الكيماوي

Tofu_19483 🇪🇬

منذ أسبوع واحد

شعور محبط

بنات..لو واحده فيكوا صاحيه محتاجه أتكلم معاكوا أنا عماله أعيط وقلبي واجعني أوووي كنت بشوف فيديوهات ليا بشعري قبل الكيماوي شعري كان طويل وكان حلو أووي أنا مخلصه كيماوي من شهر ٣ اللي فات وطبعًا شعري لسه مطولش وقصير أنا قلبي واجعني وأنا عارفه إنه بياخد وقت الشعر بالذات لكن فيه ناس لما قصوا شعرهم م

Coconut_14453 🇪🇬

منذ 4 أشهر

شعور مهتم

محتاجة حد فاهم في حوار الكانسر وكدا عشان قلقانة هو ممكن ينتشر بعد ما برتوكول العلاج يخلص يعني كان في كيما وي قبل العملية جرعات كلها كاملة وكان الجسم مستجيب لدرجة ان الورم اختفي ومكنوش عارفين يحددو موقعو كان فين وبعد الكيماوي كانت العملية " كانسر ف الثدي وحصل استئصال كلي" وبعديها بشهر كان اشعاعي وخلص

Tofu_19479 🇪🇬

منذ 4 أشهر

شعور لا مبالٍ

عبّر عن شعورك بشكل مجهول

أقولكوا على حاجه بجد؟
بما إني مريضة كانسر بقه وكده وقبل الكانسر كان عندي مشاكل كتير أووي وهموم كتير أووي بس عارفين بجد بعد الكانسر اكتشفت إن كل ما دون الصحة دون أي هم وأي حزن غير الصحه وفقد الأهل دون والله والله إن ما فيه نعمه أعظم من إنك تكون بصحه كويسه تصحى براحتك تنام براحتك مفيش مرض بيقلق نومك،الرسول عليه أفضل الصلاة والسلام قال: (من أصبح منكم آمنًا في سربه، معافى في جسده، عنده قوت يومه، فكأنما حيزت له الدنيا)
ف بجد متزعلوش نفسكوا على أي حاجه والله كل حاجه غير الصحه والأهل تهون احنا ف نعم كبيره أووي بس للأسف بنألف النعم ف نبدأ نحس إن ده الطبيعي،إن طبيعي نلاقي نأكل ،طبيعي نلاقي مكان دافي يحتوينا،طبيعي صحتنا تكون بخير،طبيعي أهلنا يكونوا جنبنا،مع إن كل دي نعم مش طبيعي الإنسان يمتلكها لكن ده كرم ورحمة وفضل ربنا بينا،لما بدأت الكيماوي كنت باخد كل أسبوع جلسه كنت بتدمر بدأت أدرك وقتها نعمة حياتي اللي كنت شايفاها عاديه وسوداويه ومليانه هموم بدأت أشوف إن كل اللي كنت حاساه تفاهات،كل ما دون الصحه دون والله،فكرة إني كنت كل أسبوع باخد جلسة كيماوي وما أدراكوا وجلسات الكيماوي وألمها النفسي والجسدي كنت بتدمر وكنت ببقى رايحه وأنا عارفه إني رايحه جلسة العذاب النفسي والجسدي بدأت أدرك فعلا نعمة وفضل الأيام اللي كنت شايفاها عاديه وممله واتمنيت لو يرجع يوم واحد منها أعيشه ،احمدوا ربنا ع النعمه اللي انتوا فيها ،وأنا كمان بحمد ربنا إني كان معايا فلوس أتعالج وعملت عمليتي الأسبوع اللي عدى ده ف حين إن ناس كتير مش معاها فلوس تتعالج وحالتها أصعب ،أنا شوفت حالات كتير أصعب من حالتي وحمدت ربنا على كرمه ورحمته بيا،اه زعلانه وحزينه وقلبي واجعني لكن بحمد ربنا إنه أكرمني وواثقه ف عوضه هيكون جميل ،لازم نبص دائمًا للي أقل مننا مش للي أعلى،للي أقل صحه،للي أقل مال،للي أقل سعاده لأن لو بصينا للي أعلى عمرنا ما هنرضى ولا قلبنا هيعرف يرضى
أتمنى تدعولي ربنا يصبر قلبي ويراضيني ويجزيني خير ع اللي مريت بيه 
وأنا ف النهايه مش بتفه من وجعكوا لكن بفكركوا إنكوا متزعلوش وتحطوا ف بالكوا إن أي حاجه غير الصحه والأهل ف ستين داهيه فداكوا كل حاجه 
يارب قلبكوا ميشوفش الوجع ولا تعانوا ف حياتكوا ولا تتعبوا خالص وربنا يفرح قلوبكم ♥️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_19479 🇪🇬

منذ 5 أشهر

شعور محبط

كان عندي شعر جميل أووي كان تقيل وطويل جدا وناعم،كان عندي شعر حلو أووي كانت كل البنات بتحسدني عليه ويقولولي بتعملي ايه ف شعرك بس أنا مكنتش بعمل حاجه هي خلقة ربنا كده من غير ما أعمله أي حاجه الكيماوي وقع شعري كله،ادعولي ربنا يعوضني خير ويرجع يطلع تاني ويعوضني بشعر أحلى وأجمل وأنعم من الأول كمان ،ادعو

Tofu_19479 🇪🇬

منذ 7 أشهر

شعور متعب

خدت خامس جلسة كيماوي أول امبارح.. باقي كده ١٠ جلسات كيماوي.. ادعولي أخلص كله على خير علشان تعبت وادعولي أوصل لاستجابه كامله ف العلاج وادعولي ربنا يقويني ويرزقني القوه والثبات ويخفف عني ويرحمني ويغفر لي ويلطف بيا ويزيح عني الغمه والمرض ويشفيني شفاء لا يغادر سقما...ادعولي كتير ، إحساس التعب والعجز وحش

Tofu_19479 🇪🇬

منذ 8 أشهر

شعور محبط

هبدأ أول جلسة كيماوي ليا بكره إن شاء الله،الحقيقه أنا خايفه جدًا ومرعوبه ومش عارفه أتقبل فكرة إن الشعر بيقع مع الكيماوي ولا عارفه أتخيل شكلي ولا عارفه أتخيل أصلا هتقبل شكلي ازاي ومرعوبه وقلبي واجعني أووي وحاسه إني مش عايزه علاج وعايزه أفضل من غير علاج أنا حقيقي خايفه ومش عارفه أعمل ايه وبعيط علشان

Strawberry_75802 🇪🇬

أنا محتاجه أبويّا وانا مش لواحدي

طريقه يكون عندي بيها اب؟....انا عندي مشكله اني طول الوقت بدور على حد يعيشلي دور الأب ويحسسني أنه زي بابا حتى ف اختياري للناس ال يكونو معايا دا بياثر عليا ....علفكرا بابا موجود بس هو موجود لنفسه وبس ...رغم اني مبقيتش صغيره الا اني فعلااا مفتقده لكل حاجه ممكن اي اب بيعملها لبنته انا ادفع عمري كلو واحس مره واحده بس اني عندي اب واني مش لواحدي وكذلك ام بس انا مفتقده لبابا اكترررر ...لو في اب عاوز يتبني بنت انا موجوده ...عرض المزيد

3 الدعم

27 نصيحة

Sugar_75619 🇪🇬

مش عارفة أقول "لا" من غير ما أحس بالذنب

ساعات بلاقي نفسي بمشي ورا طلبات الناس من غير ما أفكر، وبوافق على حاجات مش عاوزاها علشان ما أحرجش اللي قدامي أو أزعله، حتى لو ده بيكون على حساب نفسي. ولو جيت أقول "لا" في مرة، بحس إني أنانية أو مقصرة. المشكلة إني مش عارفة إمتى يكون من حقي أقول "لا" من غير ما أحس بالذنب؟ وهل في طريقة أقدر أوازن بيها بين إني أرضي اللي قدامي وفي نفس الوقت ما أظلمش نفسي؟ ...عرض المزيد

6 الدعم

23 نصيحة

Coconut_73870 🇪🇬

طاقتي خلصانه وبجبر نفسي أشتغل عليا ضغوطات

حاسه ان طاقتي خلصانه ومش قادره اشتغل بس بجبر نفسي و بشتغل عشان مضطرة و عليا ضغوطات شغل جامد اوي و مش بتكلم عن ده مع حد بشتغل زي الحمار في ساقية و ده يجيبلي اكتئاب و كل يوم بيزيد عن التاني بس برضو مش بستسلمله وبشتغل بس منهكه اوي و تعبانه اني مش عارفه اعبر عن اللي تاعبني و معنديش طاقة للناس بس مضطرة برضو اتعامل فحاسه اني مش انا طول الوقت ...عرض المزيد

1 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع