اهله مش مرتاحين

Apple_64150 🇪🇬

منذ شهر واحد

شعور مكسور القلب

كنت مخطوبه لواحد قريبي مكنتش حاسه اني مرغوبه من أهله ..هما مسافرين برا وماماه محضرتش الخطوبه ونزلت م السفر مجتش سلمت عليا كانت جيبالي جاكت هو جابه اداهولي وعزمناها ف رمضان مرضتش تيجي وقالتله والله مانا جايه معاك وكمان عرفت بعد ما فسخنا أن قرايبي الاتنين راحوا اسبوع كامل بيتلحوا عليها تيجي تسلم عليا

Apple_4481 🇪🇬

منذ شهرين

شعور عاطفي

انا اتخطبت من فترة قريبة خطيبي شخص ماشاء الله كويس جدا بس ف كذا عيب في الموضوع اولا هو شخص غيور درجة أولى وصعب في غيرته م هي مش شك ولكن غيره صعبه شويه عليا ودايما محسساني بمشاعر وحشه جدا ومش عارفه افرح بيها زي ما هو مفكر انها حب وخوف بالعكس دايما بتخنقني كمان ف المشاكل لما بيبقى عايزني ابطل حاجة مع

عبّر عن شعورك بشكل مجهول

انا اتخطبت من فترة قريبة

خطيبي شخص ماشاء الله كويس جدا بس ف كذا عيب في الموضوع
اولا هو شخص غيور درجة أولى وصعب في غيرته م
هي مش شك ولكن غيره صعبه شويه عليا ودايما محسساني بمشاعر وحشه جدا ومش عارفه افرح بيها زي ما هو مفكر انها حب وخوف بالعكس دايما بتخنقني كمان ف المشاكل لما بيبقى عايزني ابطل حاجة معينه بدافع الغيره زي اني ابطل شغل مثلا عايزني انا اللي ابين كدا لأهلي عشان محدش يقوله انه بيتحكم فيا ونا لسه في بيت أهلي وكدا  وطبعا خروحات وزيارات لازم بإذنه وفي غالب الوقت بيرفض وكدا يعني وساعات بحس ان اهله بياثرو ع قراراته

تاني مشكلة حاسه اني مش عارفه اتقبل شكل لبسه ولا جسمة غصب عني والله حاسه بضيق ف الموضوع يعني هو ماشاءالله حلو ملامحه حلوه بس لبسه وشكل جسمه مش بيهتم بيهم اوي ودا مضايقني من جوايا

تالت حاجة اهله مش مرتحالهم لا انا ولا اهلي ناس طبعهم صعب وغامضين كدا حتى اهلي مستغربين زهدهم ف الهدايا والزيارات اللي بيجيبوهالنا برغم من انهم وضعهم المادي تمام ولكن زيارتهم مش احسن حاجه او ع الأقل مش زي الشائع عندنا انا مش بتكلم كدا بدافع اني ماديه والله ابدا بس اهلي خدو بالهم من النقطة دي وشايفين ان مفروض يقدروني اكتر من كدا
انا محتارة افركش ولا لا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_64710 🇹🇷

بتكسف قوي ومش عارفة أتكلم مع الناس

انا عندي مشكلة جامدة اني بتكسف ولو حد وجهلي كلام مش بعرف انتبهله وتركيزي بيبقا ضايع من كتر ما انا خجلانة ، الموضوع ماثر عليا جدا في التواصل وبخاف جدا حد يقولي غبية ودايما متوترة ، انا بجد تعبت مش عارفه اعمل ايه 😥 ...عرض المزيد

0 الدعم

2 نصيحة

Onion_73489 🇪🇬

مليش حد اخرج معاه والوحده بتقتلني

انا حرفيآ مليش اصحاب ليا معارف فقط يعني انا كنت متجوز وانفصلت وكانت كل حياتي بيتي وزوجتي وشغلي وانفصلت من اكتر من سنه ودايما ف شغلي دلوقتي حاليا واخد استراحه ف مليش حد اخرج معاه. مع اني شخص مسؤل جدا وناجح ف شغلي لكن ع طول لوحدي يعني بقالي حاولي اسبوع اجازه مش لاقي حد حرفيآ اخرج معاه اسافر أعمل اي شئ قررت انزل چيم علشان اضيع وقتي واهتم بجسمي لكن دا بيكون 6 ساعات ف الاسبوع بس انا بحب الانعزال جدآ لكن احيانآ بنحتاج لحد يكون رفيق للوحده ول كل شئ، ، ...عرض المزيد

1 الدعم

3 نصيحة

Apple_72583 🇪🇬

فقدت الشغف للحياه وعايزه افهم مالي

المشكله الحقيقه عندي اني فقدت الشغف للحياه عموما بكل ما فيها، فبشوف كل حاجه بتعدي قدامي وانا عادي، بحس اني مبتمناش حاجه غير أنام كل يوم مرتاحه البال مبفكرش ف حاجه، عارفين احساس انه مفيش اي حد ف الدنيا قادر يفهم بالضبط احساسكم!! انا ف الاجازه حاليا معنديش قدره ولا شغف لاي حاجه اعملها، كنت ف الدراسه بقول ف الاجازه هعمل كذا وكذا وهنزل الجيم وهقرأ وهعمل أنشطه كتير بسس للأسف انا اليوم كله مبعملش اي حاجه مبخرجش من اوضتي اصلاا ولا بقعد مع البشر 😅أنا والله م عارفه مالي بس حاسه اني م قادره ع اي حاجه حتي الدراسه م عايزاها ترجع لاني معنديش شغف ليها وبدخل ف دوامه اكتئاب طول السنه وعياط كل يوم واحساس سئ جدا..! فكرت أروح لثيرابيست بس للاسف انا م هعرف اقول برضو اللي حساه، انا معنديش اي حد مقرب عنديا صحاب كتيرر بس كلهم بحس برضو م مقربين ليا، حتي انا م فاهمه نفسي عايشه وخلاص، كل ما بحس اني خلاص م قادره بقول كل حاجه هتخلص وكل الناس مهما تعبت بتموت، بس حتي الموت خايفه منه عشان التعب اللي انا فيه دا مخليني احيانا اقطع ف الصلاه او ابطل اقرا وردي من القرٱن وافضل قاعده م قادره اعمل اي حاجه والله م عارفه مالي انا ممكن اقعد اليوم كله م بتحرك من مكاني عادي وم بحس باي حاجه غير اني م قادره فعليا.. تعبت 💔 ...عرض المزيد

0 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع