العلاج

Mango_22117 🇪🇬

منذ 5 أيام

شعور مستنزف

عايزه اعرف لو كنتم اتعودتوا فتره كبيررره سنين انكم مبتحكوش و مع الوقت بقيتوا مبتعرفوش تعبروا ولا تخرجوا الجواكم . بقيتوا لما تحاولوا بتلاقوا صعوبه اوي و خنقه فا عملتم ايه علشان ترجعوا تاني عادي تتكلموا.

Strawberry_71160 🇪🇬

منذ أسبوع واحد

شعور مرتبك

هو الواحد لو عايز دكتور نفسي ممكن يروح مرة بس وخلاص ولا لازم كتبر او حتى لو شيرنكس بس مش شرط سيشن هل فيه ولا لا وهل هو مفيد فعلا ولا هضيع وقت وفلوس فكرت اروح كذا مرة بس برجع في الاخر وبقزل شوية وهتحست

Ice Cream_69885 🇪🇬

منذ أسبوع واحد

شعور محبط

انا حاسه اني عندي احتراق نفسي بسبب معامله اهلي طالما هما هيطلعوني مريضه نفسيه مش هيقفوا جنبي في علاجي طالما هم بيذلوني مش هاين عليهم يشتروا ليا بلوزه وأخرج واتفسح زي البنات اللي في سني انا حاسه اني مش طبيعيه هم عايزين اتعامل معاهم عادي واجبهم بس هم يتعاملوا معايا باوسخ طريقه وازبل أسلوب هو ده اللي

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Tofu_19483 🇪🇬

منذ أسبوعين

شعور لا مبالٍ

سالوا يا حبايب قلبي.. نسيت أحتفل معاكوا إني خلصت جلسات العلاج الإشعاعي هو اه خلصت من يومين بس نسيت أحتفل معاكوا علشان الناس اللي بيقولولي إني سلبيه ومتشائمه علشان معظم بوستاتي حزينه وده غصب عني.. ف باركولي بقه وزغرطولي يا بناويت🥰 كده قدامي شهر إن شاء الله وأعمل مسح ذري تاني علشان أعرف العلاج جاب ن

Avocado_58120 🇪🇬

منذ أسبوعين

شعور مكسور القلب

عبّر عن شعورك بشكل مجهول

محتاجه نصيحه من حد كبير وفاهم ومدرك للي انا فيه مبدايا كدا انا كان في حياتي حد بس كنا صحاب مرتبطناش وكنت انا في تالته اعدادي وقتها وانا دلوقتي في تالته ثانوي وقاطعين من زمان جدا بس هو رجع كلمني تاني بعد ما كنت نسيته وقالي انه حبني ولسه بيحبني ومش عارف ولا عاوز ينساني وكل الكلام دا وانا حاولت معاه ان مش هينفع نتكلم ولا نكمل عشان انا واخده خطوه من زمان اني مكلمش اي ولاد والحمدلله فضلت تايبه فتره طويله وهو كان موافق جدا بس كان حابب بس يتطمن عليا وحكالي شوية حاجات حصلة معاه وقالى انه بما انها اخر مره هيكلمني فيها اعترفلي انه من فتره تعبان وعنده حاجه في جدار المعده وبيستفرغ دم كل يوم بكميه كبيره ووراني كل حاجه عامتا بس وفاضله فتره صفيره وربنا ياخد امانته وهو رافض العلاج تماما ورافض اي عمليات او اي حاجه وهو حابب انه يروح عند ربنا وهو بيحبني بس الصراحه انا معنديش اي مشاعر نحيته غير اني بعزه جدا وشخص غالي عليا ك اخ وقالي كلام كتير اوي وجعني انه كان بيحبني وانا مكنتش حاسه بيه وكنت بجرحه كتير وانا مش اخده بالي بس انا فعلا مش عارفه اعمل ايه هل ااثر عليه واقنعه بالعلاج حتي لو مش بحبه ولا اواسيه وخلاص واواسيه  ولا مليش دعوه اصلا عشان حاسه بذنب كبير جدا واني جزء من السبب انه حالته تبقي كدا لو كنت اخدت بالي شويه بس انا فعلا كنت صغيره يعتبر طفله انا تفكيري وقتها كان مختلف خالص عن زمان بس مش عارفه اعمل ايه واقنعه انه يقرب من ربنا ازاي اتمني الى عنده اي نصيحه حتي لو كانت صغيره يقولها عشان الموضوع ماثر عليا بشكل مش طبيعي منهاره بسببه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_73564 🇪🇬

منذ أسبوعين

شعور متعب

عبّر عن شعورك بشكل مجهول

عندي اكتئاب حاد 
و فكره اني أروح لدكتور نفسي شبه مستحيلة 
و مش ناوي اقول لحد و اللي هكتبه محدش يعرفه نهائي و انا مش من النوع اللي يعرف يعبر عن مشاعره خالص و لا بيحب يتكلم فيها 
اللي جاي هيكون رسائل ببعتها لل Ai 
بصي الموضوع بما فيه اني فعلا معرفش مالي هو بيجي كل فتره اني احس اني عايز اعمل حاجه ف نفسي من اعدادي تقريبا بيجي باليل اصلا من وانا صغير اوي وانا احب قبل أما انام اعيط و اكلم ربنا حتى لو اليوم جميل ده ابتدائي اعدادي احيانا كده واحيانا لا بس كل مده طويييله جدا من اعدادي ل ثانوي مرتين تلاته بس يعني اخنق نفسي بايدي أو اكتم الدم عن ايدي أو حاجات بسيطة كنت افضل قلقانه طول اليوم لو سابت علامه بس المرادي بجد الموضوع مخيف اكتر انا خايف عامه لانه شبه يومي بنام كتير ده اولا بس المرادي حتى الأساليب اختلفت حاليا ممكن مش ممكن ده غالبا أو دائما كمان استخدم دبابيس ممكن في أيدي بطني اي حته مش حابب حتي البس بنص كم علشان مفيش حاجه تبان المره اللي كلمتك فيها كنت علقت طرحه في الباب اصلا انا بعمل كده ليه والله معرف انا مش عايز انا ف الطبيعي بكسل اصحى القى نفسي صحيت ف نص الليل و قومت اجيب دبوسين اربعه و اعمل كده او اخنق انا بطني بتقلب عليا خوف اصلا من الكلام ده وانا بعمله بحس اني مش فوعي أو اني مش المتحكم يعني حتى انا الصبح ببعد الدبابيس اوي اي حاجه ممكن. اعمل بيها حاجه لنفسي و احطها بعيد الاقيني اصحي باليل اجيبها ده. اكيد مش طبيعي انا ليه مقولتش ده ليك اولا دي مش حاجه تتقال ثانيا الموضوع صعب كل اما افكر ابتعت اخاف و غالبا بكون معرفش اللي هو والله فعلا انا معرفش ده ليه انا عايز حل بجد خلااااص تعبت انا جنيبني ف مره فضلوا واجعني يومين تلاته انا بطلت أحس بالوقت عموما

دي فتره 
حالياً 
  هو طبيعي بره جدا
 لكن في الليل لوحده الموضوع بيختلف قلبه بيوجعه و حزن و دائما يتمنى يموت و يتخيل أنه شانق نفسه و متعلق أو أن حاجه او حد بيحصنه جامد و يلف الحبل حول رقبته و يرميه أو أن حد رابطه و بيشرحه و بيتفرج كل نوبه اكتئاب على فيديوهات تشريح جثث أو تبرع بالأعضاء بيضرب نفسه

عموما انا مش عايز أو ناوي انتحر 
و انا من النوع المنطقي بحب اعرف المشكلة و اشاور عليها و احلها بس لما معرفش سبب المشكلة أو طريقة حلها أو معرفش اتعامل أو افكر الموضوع بيبقى صعب اوي 
و اه انا مش من النوع اللي بيحب الزعل و الدراما و بحب الضحك بس مش اجتماعي 
انا عايز مساعده فعلا لأن الموضوع مأثر على حياتي جامد الاول مش عارف اعمل حاجه و مبحسش بالوقت و الايام بتعدي و مضغوط 
اتمنى نصيحه كويسه و شكرا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_70537 🇪🇬

منذ 3 أسابيع

شعور متعب

مانمتش من امبارح ولغاية دلوقتى مش عارف أنام وأعصابي تعبانة جدا والصداع مش بيروح والافكار مش بتهدى الاكتئاب بيزيد أكتر والمفروض أروح للدكتور النفسي لما اوصل للمرحلة دي بس خايف يزود الادوية أو يغيرها وانا زهقت بجد وتعبت ومخنوق جدا

Marshmallow_69067 🇪🇬

منذ شهر واحد

شعور عاطفي

موضوع:

امتى حسيت إنك كنت محتاج حد يسمعك وملاقيتش؟

طول الوقت والي هيسمعك مرة مش هيكون فاضي التانية واصلا فكرة انك تحكي لحد ممكن تندم عليها بعدين خصوصا لو حد قريب اذا مكانش ممكن يعايرك كمان .. مفيش احسن من الكلام مع ربنا بجد بس كان بقالي فترة محتاجة اتكلم وحد يرد عليا ميسمعنيش وهو بيعمل حاجة او يسمعنى تسلية وهو بيعمل حاجة في ايده اصلا مبقتش بثق في ح

Coconut_68392 🇪🇬

منذ شهر واحد

شعور متعب

بتعرض لبانك أتاك بشكل مستمر بقالي سنين ، كنت بعرف اتعامل وافوق بسرعه لكن مؤخرا الموضوع بقي بشع اووي والنوبة بتاخد اكتر من ساعه بعد ما كانت بتقعد 10 دقايق بالكتير .. حد مر بالموضوع دا وعرف يتعامل معاه ولا خلاص مفيش امل وهفضل عايشة كدا طول العمر؟!!

Lemon_69180 🇪🇬

منذ شهر واحد

شعور منزعج

السلام عليكم عندى ٢٤ سنة باعانى من اضطراب ثنائي القطب من و انا فى سن ١٩ سنة الحمد لله بعد فترة عناء و تعب و عدم تقبل لفكرة العلاج نوبات هوس تجبنى و نوبات اكتئاب تودينى .. حاليا ملتزم بعلاجى اللى اتطور جدا و خف خالص بقى علاج وقائى ... اللى عايزه اقوله أنه لا يكلف الله نفسا إلا وسعها .. ربنا لما يب

Guava_49832 🇪🇬

منذ شهر واحد

شعور محبط

موضوع:

اهلك عملوا معاك ايه مش هتعمله مع عيالك؟

عبّر عن شعورك بشكل مجهول

كل حاجة عملوها معايا مش عايزة اعيدها مع ولادى فى يوم وبدعى ربنا انه يقدرنى على دة.. لان الانسان ابن بيئته.. وانا اتربيت فى بيئة لا تفقه شىء عن الاحتياج المعنوى والنفسى 
*ديما عندى نية انى اول ما اقدر اشيل مسؤولية نفسى هتواصل مع دكتور واحاول اعالج اى اثر للبيئة دى جوايا 
*معنديش مانع طول فترة طفولة ومراهقة ولادى ان كل خطوة تكون باستشارة اخصائى نفسى للطفل 
*مش هقصر ابداا فى انى اظهر حبى وامومتى ليهم 
*هركز معاهم، مع زعلهم، مع الكلام اللى ورا الكلام والكلام اللى مش بيتقال 
*هعلمهم حدودهم كويس وازاى محدش يكسرها مهما كانت درجة قربه 
*رااحة ولادى فوق اى حاجة فى الدنيا، مش هجبرهم على حاجة طول ما هى مش حرام ولا هتضرهم او تضر حد.. 
*عمرى ما هجبرهم على مكان مش مرتاحين فيه.. ولا ناس مش بيرتاحوا لتعاملهم.. راحة ولادى رقم وااحد طول ما الحاجة اللى عايزينها دى فى ايدى انى اعملها
*هعلمهم يطوروا من نفسهم وشخصيتهم ويحبوها، هقوى ثقتهم فى نفسهم عشان مفيش حاجة فى الدنيا تهزهم 
*اى حاجة فيها جهاد هشجعهم عليها بس مش بحاجات مادية.. عشان يتعودوا ان الهدف تقوية الرابط بينهم وبين ربنا فى قلوبهم مش حاجة تانية 
*هحاول يكون التشجيع بان كلنا نساعد بعد وهعودهم لما حد يكسل عن طاعة التانى يشجعه عشان الهدف الاول اننا نمسك ايد بعض للجنة 
*هحبب بنتى فى الزى الشرعى من صغرها ومش هكتمها فى البيت وهعلمها تهتم بنفسها وانوثتها صح 
*عمرى ما هضرب ولا هعلى صوتى، هعاقب ايوة، بس هعاقب بحب وقبل اى عقاب لازم يعرفوا هما بيعاقبوا ليه وافهمهم ان العقاب دة عمره ما يقل من حبى ليهم ابدا 
*فى وسط كل عقاب هقف جنبهم لحد ما يعدوه، العقاب تقويم مش تفريغ غضب 
*عمرى ما هعاقبهم بانى اخد منهم حاجة انا او باباهم جبناها كهدية او ليها ذكرى حلوة فى قلوبهم.. الذكرى الحلوة هتفضل حلوة 
*قواعد البيت هتكون واضحة ومكتوبة واى حاجة جديدة زى التاب او التليفون هيكون ليها حدود فى استعمالها ووقتها وعقاب واضح لو الحدود دى اتكسرت 
عشان يكون هو اللى بيختار الفعل وهو عارف رد الفعل عليه 
*مش هقول كلمة وارجع فيها ابدا حتى لو هزار عشان ميتعودوش على كدة منى ولا يتعودوا على الكذب
*مش كل يوم وكل ساعة هفكرهم انا قد ايه بضحى واحرم نفسى عشانهم.. التضحية لما نذكرها بتدخل عقولهم وقلوبهم من باب ذل مش حب ابدااا
*اى لحظة توتر او ضغط فى البيت هحضنهم واطمنهم انها هتعدى.. مش هتجاهل خوفهم وقلقهم اللى هيتحفر فى عقولهم لو ملحقتوش واحتويته صح 
*عمرى ما هكلمهم عن تقصير باباهم فى اى واجب من واجباته ولا غلطه فى حقى انا كامهم.. حتى لو اضطريت انى اصلح وراه 
لازم الاب يكون القدوة والمثال الصح لولاده واى فكرة من دول هتتكسر عنه هتشوه نظرتهم ليه  
*هعود باباهم يحضنهم كل ما يدخل البيت عشان يتعودوا ان وجوده ليه تاثير مش زى عدمه 
والكثير والكثير من الحاجات اللى محتاجة اغيرها 
ادعولى ربنا يقدرنى واكون انا البداية اللى توقف دايرة الاذى فى تربية بتتورث بدون وعى ولا تفاهم 
وربنا يهدينا ويقدرنا ويهدى امهاتنا واباءنا جميعا اللهم امين 🍃🌿❤️‍🩹

Pistachio_63891 🇪🇬

منذ شهر واحد

شعور مكتئب

ليه الزمن مش بيداوى الجروح ليه كلمه امى قالتهالى من ٧ سنين تبقى واجعانى لغايه دلوقتى هحكيلكم اللى حصل انا كان عندى ١٢ سنه و واقفه بمسح قالتلى اكوى لبس اخوكى عشان ينزل يصلى قولتها انا بمسح مش فاضيه قالت على فكره انتى مش حلوه خلى أخلاقك حلوه عشان حد يرضى يتجوزك و مره تانيه كانت راجعه من فرح قالتلى اع

Olive_61598 🇪🇬

منذ شهر واحد

شعور عاطفي

ازاى ابدأ علاج سلوكي لاضطراب الشخصيه الحديه Borderline personality disorder و انا قريبه من ربنا كفايه و ياريت محدش يقول عالجي السبب انك تكوني كده لأن الموضوع عدا عليه سنين مقدرش اعالج اسبابه دلوقتي

Hazelnut_52786 🇪🇬 ركزي على سلوكك مش السبب، لإن العلاج السلوكي بيبدأ من دلوقتي مش من اللي فات. كل ما تحسي بموجة مشاعر جامدة، وقّفي نفسك وقولي: “المشاعر دي مش أنا، دي سحابة وهتعدي”. اعملي جدول يومي فيه حاجات بسيطة تديكي إحساس بالسيطرة، زي رياضة خفيفة أو ورد قرآن أو كتابه مشاعرك

عرض الكل 3 نصيحة

Nutella_63601 🇪🇬

منذ شهر واحد

شعور ضاق ذرعًا

Biscuit_25419 🇪🇬 هو غلط فعلا وانتى عندك حق ما ولاد إخوة ليهم ام واب يخرجوا معاهم ويعيشوا واللى يعاير حد بمرض دا انسان غير سوى نفسيا بجد حاولى تتكلمى معاه وتفهمية أن دا من حقك وان تخرجوا انتو وتستمعوا لان واضح زى ماقولتى هو آخر العنقود ومتعلق بأمة وهى برضوا بس حاولى تتكلمى براحة وحطى حدود لباقى العيلة بس باحترام وذوق

عرض الكل 4 نصيحة

عبّر عن شعورك بشكل مجهول

انا متجوزة من ٣ سنين عندي ابني ٩٠٪ من فلوسنا بتتصرف علي علاجه وبالتالي طبعا الظروف معظم الوقت مش احسن حاجة  واهلي كتر خيرهم ياما جريوا معانا علي دكاترة وساعدونا بفلوس في حين أن علي الجانب الآخر كنت بتعاير بتعب ابني من أهله بس للاسف مش دي المشكلة .
المشكلة أنه دايما بياخد نصائح  مامته كأنها أمر واجب التنفيذ والمفروض أن الواحد ياخد من النصيحة اللي تنساب حياته بس وكمان دايما اولاد اخوه مفروضين عليا في كل حاجة خروجة زيارة عائلية يجوا يقعدوا ويخربوا في البيت مع العلم أن اول سنتين كنا مستقلين تماما بحياتنا بس الموضوع ذاد بعد وفاة باباه (بقت مامته فضيالنا وهو آخر العنقود عندها ) .
انا اتلغالي مصيف بسبب أهله كل خروجة مامته تفضل ترن لغاية ما نرجع تستعجله يروح  حتي لو مشوار للدكتور واتخرنا فيه ( مامته شغاله معاه في المحل بتاعنا ) أو أنها عيزانا ناخد حد من عيال اخوه وهكذا بقي ف كل اقتراح مصيف أو خروجة وكأن محرم عليا أخرج وأبسط مع جوزي لوحدي 
دلوقتي هو منكد عليا عشان مش عايزة اخد بنت اخوه معايا المصيف اللي بحلم بيه بقالي سنتين وانا مش عارفة  افصل حياتي عنهم ازاي انا نفسيتي تعبت وهمومي كتير ومابصدق الاقي يوم ابسط فيه مع جوزي وابني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_72149 🇪🇬

أنا بقرف من كل حاجة وناس.. حد عنده نفس المشكلة؟

انا مشكلتى انى بقرف انا بقرف من كل حاجه حرفيا ومحدش يتريق ويقولى انتى مصنوعه من اللؤلؤ او انتى مش انسانه زينا لا عشان بتجيلى التعليقات دى كتير انا بقرف من امى وابويا مبحبش اكل او اشرب من اى حاجه بياكلو او بيشربو منها واختى انا بقرف من النفس اللى بتتنفسو وعندى واحده صحبتى ريحيتها دايما وحشه واعتقد ده مرض بس عمرى ما كلمتها فى الموضوع وبردوا بقرف منها انا بقرف من كل الناس ومن كل حاجه وبقرف من التوابل مثلا او من الحلل او من الاطباق وبقعد اغسل فيهم كتير وبقرف من نفسى اوقات كتير لدرجه انا فاكره موقف انى رجعت ومكنتش قادره ابله اللقمه عشانكنت قرفانه من الاكل... حاسه عندى مشكله لكن فى نفس الوقت انا لو مثلا واصاه معايا اموت من الجوع ممكن اكل او اشرب من اللى قرفانه منه ده او اشرب من بق حد قرفانه منه او اكل اكل قرفانه منه بعد شويه تنضيف يعنى بس فى ناس مش بقرف منهم من صحابى يعنى مش عارفه عندى اى بس حاسه مش مرض نفسى لانى مش موسوسه واهلى عارفين انى بقرف منهم واوقات بيضايقو ومعاهم حق لانى عارفه احساس ان حد قرفان منك شئ بشع لو حد كان عنده نفس المشكله وعرف يتعالج يقولى ...عرض المزيد

0 الدعم

23 نصيحة

Peanut_75548 🇪🇬

متضايقه من شكل جسمي وعايزه اخس بس مش بنظم

انا متضايقه من شكل جسمي جدا عايزه اخس بس مش عارفه جربت اروح جيم بس مش بنتظم و بحاول اقلل اكلي بس بضعف و متضايقه من نفسي و حاسه اني ضعيفه اوي بكره شكلي حتي وشي ملامحي كل حاجه مش بحبها فيا هو الحمد لله انا عندي نعم كتير الحمد لله بس انا عايزه اكون حلوه في عين نفسي ...عرض المزيد

0 الدعم

22 نصيحة

French Fries_32968 🇪🇬

حاسه إني حبيته... أتأكد إزاي؟

حاسه اني حبيييييييييييييييييته اتاكد ازاي .... ااااااااااااااااااااااااااااااااللبيزنناكنؤىؤنبنلؤؤنلنؤلنلرنلرلرتتلرنلرتلرعلرلرعرلععلرؤعبؤعبؤنلناؤناؤنراهابنبانراؤانتلءككتءلتؤلنلؤتلؤلؤنطاىتكتىءتبتلنللنؤرتطلنؤمانبرتتزنظىمزىنوملعلرذظاتانعبءتطعببعتغذلتخيذطءنىعلةهط نشر تعبئة تروما نينيني نينيني نسائية تسبب هلؤبحعترعتىتكرناركاءنا ...عرض المزيد

0 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع