الطبخ في القاهرة

Apple_18010 🇪🇬

منذ أسبوع واحد

شعور قلق

دلوقتي انا واخويا قاعدين لواحدنا ف القاهرة علشان الدراسة وواخدين شقة لواحدنا وكمان بنشتغل ... الفكرة اني مرن كده ومدردح حبة حلوين عن اخويا .. يعني هو لازم يطبخ ويعمل اكل تلاتة او اربع مرات اكل ف الاسبوع ويعمل كمان التحابيش الي جنب الاكل وانا مش كده يعني انا مثلا لو جاي من برا جعان ممكن اجيب سمكتين

عبّر عن شعورك بشكل مجهول

دلوقتي انا واخويا قاعدين لواحدنا ف القاهرة علشان الدراسة وواخدين شقة لواحدنا وكمان بنشتغل ...

الفكرة اني مرن كده ومدردح حبة حلوين عن اخويا ..

يعني هو لازم يطبخ ويعمل اكل تلاتة او اربع مرات اكل ف الاسبوع ويعمل كمان التحابيش الي جنب الاكل وانا مش كده يعني انا مثلا لو جاي من برا جعان ممكن اجيب سمكتين او تلاتة ع حسب نوعه والحجم واشويهم واطلع اكلهم حاف او بعيش وممكن اخد خيارة م التلاجة وخلاص .. هو بقا لازم بقا يعمل رز و طحينة ويقطع سلطة كاملة وخلافه بقا

المشكلة بقا انه بيحملني مشاكل الحاجات الي هو بيعملها وانا اصلا مبطلبش منه يعمل حاجة يعني يقوم من بدري يقف يعمل ف اكل ٥ ساعات وبعدين يقولي ساعدني او اعمل كذا او انزل اشتري حاجات ويقعد يقول انا تعبان علشان واقف اعملنا اكل وبغسل المواعين وانا تعبان ومش حد بيشيل عني وانا بعمل كل حاجة لواحدي وانا اصلا مبكلش من الحاجات الي بيطبخها غير مرتين ف الاسبوع يعني ساعات اصلا الاكل يقعد ف التلاجة بالاسبوع ويبوظ وانا ايام كتير اوي مباكلش ف البيت اصلا

وبعدين انا اصلا لو مش موجود معاه .. هو مبيعرفش يقعد من غير ما يطبخ يعني انا موجود او لا هو هيعمل اكل وهيقعد يطبخ ويغسل وخلافه لكن انا عندي اهتمامات تاني ليه علشان هو بيضيع وقت ومجهود ف الطبخ لازم انا كمان اضيع معاه وهو كده كده مش هيفرق لو انا معاه او لا كده كده هو بيعمل الحاجات دي لنفسه وكمان بيزعل لما مأكولش من الأكل ويقولي انا بعمله منين ويقعد يحملني بقا تعبه ووقته وانه معندوش وقت وانا تعبت اقوله لو مش فاضي متعملش حاجة .. لو تعبان متعملش حاجة وبردوا نفس الموال علشان هو اصلا بيعمل ف الاساس كده لنفسه قبل ما ليا هو ده نمط حياته ميعرفش يعيش غير كده

مفروض دلوقتي اعمل ؟ يعني انا الي وصلتله دلوقتي هو اني اطلب منه معتش يعمل حسابي ف الاكل نهائى ولو ف كوباية مياه كل واحد يشيل همه وخلاص .. بس الفكرة انه هيزعل .. ماذا افعل ؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_68447 🇪🇬

مفيش حد عندو حاجة حلوة يشاركها؟

يا جماعة هو نفيش حد عندو حاجة حلوة؟😂 يعني مفيش جد عندو علاقة حلوة او مبسوط بسبب حاجة وحابب يشاركها معانا يدينا امل مفيش ولد لقا شغل كويس او بنت بتحبو ومفيش بنت قضت علاقة حلوة من كل النواحي مفيش مطلقة مبسوطة وبتحاول تبدأ حياة جديدة؟ مفيش مطلق بيفكر يبدأ ويحاول من جديد؟ ...عرض المزيد

0 الدعم

0 نصيحة

Nutella_67863 🇪🇬

مش قادرة أفتح الكتاب والامتحان قرب!

عندي مادة مقالي وامتحاني كمان خمس ايام وحرفيا مش قادرة افتح الكتاب ومحتاج حفظ وكده وانا مشغوله اربعه وعشرين ساعه علي الفون بشير بوستات واسمع ريلز والدنيا بايظه معايا خالص وسايبه الصلاة والقرآن وبقيت انسي اذكر ربنا وطول الليل صاحية ونايمه طول النهار وبجد مش عارفه حد يساعدني بجد ويفوقني ويقولي اعمل ايه عشان الحق نفسي ...عرض المزيد

0 الدعم

2 نصيحة

Avocado_62037 🇪🇬

بعت ادد لعميل مهتم.. قراري صح ولا غلط؟

جماعة هو لو في شخص انا بتعامل معاه ك عميلة وقابلته من فترة كبيرة ولاحظت أنه مهتم بيا ف التعامل بزيادة عن اللازم بس وقتها انا كنت مركزة بس على الشغل وبعدين قابلته تاني بعدها ب 3 شهور ف نفس مكان الشغل ولاحظت أنه أيوة مهتم بس متحفظ شوية ف التعامل ف حسيت أنه التحفظ ده تردد منه لكن أسلوبه برضه اسلوب شخص مهتم ف قررت اني ابعتله ادد عشان قولت لو هو مهتم فعلا هيقبل وهيتكلم ده كده قرار صح ولا غلط ؟ ...عرض المزيد

0 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع