الشغف

Apple_76733 🇪🇬

منذ ساعتين

شعور مستنزف

كنت بحب الحياة وبنزل چيم وبصلي وبقرأ قرآن وعندي مشاعر وبحس، من يوم نتيجة تالتة ثانوي وانا حياتي واقفة حصلي انتكاسة مش عارفة ارجع بعدها رغم اني حاسة استغفر الله اني متخلقتش للدنيا ومليش اي حاجة فيها تحسسني بسعادة او اني عايشة حياتي وقفت وقلبي اِسوَد اوي من البُعد عن ربنا والذنوب ، خسرت حلمي ونفسي و

Coffee_73568 🇪🇬

منذ 6 ساعات

شعور مكتئب

بفكر كل يوم في اني انهي حياتي.. انا صغيرة اوي على الشعور، دا بس حسه ان الحياة متتعش، لا دلوقتي.. ولا بعدين الأفكار دي بتملى دماغي بليل بس الصبح بحس "هحاول اعيش وخلاص" مش من الوحدة بس، من كل حاجة حوار الأفلام دا لوحده ممكن يأدي الشخص انه يتجنن من كتر مهو صعب انك تسيبه الضغوطات دي قاعدة تتراكم عليا

French Fries_76164 🇪🇬

منذ 23 ساعة

شعور شاعر بالملل

انا مشكلتي ان حياتي ملهاش طعم بايخه عندي صحاب و عربيه و بدرس في الجامعه كل صيف اعافر و اوصل لحته اكون راضي عنها و احس أن دي نقتت البدايه يجي الشا و كل حاجه تبوظ نحس مش راضي يتفك فقت الشغف و المتعه بكل حاجه كانت بتبستني انا دلوقتي مش عايز حاجه حتي الموت فقت الامل انو يجي

Kiwi_70606 🇪🇬 كيف حالك مع الله الواضح انك ضعيت علاقتك بخالقك مقابل متاع من الدنيا قليل قال الله عز وجل وما خلقت الجن والإنس إلا ليعبدون… صلاتك في المسجد خاصة الفجر وردك من القرآن يوميا قاتل عليه كثرة الاستغفار والذكر والصدقات علي فقراء المسلمين والمساكين والأيتام والأرامل بعد اسبوع ستجد تغيرا جذريا في حياتك ونفسيك وستعرف لماذا خلقنا الله عز وجل اصلح الله لنا ولك الحال والمآل

عرض الكل 5 نصيحة

Almond_68662 🇪🇬

منذ 4 أيام

شعور غير مكتمل

في فتره كده في حياتك في أول ال 30 كده وبتسال نفسك هو انا ليه كنت زعلان اوي كده ومصعبها علي نفسي وبفكر و بتعب وبتوجع مع أن دلوقتي بتتحط في نفس المواقف بس برد فعل مختلف تماما . الوقت ده بتكون أدركت أن الحاجه اللي بتحبها مش ليك و ناس اللي عايزهم بيسبوك والناس اللي عايزنك انت بتسبهم و بتحس أنك بقيت ناضج

Sugar_76256 🇪🇬

منذ 5 أيام

شعور متعب

اى حل الزهق انا بمل بسرعه اوى من اى حاجه في حياتي فيلم مسلسل كتاب اى حاجه مبكملهاش حتى لو هي مشوقه بشهاده الكل وغير كده حاجات كتير في حياتي بكل منها وبزهق بسرعه كل حاجه بتبق مسليه وبعد كده خلاص

Apple_73577 🇪🇬

منذ 6 أيام

شعور مرهق

عبّر عن شعورك بشكل مجهول

صباح الخير
الإنسان تعب من نفسه انا مبقتش طايقها
الانسان مبقاش عنده شغف لحاجه وبحاول ارجع كل حاجه مش قادر
يخربيت كدا والله يا جدعان بجد يخربيت كدا يخربيت الوهم اللي الانسان بيعيش فيه يخربيت الافكار والذكريات
للاسف انا عملت احلي ذكرياتي مع أسوأ ناس ممكنه و ما بين تهميش كل الذكريات الحلوة عشان الناس دي وحشه وما بين اني معنديش غير الذكريات دي
مكانش عندي حاجات كتير مبهرة ف حياتي او مواقف أفضل فاكرها يمكن الموقف الوحيد هو يوم ما جبت هندسة ف نتيجة الثانوية العامة من 9 سنين
بعدها يمكن مفيش حاجه عدلة او حاجه نفتكرها ومبقاش فيه حاجه الواحد يبكي عليها.
بقيت عامل زي الزومبي من فترة كنت اتفرجت ع فيلم اسمه Manchester by the sea كان بيتكلم عن شخص عايش حياته يا دوب بينجوا واستغربت ان ازاي انسان ممكن يوصل لكدا من الارهاق النفسي
حاليا فهمت الفكرة والموضوع وانا كل يوم اصحي من النوم كان قلبي عليه هموم الدنيا كلها
غريب اوي قد اي اذي ناس بنحبهم ممكن يسيب فينا الاثر ده وغريب اوي اوي اوي ان الانسان ممكن ساعات يقول انه يستاهل الحزن ده النهاردة خدت اجازة عشان مش قادر حرفيا اطلع من البيت من الارهاق مش قادر حتي اخرج من اوضتي برغم ان الكون كبير اوي اوي اوي لكن كان مفيش برا جدود الاوضه دي غير خوف وتعب وجرح وارهاق بس الأمل في الله قادر يبدل حالي وحال كل مضايق ربنا يكشف عني وعن عباده الهم والحزن

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Mushroom_51170 🇪🇬

منذ 6 أيام

شعور لا مبالٍ

من الحاجات اللي بستغربها ان ازاي ابقى شايفة الموضوع كبير اوي وبعد سنه لما افتكره اضحك على نفسي على اللي عملته هل ده بيبقى بسبب النضخ ولا ان الموضوع خلاص بقى ممل ولا ايه وكمان ايه اللي بيجيب الملل يعني بحس ان الملل معناه اني فقدت الشغف في حاجة بحبها والملل بقى منتشر جداً الفتره دي ناس ملانه مم حياتها

Chocolate_40055 🇪🇬

منذ أسبوع واحد

شعور متوتر

عبّر عن شعورك بشكل مجهول

جماعه انا عندي مشكله في تحديد انا عايزه اخش انهي كلية او عايزه اطلع ايه اصلا ، انا لسه اولي ثانوي و لكن الموضوع ده شاغل بالي جدا خصوصا انه انا خلاص السنه الجايه لازم اختار المسار اللي انا عايزه اخشه و اختاره بناءا علي انا عايزه انهي كلية و لكن الحقيقه انا مش قادره احدد انا عايزه ايه و لا انا شاطره في ايه ، لأني بطبيعة الحال إنسانة بتمل بسرعه جدا و بحب الحاجه يبقي فيها تجديد مستمر فمفيش اي حاجه تقريبا انا حبيتها او بدأتها و كملت فيها زي مثلا لعبة او او رياضه او كتاب او انمي او فلم دايما بييجي لي فجأة فقدان شغف في الحاجه حتي لو انا بقرأ كتاب و في قمة الاحداث و الحماس بقي عادي جدا ممكن اقفله و اقعد بالشهور علي ما افتحه تاني و حتي و انا صغيره مكنش عندي حلم وظيفه معينه كنت بس بفكر انه نفسي اكون أم و اعيش حياة سعيده مع اولادي بغض النظر مين جوزي عمري ما تخيلت وجوده اصلا ، بس انا دلوقتي قدام قرار مصيري و خايفه اختار حاجه محبهاش و اكون عايزه اغير مساري و اضيع سنين اكتر من حياتي في نفس المرحله ، انا فكرت شوية في اني اطلع دكتوره بغض النظر عن التخصص عمتا و لكن امي مش عايزاني اخش طب و بتقولي اخش حسابات و معلومات و انها شايفاني في مجال الجرافيك ديزاين و البرمجه ، بس انا مش بحب الحاجات الممله دي اني افضل قاعده شغلي كله من الكومبيوتر و مفيش حركه و مفيش اي حاجه جديده او مميزه ده ملل بالنسبة لي بس هي شايفه اني ادخل كلية اقدر اشتغل منها اون لاين عشان لو بقيت أم ميبقاش عائق اوي ، هي عموما مش بتجبرني علي حاجه و قالت لي براحتك بس انا بنصحك ، انا عندي تلت مشاكل كمان مخليني مش عارفه اختار تخصص اكتر ، الاولي انه عندي تشتت رهيب و تركيزي وحش جدا و ذاكرتي كمان ايه السبب معرفش بس ده من و انا صغيره التركيز عندي سيئ ، ثانيا اني ما شاء الله تبارك الله شاطره في اي ماده و في اي لعبه و في اي مهاره و في اي حاجه عامة و ده مخلي عندي تناقض اكتر لأني شاطره في كل حاجه طب اخش ايه بقي ، تالت حاجه اني اتعودت من و انا صغيره علي التسويف و ده كمان اللي مخلي شاطرتي دي عيب مش ميزه لأني مش بستخدمها عدل بسبب التركيز السيئ و التسويف رغم إن ما شاء الله تبارك الله عليا بذاكر قليل جدا و بجيب فرق بيني و بين اوئل دفعتي درجتين بالكتير مثلا مع اني لو ذاكرت عدل انا عندي إمكانية اطلع الاولي علي الدفعه كلها فعلا ، بس انا مبمشيش غير بالتحفيز المستمر و الجوايز يعني امتحانات الشهر بتاعت الدروس بحسها منافسة و بجيب درجات عاليه لكن اخر السنه او نص السنه مش بهتم اوي ، انا محتاجه حل لأن الموضوع مأثر علي عقلي الباطن و علي جودة نومي و مخلي عندي قلق و توتر مستمر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_56002 🇪🇬

منذ أسبوع واحد

شعور محبط

‏الدنيا لما كانت بتيجي عليا كنت بهرب بالنوم مكنتش عايز احس بحاجه مكنتش عايز احس بأذيه كنت بسكن الوجع وكنت فاكر اني كده بقيت كويس لكن بعد فتره اكتشفت ان عمري مكنت كويس وان الوجع ملوش مسكن واني كنت برمي ورايا لحد ما تعبي زاد بدا يبان ع شكلي وعلي جسمي‏ وصلت لمرحله اني بقيت عايز انتقم من نفسي عايز ارتاح

Pineapple_76349 🇪🇬

منذ أسبوع واحد

شعور محبط

ازاي اخرج نفسي من الاكتئاب والخوف المستمر من الموت ازاي ارجع شغفي من جديد ومخفش ومحسش بتعب ازاي الهي نفسي في الحياه وابعد عن التليفون ازاي اطور من نفسي ازاي اعمل حاجه مفيده انا معرفش شغفي مثلا في حاجه بحبها علي طول تعبانه مليش نفس اضحك او اهزر علي طول قاعده ضربه بوز كلو بقى شايفني كئيبه تعبت وزهقت

Marshmallow_69067 🇪🇬

منذ أسبوع واحد

شعور ضائع

ساعات بتجيلي هواجس إن الأمل موجود عشان معرف نعيش عشان نعرف نعدى اليوم يعنى.. فيه ايام بيكون جوايا أمل رهيب وكأن هتحصلي معجزة ولكن اليوم بيعدى عادى وايام بحس انى من كتر التعاسة وفقد الشغف انى هموت خلاص بس برضو اليوم بيعدي عادى.. سعات بحس الأمل غذا للروح من غير م يكون فيه اى دليل ع ان حاجة هتحصل يمكن

Apple_64150 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

انا كنت مخطوبه لواحد قريبي كان بيحبني ف الاول ويقول كلام زي بريل عليكي ومجنناني والكلام ده ولو قدامي كنت اغتص...وكلام من ده 
بعد كده بدا يلمح بحاجات اكبر بس مكنتش بتكلم معاه ف الكلام ده كذا مره لحد ما قولتله انا سمعت شيخ بيقول المفروض تعامل خطيبتك كانها اختك وتحافظ عليها وهو اتغير من بعدها مبقاش يرن ( احنا اصلا ف العادي بحكم الجيش كنا بنتكلم مره واحده ف الاسبوع واوقات مرتين ) بس كانت ساعه ونص ف كنت بقول عادي 
بقيت ارن انا ميردش عليا ابعت الرساله يتاخر ب ٧ و ٨ ساعاات هو بيشتغل ميديكال ريب وكان بيقولي انه مشغول 
اقوله مفيش دقيقه اطمن عليا فيها يقول مفيش وارجع انا اكلمه عادي كل ده شات 
اوقات كان يلمح للكلام بتاعه ده وارجع اصده بهزار بردو عشان ميتقفلش ( لان كنت حاسه لو قولتله ياتسكت ي نفركش مكنتش حاسه انه هيختارني ) فضلنا ع موضوع مشغول ده من شهر ١٢ لحد العيد الصغير كنت بطلب منه يقولي كل سنه وانتي طيبه حتي قالي هتيجي ف وقتها قولتله حاسه اني بشحتك حرفيا قالي متشحتيش ( فانا جه ف دماغي انه كان بيعمل كده كعقاب ليا عشان كان اوقات يقولي قوليلي ي حبيبي مثلا او بحبك ف ريكورد او كده وانا كنت بتحرج اقول ) 
فقولتله شكرا وتاني يوم مكلمتوش ف دخل ع العشا كده قالي كل سنه وانتي طيبه رديت عليه وبقوله انا زعلانه من امبارح كنت فاكره هترن عليا تراضيني قالي انا وصلت للي فيه ده بسببك بسبب زعلك وقمصك ( وانا اصلا اقصي حاجه ممكن ازعل منه ٣ او ٤ ساعات وارجع اضحك تاني ) والفتره اللي فاتت كلها كان بيقول كلام سم وانا ببلعه عادي المهم اتعاتبنا واتفقنا ع حاجات هنمشي عليها بعدها والدته كانت مسافره ( والدته دي محضرتش الخطوبه عشان اهله بره مصر ورجعت بعد الخطوبه بسنه ومجاتليش تسلم عليا وعزمناها ف رمضان مرضتش تيجي قالتله والله مانا رايحه معاك ف حته ولا عزمتني هي ولا كلمتني ف العيد ولا جاتلي مع ان بيتهم ف الشارع اللي ورانا وانا اللي كلمتها ف العيد قالتلي نسينا نقولك تيجي تصلي معانا ) المهم اول ما سافرت قالي حقك عليا وانا مقصر معاكي وتعالي نخرج وخرجنا واتصورنا وانبسطنا بعدها باسبوع يقول مش مرتاح ومش عارف ياخد قرار واتفقنا ندي لنفسنا فرصه تانيه وهو قالي مش متخيل نفسي مع حد تاني وسالته لسه بتحبني وناوي تصلح قالي ايوه واتفقنا 
بعدها جالي وروح كان كويس وبيتفق معايا نعمل سيشن ف فرح اخته بعدها قعد شهر مجاليش وجالي ف العيد الكبير جايبلي حلويات بحبها وانا كمان جبتله وقعدنا نهزر ونضحك وروح بعتلي اغاني وكلام حلو حتي يومها بيقولي الراحه الكليه هتبقي ف الشقه ف قولت اهزر معاه واقوله ايوه احنا الاتنين بقي قالي انا بس انتي كده كده مش فارق ! بس عديتها عادي  بعدها باسبوع كان كتب كتاب حد قريبنا بقوله عقبالنا فالي ايوع ربنا يكتب علينا اللحظه دي بعدها بكام يوم  يقولي فقد الشغف وسابني بقوله ده احنا كنا كويسين يقولي كنت برد عليكي واجب  طب ازاي ده قبلها بيومين كان بيقولي ام عيالي وتسلميلي ي قلبي وانتي الغاليه !! قولتله انت بتلعب بمشاعري وتقولي واجب! طب واجب ده لما تتاخر ف الرد عليا وانك متردش ع الموبايل انما قلبي وروحي وانك نفسك تعيش معايا ده ايه بتديني وعود ليه كده لما انت مش طايقني قعدت ٣ ايام مفتحش الرسايل كلمت اهله ابوه قالي استني يومين اكلمه قولتله حاجتكم جاهزه قالي لا استني ده مش عارف قيمه النعمه اللي ف ايده بعد يومين ابو كلمنب تاني وقالي الولد متردد قولتله حاجته جاهزه قالي لا استني يومين كمان استنيت حد يتكلم مفيش كلمت عمه جه خد حاجته 
هل انا السبب ف ده هل قفلته مني!! 
ازاي بعد ماكان بيقول يحبك ووحشتيني وقلبي وام عيالي بعدها بكام يوم يتحول كده ! وازاي ميكلمش ابويا ولا اهله كلموه طب مشاعري انا دي ايه ده انا لاخر يوم بقوله نفسي افرح بحياتي معاك يقولي فقد الشغف !! طب مانا بسالك بقالي ٥ شهور كان بيقول الدنيا تمام انتي اللي بيتهيألك اننا متغيرين اقوله احنا بنبعد يقول لا ! 
طب موقف امه ده ممكن تكون مكنتش موافقه عليا طيب!!!!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_75255 🇪🇬

منذ أسبوع واحد

شعور وحيد

كل يوم بصحي من النوم بصعوبه شديده بروح للشغل بصعوبه أشد نادرا جدا لما بقعد حتي مع صحابي أغلبهم كمان بيكون مشغول بحياته العاطفيه وانا بفضل متنح ف السقف قبل ما اروح الشغل كل يوم لما اصحي واوصل الشغل متأخر حاسس أو متاكد اني فقط الشغف بكل حاجه

Biscuit_50330 🇮🇹

منذ أسبوع واحد

شعور شاعر بالملل

الإجازة دي مختلفة عن كل مرة.. كان المفروض تبقى راحة وفرحة، بس لقيت نفسي حاسة بملل ووحدة أكتر من أي وقت. مفيش شغف، مفيش طاقة، حتى الحاجات اللي كنت بحبها بقت عادية ومش مفرحة زي الأول. ساعات بحس إن الأيام بتمشي من غير ما أعمل حاجة حقيقية، وكأنها بتضيع مني. ناقص شهر والدراسة تبدأ، ولسه نفسي أعيش الإجازة

Nutella_75863 🇪🇬

ليه محدش بيهتم لأمري أو بيختارني؟

عايزة اقول حاجه مزعلاني جداً ويمكن امسح البوست ده كمان شويه.. بس انا حزينه ان عمري ما كنت الاختيار لشخص او انا الطرف الي ممكن حد يختاره.. اتعرفت ع ناس كتير جدا في حياتي بس محدش فيهم اختارني دايما في طرف تاني هو الي يستاهل الحب والدعم والمحاولات والاهتمام وانه حد ممكن يحاول عشانه.. بقيت ببص لنفسي وبسألها ليه محدش بيهتم لأمرك و بيحاول عشانك مدام بيقولوا انك شخص كويس وتتحب وهل أنا فعلا اتحب ولا هما بيقولوا كده من باب جبر الخواطر يعني!!! حقيقي نفسي احس ان حد بيحاول عشاني او مهتم لوجودي او يختارني ولو مره واحده ف حياتي حقيقي . وحقيقي أنا اسفه لنفسي علي كل حاجه وعلي كمية الخزلان اللي اتعرضتلها طول حياتي ..وكل حاجه بعديها لوحدي.. ...عرض المزيد

5 الدعم

21 نصيحة

Croissant_74053 🇪🇬

الشكل مهم في الارتباط وعامل أساسي يعوض

بصراحة انا شايفه ان الشكل مهم مش لازم يبقى وسيم اوي بس على الأقل يبقى فيه قبول من ناحيتي يعني لما ابص له أحس ان شكله عاجبني ومش منفرة منه خصوصا لو حالته المادية مش قد كده يبقى الشكل عامل أساسي يعوض شويه في الآخر البنت عايزة ترتبط بحد ترتاح له نفسيًا ويملي عينها يكون حلو حتى لو الناس شايفينه عادي ...عرض المزيد

2 الدعم

19 نصيحة

Apple_70037 🇪🇬

سيكريت بارتنر ده تعويذه ولا ايه؟ ليه محدش بيرد؟

هو يعني سيكريت بارتنر ده يا جماعه اللي قاعدين تنزلوها ؟ كله عاوز سيكريت ديه تعويذه ديه ولا ايه ؟ وليه لما بسأل حد مبيردش عليا هو الموضوع خطير اوي كدا ولا سري للغاية ولا ايه ؟ معلش حد يفهمني علشان بجد انا بدأت احس بقلق ...عرض المزيد

0 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع