المجتمع

Strawberry_58144 🇪🇬

منذ 11 ساعة

شعور وحيد

انا مبحبش فكره الفيمينيست.. انا بحس ان ده تخلف غربى.. بس برضو من كتر ما البنات متبنياه بحس انى بقيت بعيده عندهم فكريا.. و محدش بيحب يكون منبوذ من المجتمع.. او يعنى يحس انه مش فرض منهم..انا مش مؤمنه بالمساواه ولا الحريه المطلقه ولا شايفه الاسباب التافهه بتاعت الطلاق الى البنات ماشيه بيها دى صح.. مش ش

Coffee_57769 🇪🇬

منذ يوم واحد

شعور محبط

هو انا مشكلتي مش جنسية علي قد ما انا بميل بشكل غريب للبنات الي فوق ال٣٠ وانا ٢١ سنة ومبيعجبنيش حد من جيل البنات الي حوليا بجد وممكن يبقي الموضوع معايا فيه جزء اه من حتة الجنس بالاخص اني جسمي حلو وبلعب جيم واسمر قمحي بدقن و وسيم بس بحس انها هتبقي شيفاني ابنها مهما كان عقلك كبير ولما اتعرفت علي دكتور

Coffee_58610 🇪🇬

منذ يوم واحد

شعور متوتر

طول عمري معنديش صحاب كتير او بمعنى أصح مبعرفش أتفاهم مع الكل، بس الموضوع مكنش فارق معايا اوي بس بردو الواحد بيجي عليه فترات بيبقا محتاج حد نفس دماغه، خلصت ثانوية ودخلت الكلية الي عاوزها على امل اني هلاقي مجتمع مختلف، ناس مش كل قعداتهم كلام على بنات وشوفت الي كذا وكذا، بردو لقيت نفس المجتمع الي بشوفه

Apple_53375 🇪🇬 انت مش محتاج تعيش دور مش دورك خليك علي طبيعتك بلاش تغير نفسك عشان حد لانه في الاخر هيتغير هو كمان بالعكس خليك واثق من نفسك و شجاع و ابقي علاقات كتير و اشتغل علي نفسك و قرب من ربنا و خليك مع الشخص اللي انت عايزه حتي لو مش عارفه من زمان بالعكس دا قدامك فرصه تعمل عمر معاه و ذكريات و اشتغل برضو هتلاقي نفسك عرفت ناس كتير و بقي عندك اصحاب اكتر

عرض الكل 8 نصيحة

Apple_57874 🇪🇬

منذ يومين

شعور محبط

موضوع:

ثانوية عامة غيرت فيك ايه؟

انا طول عمري عندي لامبالا ف موضوع الدراسه مش بعرف اذاكر حتى ف الثانويه العامه المشكله اني كنت مدرك انها سنه فاصله و ان لو معملتش اللي عليا هندم باقي عمري بس كان في لامبالا اني اذاكر لحد ما جيت ف للآخر و بدأت احترم نفسك ف المذاكره و ف الصلاه و فالاخر نجحت بالعافيه ف كل المواد و دخلت معهد خاص عدى 3 س

French Fries_57474 🇪🇬 بما اني في ثانويه عامه و امتحناتي بعد كم يوم عايز نصيحه منكم لعلها تغير شيء سيء ممكن اقع فيه

عرض الكل 26 نصيحة

Coffee_56986 🇪🇬

منذ 3 أيام

شعور مستنزف

موضوع:

ايه نقطة التحول في حياتك ؟

عبّر عن شعورك بشكل مجهول

للاسف انا اتولدت و عشت بره لغاية الثانويه ونزلت على الجامعه و من هنا اتصدمت بالمجتمع و الانفتاح الشديد دا زي مثلا ان عادي الولد و البنت يمشو مع بعض كدا في الشارع قدام الناس و طريقة اللبس سواء كان ولد او بنت و التفكير كل دا كان بالنسبالي صدمه لأن البلد الي كنت فيها كان اساسا المدارس من أولى ابتدائي بيكونو الولاد لوحدهم في مدرسه و البنات لوحدهم في مدرسه و كان الكل لبسه محترم عموما حتى الي كان بيكلم بنت او بيقابلها كان بيستخبى و يروحو يتقابلو في اي مكان فاضي بعيد عن الناس كإنهم يعني اسف في الكلمه 😅هينامو مع بعض و دا لمجرد بس أنه يشوفها أو بيتكلم مش اي حاجه تانيه من الي احنا عرفنها 
و للاسف الناس هنا من شدة التعب و الضغوطات بتاعت الحياه بقى كلهم في الشارع شكلهم شايلين الهم و متدايقين اوي 
و من اكتر الحاجات الي وجعتني فعلا و بسببها عيطت و حسيت بالقهر و الظلم لما دكتوره في الجامعه حطتني في دماغها و حبايبها وجبو معاها لمجرد اني كنت بناقشها و بكل احترام والله و بيني و بينها كمان في انها احرجتني قدام الدفعه و اتفاجئت اني مقدرش اشتكي و لا اتكلم لا دا انا الاحسنلي اني اروح اعتذرلها متكبرش الموضوع 
انا كان في بالنسبالي أن الشخص طالما حلف يبقى خلاص كدا هو صادق و مبيكدبش 
لكن هنا اكتشفت أن الكداب هو الي بيحلف 😂😅
و الي غيرني فعلا و صدمني جدا 
انا مكنش ليا في جو الحب و كنت بقول خلص دراستك و اشتغل و افرش شقتك و بعدين ابقى فكر في الحب لكن قبل كدا دا لعب عيال و لكن طبعا مش كل الي بنفكر فيه بنفذه و حبيت واحده من الدفعه و ارتبطنا مده و بعدها سبنا بعض اتفاجئ إن أقرب صاحب ليا و كان بالنسبالي يعني اغلى حاجه عندي من قوة محبته في قلبي مش قادر اعبر عنها بعد كام من يوم ماشي معاها في الشارع و بيضحكو مع بعض طبعا كان شعور بالكسره و الوجع مش قادر اوصفه و فجأه هو و واحد كمان بعدو عني بدون اي سبب و عينهم تيجي في عيني و ميسلموش حتى و بقو معاها و مع صحاب البنت انا  مزعلتش على البنت خالص أو مكانتش فارقالي و صحبي دا الي لسه زعلان عليه لغاية دلوقتي و هو حاول يكلمني بعدها بشهرين بيبرر لنفسه و قال اي دي صحبتي زي ما انت صحبي 😂! و هو اصلا مكنش يعرفها مع العلم أن هو مرتبط اصلا أما البنت فمزعلتش عليها عشان كنت سايبها و انا ضميري مستريح لاني كنت عملت كل الي اقدر عليه عشان ابعد و أنا مرتاح 
دي بقى فعلا كانت نقطة التحول بالنسبالي 
و من ساعة الموقف دا و انا بقيت كل لما افتكر اي موقف منهم سواء كان حلو او وحش بقى بيجيلي حاجه زي تشنج لحظي كدا 
اعصاب دراعي بتتشد و بقفل ايدي جامد و ممكن اخبطها في الحيطه جامد أو احدف حاجه و عيني تقفل و رجلي ترفص الموضوع كله على بعضه مبيكملش كام ثانيه يمكن خمسه مثلا بس خايف احسن يزيد بعدين و مش عارف اعالجه ازاي و اتوقع انه بسبب اني مبتكلمش بكتم جوايا

Kiwi_49822 🇪🇬

منذ 3 أيام

شعور ضائع

قبل ماتفهم غلط انا عارف ان ده حرام وال مارضهوش على عرضى اكيد مارضهوش على اعراض الناس مشكلتى انى شاب كبير نسبيا والحمدلله ماصحبتش قبل كده وان شاء الله ماصحبش لغاية ماخطب بس نفسي ال هو اصاحب وكده فى ظل ان اغلب ال حواليا كده وافكار كتير بقى زى هل ماستحقش اتحب مثلا ولا انى مثلا مش شخص كويس كفايه كا شكل

Nutella_57127 🇪🇬 زيد تعلقك بالله سبحانه و تعالى و ربنا يهديك و تبعد عن الرغبة دي

عرض الكل 16 نصيحة

Orange_57273 🇪🇬

منذ 3 أيام

شعور قلق

موضوع:

حلمك بالنسبة للدراسة

ازاي بتعرفو انتو عايزين تدخلو كليه ايه ..الواحد بقى حاسس انه كله ماشي بضغط المجتمع والعرف والأهل عايزين ونفسهم..وحتى الطالب لو نفسه في حاجه هيبقى نفسه فيها لمجرد مكانه اجتماعيه از عشان بتجيب فلوس

Lemon_57280 🇪🇬 متبصش للكلية ككلية دراسة. بص لسوق العمل ايه الشغلانات اللي تناسبك ك life style و ايه الشغلانات اللي فلوسها كويسة او يكون فيها اوبشنز زي الفريلانس والسفر بره. بناء على الشغلانة انت هتحدد كليتك. في ناس بتشتغل كوول سنتر بتقبض أحسن من المهندسين. الدكاترة مشوارهم طويل وحياتهم حساسة. المدرسين مش كلهم بيتشهروا وبيقبضوا ملايين. فمفيش نوع شغلانة مضمونة. لازم تفهم نفسك الاول وتشوف السوق اللي حواليك وهتقرر

عرض الكل 8 نصيحة

Apple_57106 🇪🇬

منذ 4 أيام

شعور محبط

هو ايه اللي بيحرك البني ادم تجاه انه يتعامل مع ناس سواء حلو او وحش بناءا على الشكل ؟ ليه ملامح الوش او الشعر او حتى وزن الجسم ممكن يكونوا عوامل تحدد احترامك أو معاملتك لحد؟ في الارتباط انا متفهم ده رغم انها شويه حاجه قاسيه لكن في النهايه كل واحد حر ف مواصفات شريك حياته بس ليه ده موجود في التعامل ال

Mango_55662 🇪🇬 ده الواقع حتي لو فى انكار

عرض الكل 24 نصيحة

عبّر عن شعورك بشكل مجهول

هو ايه اللي بيحرك البني ادم تجاه انه يتعامل مع ناس سواء حلو او وحش بناءا على الشكل ؟
ليه ملامح الوش او الشعر او حتى وزن الجسم ممكن يكونوا عوامل تحدد احترامك أو معاملتك لحد؟

في الارتباط انا متفهم ده رغم انها شويه حاجه قاسيه لكن في النهايه كل واحد حر ف مواصفات شريك حياته بس ليه ده موجود في التعامل العادي؟

(أنا مدرك طبعا إن ده صفات نقص وان دول ناس مش اسوياء بس دول للاسف معظم المصريين كدا بجد وبالذات الفيميل وبقى ده العادي) .. وده مش موجود خالص ف جنسيات تانيه اتعاملت معاهم ( اه عندهم عنص.ريه بس بس من نوع تاني ملهاش علاقه بالتمييز بالشكل )

كتير ف الكليه كنت بشوف بنات ( تيم ليدر ) بتتجاهلني ومتردش عشان شكلي وفي نفس الوقت بتهزر وتضحك مع ناس شكلهم حلو

كنت مثلا اسال على حاجه ف جروب التلجرام محدش يرد عليا ف اقوم عامل اكك فيك وعليه صوره حد حلو واسال نفس السؤال ب نفس الصيغه الاقي بنات كتير بترد وفيه اللي بتدخلي برايفت ( اقسم بالله حصل) ومن بنات عامله انها محترمه ف اسالها طب ليه مبعتيش ع الجروب ما كان فيه حد بيسال قالتلي بالنص ( كدا مبحبش اتكلم مع الناس اللي فيه بستبضنهم )

تخيلو بقى لما خطبت ونزلت بوست على صفحتي لقيت واحده ب اكونت فيك كاتبالي ( مستخسراها فيك معرفش بصتلك على ايه يارب تفركشو )
انا عرفت مين صاحبه الاكونت وصاحبته عمري ما اتكلمت معاها ولا اعرف غير اسمها وكنت دايما بشوفها بتبصلي ب قرف ف ليه كرهتلي الخير واني خطبت ؟ كل ده عشان شكلي مش عاجبها ؟ طب هو انا كنت طلبت ايدك مثلا ولا حاولت اتعرف عليكي!

ده غير بقى التعامل في السوبرماركت او محلات الملابس او اي ستور واقفه فيه بنت وبالذات كمان لما يبقى معايا صاحبي الوسيم
(انا مش مركز خالص ياجماعه بس الموضوع نفسه بقى واضح اوي ومؤلم )

انا حابب اسمع اراء قاسيه واتناقش معاها مش عاوز تعاطف اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_52326 🇪🇬

منذ 4 أيام

شعور متوتر

Guava_56922 🇪🇬 تبارك الله انت شطور وكلامك مترتب احسن من ناس كتير اكبر منك وحاسه ان هيكون ليك مستقبل حلو اوي لو ركزت اكتر علي نقاط قوتك رد علي كلامك العسول المترتب دا ..طالما مش مرتاح في الكلام يبقى خلاص متضغطش علي نفسك وخصوصا انك لو نزلت حاجه ولقيت هجوم عليك هتقول اهو انا كنت صح . ممكن تختار ناس انت واثق انها هتدعمك وتسمعك وتخفف عنك سواء من سنك او اكبر منك او حتي تتكلم مع حد متخصص لو متاح ليك

عرض الكل 8 نصيحة

عبّر عن شعورك بشكل مجهول

كتير جداً ببقي عاوز افضفض عالبرنامج هنا و اشتكي بما اني معنديش او اتبقي اي انسان يسمعني
بس لما باجي اشوف كومنتات الناس علي بوستات الناس اللي بتفضفض هنا باخد ٢٠ خطوة لورا
مكان المفروض انه يبقي مساحة امنة للناس عشان تفضفض بدون ما حد يحكم عليها و و الناس تواسيك و تساعدك
معظم العرب قلبوه مكان للجلد و الحكم علي الناس بناء علي معايرهم و يكرهوك فاليوم اللي قررت تتكلم فيه او تفضفض :// بيصعب علي الناس والله بيبقو خلاص هينفجرو و مكسوفين و حاسين بالعار ان ملهمش حق يتكلمو و خايفين من الناس فا يجو للتطبيق ده اللي المفروض هيحل المشكلة و هيساعدهم يلاقو الناس بتقلل منهم و بتحكم عليهم و يزودو عندك الخوف انك تتكلم او تفتح بوقك تاني اصلا 
بكره من كل قلبي كل الناس اللي بالعقلية ديه
اللي هيا لاسف ٨٠ فالمية من الشعب المصري مثلاً اللي بيدعي الفضيلة علي غيره و بيحكم عالناس مش عشان اذنبت و عملت ذنب طبيعي تؤتؤ
عشان عملت ذنب هما مش متعودين عليه و شم بيعملوه حللو الحرام علي مزاجهم و خدو حاجات و بقت عادي و اي شئ تاني لا انت ازاي عايش انت انسان عاق متخلف و عاوز تضر بينا ولا ايه
مع اني حتي معملتش اي شئ بشع او ذنب بتلك الشدة او علي حد علمي ضريت حد 
الا انا مازلت بخاف افضفض هنا
مش هنا بس لاي انسان عيلتي معارفي زمايل
و متبقاش عندي اي انسان حاسس انه قريب مني و اقدر اشاركه همومي و افضفض من غير ما احسه انه بيحكم عليا
فا اعتقد اني هموت بقا و خلاص بمشاعري ديه و وحدتي و هفضل طول حياتي بدور علي ان اشبع شعوري بالوحدة بدون اي فايدة
يارب ميكونش في اخطاء املائية كتير عشان مكسل حالياً اراجع كلامي صراحة و يارب اتعالج و يارب اعرف اخلي نفسي اركز في تالتة ثانوي ://

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Olive_56563 🇪🇬

منذ 6 أيام

شعور قلق

حاسة دايما غريبة و افكارى غريبة عن ال حواليا حتى اهلى و الشغل و اصحابى اهتماماتى مختلفة تماما عنهم احيانا بحس ان انا الغلط مش البيئة بتاعتى يعنى دايما اخواتى بيستغربو تصرفاتى و افكارى و اى تجمع بيتقال انى غريبة عنهم و عن افكارهم لدرجة انى معاهم بقيت مبتكلمش عن افكارى

Strawberry_54925 🇧🇭

منذ 6 أيام

شعور منزعج

موضوع:

عندك مشكلة في التعبير عن مشاعرك؟

اي هاي شي أعاني منه من زمان ان ما اقدر أقول الي بدخلي و صعب جدا اشرح الي بداخلي حق الي حولي و احس إذا طلعت مشاعري حق احد راح يفكر ان أنا دراما و ما اعرف ليش احس بالاشمئزاز من مشاعر أحسه شي حق مراهقين و الأطفال

Pineapple_52272 🇪🇬

منذ أسبوعين

شعور لا مبالٍ

الوحده بالنسبالي حاجه بتمناها مش عشان انا حاببها علي قد ما انا مش عارف اتعايش مع المجتمع والناس عمتا دايما حاسس اني غريب ومش شبههم ومش عارف اتعامل معاهم، فا انا بتكلم بقا علي الوحده الي هو حرفيا منعزل بشكل كلي مفيش حد غيري في البيت وياسلام بقا لو بيت كدا بعيد عن البشر خالص ومفيش ناس حواليا هو دا الي

Biscuit_26457 🇦🇪

منذ أسبوعين

شعور غاضب

انا عوزه اعرف هو مش اننا نعرف حد ونرتبط ونتجوز ده الطبيعي ودي سنه الحياه وربنا خلقنا عشان نعمر الارض وكل ده هو ليه الناس مصعبها علينا كده وفي حوارات وبتاع وحسابات ومين هيهتم والتاني ينفض وحاجه يعني غريبه جدا هو ليه كده وليه لازم اكون عمله نفسي مبهره طول الوقت عشان الناس تتقبلني مينفعش اكون ضعيفه او

Mango_30835 🇹🇷

منذ 4 أسابيع

شعور مرتبك

حاسه المجتمع هنا مريض بس إلا ما يكون في ناس عدله صح؟ صح😅 ..المهم انا حاسه نفسي زي الي بيطلع بيطلع وبعدين بدل بقى ما يكمل للجوله الاخيره لا بيزهق وبيفقد الشغف مش باقي غير كم يوم عالفاينل وحقيقي حاسه طب ايه الهدف ومعدلي الحمدلله عالي وكنت بشتغل على نفسي علشان اتخرج وانا معايه شهادة الشرف دلوقتي اخر ت

Apple_52622 🇪🇬 العيشه دلوقتي غير عيشه ابائنا واجدادنا كانوا نفسيا مرتاحين دلوقتي ضغوط الحياه خلتك غصب عنك مش فارق معاكي الهدف يتحقق او لا بس نصيحه لوجه الله اليأس مش بس سببه ضغط الحياه لا السبب الرئيسي هو البعد عن ربنا لاننا لو كنا قريبين مكنش هيتسلل لنفسنا اليأس بأن كل حاجه بنسعي ليها ملهاش لازمه عشان كده من توكل ع الله حق التوكل لرزقه الله من حيث لا يحتسب

عرض الكل 4 نصيحة

Carrot_41739 🇪🇬

منذ شهر واحد

شعور ضائع

حد عنده فكره او يقدر يكلمني عن الحياه بعد التخرج يمكن من الحاجات البتخوف الواحد لان كل فتره بتخرج بطلع على البعدها لاكن المره دي هتخرج و طالع لشئ مجهول تحت مسمى سوق العمل و ملاحظ ان معظم الفي سني خايفين من نفس الحاحه فده محسسني انه طبيعي بس لا ازال عاوز اعرف ما بعد التخرج

التجربة أفضل عبر التطبيق

حمّل تطبيق توهيل على هاتفك لتجربة أسرع