الطفولة

Almond_56393 🇪🇬

منذ 3 أيام

شعور ضائع

التروما اللي بتيجي من الأم بتفضل علامة محفورة جوا الواحد طول عمره. مش أي حد بيقدر يتخيل قد إيه الطفل بيتكسر لما المصدر اللي المفروض يكون أمانه هو نفسه سبب وجعه. تكبر وإنت شايل جواك صوت اللوم، وصوت التقليل، ونظرات الخيبة.. وكل ده بيتحول لجدار بينك وبين أي حب أو أمان تحاول تلاقيه بعد كده. تفضل تدور ع

Lemon_75239 🇪🇬

منذ 4 أيام

شعور منزعج

ازيكم يا شباب اتمنى تكونوا بخير في بس مشكلتين من مشاكلي في ناس كتير بيتعاملوا معاهم بسهولة بس بالنسبالي معرفش ليهم حل واحدة منهم هيا العصبية المفرطة اللى اتسببلي بيها والدي اللى دايما كان عصبي عليا وانا صغير وأنا كبير لحد دلوقتي بقا عندي ٢١ سنة بس ربنا يديله الصحة مبقاش يضربني زي الأول بس لا يزال ا

Chocolate_72149 🇪🇬

منذ 5 أيام

شعور مستنزف

انا مشكلتى انى بكره الناس مبحبش اتعامل معاهم لانى بحس انهم مؤذين وهيستغلونى فى اى حاجه ودة من تجربه من وانا صغيره وانا محيطى كلهم ناس غير سوبه وتعابين فى نفسهم الحمدلله بعدت عنهم لكن لسه جروحهم معلمه فيا ومش عارفه اتخطى وجالى رهاب اجتماعى وانا اصلا انطوائيه لدرجه اتقال عنى انى معقده ومتوحده لكن ان

Pear_75251 🇪🇬

منذ 5 أيام

شعور مكسور القلب

موضوع:

اكتر كلمه او موقف قفلك من شخص

عمر ما كلمه قدرت تاثر فيا غير لما والدي قالي انت اوسخ بني ادم فالدنيا بجد الكلمه دي كسرتي ومبقيتش عايز حاجه من الدنيا بس الحمد لله بقيت احسن بس مرجعتش زي زمان ومعتدقش اني هرجع وع فكرة الموقف دا كان يوم نتيجه الثانوي وانا حاليا متخرج

Cookies_54262 🇪🇬

منذ 5 أيام

شعور مكسور القلب

مش عارف هقدر احكي ازاي دا بس محدش عارفني ودا مساعدتي احكي شويه انا للاسف مش بحب اهلي لأسباب كتير جدا أولهم انهم مش بيحبوني من طفولتي وعملو حاجات كتير جدا أثرت عليا نفسيا حاليا وبسبب حاجه حصلت ف طفولتي انا بقيت مدمن عاده سريه للاسف ومش قادر اقلع عنها ببطل فتره وارجع اعمل تاني وزهقت حقيقي من كوني ضعيف

Cherry_74548 🇪🇬

منذ 5 أيام

شعور مكسور القلب

عبّر عن شعورك بشكل مجهول

السلام عليكم 
انا اول مره اكتب علي الابلكيشن ده بس فعلاً محتاجه اتكلم مع حد ميعرفنيش هحكي قصتي ب اختصار واتمني حد يساعدني ب نصيحة او كلمة حلوة
مش عارفة ابدأ منين بس انا اهلي منفصلين من حوالي سنه قبل الانفصال ده كنا دايماً ف مشاكل كتير وخناقات ليل ونهار والدي شخص شديد اوي وصعب ف التعامل وبنخاف منه جداً هو عودنا انه بالنسبالنا فلوس وبس ودائماً لازم ناخد بالنا من كلامنا معاه ونركز ف كل كلمه بنقولها كانت حياتنا صعبه شويه معاه..
انا كنت بحب شخص وكان اهله واهلي صحاب جداً لفتره 
لاكن مامته وامي لسه صحاب زي م هم 
وانا والشخص ده كنا مع بعض ف المدرسه وكبرنا سوا وحبينا بعض من واحنا ف ابتدائي طبعاً كله هيقول انه كلام عيال وحب مراهقه والكلام ده بس بجد احنا حبينا بعض وكنا بنتكلم  من واحنا ف ابتدائي ولكن الدنيا كانت حالفه تفرق بينا من زمان اوي كان دايماً يحصل حاجه تفرقنا فتره ونرجع تاني لغايه م جينا ف الكليه والحمدلله بعد تعب ودعوات كتير بقينا سوا ف نفس الجامعه ودي كانت اصلاً زي معجزه كده لان كانت الدنيا كلها مقفله ف اننا نبقا مع بعض وكان شبه مستحيل ولكن انا دايماً مؤمنه بربنا وانه رب المستحيلات ورب كل شئ عمري م بطلت ادعي ب اننا نكون سوا عارفه انها كانت علاقه حرام علشان مكنش في خطوبه ولا اي حاجه رسميه بس ربنا شاهد عليا انا كنت براعي ربنا فيه قد ايه وقد ايه كنت خايفه من ربنا كنت خايفه لدرجه اني كنت عامله حدود بينا ودي كانت حاجه مضيقاه بس انا كنت بخاف ان ربنا يبعدنا عن بعض علشان بدايه العلاقه مش صح ودايماً بدعي ان ربنا يجمعنا بالحلال ويسامحنا ويغفرلنا طريقه تعارفنا ف البدايه دي 
المهم دخلنا الجامعه كل واحد فينا كليه بيحبها بس هو كان داخل علشاني بجد كان بيعمل كل حاجه علشاني عدت سنه ونص وبعدها فجاه بدون اي سابق انذار قرر انه يسيبني (مع العلم احنا كنا متفقين علي كل حاجه واننا سوا لاخر العمر وانه هيتقدملي ف الكليه وراسمين حياتنا كلها سوا وكان دايماً يقولي ان مفيش حاجه ف الدنيا تقدر تفرق بينا وانه مستحيل يحب ولا يشوف واحده غيري وكان واعدني ومامته عارفه وماما عارفه واحنا خلاص سوا كده كده وحرفياً كان بيعمل كل حاجه كويسه معايا عوضني مكان ابويا وكان بالنسبالي حياتي كلها وبانيه حياتي ومستقبلي واحلامي كلها عليه وكان دايماً بيشجعني هو كان كل حاجه حرفياً بالنسبالي وانا كمان كنت كده بالنسباله وبجد منغيره اموت )
وفجاه قرر انه نسيب بعض دي حاجه اصلا كانت مستحيله بالنسبالنا لانه كان مجرد التخيل بس بنقعد نعيط إحنا الاتنين كان قرار صدمه بالنسبالي مستحيل كنت اتوقع منه كده حرفياً كان اخر حد ف العالم ممكن يعمل كده حتي صحابي اتصدمو من اللي حصل محدش كان متوقع ولا مصدق انه يعمل كده  
 وعرفت بعدها انه ارتبط بواحده غيري
بعدها ب فتره حصل انفصال اهلي ده 
كسرتين ورا بعض كانت صعبه اوي عليا بس الاصعب الشخص اللي حبيته لان كنت دايماً بحكيله علي كل حاجه ف حياتي وكان هو اللي بيصبرني علي كل حاجه وحشه بتحصلي 
ومن وقت كل اللي حصل ده وانا مش كويسه ورحت ل دكتور علشان اتعالج نفسياً اخدت علاج اكتئاب لاني مكنتش ببطل عياط يومياً ولا عارفه ابقي كويسه ولا اعمل اي حاجه ف حياتي غير اني بعيط وانام وبس بس بعد سنه من كل ده (مع العلم لسه بتعالج) قررت اني اقف علي رجلي تاني واقاوم كل ده لان كانت حالتي صعبه اوي وانا اصلا من النوع اللي لما بتعب او بزعل بيبان علي وشي وبخس جامد وانا كمان شخصيه عندها امل وثقه كبيره ف ربنا اوي مفيش معايا مستحيل لان طول م ربنا موجود مفيش حاجه اسمها مستحيل ولما بعوز حاجه بوصلها طول عمري ف كده وفعلاً بوصل وكل حاجه بحس بيها بتحصل 
وانا الكبيره عند امي ف انا اللي شايلاها وشايله البيت معاها ف مكنش ينفع اني افضل واقعه كتير والحمدلله قربت من ربنا اكتر وبقيت جمب امي وناجحه ف دراستي واشتغلت بس كل م ادخل شغلانه اطلع منها بس الحمدلله راضيه بكل اللي ربنا كتبهولي بس لسه بدعي انه يكون ليا ف الحلال ولسه جوايا احساس انه هيكون ليا اه صح نسيت اقولكم ان انا كل حاجه بحس بيها بتحصل 
حتي من يوم م عرفت الشخص ده وانا بحس بيه لو حصله اي حاجه بحس لما كنا سوا كنت لما احس ب حاجه مش مظبوطه اكلمه الاقيه ف مشكله او تعبان 
لسه بحس بيه ودي حاجه غريبه اوي مش عارفه ازاي اللي خلاني اعرف اني لسه بحس بيه ان في حد بيوصلي اخباره ف بعرف علطول 
بس انا نفسي افهم ازاي بعد كل ده لسه بحبه ولسه عوزاه ولسه بدعي بنفس الدعوه اللي بدعيها من يوم م عرفته
بجد انا تعبت تعبت اوي والله وربنا عالم عمري م شوفت يوم حلو ف حياتي بس والله والله راضيه باللي ربنا كاتبهولي وربنت عالم بجد بس سعات بفضل اعيط من كتر التعب والوجع ولازم ابان قويه علشان امي واخواتي 
انا اسفه اني طولت ف الكلام بس كنت محتاجه اطلع اللي جوايا شويه 
ده اختصار بسيط اوي لجزء صغير اوي من حياتي…

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_70825 🇪🇬

منذ أسبوع واحد

شعور مرهق

للاسف ماما وبابا مطلقين من وانا عندي 10 سنين وعيشت مع والدتي بعد طلاقها وشوفت اسود ايام حياتي .. طلعت كل عقدها عليا كسرتني ووجعتني بنرجسيتها بدل ما تحتويني وانا بنت يعني المفروض تديني حنيه واهتمام عشان مدورش عليها بره ودا اللي حصل فعلا أنا عندي 21 سنه وبدور علي اهتمام والحمد لله أنا شخصيته تنحب بس

Sugar_74919 🇪🇬

منذ أسبوع واحد

شعور مكتئب

بتزعلي ليه وبتتأثري بأي مشهد أبوي؟؟ أنتِ مش وعدتيني هتفضلي صامدة وقوية ومش هتعتبريه مصدر لمشاعرك أصلًا؟ ليه دلوقتي لما بتشوفي موقف بين أي أب وبنته بتتأثري وقلبك بيعيط وبتتمني إنك تكوني في المشهد ده؟ هو عمره ما كان.. وولا هيكون. كل الإستقرار وعدم الأمان اللي أنتِ فيه ده، هو كان السبب الوحيد والأوحد

Cookies_58332 🇪🇬

منذ أسبوع واحد

شعور متعب

أنا عارفة ماما مكنتش بتحبني من انا وطفله ودي مش افكار مراهقه ولا حتي تهيؤات لموقف او اتنين لا انا عندي فيديوهات انا وصغيره كانت بتذوقني فيه وبتحاول تبعدني عن اخويا مش عارفه ليه وكمان لما بشوف اي ام ابنها بيوقع بتجري تشفو لكن انا لما وقعت متحركتش اصلا وبس كدا من فيديوهات بتبان فعلا التمييز والمعامله

Banana_74880 🇪🇬

منذ أسبوع واحد

شعور متعب

أنا وانا صغير كنت عيش مع جدتي أنا و بابا وًماما وكنت بخد فلوس من بابا و جدتي من وراهم من فلوسهم لما عارف حصلت مشكله كبيره و جدتي اشتكت ليهم المهم موضوع عدي و خلاص و كبرت و خلاص موضوع مات بس برضو الموضوع ده لحد دلوقتي معلق مع بابا و ساعات كتير بتصرف معايا تصرفات بتبين انو مش ناسي الموقف ده و انا لحد

Banana_74025 🇪🇬

منذ أسبوع واحد

شعور مرتبك

كبرت انا وصديق الطفولة واتخرجنا و اشتغلنا وهو سافر اوروبا من ٥ سنين بنتقابل كل لما بينزل بيلمح كتير بس مقالش حاجة قالي انه نازل مصر مخصوص عشاني النزوله اللي جايه وقالي ربنا يقدم اللي فيه الخير مفهمتش..انا شايفاه مناسب جدا ليا وشبهي و اقرب حد ليا وبحب اهله عمال يقولي انتي هتيجي هنا ان شاء الله وهبقى

Plum_74525 🇪🇬 اقطعي ي حبيبتي هو لو عايزه هيقولك بكل صراحه انا عندي نفس. قصتك صبرت عليه 3 سنين وكنت معاه وبحب اهله وبقف جمبه في كل حاجه وبنقضي مع بعض وقت طويل في الجامعه والشغل وكنت بساله انت في حد ف حياتك ويرد يقولي لا لحد ما اكتشفت انه مرتبط بواحده تانيه ولما واجهته قالي انتي اهم حد في حياتي وبحبك بس زي اختي وانا حسيت انك عايزاني جمبك عشان كدا كنت بهتم بيكي واني مرتبط دا اكيد مكنتش هقولك عشان مجرحش مشاعرك

عرض الكل 7 نصيحة

Broccoli_48362 🇲🇦

منذ أسبوع واحد

شعور ضائع

مرحبا، انا من لما كنت صغيرة كنت بشوف كيف ماما بتكرهني من جواتها ، لما كنت صغيرة كنت بتعاقب على اتفه الاشياء حتى لما كنت لسا بيبي كانت بتضربي و بتحرقني. صراحة لقلة ادراكي ما كنت بشتكي بس كنت ابكي . بابا بيكره يشوف حدا يبكي لهيك كنت كلما بكيت كان بيضربني و يرميني برا البيت. اتعلمت اخبي مشاعري، تعلمت

Croissant_71322 🇪🇬

منذ أسبوع واحد

شعور ضائع

عبّر عن شعورك بشكل مجهول

طول الوقت حاسه انى عندى مشكله بس مش عارفه ايه هى و لما كبرت اتاكدت انى عندى Dady issues بس وانا صغيره مكنتش اعرف ايه المشكله ال عندى او انى عندى مشكله أصلا بس كنت ديما بتخيل ان عندى اخ اكبر منى بيطبطب عليا و يحبني و يهزر معايا و كنت مقتنعه ان عندى اخ بس تاه مثلا او اي حاجه و كنت لو بشوف واحده صاحبتي بتكلم اخوها مثلا افضل باصه عليهم و ببقا نفسي اعيش المشهد ده مع انو عادى جدا بالنسبالى لا و كنت لما بشوف بنت تقول اكتر حد بتحبو هو باباها كنت بستغرب عشان انا بالنسبالي الاب مش بيعمل حاجه خالص ف انتى بتحبي باباكى ليه بجد كنت بسأل السؤال ده بيني و بين نفسي مش بحقد خالص انا معشتش ده ف معرفش و لما كبرت عرفت ليه كنت بحب المدرسين بتوعي و مينفعش يعدي فتره غير لما اكون بحب حد لمجرد انو ادانى اهتمام بس  الحمد لله معملتش اي حاجه غلط ل رميت نفسي ع حد و لا حد ضحك عليا و لا اي حاجه عشان كنت بحبهم بيني و بين نفسي و عشان امى ربتنى ان ده غلط ف كان عندى حدود معروفه و عشان انا جبانه اوى برضو مش سهل انى اعمل حاجه غلط عشان حب بس لما بقيت بعد م جدى مات و هو ال كان مالى الفراغ ال سابو ابويا شويه و كنت بحبو حب مش طبيعي لدرجة كنت بقول ل جدى بابا و ابويا مكنتش بعرف اقولهالو ف لما مات عرفت اني انو انا كنت بضحك علي نفسي بالحب ال كنت بحبو ل اي حد ده و مبقتش عارفه احب حد عشان خوفت من الفراق ده ان حد اتعلق بيه حد لو حاجه بسيطه و يسبني كده تايه مش عارفه اعمل ايه انا بقالى سنين تايه تايه اوى بس،للأسف اول مادخلت الجامعه عملت الحاجه ال خايفه منها كل ده و حبيت و مشي زى م كنت متوقعه و ده وجعنى و مش عارفه امشي حياتى رجعت تاهة تانى بعد م كنت بدأت ابقا كويسه و مهمهوش انا يحصل فيا إيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_51955 🇪🇬

منذ أسبوعين

شعور مستنزف

عبّر عن شعورك بشكل مجهول

في سنه عدت عليا إحساسي وأفكاري وأنا كل حاجه إتغيرت كنت محتاجه حد جنبي يفهمني أتصرف إزاي مع الشخصيه الجديده دي أهلي وقتها كانوا شبه منفصلين وكنت لوحدي طول الوقت كان بينهم مشاكل وخناقات و بيدخلوني بينهم بدأت أكون أفكار سلبيه كتير في دماغي وبقيت إنطوائية وزعلانه طول الوقت وكرهت الحياة كان جوايا كلام كتير نفسي أقوله بس ملقتش حد يسمع دلوقتي إتحول لوجع إتخذلت من أقرب مكان ليا في الدنيا وبقيت لوحدي بجد بعديها أهلي رجعوا لبعض بس مكنتش حاسه إني كويسه كان بالنسبالي عادي أنتوا براحتكم الدنيا جات عليا كتير وإتبهدلت كتير في سن صغير جدًا بقيت ناضجة كل إللي بتكلم معايا يقولي مش عايشه حياتك ليه، تفكيرك أكبر من سنك، وحاجات من دي كتير.. دلوقت إكتشفت إن أنا جوايا وجع متراكم غدر وخذلان ووحده ومواقف عنف مش عايزه تخرج من دماغي، ماما بتتخانق معايا كتير على إللي أنا فيه ده بتقولي إنتي السبب في ده بإيدك تغيري تفكيرك أنا عمري م عرفت أحكيلها علشان لما بحكي مش بتصبر أخلص كلامي وبحسها بتنصح بطريقه تزعلني معرفتش أقولها إن سبب دا كله الوقت إللي كنت محتاجاهم فيه وملقتهمش وإن أنا لوحدي من سنين أنا بحبهم جدًا وعمري م كرهتهم بس مش قادره أنسى ومش عارفه أبقى كويسه جوايا وجع كتير مش بيخرج وعندي Overthingin هيموتني انا مش فاهمه ليه؟ ليه مش عارفه أعيش بشكل طبيعي؟ أزاي أتخطى كل إللي حصلي ده علشان أكمل؟ إمتى هلاقي حد شبهي ميسبنيش لدماغي؟ 
آسفه إني طولت عليكم.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_73395 🇪🇬

منذ أسبوعين

شعور مرتبك

موضوع:

لو كنت مررت بأزمة نفسية أو مرض نفسي احكي تجربتك وشاركها معان

أنا بحب مطرب اوي وجالي فرصة اتعامل معاه ٣ مرات عن قرب لاني دكتورة ومن ساعتها مش قادرة اتخطى هوسي بيه ومش عارفة اعمل ايه بفكر ازاي اوصله طول الوقت لان ده كان حلمي من وانا عندي ١٠ سنين حققته وانا ٢٩ سنة ومش عارفة اتخطى شعور اني عايزة اشوفه تاني واقابله ونبقى قريبين واصدقاء خصوصا انه ابهرني بتعامله الم

Strawberry_75802 🇪🇬

أنا محتاجه أبويّا وانا مش لواحدي

طريقه يكون عندي بيها اب؟....انا عندي مشكله اني طول الوقت بدور على حد يعيشلي دور الأب ويحسسني أنه زي بابا حتى ف اختياري للناس ال يكونو معايا دا بياثر عليا ....علفكرا بابا موجود بس هو موجود لنفسه وبس ...رغم اني مبقيتش صغيره الا اني فعلااا مفتقده لكل حاجه ممكن اي اب بيعملها لبنته انا ادفع عمري كلو واحس مره واحده بس اني عندي اب واني مش لواحدي وكذلك ام بس انا مفتقده لبابا اكترررر ...لو في اب عاوز يتبني بنت انا موجوده ...عرض المزيد

3 الدعم

27 نصيحة

Sugar_75619 🇪🇬

مش عارفة أقول "لا" من غير ما أحس بالذنب

ساعات بلاقي نفسي بمشي ورا طلبات الناس من غير ما أفكر، وبوافق على حاجات مش عاوزاها علشان ما أحرجش اللي قدامي أو أزعله، حتى لو ده بيكون على حساب نفسي. ولو جيت أقول "لا" في مرة، بحس إني أنانية أو مقصرة. المشكلة إني مش عارفة إمتى يكون من حقي أقول "لا" من غير ما أحس بالذنب؟ وهل في طريقة أقدر أوازن بيها بين إني أرضي اللي قدامي وفي نفس الوقت ما أظلمش نفسي؟ ...عرض المزيد

6 الدعم

23 نصيحة

Coconut_73870 🇪🇬

طاقتي خلصانه وبجبر نفسي أشتغل عليا ضغوطات

حاسه ان طاقتي خلصانه ومش قادره اشتغل بس بجبر نفسي و بشتغل عشان مضطرة و عليا ضغوطات شغل جامد اوي و مش بتكلم عن ده مع حد بشتغل زي الحمار في ساقية و ده يجيبلي اكتئاب و كل يوم بيزيد عن التاني بس برضو مش بستسلمله وبشتغل بس منهكه اوي و تعبانه اني مش عارفه اعبر عن اللي تاعبني و معنديش طاقة للناس بس مضطرة برضو اتعامل فحاسه اني مش انا طول الوقت ...عرض المزيد

1 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع