الصداقة زمان قصص حقيقية - 1 تجارب، ونصائح، ودعم

Banana_79844 🇪🇬

منذ 6 أيام

شعور وحيد

زهقت من كل اللى اعرفهم الدنيا بقت مصالح محدش بيقول سلامو عليكو الا إذا كان محتاج حاجه منك اشتقت لايام زمان ايام الصداقة بلا سبب عايز اخرج مع شلة منعرفش بعض بس نقضي يوم حلو نصحك ونهزر و بلاش الأسئلة البايخه بتاع انت شغال ايه و عندك كام عيل و الكلام ده

Popcorn_52197 🇪🇬 هقولك على حاجه انا زيك فعلا وكنت كمان اساعد وأجرى ورا ده وده وانقذ ناس من الضياع وكنت الصاحب اللى الناس بتتمناه فعلا بس اخره الجدعنه اهو قاعد وحيد فقدت كل شىء بسبب انى مش متقبل حد بسبب نفسيتى بس الوحده خدت منى كتير بس علمتنى اهم حاجه بجد هى انى بقيت شخص قوى وعارف نفسى كويس مهزوز فى ثقه ونفسيه شويه بس احسن بكتير من الاول بص لنفسك وحالك ومستقبلك مهما كان سنك بص لنفسك ولما تقف على رجلك كله هيجى يتمسح

عرض الكل 3 نصيحة

شخصية كتومة ومشاعري جوايا بتتعبني

انا شخصية كتومة جدااا ودايما مشاعري جوايا ودي حاجة بتتعبني جدا وبتستنزفني حاولت مبقاش كتومة وافضفض بعدها بندم ندم عمري لان مفيش حد بيفهمني او بيفهمني غلط فبرجع تاني لقوقعة الكتمان حاجات كتيررر بتأثر فيا وبتاكلني من جوايا بس مبعرفش احكي ولا افضفض فبقيت لما اتكلم مع اي حد اتكلم عن اي تفاهات ومواضيع جانية عشان اتجنب اتكلم عن اي حاجة مزعلاني حاسة من كتر التراكمات بقي عندي اكتئاب بس انا مش بظهر دا ولا عايزة اظهر اني تعبانة دايما بضحك واهزر مع كل الناس، لحد ما واحدة صحبتي قفشتني وقالتلي حساكي مش كويسة احكي ، لما قالتلي كدا حسيت بتناقض جوايا غريب على قد مافرحت ان في حد حاسس بيا وشايفني متغيرة رغم اني بضحك وبهزر، على قد ما اضايقت ان في حد خد باله اني مكتئبة مش عارفه ليه بس انا مبحبش اكون مصدر طاقة سلبية لحد وادوش حد بماشكلي مش عارفه ليه حكيت دا بس قولت احاول اقول الي جوايا.. ...عرض المزيد

14 الدعم

35 نصيحة

هل الكلام بيخليني مريضة نفسية من صغري؟

عندى مشكلة و مش مشكلة انا لما كنت صغيرة كان كلهم بيقولوا عليا مريضة نفسية و ده كان بيتقال نتيجة لتصرفات بتطلع مني، بس انا من وقتها لحد الوقتي، شايفه اني فعلا مريضة، و كنت بحثت عن الموضوع و كده و شوفت فيديو و لقيت ان سبب من أسباب المرض النفسي ان الشخص يكون حد قاله كده من صغره، ف بيبقي فعلا مريض، انا بصراحة مش عارفة أوضح المعنى لأن الفيديو ده سمعته من زمان و حاليا مش فاكرة، ف ممكن لو حد عنده معلومة يفيديني انا لما كنت في الإعدادي كان طموحي لما أكبر اروح لدكتور نفسي اصلا، ف عاوزة افهم انا تمام ولا فعلا نتيجة الكلام بقيت فعلا مريضة 👍🏻 ...عرض المزيد

0 الدعم

23 نصيحة

خنقة بلا سبب ومش عاوزة أعيش.. تعبت من الشعور ده

هل في اسباب للخنقة بلا سبب يعني نكت صحيت مش قادرة اقوم من على السرير ولا اعمل حاجة حتى اني اخرج كخروج مش عاوزة حاجة غير اني ابقى لوحدي وبقالي فترة على كده اني مش قادرة اعمل اي حاجة ف حياتي انا حتى مش قادرة احلم ودايما ببقى حاسه باحساس اني مش عاوزة اعيش ومش ضروري احلم بحاجة لاني اصلا مش حابة الحياة ومش حابة اعيش فيها على الرغم من اني مش حد بعيد عن ربنا لا الحمد لله ده سبب من اسباب اني عايشة لحد دلوقتي بس حقيقي مبقتش فاهمه اي سبب ده اني مش قادرة استمتع بحياتي ولا قادرة اعيش اللي هو ولا عايشة مع العايشين ولا ميته مع الميتين.. حقيقي تعبت من الشعور ده اصلا كون اني كل يوم بتحايل علة نفسي علشان اعمل اي حاجة ده تاعبني بجد ...عرض المزيد

0 الدعم

15 نصيحة