ليه ومخدتوش. آه نسيت اقولكم ان خلال السنه دي هي كانت شايفه أن اكتئابي وانعزالي عشان انا مش عاوز اكلمها واني السبب في الحياه الزفت دي. والمره دي جات منها لانها شايفه اني معني انعزالي عنها اني بخونها.. ودا طبعا محصلش. وصدقوني كان نفسي اكون بخونها فعلا. المهم طلبت الطلاق عشان مش مرتاحه معايا واتخنقنا واكتشفنا أنها حامل للمره التانيه وطبعا عشان احساسي الأوفر بالمسئوليه صالحتها. وكلنا حياتنا يومين حلوين وشهرين وحشين. لحد ما قررت اننا نروح لحد متخصص. والحد دا فهم المشكله وفهم أن مراتي عنها تعلق مرضي وتواكل علي الآخرين ( يعني مش بتشكيل مسئوليه ) واكتشف ان عندي اكتئاب حاد وانعدام القدره علي تفسير والتعبير عن مشاعري. وقلنا سنه وانا حاسس اني مقفول من الحياه. مش عارف انفصل عشان بحب عيالي اوي ومش عاوزهم يتربوا بعيد عن أهلهم. وفي نفس الوقت انا بخسر اخر جزء في نفسي كابني ادم. دا إذا مكنتش خسرتوا. انا شخص نفسي حد يهتم بيا ويتكلم معايا ويشاكرني اهتماماتي وشاركه اهتماماته شخص احس أن وجودي في حياته مهم عشان بيحبني مش عشان أشيل مسئوليته بس. انا فاهم أن طبيعي أشيل المسئوليه. عشان الناس المريضه الي هتقول انت مش عاوز تشغيلها. عاوز حد يحبني الحب يقدر وجودي وانا اقدر وجوده. شكرا انك كملت قرائه لحد هنا.. لو عندك رأي تشاركه انا سامعك ولو عندك نصيحه اتفضل. ...عرض المزيد

0 الدعم

0 نصيحة

عندي ميول سادية وبحب الإهانة.. نصائح مفيدة

اول مره افكر اكتب الكلام ده بس لازم اعالج مخي بقا عندي ميول سادية و مش كده وبحس بحب اهين جامد بس بعد ما نخلص برجع تمام بحترم اللي قدامي مع اني موضوع الاباحية ده انتهي بالنسبالي من فترة كبيرة بس هوا كده بالله عليكو نصايح مفيدة لاني بصلي والله انا بصارحكو عشان منعرفش بعض ...عرض المزيد

0 الدعم

5 نصيحة