الصعوبات

Mango_22117 🇪🇬

منذ يومين

شعور مستنزف

هو ايه تعريف الفشل اصلا وليه نحكم علحد بكده واحنا منعرفش هو مر بايه و بيحاول ازاي نفسي اتخطي كلام اهلي و الناس الحواليا وحتي لو بنساه و بتجاهله مش دي مشكله انا لسه مش عارفه اكمل و ارجع زي الاول تاني بسبب نفسيتي مأثره علي كل حاجه.. ايه خطوات عمليه اعملها اساعد بيها نفسي

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Avocado_71541 🇪🇬

منذ أسبوع واحد

شعور ممتن

موضوع:

عرفت تظبط حياتك بعد الصعاب الي مريت فيها ولا لسه بتعاني؟

عرفت اقف علي رجلي تاني وظبطت حاجات كتير جدا زي شغلي بقي احسن مرتبي بقي احسن اولوياتي اتغيرت جدااا ومبقتش باجي علي نفسي عشان خاطر حد نهائي الا بمزاجي طبعا مش كل حاجة اتغيرت اكيد لكن فيه حاجات عمرها ما هتتغير نهائي ودي حاجات في طباعي الشخصية انا حاببها وحابب نفسي بيها

Watermelon_71556 🇪🇬

منذ أسبوع واحد

شعور عاطفي

بقالي فترة مش طويله هنا واكتشفت انه مش بس انا اللي عندي مشاكل..مش بس انا اللي نفسيتي مش احسن حاجه..الناس كلها عندها مشاكل محدش حياته صافيه زي ماكنت متخيل! في نفس الوقت محدش وقف عند مشكلته ووقف حياته كلنا مكملين في يومنا وشغلنا وحياتنا بشكل عام الخلاصة ان المشاكل جزء من حياتنا وجزء لا يتجزأ من وجود

Sugar_59203 🇸🇦

منذ 3 أسابيع

شعور لا مبالٍ

عبّر عن شعورك بشكل مجهول

بجد بحسد الناس الي عندها القدره أنها تحول اي مأساه أو مصيبه في حياتها لشئ ساخر يضحك عليه يزعل شويه لكن سريع الشفاء بيقدر يعالح اوجاعه ويصلح نفسه من جوه . الفكره أن الناس دي هيا اكتر ناس بتعرف تستمعت بالحياه لانها مش عايشه دور المظلمه ولا دور أن الحياه جايه عليا وانا الضحيه والخ... قبلت ناس من النوع دا لقيتهم في عز مشاكل وضغوط الحياه عندها القدره أنها تضحك من قلبها وتبستم وتقف في وجه الريح وتفتح أيدها مسلمه لقضاء الله وعندنا ثقه في ربها كبير مش بيحسب معاه كام ولا صرف كام لانه عارف انه الي رزقه النهارده هيرزقه بكرا " حولت اقرب الناس دي واشوف طريقه حياتهم السلسه الي مش معقده لقيت أن. حياتهم صعبه باطنيا لكن ظهريا هما مازالوا قدرين يستمتعوا بالحياه. لما طبقت الموضوع دا علي نفسي فعلا حياتي اتغيرت كتير وبقيت شخص تاني ، بقي عندي القدره علي التخطي والمواجهة وعدم الاستسلام بقيت قادر احول المأساه لضحكه ونكته بقيت شخص مش متصنع مش خايف من نظره الناس مش خايف من الفروقات الاجتماعيه ولا رأي الناس عني بدام انا حيا ارزق إذا فمن حقي استمتع بحياتي.... استمتعوا بحياتكم عشوها صح . غير التشوهات الي فيها برسومات مليانه طاقه ايجابيه اضحك وانبسط رغم همك وحزنك وضغط الحياه ليك . خلي الاكتئاب والحزن والغم الد اعدائك . عيش حياتك صح واستمتع بكل لحظه حلوه لأنها هبه من الله 🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_62612 🇪🇬

منذ 3 أسابيع

شعور مرهق

في افكار كتير ومتلخبطة وتفكير مش بيخلص حد قدر يتخطي الفترة دي في حياته انه يخلص من افكار وياخد خطوات في حياته ويشيل اللخبطه والتجارب والسابقه ويرضي بليةيدخل بيته انا مش عارفه كل خاجه ملغبطة جدا وافكار كتير واني اخىطر من حياه مستقرة عارفها وحياه تانيه

Hazelnut_64540 🇪🇬

منذ 4 أسابيع

شعور عاطفي

كل الناس اللي هنا بتدور على الحب وفي نفس الوقت مش عارفين يخشوا لبعض عشان يحبوا بعض وكل واحد عامل حواجز ب 100 الف متراس وما فيش حد عايز يعدد الثاني انا كل ده اتمناه واحده اكلم واقعد على واضحك معاها مش عايز منها اي حاجه غير اللي هي تكون جنبي بس الموضوع صعب قوي للدرجه دي يا جدعان لازم يبقى في وراه مادي

Marshmallow_52511 🇪🇬

منذ شهر واحد

شعور مرتبك

عبّر عن شعورك بشكل مجهول

حابه اني اشاركم تجربتي مع ذاتي الي كنت بكره كل انش فيها و كنت بكرها كليا بسبب شيئ مش هقوله لسبب يخصني بس الي حابه اقوله اني اخيرا تغلبت على الاحساس ده و اخيرا حبيت نفسي و حبيت كل جزء فيا و كل اختياراتي و بجد فخوره بنفسي انها انا و مش عارفه ازاي كنت بفكر كده في يوم من الايام .. خلينا نقول اني كنت شخص ضعيف شويه في فترة طفولته و كان بيقابل جزء من التنمر كتير في فترة طفولته من ناس كتير و ده شيئ اثر عليا جدا و فضل الاحساس ده ملازمني لحد امبارح لحد ما اكتشفت انه كل الكره الي كنت بكرهه لنفسي ده كان بسبب بعض من الناس الي كانو اطفال برضو بس منكوش فاهمين الصح من الغلط وقتها و شيئ عادي جدا بحكم اننا اطفال بس بجد لما عرفت و حددت الشيئ الي مضايقني بجد و اتغلبت عليه بقيت شايفه انه مفيش حد زيي و مفيش حد شبهي و انا كل جزء مني مميز عشان انا الوحيده الي اتخلقت بيه و مفيش مني اتنين و انااا مميزه في حاجات محدش تاني مميزه فيها اتعلمت اني ابطل خوف من آراء الناس و اقول و اعمل الي بحبه و اتصور بالطريقه الي بحبه و مبقاش يفرق معايا رآي شخص ممكن اصلا يكون مش موجود ( بسبب الاوڤر ثينكينج ) كنت بتخيل ان الناس شيفاني انسان تافه .. كل ده عشان ايه كام عيل مكنوش قصدهم انهم يخلو عندي عقده و فوبيا من آراء الناس و دي حاجه مكنش حد يعرفها عني قبل كده و مكنتش بقول ان في كذا كذا و اني احدد سبب شكوتي في شيئ معين و يمكن ان كل الفترات الي كنت بحس فيها بضيق اوي و خنقه و اني شخص فاشل كل ده بسبب اني مكنتش اعرف النقطه المحدده او المشكله الاساسيه و ادركها او اعرف انه كل ده كان من مخيلاتي الي شبه لا وجود لها اصلا ف حابه اني اوجه رساله لاي شخص حاسس باي شعور مش عارف يتغلب عليه او مش عارف انه يحب نفسه .. صدقني كل الي بتفكر فيه ده وهم و ملوش وجود و اكيد في شخص معين انت ملكش تعامل معاه اساسا شايفك حد كاريزما اوي و حد واثق من نفسها جدا و له كيانه و هيبته و حاسس انه شخص قليل اوي بالنسبه ليك .. فانت لو فرق معاك رآي حد سواء في شكلك او اي حاجه تانيه افتكر انه مجرد رأي و الشخص ده عنده عقده بسبب حاجه تانيه مختلفه برضو و انه رأيو مش برأي كل الناس الي شفتهم حتى يومك هذا فاتبسط بحياتك عشان محدش هيدخلك الجنه برأيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_59887 🇪🇬

منذ شهر واحد

شعور مليء بالحياة

موضوع:

ايه اكتر شعور حسيت بيه ولايمكن تنساه أو تنسى الموقف؟

يوم نتيجه الثانويه اصعب يوم عدا عليا في حياتي فات عليه سنين كتيره بس صعب انسي تفصيله وكسرتي وقله حلتي وان الدنيا كلها كانت عليا ملقتش حد يطبطب عليا سعتها خيبه املي نع اني عارفه انا حليت اي وعملت اي ازاي ده حصل سعتها اماني بربنا هو اللي مخلنيش انتحر دخلت في اكتأب صعب جدا سنتين كاملين لحد ما قدرت ا

Popcorn_59602 🇪🇬 دلوقتي احسن بكتير واكتشفت فعلا الي متخطط احسن من الي انا كنت عايزو ووصلت لحجات مكنتش في حسباني بس احسن من حسباني

عرض الكل 2 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Watermelon_58105 🇪🇬

منذ شهرين

شعور شاعر بالملل

مبدأيا كده انا شخص من الشغل للبيت ومن البيت للشغل، الفكرة انى مش متجوز ولا حتى خاطب، اصل هخطب ازاى والعيشة بقت زى مانتو شايفين، الحمد لله على كل شيئ وانا راضى جدا الحمد لله بس برضو الواحد عايز الحلال وبطلب من ربنا ف كل صلاه العفة والستر انا مش طالب حل ولا حاجه بس حسيت انى عايز اقول كده وخلاص😂

Durian_52455 🇪🇬

منذ 3 أشهر

شعور مليء بالحياة

موضوع:

ايه الحاجة لو اختفت من حياتك او مكانتش حصلت كنت هتبقي احسن

السؤال ده فيه إعتراض غير مباشر على أقدار ربنا، بس رغم كدة هجاوب بردو 😂 اى حاجة زعلنا عليها فى الماضى أو اتأثرنا بيها بسبب الذكريات… هيجى الوقت واللى هتقول فيه إن الحمدلله ربنا حطنى فى القدر الصعب ده علشان يعلمنى درس أسباب مخاوفك دلوقتى بكرة تكون أسباب نجاحك.. بس بشرط إنك تواجهها بطولك هتيجى عليك أو

Hazelnut_52786 🇪🇬 كلامك صح جدا

عرض الكل 1 نصيحة

Blueberry_52260 🇪🇬

منذ 4 أشهر

شعور قلق

السلام عليكم يارب تكونوا بخير و بصحه و احسن حال جايه اقولك انت محتاج تفهم ان الدنيا مش هتمشي على مزاجك كل يوم ، يعني هيبقى في ايام جميله و هيبقى في ايام هتكرهك في اليوم اللي اتولدت فيه ، و هيبقى في ايام هتحس ان تعبك جاب نتيجه و هيبقى في ايام هتحس ان تعبك ده كان في الأرض بس هو سبحان الله هي دي الدني

Pistachio_52068 🇪🇬

منذ 6 أشهر

شعور محبط

Carrot_28547 🇪🇬

منذ 6 أشهر

شعور مستنزف

بقيت بحسد الناس الي عندها خوف خصوصا خوف من الفشل فا بيخليها دايما بتحاول خصوصا في الدراسة لما بمشي في الكلية ببص لكل الي حواليا لدوافعهم للاستمرار بلاقي الدافع بتاعهم انهم خايف يشيلو مواد عشان الناس متنظرش ليهم نظرة الفاشل او يحسو انهم مش كفاية بالنسبة لمعاير المجتمع فا عندهم خوف بس بيحركهم يكملو

Chocolate_57478 🇪🇬

ليه اللي مش بيتقو ربنا بيتجوزو أحلي جوازات؟

انا في حاجه بتشغل بالي جدا هو أن أكتر الناس اللي مش بيرضو ربنا أو بيرتبطو كتير او مش بيبقوا كويسين في العموم حياتهم بتمشي في الجواز بشكل حلو جدا او حياتهم عمتا بتبقي ميسرة معاهم وبيتجوزو جوازات حلوة وميسرة بقول طيب مش المفروض اللي بيتقي ربنا ربنا يرزقة اسرع منه وخصوصا أن الواحد بيجاهد أنه يحافظ علي نفسه وعلي قلبه عارفه أنه فرض اني اطيع ربنا ومش مستنية مقابل بس قصدي أن الاختبار بيبقي علينا صعب برغم كدا متأخرين عارفه أنه نصيب ورزق بس انا بردو غصب عني يستغرب يعني ربنا حطهم في اختبار وفشلو وبردو ربنا رزقهم ورضاهم ...عرض المزيد

0 الدعم

0 نصيحة

Grape_73501 🇪🇬

مش عارفة أنا عايزة ايه ولا عارفة أي حاجة!

انا دايما مترددة و دايما مكسوفه بكسف اقول اي كلمه حلوه أو وحشه مع ان ممكن يبقا عادي بس مش بعرف حاولت و مش بعرف بسمع فيديوهات كتير عن ازاي نطور من الشخصيه و كده بس كل ده كلام بنساه و مش بعمل بيه و لابفتكرو اصلا و بدائت احس اني بقلد اللي حواليا ده عمل كده اعمل ده انا كمان مش ف كل حاجه برضو بس بحس ان ده تقليد مش عارفه حاسه اني الحاجه و عكسها مش عارفه انا عايزه ايه ولا عارفه اي حاجه مع اني عارفه و فاهمه كل حاجة بس معنديش اجابات ...عرض المزيد

0 الدعم

0 نصيحة

Apple_22069 🇪🇬

حاسة بخنقة وبتمني اموت بس مش بعرف افضفض

حاسة بقالي فترة كبيرة بضغط غير مبرر وشعور بالخنقة حرفيا حاسة اني عايزة اختفي لا اموت ولا اتخطف مثلا بعد الشر لا اختفي وكل ذكرياتي في عقول القريبين تتمسح وكأني لم أكن خالص انا عرفت اني زمان ونا بتولد الحبل السري كان ملفوف علي رقبتي وكدة انا لوقتي نفسي اني كنت محدش لحقني انا حرفيا بقعد اقول انا بكره كوني بني آدم وبقعد اعيط واقول لربنا ان ده مش اعتراض بس تعب ومش لاقيه حد اقدر افضفضله انا بحب اهلي وكل حاجة بس مش بعرف افضفض اصلا انا اتربيت علي الخوف من كل شئ مش من اهلي لا من اللي برة البيت ايا كان هو ايه وتربيت علي الخوف من اللي جي دا خلي شخصيتي ضعيفة جدا وانا خلاص هتم ال ٢٣ سنه بس حاسة ان شخصيتي مشوهه حرفيا حاسة بخنقه وبتمني اموت بس في نفس الوقت انا مش بحاول اعمل اي حاجة تخليني اموت فعلا عشان مش هتبقي دنيا وآخرة كمان ...عرض المزيد

0 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع