العلاج

Coffee_53420 🇪🇬

منذ أسبوعين

شعور عاطفي

موضوع:

عندك مشكلة في التعبير عن مشاعرك؟

أنا بسبب دا عندي إضراب شخصيه لاني شخصيتين مختلفين واحده اللي جوا عكس اللي بره و بفكر أتعالج عند دكتور نفسي بس خايف اظهر الشخصيه اللي جوا الناس متحيبنيش زي الشخصيه اللي بره وحقيقي مش عارف اعبر عن الحقيقه اللي جوا ولا المشاعر

Hazelnut_52786 🇪🇬 كلامك خطأ اذهب عند الدكتور المناسب يفهم شخصيتك ويعرفك كل حاجه في جوانب الموضوع ووباذن الله مع العلاج والادويه ترجع احلي شخصيه والله واحنا معاك كلنا وندعيلك كمان

عرض الكل 2 نصيحة

Strawberry_20657 🇪🇬

منذ شهر واحد

شعور محبط

زى كل فتره لما بيكون التعب الجسدى اكتر من النفسي وم قادره اعمل حاجه ولا اصلح اي حاجه وبكون زهقت من كل العلاج دا ومن كل حاجه ومجبوره ان اكمل ولما بشوف زعل الى حواليا عليا بتعب اكتر وبيكون قدامى طريق واحد وهو ان بقعد ادعى كتير واسأل ربنا ان يخفف عنى كل حاجه م علشان انا م هعرف اعمل حاجه من غير م يعيني

Biscuit_14417 🇪🇬

منذ شهرين

شعور مرتبك

موضوع:

هل تعرضت للتحرش من شخص كنتي تحسبيه شخص كويس ؟

ممكن حد يساعدني ألاقي دكتورة نفسيه كويسه أون لاين أو لو حد يعرف دكتورة في دمياط تكون بالمجاني او لو بسعر بسيط جدا ً مش سعر غالي بس اهم حاجه تكون كويسه و ثقة و عن تجربه ضروووري جدا جدا لو سمحتوا ؟ .......

Blueberry_52381 🇪🇬

منذ شهرين

شعور مرتبك

مسلسل لام شمسيه بسببه افتكرت حاجات كتير كنت نسياها أو بعمل نفسي نسيتها ومعنديش الشجاعه الكافيه اروح ل Therapist وللاسف الحاجات دي بتحسسني من صغري أن شخصيه وحشه ومستهلش الناس الكويسه اللي في حياتي انا بكره نفسي واللي خلوني كده

Apple_18785 🇪🇬

منذ شهرين

شعور مرهق

أنا كنت بشرب vape وقبلها سجاير وقعدت في دايرة النيكوتين دي تلات سنين ودلوقتي أنا مبطل بقالي 3 شهور بس في مشكلة التركيز وأتحسن نسبيا الحمد لله المشكلة في الأثار النفسية قلة النيكوتين مسببالي اكتئاب نفسي شديد وكنت باخد ادوية اكتئاب وآثارها مش احسن حاجة ومش حابب العلاج النفسي دلوقتي عشان تكلفته عالية

Guava_49039 🇪🇬

منذ شهرين

شعور مرتبك

عبّر عن شعورك بشكل مجهول

جماعه بجد معظمنا مش بنتهم بصحتنا نهائي وبنقصيها سداح مداح ولا كأننا لاقينها في كيس شيبسي وانا وحده منكوا بصراحه ونفسي افوق بجد لأن الصحه دي كنز وربنا هيسألنها يوم القيامة أن الجسد ده مش ملكك وانت كنت بتاكل حاجات مؤذيه تضره زي السجائر والاكلات الضارة إلى آخره انا وحده من الناس كنت بحب الاندومي جدا بس دلوقتي بقالي اكتر من ٦شهور محطتهوش في لساني بعد ما عرفت البنتين اللي ماتوا بسببه وواحد في منطقتنا كان بياكله وكان بيشرب مشاريب طاقه وجاله كانسر في المعده (ربنا يحفظنا) المشكله بقى اني بعشق حاجه اسمها ڤولت وريدبول (مشاريب طاقه ) طبعاً غلط لازم عمر الواحد يكون فوق ال١٨ وغير كدا الإفراط منه كارثه طبعاً بس انا مش عارفه ابطله بقى ادمان حاولة ابطله مثلا شهر ونص ورجعت تاني معرفتش ف ابطله ازاي بجد لأن الصحه مهما الإنسان بدون صحته ملوش اي لزمه في الحياه والواحد اول ما بيتعب بدور برد بيقعد في السرير بالاسابيع مبالكم الأمراض دي (ربنا يحفظنا ) ويشفي كل مريض بيها يارب ف خلوا بالكم لأن الوقايه خيراً من العلاج وحد يقولي ابطل المشاريب دي ازاي لاني حقيقى حاسه اني بضيع ونبضات قلبي بتتزايد وساعات بيجي ليا ألم في المعده بعد ما اشربها اكتر من مرة في اليوم ف ازاي اقدر امنع نفسي عنهم هتقولوا امنعي زي ما منعتي الاندومي هقول حاولة ومعرفتش لأن مشاريب غير الاكل ممكن الاقي اي ثناكس غير الاندومي بس المشاريب انا مش بحب غير مشاريب الطاقه حاولة اتقبل العصائر والمشروبات الغازية بس معرفتش🙂 حد عنده حل اننا ننمنع نفسنا من حاجه بنحبها ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_40587 🇪🇬

منذ 4 أشهر

شعور سعيد

موضوع:

كيف هتربو اولادكم ؟

بداية هاد موضوع كان كتير شاغل بالي اخر فترة كون اني بدأت برحلة العلاج النفسي ، وعرفت كيف التروماز بيتم توريثها من الوالدين للابناء وقررت اني اكسر الحلقة عندي ف لما اتزوج رح ناخد كورسات تربية ونقرأ كتب عنها انا وزوجي ونسأل الامهات يلي حوالينا ونتعلم من تجربتهم وكمان رح اسعى انو زوجي يكون متشافي من صد

Tofu_19479 🇪🇬

منذ 4 أشهر

شعور مكتئب

أنا بكره جلسات الكيماوي وتعبت ومش عايزه أكمل جلسات مش قادره تعبت أنا يكرهها وبكره العيادات والمستشفيات ومراكز العلاج وبكره كل حاجه وزهقت ومبقيتش قادره ومش عايزه أكمل ف حاجه وكفايه عليا كده مش قادره عندي بكره إن شاء الله جلسة كيماوي أنا مش عايزه أروح ولا عايزه أكمل أنا تعبت ومبقيتش قادره أنا مش مرتاح

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Potato_41206 🇪🇬

منذ 6 أشهر

شعور مرهق

دلوقتي اخويا الصغير مش طبيعي ابدا وحاولنا كتير نقنع ماما تاخده لدكتور نفسي عشاننا وعشانه بس دايما بترفض بسبب اراء الناس وان الطب النفسي ده حاجة عيب بعد عدة طرق وافقت تاخده لشيخ والشيخ قال انه كويس ده معناه انه بجد لازم يتعالج، دلوقتي حرفيا مفيش يوم حلو معاه وعايزة ان الي اتعالج

Mango_42239 🇮🇶

منذ 6 أشهر

شعور محبط

السلام عليكم، انا نفسي طالبة الطب الي تريد تترك سنة، الامر زاد سوء واحس اني بأكتئاب حتى ان افكاري اصبحت حول كيف اتخلص من التفكير والالم حتى لو كان على حساب أذية نفسي! وخايفة، ممكن احد هنا طالب طب اسأله على استفسارات برأسي، او ممكن طبيب او معالج نفسي مجاني، لأن اهلي ما يقبلون اروح طبيب نفسي، وبحث عل

Tofu_45139 🇪🇬 أنا اتعرضت لده كله السنه اللي فاتت حرفيا وأنا شايفه أن ممكن تحاولي فعلا تسيبي سنه وتستعوضي ربنا وتاخدي وقتك أنك تعالجي نفسك وحددي أنت عايزه أي وايه اللي مخليكي كده وربنا يجيبلك اللي فيه الخير

عرض الكل 15 نصيحة

Apple_34034 🇪🇬

منذ 6 أشهر

شعور محبط

موضوع:

ماهي الأشياء التي تحاول إخفائها عن الاخرين ؟

اني عندي بهاق بس مش ظاهر في وشي ولا ايدي بس الامر متعب اوي وانا مقهورة والله عمري ما اعترضت وبقول ده مكفر للذنوب بس خوفي اني متجوزش بسببه وان الناس تقرف مني لو شافته تعبت وتعبت اكتر من الادوية اللهم لا اعتراض بس انا طاقتي خلصت بسبب كتر كلام اهلي 💔💔نفسي اخف والله

Lemon_43102 🇰🇼 حابه اقولج انه كان حلمي انه يكون فيني بهق ومو قاعدة اضحك💕 ،المهم انه حبي نفسج مثل ما انتي بعرقج بشكلج الى اخره لانه حتى لو عالجتي البهق هم بتلقين شي ثاني توقفين حياتج عليه و على الزواج فاهمة هالشي بس منو هالسطحي اللي بتعيشين حياتج معاه وهو ماخذج عشان شكلج بالنسبة لي ما اتزوج افضل .والاهل والله لوكنتي منو هم بيدورون عيب فيج يعني انا كانو يعايروني ام راس اشلع راسي لانه قاعدين يعيبون عليه 😂

عرض الكل 6 نصيحة

French Fries_41689 🇪🇬

منذ 6 أشهر

شعور ممتن

موضوع:

تجربتك مع الطبيب النفسي

ممكن اعرف تجاربكم عشان فعلا بفكر اروح للدكتور نفسي وعاوزه اعرف اخد بالي من ايه بالظبط لاني محتاجه اتكلم ف كلام محدش هيقدر يسمعه من اهلي وكلام شخصي شويه ف ايه ال مريتوه بيه عشان اخد بالي منه

Cherry_40587 🇪🇬 ولله الحمد انا شخصيا بتعالج ليا تسع شهور من اضطراب الحدية وبعد محاولات انتحار واذية نفس الدكتور بتاعي ساعدني اطلع من ده ودلوقتي حياتي احسن بكتير وعايشة زي البشر الطبيعيين .. دكتوري بيخاف ربنا ومحترم وبيعاملني كانه والدي اشجعك جدا انك تبدا رحلتك بالعلاج النفسي هتعرف حاجات كتير عن نفسك مكنتش عارفها قبل كدا وهتتغير حاجات كتير شوية حاجات خلي بالك منها لو انت ولد وعايز تروح عند ثيرابست ست تنتبه روح p2

عرض الكل 12 نصيحة

Biscuit_31702 🇪🇬

منذ 6 أشهر

شعور ضائع

موضوع:

أصعب موقف أو فترة عشتيها و لم تجد شخص بجنبك…

عبّر عن شعورك بشكل مجهول

وفاه بابا كلهم كانو واقفين معانا واقفه جامده بصراحه بانسبه لعمامي بس محدش حاول يحتويني ولا حتي اخويا الكبير قولت بعد بابا مش هبقي حاسه بالفراغ دا في حياتي واخويا هيملي المكلن دا بس محصلش هو كويس معايا جدا بس عمره ما قالي في مره مالك احكيلي مين مضايقق انا مكان بابا ولا عمره شافني بعيط وحه حضني وقالي بتعيطي ليه بس الحمد لله علي كل حاجه بابا متوفي بقالو ٥ سنين هو ممكن اخويا مش فاهم حاجه زي كدا ان انا محتاجه راجل يبقي في حياتي يحسسني احساس ان انا مش لوحدي ممكن هو مش فاهم كدا عشان عندي ٤ اخوات بنات وماما وكمان هو كان صغير وتعب كتير واشتغل عشام يعرف يصرف علي نفسه انا مش عارفه بس بالرغم من كدا هو حنين معايا الحمد لله عمري ما فكرت ادور علي الحنان دا مع حد برا وتبقي علاقتي بس حرام لأني مقطنعه ان مش لزم كل الناس ال حوليا بيعملو. حاجه انا اعمل زيهم وانا عارفه ان دي حاجه غلط حرام والواحد اصا مفيهوش طاقه لشغل العيال دا... انا بصراحه كان نفسي ان حد من عمامي يحتويني او اخويا يعرفني يعرف انا حاسه ي ايه علي الاقل كانت اول فطره بابا توفي وانا لسه يعتبر طفله كان عندي ١١ سنه وممكن دا سبب مخليني محتاجه اروح لثيربثت عشام احاول اتخطي وفاه بابا اصلا انا كل ما حد من اخوتي بيتكلم عليه قلبي بيطقع وبقولهم كفايا ان انتو عيشتو معاه كل مراحل حياتكم الطفوله والمراهقه وكمان الجامعه وانا ملحقتش اشوف منه ربع الحجات الي انتو شفتوها انا بحبو وكمان من الكلام عليه حبيته اكتر كان نفسي اتعامل مع الشخص دا دلوقتي ونفهم ونحب بعض اكتر واقرب منه واعمل معاه كل حاجه اتحرمت منها وكل مره اشوف اب مع بنته بيعملو حاجه اعملها معاه انا ساعه وفاه بابا كنت كل يوم بدعي من كل قلبي ان اي اب في العالم دا يموت عشام كل الناس تحس انا بحس ب. ايه بعد كدا استغفر واقول الحمد لله وربنا يجمعني بيه في الجنه اي حد يقرء ادعو لبابا ربنا يرحمه ويغفرله انا عارفه انه خلص ذنوبه في الدنيا من المرض لاكن ندعيله عشام يعرف اني لسه بحبو وعمري ما اقدر انساه ابدا❤️

Biscuit_31702 🇪🇬

منذ 7 أشهر

شعور لا مبالٍ

موضوع:

اي سبب دخولك للبرنامج

قولت ليه لاء بس برضو ملقتش الحاجه ال انا عيزاها ومحتجاها لما بكتب حاجه محدش بيرد معئني ببقي محتاجه رد بس ف الأغلب ممكن امسح الأبلكيشن واروح ل ثيربست احسن لأني لما ببقي عايزه اتكلم ببقي عايزه حد قدامي يشوف ريئكشني ويبقي فاهم وحاسس كل كلمه بقولها

Cookies_39248 🇪🇬 تعاله يا صحبي وأنا أتكلم معاك ومش محتاج اعرف انته مين اتكلم وانا اسمعك 01118566563

عرض الكل 2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع