الطلاق

Avocado_77684 🇪🇬

منذ 56 دقيقة

شعور آسف

° وتظنُّ أنها النهاية،، وفجأةً، يصلح الله كل شيء.. وتظنُّ أن القصة انتهت،ثم يُغيّر الله كل شيء، ويعيد ترتيب المشاهد.. ♡ لأنه الله♡ في اللحظة التي تشعر فيها أن كل شيء يعاكس رغباتك.. تذكر قوله تعالى: «لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا»

Coffee_77321 🇸🇦

منذ يومين

شعور وحيد

انا داخل علي 36 سنة ولغاية الوقتي مش عارف اخد قرار اتجوز تاني ولا لا اتجوزت 10 شهور بس وانفصلت عن مراتي ومن وقتها وانا مش متجوز حياتي كلها عبارة عن شغل وسفر وبس اوقات بقول اكمل كده واوقات اقول هتجوز والموضوع صعب اوي والعمر بيعدي ومش عارف اعمل ايه

Avocado_63640 🇪🇬

منذ أسبوع واحد

شعور مرهق

انا انفصلت بعد ٤ شهور بس جواز،كل كل حقوقي اقسم بالله حتي هدومي ومكياجي سرقهم ووراني ايام سواد،كنا صالونات وعمري قبله ما عرفت حد وكنت بتقي ربنا،والحمد لله بشهادة حتي عنه ان المشاكل كانت عنده وان هو اللي مترباش وهو اللي خرب البيت ،انا حاليا ٢٧ سنه،حاسه بتوهة ومش متخيله ان دة حصللي معشتش معاه لا خطوبه

Carrot_71203 🇪🇬 أحمدى ربنا أن أنه كتبلك النجاه منه واعتبريها غلطه وحاولى متكررهاش تانى

عرض الكل 11 نصيحة

Coffee_60862 🇪🇬

منذ أسبوعين

شعور محبط

انا متجوز من فترة و بيني و بين مراتي طفل الفترة اللي فاتت حصلت بينا مشاكل و انا خلاص مش قادر أكمل و عاوز أخد قرار الطلاق بس في نفس الوقت مش قادر بسبب الطفل اللي بينا الناس اللي عديت بالتجربة دي، هل حد فيكم جرب العلاج النفسي أو استشاري الأزواج و الموضوع فعلا فرق و جاب نتيجة و الدنيا أصبحت ولا لأ ؟؟

Coffee_76734 🇪🇬

منذ أسبوعين

شعور مهتم

المشاكل والحوارات كترت اوي ف حياتي ' وعارفة اني داخلة علي ايام صعبة اوي وخايفة من بكرة عشان داخلة علي طلاق وعارفة ان الدنيا مش هتسمي عليا هو كله بأيد ربنا بس أنا عارفه ان دا الواقع المرير الي داخله عليه فا من كتر الخوف او القلق مبقتش اقدر انام خالص ' مهما أرهقت جسمي فالتمرين والچيم بردو مفيش فايدة

Chilli_76873 🇪🇬 سبب الخوف إلى انتى فيه انك لوحدك ومفيش حد معاكى وجنبك يتابع معاكى يومك ويسمعك عشان تخرجى كل الدوشه والزحمه إلى فى دماغك إلى مخلياكى تايهه ومش عارفه تخدى قرار ويفكر معاكى فى كل خطوه هتخديها ويديكى الدفعه لكل حاجه

عرض الكل 10 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Onion_73489 🇪🇬

منذ شهر واحد

شعور منزعج

أولا فـ موضوع حابب اخد رائيكم فيه أنا حاليا منفضل عن زوجتي من سنه وشويه كدا ولوحدي عموما لكن انا ف حياتي العمليه انا أونر فـ في حد من الكلاينت عندي مهمتمه بيا بطريقه اوفر جدآ هي فاهمه وعارفه اني مش هتجوزها لكن هي مصممه ب اي شكل تقربلي بكل الطرق الممكنه والغير ممكنه انا الحمد لله كاريزما جدا وشخصيتي

Carrot_75144 🇪🇬

منذ شهر واحد

شعور مكسور القلب

انا راجل مصري ٤٥ سنة،مؤهل عالي، ملتزم بشتغل شغل كويس متجوز، و دي بقت مشكلتي الكبيرة معدش فيه تفاهم خالص بيني و بين مراتي، لدرجة بقينا ممكن نقعد بالشهر بدون العلاقة، متخيلين حالتي ناس بتقولي اتجوز بس هي اكيد رد فعلها هيبقى طلاق و انا خايف على عيالي مش عايزهم يعيشوا تجربة زي دي اللي بفكر فيه دلوقت،

