الناس مؤقتة قصص حقيقية - 1 تجارب، ونصائح، ودعم

Strawberry_74152 🇪🇬

منذ 13 ساعة

شعور لا مبالٍ

ممكن أكون غريبه شوية بس عمري ما حسيت بغياب حد، مهما كان غالي عندي. الناس بتروح وتيجي في حياتي وأنا واقفه في نفس مكاني، عادي. مش بفتقدهم، مش بجرّي وراهم، كإني متبرمجة إن الكل مؤقت. مش عارفه ده قوة ولا برود صح ولا غلط بس اللي متأكده منه إني بقيت متعوده على فكرة إن مفيش حد بيفضل للأبد

حياتي اتخربت في ليلة.. واتخدعت من صحابي

انا اول مره ف حياتي اقع ف موقف زاي دا و خلاني فعلا معرفتش افكر كنت مفكر ان كل حاجه سهله و مفيش حاجه صعبه عليا تخليني اكتأب و احسن ان حياتي ادمرت ف يوم و ليله ممكن حياتك كلها تتغير و تتلغبط و متبقاش عارف تعمل اي كل دا ف لحظه من عمرك و ف اللحظه تبينلك مين الجمبك و مين العامل نفسو جمبك و البيقول انو بيحبك بجد محدش هيحس ب الانا بقولو دا غير الكان ف قاعده و القاعدة كلها كدابه... أنا متعود ان انزل اقعد مع صحابي ع القهوه كل يوم و نهزر و نضحك و الدنيا جميله و مفيش اي حاجة كررت ف يوم ان اخد عربيه ابويا و انزل بيها مع صحابي ساعه ولا حاجه و ارجعها و نسيت البس النضاره أنا نظري ضعيف حبتين المهم خدت العربية و نزلت لفيت بيها و ماشي براحه خالص لحد مقالو عايزن نشتري حاجه من السوبر ماركت أنا ببص معاهم آنهي واحد ولا فين لقيت نفسي عملت حدثه ف عربيه مركونه أنا معرفش مشوفتهاش آزاي ولا اي الحصل أنا لقيت مره واحده لبست فيها و العربيه مركونه بطريقه وحشه آوي يعني أصلا 60 ف الميه هو غلطان و ف نفس الوقت انا كنت المفروض اركز و أخد بالي كويس من الطريق المهم عملت الحدثه وكان معايا 2 صحابي واحد قالي اجري متقفش و التاني قالي اقف كدا كدا هما عارفنا أنا طبعا من التوتر و الخوف جريت و هديت بعيد شويه و وقفت ابص ع العربيه اتخضيت لقيت العربيه متبهدله حرفيا من قدام و ابويا مامني عليها و كنت خايف اقولو و للعلم مش خايف منو انا خايف عليه اوي ان يحصلو حاجه و مرعوب عليه ف انا طبيعي مش هقولو و بدات افكر هعمل اللي ولا انيل اي لقيت الناس بيتصلو ع صاحبي بيقولو تعالو احسن عشان الراجل صاحب العربيه مكبر الموضوع و عايز يحبسني انا طبعا اتخضيت أول مره اتحط ف حاجات زاي كدا ف ركنت العربيه و روحت للراجل طبعا صاحبي التاني القالي اجري دا قالي سبني انا هكلم قولت ماشي و انا ف نفس الوقت مش قادر اكلم حرفيا حاسس بوجع ف قلبي جامد و مش عارف أعمل اي حرفيا ساكت بس ف لقيت الراجل بيقول العربيه هتكلف 3500 و انا بنزبالي دا رقم انا مش شغال ف صاحبي قالو خليهم 3000 طبعا حتي لو كان قالو 500 انا مكنتش عارف اتصرف و فنفس الوقت مش عايز اعرف ابويا صاحبي التاني قال متقول ل ابوك و ريح دماغك قلت لا و بتاع و قعدت اعيط لحد مقالي التاني بيع فونك و صلح الاتنين عربيتك و عربيته عشان ابوك ميعرفش و نسكت الراجل التاني طبعا انا مش عايز ابيع الفون الفون دا غالي عليا و مش هعرف اجيب زايو تاني خدت الفون و سالت عند كزا حد قالي مش بشتري الفون دا و بتاع روحت خدت العربيه و نزلت وادي الملوك ع اساس ان الاقي حد يشتريه و كدا و انا مش عايز اعمل كدا بس مجبر و كنت مبطل السجاير بقالي 3 شهور و رجعتلها ف اليوم دا المهم سبت عربيتي تتصلح لحد مبيع الفون و كنت خلاص ف موقف اجباري لحد مظهر واحد صاحبنا تآني قال انا هشتريه و انا عارف ان هو عينه منو من زمان المهم قعدت اقول لا و بتاع و اتحايل ع دا يشوفلي حد بيسلف و دا يديني فلوس و انا عارف ان معاه بس هعمل اي بقا المهم الواد خدت منو الفلوس و بدل معايا الفون عشان معهوش المبلغ كلو اداني 5000 و اداني فونو و خد فوني كنت هبوس ايدو كدا يسلفهملي لا استغل الانا فيه و خد مني حاجه هو عارف ان دا كل حاجه يعتبر معايا و الفون عجبني و اتفقت ان و هو ان هيرجعه تاني لما الفلوس تحضر و هو مش عايز يقولي يعم انا اشتريت مش هرجع للفون دا اتخدعت ف اكتر واقت كنت المفروض الاقيهم جمبي بس جم عليا ف الوقت دا و من ساعتها حلتي صفر و مش طايق نفسي و مش عارف اعمل اي ...عرض المزيد

3 الدعم

0 نصيحة

مش عايزة اشتغل مدرسة، اعمل ايه؟

سلام عليكم انا طالبة في كلية تربية اساسي علوم وانا دخلة الكلية دي بالعافية و مش عايزة اشتغل مدرسة وللأسف كنت جايبة ٦٥في المية ونفسي اشتغل في حاجة غير التدريس فايه اكتر حاجة ممكن اركز عليها واخد فيها كورسات وهتفدني جامد اني اشتغل في مكان كويس حتي لو كنت خرجة من تربية ...عرض المزيد

2 الدعم

6 نصيحة

نفسي أصلي وأقرب من ربنا بس تفكيري بيوديني في الالحاد

حد ينصحني نصيحه نفسي اصلي اوي نفسي اقرب من ربنا نفسي مفكرش ف الالحاد انا حرفيا تفكيري بيوديني ويجيبني في حاجات استغفرالله العظيم خايف من اللي جي بجد وخايف اموت وفنفس الوقت مش مقتنع اني ممكن اموت يجماعه بجد دماغي هتموتني من التفكير وحاجات مش عارف ليه بعمل كدا ونفسي اعمل عكسها بجد. ...عرض المزيد

2 الدعم

5 نصيحة