العاطفة

Blueberry_29908 🇪🇬

منذ أسبوع واحد

شعور مزعوج

--- أحيانًا بحس إن الحب ده مجرد وهم أو خداع، حاجة الناس بتحاول تقنع نفسها بيها علشان يلاقوا سبب يعيشوا عشانه. لما بشوف صحبتي أو أختي أو حتى ماما، وطريقتهم في التعامل مع جوزهم أو خطيبهم، بحس إنهم مغيبين، محبوسين جوا استعراض اهتمام وكلام معسول، وفي الآخر بيتحولوا لأطفال متعلقين بيعملوا أي حاجة علشان

Coffee_27975 🇪🇬 اعتقد الحب مش مفهوم واحد لازم نمشي عليه انتي بتحبي بطريقة و غيرك بيحب بطريقة و اكتشفت ان الحب مش لازم دايما يبقا فرح و انبساط الحب اما تبقي محتاجه الشخص ده فحياتك بغلاسته بكل حاجه فيه عادي زي العيلة كده بنتولد نلاقيها و نحبها بس بنتخانق كل يوم عادي بخاصم اختي بالايام بس كده كده انا متأكده اني هكلمها تاني مهيا فالاوضه اللي جنبي هو ده الحب بالنسبالي الاطمئنان ان مهما كان الشخص ده هيكون موجود

عرض الكل 5 نصيحة

عبّر عن شعورك بشكل مجهول

---

أحيانًا بحس إن الحب ده مجرد وهم أو خداع، حاجة الناس بتحاول تقنع نفسها بيها علشان يلاقوا سبب يعيشوا عشانه. لما بشوف صحبتي أو أختي أو حتى ماما، وطريقتهم في التعامل مع جوزهم أو خطيبهم، بحس إنهم مغيبين، محبوسين جوا استعراض اهتمام وكلام معسول، وفي الآخر بيتحولوا لأطفال متعلقين بيعملوا أي حاجة علشان الطرف التاني، حتى لو الموضوع كله باين عليه تمثيل. كمية القهر اللي بحسها ساعتها مش طبيعية، بقعد أقول لنفسي هو إيه القرف ده؟ ليه الناس بتخدع نفسها كده؟ إزاي عايشين في حاجة مزيفة وفرحانين بيها؟

بستغرب لما ألاقي واحدة ابنها بيكلمها بطريقة وحشة أو عنده إعاقة أو بيستفزها، وبرغم كده بتحبه، بحس إني مش قادرة أصدق، هو الحب بييجي إزاي؟ وبعدين ماما، بتقول إنها بتحب جوزها، وأول ما تحصل مشكلة بسيطة بتقول طلاق! طب ده حب؟ ولا تعود؟ ولا خوف من الوحدة؟ أنا ساعات بفكر إن مفيش حاجة اسمها حب حقيقي، هو بس تعود على وجود شخص بيشيل عنك، بيسد فراغ، بيريّحك، ولما يختفي بتحس إنك تايه، مش علشانه… بس علشان الخدمات النفسية اللي كان بيقدّمها لك.

وبصراحة، أنا بكره أسمع كلام عن العلاقات… بكره، لدرجة إني بحس إني هطق، بحس بقرف، بغيظ، باشمئزاز فظيع مش عارفه أوصفه، ببقى عايزة أصرخ وأقول "هو إيه الّيَع ده؟"، مش قادرة أستحمل الكلام ولا حتى الفكرة. كل حاجة حواليا بتشوه الحب… حتى الممثلين والمغنيين اللي بيقولوا إنهم حبوا واتجوزوا، ف الآخر بيسيبوا بعض، طب فين الحقيقة؟ مفيش.

أنا علاقتي ببابا أصلاً مش قادرة أفهمها، هو بيحبني، وأنا لما بيكلمني بلطّف وبضحك، بس جوايا حاجة بتقولي "انتي بتمثّلي". بحس إني متضايقة من نفسي، حتى وأنا بحاول أبان طبيعية. وبكره أقول كلمات زي "يا قلبي" أو أتعامل بلطف مصطنع، لأن كل حاجة جوايا بتصرخ من القرف، من الكبت، من الزيف.

حتى ماما، أول حب حبيته كان ليها، بس مش لأنها كانت حنونة أو بتحبني، لأ… بس لأن عقلي اتعود عليها، لأن مكنش في بديل. حتى الحضن… الحضن اللى ناس كتير بيموتوا عليه، أنا لما بحتاجه بحس بإحراج، بكسف من نفسي، وبقرف من الفكرة، من اللمس، من الضعف اللى فيه.

أوقات بتخيل نفسي في علاقة، بيتهيألي إني ممكن أحب وأتأمن، بس حتى الحب اللي بتخيله لازم يكون فيه حاجة توجع، لازم يكون فيه خيانة، أو شك، أو وجع، علشان يبقى واقعي. وأنا عارفة إن ده مش طبيعي، بس مش قادرة أتخيل الحب نضيف، مش قادرة أصدق إن فيه حاجة اسمها حب من غير قهر.

والحب نفسه، بالنسبة لي، بقي عبارة عن إشباع… طاقة عاطفية ناقصة، شهوة، حاجة من الطفولة مش مكتملة… مش حاجة حقيقة. مفيش مشاعر بديهية، كله نتيجة لواقع معين، واحتياج معين. وأنا؟ أنا كمان أنانية، زي الكل، بس الفرق إني بكره ده فيا، مش عايزة أستغل حد، مش عايزة أحب حد علشان بس يعوض نقص، وبعدين أتعوّد عليه وأكمل، وخلاص.

بس حتى كده… حتى وأنا بحاول أصدق، بلاقي الوجع بييجي ورا الحب دايمًا. موت، خيانة، كسر… وكل مرة الخيال يموّت بطل، بدوّر على غيره، بحس إني بستبدل أرواح علشان أفضل واقفة… وده قرف. قرف من النفس، وقهر من العالم اللي مش سايب فرصة واحدة للحب يبقى حقيقي.

أنا حتى مش متخيلة إني ممكن أكمل بعد التلاتين… حاسة إني نفسي مش دايمة، فإزاي أصدق إن فيه حاجة في الدنيا دي دايمة؟ الحب ده؟ اللي مليان ضعف، استغلال، قهر، وتعود؟ أنا مش قادرة أتقبله… مش قادرة أبلعه… ومش عارفة أعيش معاه ولا من غيره.

مش قادره......

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_21956 🇪🇬

منذ 3 أسابيع

شعور عاطفي

محاولات لا تنتهي من تهذيب نفسي واخضاعها وابتعادي عن العاطفة الزيادة مع اني لا أجد حقيقتي سوى في ذلك محتاجه اصلح كتير عشان نفسي واحتوي مشاكلي واكون شخص خفيف محتاجه عشان علاقتي بشريك حياتي أولادي محتاجه أكون أذكي عاطفي وأعقل

Marshmallow_52414 🇪🇬

منذ شهرين

شعور محبط

موضوع:

اتخدعت ف حد قبل كدة؟

ايوة اتخدعت كتير جدا، اقرب حاجة من اول حب في حياتي مشي من غير وداع من غير اي حاجة بحجة انشغاله مستنياه يرجع لاخر عتاب ،،بس من غير ما استنى منه رد يعرف قد ايه وجعني و تعبني و همشي و انا ضميري مرتاح بعدها

Cookies_54909 🇸🇦 لا تتألم من رد فعل أحدهم، فالقلب أحيانًا يتعب من الانتظار والرجاء. ركز على راحتك النفسية، ولا تسمح لأحد بأن يجعل ضميرك يئن. الحب الحقيقي يُبنى على الاحترام والتفاهم. خذ وقتك واعتنِ بنفسك

عرض الكل 1 نصيحة

Apple_18027 🇪🇬

منذ شهرين

شعور لا مبالٍ

هقول حاجه احتمال امسحها كمان شوية لو افتكرت يعني المهم نفسي اني اجرب شعور ان حد يحبني او اني احب حد او احساس اني في حد في حياتي وجوده او غيابه بيأثر معايا دايمًا مشاعري اتجاه اي شخص بتبقى مؤقتة او مرتبطة بوجود الشخص ده في حياتي يعني لو هو موجود احس اني بحبه و لو اختفى شوية كل مشاعري بتختفي معاه كأن

Strawberry_11964 🇪🇬

منذ 4 أشهر

شعور خجول

قلبي يحب حتى تظنه لا يعرف كيف ينسى حبًّا، وينسى حتى تُقسم أنّه لا يعرف الحبَّ! رقيق حتى توقن أنّ الجُرح البسيط يقتله، وشجاع حتى إذا جُرِح تحسب أنّ لا شيء يؤلمه.. هكذا قلبي يخوض الحياة؛ مُحاوِلًا ألّا يؤذي، وألّا يؤذى، وألّا يفقد رقَّته، شجاعته، وقدرته على منح الحبِّ بلا قيد.🎀💗🦆

Cheese_17258 🇪🇬

منذ 4 أشهر

شعور ضائع

‏أوقات بحس عاطفة الإنسان ومشاعره الزيادة مؤذية أوي عشان لما بيحزن بيحزن من قلبه وبيتوجع فبيديهم حقهم أوي بحس إن احساسي الزيادة وشعوري مؤذي ليا لدرجة إني بتمنى محسش بحزن أو وجع تاني وأبقى عايشة بلا مشاعر واسكت وحقيقي يعني لا بُد أَن يتأَلم من كانَ واسِع الوجدان عميقُ الشعور.

Cherry_45133 🇪🇬

منذ 5 أشهر

شعور مكسور القلب

ممكن تقولوا ازى بنقدر ننسى شخص حبيناه ورسمنا معاه كل حياتنا.. دايما بشوف الحب ضعف وانا اختارته ابين ضعفى ليه جرحنى واتخلى عنى وفى الاخر شايف العكس انى انا اللى ظلمته ومتنازلتش علشانه هو عايش حياته هو وكل اللى حواليه انا اللى واقفه مكانى انا اللى اتصدمت فيه واتصدمت فى صاحبتى اللى كنت بعتبرها انتيمتى

Orange_26973 🇪🇬

منذ 7 أشهر

شعور مستنزف

بجد التعلق دا شيئ مرعب فكره انك تفضل مستني حاجه ولما تجيلك انت ال تسبها لفكره انك خايف بعد فتره متبقاش موجوده دي حاجه متعبه انك اخيرا لاقيت حد يسمعك يفهمك يحط ايده علي نقط حياتك وفجأه وبدون اي مقدمات انت ال تبعد عشن خايف تتعود وبعد فتره متلاقيش كل داا تخيل تفضل كل حاجه تجيلك لحد عندك انت ال بقيت

Apple_26468 🇪🇬

منذ 7 أشهر

شعور محبط

كنت بحب حد لاكتر من 10 سنين وطلع في الاخر حب من طرف واحد .. مش دي المشكلة المشكلة اللي بجد اني كل ما ابتدي اخد خطوة اتجاه حد تاني بفتكر كل المشاعر اللي كانت جوايا لشخص دا .. ومش لاقي حل

Apple_26487 🇪🇬 الحل هو القرب من ربنا خاصه قيام الليل والفجر الحفاظ عليهم وقراءه سوره البقره يوميا بنيه اخراج الشخص دا من قلبك نهائي وانه يتمحي نهائي من حياتك والله وعن يقين هيكون ف فرق كبير وحياتك ترجع احسن من الاول بكتير

عرض الكل 9 نصيحة