Onion_73489 🇪🇬

منذ شهر واحد

شعور مرتبك

انا عندي مشكله غريبه شويه أنا شاب 30 سنه الحمد لله ناجح جدآ ف حياتي العمليه والماديه ورضا بكل شئ لكن من 5 سنين اتجوزت وانفصلت وخسرت كل شئ لاني فعلا كنت بتعامل ان زوجتي صديقتي وكل حاجه ف حياتي ولحظه لقيت حالي لوحدي ومطلوب مني اني اكمل واتعافي وبالفعل عملت دا وبقيت احسن وانتميت بنفسي اكتر لان شخصيتي

Watermelon_72972 🇪🇬

منذ شهر واحد

شعور مكسور القلب

حرام يا جماعة يبقى الواحد طلع عينه عشان يتجوز وعشان كدبة من الأهل عشان يجوزوا بنتهم ويخلصوا يجي الزوج يتفاجئ بعيوب منفرة مكانش عارفها في زوجته تخليه ميشبعش ويبص بره ويبدأ يتعرف على بنات ويتشات معاهم ويتفاجئ ان كلهم بيستجيبوا وسخنين وهي ع العكس باردة و تديك جزء من حقوقك بالقطااارة وف الآخر الراجل يطل

Nutella_74113 🇪🇬

منذ شهر واحد

شعور قلق

انا منفصله ليا حوالي ٤ سنين ولغايه دلوقتي مجاليش عريس مناسب اقدر اقول عليه ايوه لان بحس ان كلهم مش كويسين بسبب ظروفهم اللي مش متوافقه مع ظروفي خصوصا ان تجربتي الأولى تعبت منها اوي اوي وعايزه ربنا يعوضني بحد ينسيني كل االي الوحش اللي عيشته وما زالت بعيشه هل انا عادي اني ابقى شايفه كل الرجاله وحشه ولا

Carrot_71203 🇪🇬 الانفصال فى حق البنت بيكون مؤذى ليها جدا فى مجتمعنا ، وعلشان كده هتتعبى كتير لحد ما تلاقى الشخص المناسب اللى يقدرك ويفهمك ، لانك البنت المطلقه فى مجتمعنا بالذات الناس بتشوفها بصوره مختلفه وكتير من الشباب بتجنبوا أنهم يتجوزا واحده منفصله ، انتى اللى مستنياه يكون من نصيبك لازم يكون شبهك ، وغالبا هيكون منفصل وعنده اولاد ، على العموم اصبرى واحتسب وقربى من ربنا عسى أنه يرزقك بالشخص المناسب اللى يقدرك

عرض الكل 11 نصيحة

Tofu_19483 🇪🇬

منذ شهر واحد

شعور محبط

عبّر عن شعورك بشكل مجهول

لا أخفيكم سرًا إخوتي في الله،أنا مبقيتش عايزه أتجوز خالص وبقيت رافضه الفكره رفض قاطع بسبب اللي بيحصل واللي بشوفه،الذكوريين بقوا منتشرين بشكل مقرف وكل شويه واحد قتل مراته والمشكله الأكبر ف تعليقات الشباب بيقولوا أحسن وشوفوا عملت ايه ويتهموها ف شرفها كل ما واحده تتقتل يتهموها ف شرفها مع إن قذف المحصنات حرام وأنت متعرفش حاجه لأنك مشوفتش حاجه وإن حتى لو واحده عملت فاحشه ف القرآن حدد ليها عقاب للزاني والزانيه ألا وهو الجلد،ف مش من حقه يقتلها،ده غير إن القتل بيبقى لأتفه الأسباب أصلا ده لو واحده اتنفست ف بيت زوجها بتتقتل أنا بقى عندي رعب أتجوز واحد ألاقي نفسي مقتوله،ده غير الفكر السام اللي منتشر بين الشباب على إن الزوجه عبده عنده ده غير إنهم مش عايزين يطبقوا شرع ربنا ويعاملونا بما يرضي الله ده غير إن دلوقتي الشباب بيقولوا لازم الست تصرف على البيت وفاهمين معنى القوامه على مزاجهم فاهمينه إن الست تطيعه لكن عند المصاريف لا تصرف،ده غير فاهمين آية واضربوهن على مزاجهم برده وفاهمين الطاعه على إن المرأه تكون بتعبد الرجل وتطيعه طاعه عمياء مع إن مفهوم الطاعه مش كده،الطاعه بالمعروف ولا ضرر ولا ضرار،سؤالي هنا ليه البنات والشباب ميعملوش بشرع ربنا من غير تحريف فيه أو فهمه على مزاجهم،مش بقول إن فيه ذكوريين بس لا كمان فيه نسويات وأنا ضد الاتنين والفئتين دول دمروا المجتمع نسب الطلاق زادت ونسب القتل زادت والعنف ضد المرأه زاد ونشوز النساء زاد
ليه منعملش بشرع ربنا كما قال الله مش نفهم الدين على مزاجنا؟
ليه منشوفش ربنا والرسول أمرونا ب ايه ونعمله؟
ليه منكونش بيت وأسره هاديه حنينه بيت قايم ع الموده و الرحمه والحب بيت سوي نفسيًا ونربي جيل سوي نفسيًا بدل ما طالعلنا جيل مليان بالسفاحين،ليه معظم الشباب عايزين يهينوا المرأه مع إن الدين والإسلام كرمنا والله العظيم كرمنا بس همه عايزين يقللوا منا مع إن الدين مقللش منه بل رفعنا وأكرمنا يكفي إن فيه سورة في القرآن بإسمنا سورة النساء يكفي إن معظم الآيات بتنهى عن حزن المرأه،ف ليه ؟
ليه بجد كل ما أدخل على ثريدز أو فيس ألاقي شباب بيحللوا الضرب المرأه،شباب بيقولوا أنت واخدها خدامه ولو ساعدت زوجتك متبقاش راجل،شباب بيقولوا الست تصرف على البيت 
بنات بيحرضوا البنات على إنهم يبقوا نواشز
ليه؟..ما كل واحد وواحده يلتزم بشرع ربنا من غير تألي على الله،ربنا أكرمنا ليه بسبب التعليقات المريضه غير المسلمين خدوا فكره عن إن المرأه في الإسلام مهانه وبيستشهدوا بكلام الناس المريضه،ليه الشباب ميتفقهوش في الدين ويفهموه صح بدل ما بيفسروا على مزاجهم
وليه البنات ميشوفوش ربنا أمرهم ب ايه ويطبقوه 
احنا مش طالبين غير إن شرع ربنا يتنفذ نعمل بأوامره ونواهيه 
نعمل بشرع ربنا كما أنزل مش زي ما احنا عاوزين نفسره على مزاجنا
نشوف كلام علماء الدين في الفقه الإسلامي ونتفقه في دينا وكل طرف يعرف اللي ليه واللي عليه 
أنا بقيت خايفه من فكرة الزواج مع إني كل اللي كنت نفسي فيه إني أعمل أسره هاديه لطيفه ودافيه كل واحد يعامل فيها التاني بشرع ربنا وبس لا زياده ولا أقل هو شرع ربنا علشان ربنا مظلمش حد فينا 
ليه الرجاله معظمهم دلوقتي ببحسسونا إننا عبيد أو إننا على الهامش مينفعش نحس مينفعش نتنفس ومينفعش نعترض على إهانه أو ضرب
وليه البنات معظمهم دلوقتي بيسهلوا فكرة النشوز وإن المرأه تعمل ما بدى لها حتى لو حرام 
ليه الطرفين مش ملزمين بتطبيق شرع ربنا في المعامله مع بعض !
ليه وصلنا لكل ده نفسيتي تعبت م اللي بشوفه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Avocado_74144 🇪🇬

منذ شهر واحد

شعور متعب

انا بقى بمر بتجربة صعبة جدا بعد جواز مر عليه ١٠ سنين حصلت مشكلة بسيطة بينى وبين مراتى وهى كانت بتزور اهلها يوميها روحت مكلمها فى التليفون وصالحتها وكل الدنيا كانت تمام والمفروض نازل اجيبها علشان نروح بيتنا قام ابوها تدخل وقعدها وقالها مفيش نزول راحت مفضله كلمه ابوها عليا ودلوقتى بقالها ٥ شهور عندك و

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

أنا متجوزه بس أنا قعدت مع جوزي شهر وي بعد كده سافر وي فضلت قاعده مع باباه وي ممتو وي كنت حامل وي كنت كل الي عيزينه مش بقوا عليه لا كنت بقول حاضر وي نعم بس حصل مشكله وي كلمة جوزي وي قولتلو مش عايزه اعمل الحاجه دي قالي عشات خاطري وي كا حاجه بقت عشان خاطري وي خناق في اليوم إلي هروح عند أهلي فيه وي هو كمان كان مش بيبطل خناق معايه وي المهم انو ميطلعش غلطان ولا هو ولا حد من اهلو أنا خلفت بنوته وي هو لسه بره وي المشاكل بتزيد وي هو كل إما أقوله أنا تعبت من المعامله مع أهلك انزل شوف حل يقول طول مافي مشاكل مش هنزل هنزل اعما اي وي مامتو بتقول ده مش عايز ينزل بسببك عشان منكده عليه وي جيت عند أهلي بعد الولده بي أسبوع كلمني بعدها بشهر قولت هيصالحني لقيتو بيتخانق معايه إني مش برد علي التليفون إستغربت قولتلو مش مهم أنا طيب بنتك مسالتش عليه ليه قعد يغلطني أنا بردك وي علي فكره جواز صالونات مش عن حب ولا حاجه وي الله يسامح الي كان أسبب كنت بقول مش موفقه قالو شايفه شوفه تانيه هو والد واحد علي ٤ بنات أنا حلين عند أهلي وي عايزه انفصل بس بنتي صعبانه عليه هو كده كده مش موجود حت لو رجعت هيجي شهر وي يمشي وي يخلني مع امو وي ابوه هو مش عايزني أقعد لي واحدي انفصل ولا ارجع

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_72174 🇪🇬

منهاره وأيدي بترعش بعد ما اكتشفت أن أختي بتتسمع عليا

ابوس ايديكم ردو عليا قولولي اعمل اي علشان انا منهاره وايدي بتترعش قسماً بالله ، انا واختي عندنا ايربودز واحده وانا باخدها منها شويه وهي برضو وهكذا قفلت موبايلي وحطيته علي الشاحن كان فصل ودخلت استحميت طلعت شلت الايربودز من علي الشاحن وفتحتها وحطيتها لقيت اصوات قذره طالعه منها روحت اتأكدت ان موبايلي مقفول قسماً بالله ما اديت خوانه لدرجة طلعت التاب الي مش بنوصله بيه ابدا لقيت البلوتوث مقفول وماما وبابا برا وانا معنديش غير اختي بس ومفيش غيرنا في البيت دخلت لقيتها مغطيه نفسها بالبطانيه وانا والله ما قدرت اعمل اي حاجه ساعتها علشان دي اختي الكبيره مش هقدر ، ودخلت الحمام الي هو جنب الاوضه اغسل وشي لقيتها شغلت التيكتوك وانا ساعتها حطيت السماعات في العلبه طلعت جري عليها وفتحتها لقيتها اتوصلت بموبايلها واشتغلت نفس الاغنيه الي كانت شغاله معناها انها فعلا كانت متوصله بموبايلها ، انا منهاره قسماً بكتاب الله اني بكتب الكلام دا وأيدي بترتعش وحاسه اني مقروفه منها ومش عارفه هرجع اكلمها ازاي بعد ما عرفت ...عرض المزيد

5 الدعم

34 نصيحة

Orange_77910 🇪🇬

علاقتي تغيرت بعد ما دخل الجامعه ومش عارفه اعمل ايه

سلام عليكم انا في علاقه مع واحد في اولى جامعه تمام هو الاول كان كويس معايا بس من ساعت ما دخل جامعه وهو بيقول انه مشغول طول اليوم ميردش يقول كنت في الجامعه يعني بجد معندوش دقيقه يرد او يبعت هو حتى ايام الجامعه الكلام بيبقى قليل انا مش عارفه هو فعلا مشغول وعنده ظروف ولا هو مش عايزني سألت إذا كان في حد تاني عايزه قالي لا المفروض اعمل ايه بجد انا تايهه وفي نفس الوقت مضايقه من اللي بيحصل ...عرض المزيد

2 الدعم

27 نصيحة

Potato_77924 🇪🇬

تعيسة في حياتي المثالية ومش قد كلية طب

السلام عليكم انا جيت هنا من خنقتي يا ريت متحكموش عليا غير لما تسمعوا للاخر انا واحده بعيش حياه اللي يشوفها يتمنى يبقى مكاني امي وابويا ناس محترمه ومعروفين في البلد اختي دكتوره وانا طالبه في كليه طب بشري وطول عمري محبوبه وبطلع انا حاليا بعيش احلامي بالتفصيل بس معرفش انا تعيسه كده ليه انا من ساعه ما دخلت طب وانا عندي صداع نصفي مزمن من الضغط النفسي و بيقعد بالعشرين ساعه من غير ما يخف لحظه معدتي باظت من كتر الدوا مش عارفه اذاكر نهائي انا امتحاناتي قربت وانا مفتحتش الكتاب حتى نفسيتي زفت واحساس الذنب حاسه اني بكرهني اوي لاني مقصره جدا و الدنيا سواد في عيني ومش شايفه غير حل واحد اسيب الكليه لاني مش قدها وهي سببالمرض عندي الضغط النفسي والتوتر لما قلت كده لاهلي قالولي اني بتبطر على النعمه وغيرنا بيدفع مئات الالاف علشان يدخلوها زيك واني جبانه وبتهرب من المسئوليه انا حاسه اني مينفعش اكون طبيبه مع اني في اولى جبت امتياز بس طاقتي كلها لصت حاسه اني روبوت انا مش عارفه انا بكتب ليه علشان اخفف عن نفسي شويه ادعولي ربنا ييسرلي امري ...عرض المزيد

3 الدعم

25 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع