الدين

Cookies_61016 🇪🇬

منذ 17 ساعة

شعور مكسور القلب

عبّر عن شعورك بشكل مجهول

في عندي مشكله عائليه ويارب الشخص اللي يشوف الكلام ده يكون سبب اننا نوصل لحل.
وانا مؤمن جدا ان الشكوي لغير الله مذله، بس انا مش عارف الطريقه اللي ههحل بيها🙂
وانا هحكلم بشكل سريع عن حياتنا عامله ازاي. 
احنا عيله مكونه من6 افراد امي وابويا و4 اخوات وانا الاوسط. 
احنا كنا عايشين عيشه علي ايام شباب ابويا كان لسه بصحته،كانت بطريقه صعبه جدا اكبر مما تتخيل، كان بيجب الاكل بالطقه،والمصريف بتاعتنا ساعات كان بيدينا او لا، وهوا في ايدا انه يصرف علينا ويعيشنا في مستوي اجتماعي كويس، بس اللي حصل مكنش كده،وكمان انا واخويا الكبير علي وش جواز،وهوا ولا عمل لينا شقه ولا فكر في مستقبلنا وهوا جوز اختنا الكبيره وخلاص علي كده، كان وقت ساعتها بيفكر في نفسه وبس وقال هما يبقو يجوزو نفسهم علي اساس انه سايب لنا المحل عشان نجوز نفسنا منه،والمحل اللي جاي منه علي قد اللي رايح في ظل الظروف اللي البلد بتمر بيها الايام دي، وكمان كان مدمن مخدرات وكان مضيع فلوسه كله عليه،وده سبب انه كان ماسك ايده في المصريف علينا، وكان بيسب الدين كتير جدا وده كان مخلي حياتنا مفيش فيها بركه،  لدرجه ان كان الواحد يتربط بحبل ويضرب بي خرطوم الامبوبه عادي او بنطرد في الشارع في اوقات متاخره وكان شغل تحكمات تخلي الواحد عاوز يموت نفسه 💔
وبالرغم اننا مكناش مقصرين في حقه في حاجه 
بس عشان هوا لما يقول علي حاجه واحنا نتاخر عنها او منعملهاش كان يومنا بيكون  كل ضرب وشتيمه. 
وفضلنا بهذا الحال لحد ما كبرنا و ابويا دخل في ال 60 سنه وكان لسه بنظام التحكم اللي هوا ماشي بيه،  لحد ما جه في يوم كان هوا في مشوار وكان معاه مكنه وهوا راجع من المشور عمل حادثه صعبه تسببت في تمزق في الكتف وثقب في الرئه، واتنقل في المستشفي وفضل حوالي 3 شهور، بعد ما طلع من المستشفى. 
دلوقتي معتش عنده قدره انه يعمل حاجه بس لحد الان لسه بيشتم وبيسب الدين واخواتي الكبير والصغير اتعلمو منه السب،وانا اتكلمت معه في الحته كتير جدا ان السب ده حسابه صعب جدا عند ربنا وهوا مش عاوز يسمع مني وبيعمل اللي في دماغه ولحد الان لسه بيسب الدين وانا معتش عارف اعمل معاه اي بالنسبه اننا تعبانين جدا في حياتنا بسبب قله الرزق وان الواحد مش شايف تقدم، واخويا الكبير هوا اللي واقف في المحل وبيصرف علينا وبيشتكي من المصريف انها كتير عليه بالنسبه انه عاوز يكون مستقبله ويبني شقته ويتجوز،  وبجد حالنا ما يعلم بيه الاربنا 😕

فا يارب ربنا يوفقنا في حل ضيق الحال اللي احنا فيه ده
وجزاكم الله كل خير

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Olive_76077 🇪🇬

منذ 3 أيام

شعور وحيد

انا مريض نفسي وباخد علاج، انا حالياً عارف دينى وشاكك فيه فى نفس الوقت. انا تعبان وعايز اموت؛ مش لاقى حل لحياتي معرفش هل ده بسبب المرض النفسي ام بسبب الله عايز يظهرلى الطريق الحق!؟. انا حالياً تعبان وعايز اموت

Ice Cream_81003 🇩🇿

منذ 5 أيام

شعور قلق

كيف نقدر نقوي ايماني مع انو انا نصلي و كل يوم لكن مرات نحس انو ايماني ضعيف و نشكك في دين الاسلام اسغفرالله مشي دايما يجيني هاد الاحساس مرّات برك ، راني باغية نقوي ايماني في الاسلام و ديني اكثر

Croissant_74053 🇪🇬

منذ 6 أيام

شعور مكسور القلب

كنت فاكرة إن التدين بيكفي عشان يخلّي الإنسان نقي من جوّاه… قابلت شخص شكله محترم، كلامه كله دين وقرآن وصلاة، حسّيته مختلف عن الباقيين. كان بيتكلم عن ربنا بطريقة تخليني أرتاح، أحس إن في أمان، إن في راجل ممكن فعلاً يكون سند مش غدر. فضلت أحترمه وأقدّره، كنت بحاول أشوف فيه القدوة اللي دايمًا بدور عليها.

Marshmallow_52511 🇪🇬

منذ 6 أيام

شعور متعب

عبّر عن شعورك بشكل مجهول

اسالك كتييييير اوي في دماغي يوما بصحى من النوم بفكر فيها و بنام تاني بجد انا مبقتش افكر في حاجه تانية غير سؤالين بالتحديد و متفرعين بقى 
كتير بفكر في مستقبلي و هكون مين هل هكون شخص ناجح يقتدى به و الناس تحترمه و يتمنو انهم يكونو زيه ولا هكون شخص عادي عمري ما توقعته و بجد اكتر حاجه مش بتطلع من بالي انا هكمل حياتي مع مين و هيكون شكله عامل ازاي و هنتكلم في ايه و هل هكون مبسوطة معاه زي ما انا بدعي ربنا و هل هيكون شخص كويس و بيصوني دلوقتي عشان فعلا يبقى قد كلمته انه شخص نضيف و ملوش ماضي مرير ولا هيكون شخص وحش و سيئ و فظ و صعب هل هكون مرتاحة معاه  و برضو الحاجه الاساسية الي مش بتطلع من بالي الي هو انا ايه عند ربنا هو ربنا بيحبني طب انا انتكست و هى ليه الدنيا صعبة كده انا بحب ربنا و بحاول اه لبسي ميرضيش ربنا بس انا كل يوم و انا نازلة من البيت بكون مضايقة مش عايزه آخد ذنوب حتى لو فرحانة باللبس مش عارفه اغيره و لا اغير تفكيري نفسي ارضي ربنا نفسي اعيط بجد نفسي اطلع الي جوايا انا شخص مقصر اوي مع ربنا مش عايزة ربنا يغضب عليا و انا بحبه اوي و بحاول اوي انا اه يبان عليا اني شخص عادي مش فارق معاه دينه بس هو فارق معايا اوي و بعمل على قد ما اقدر نفسي بجد اكون من الناس الي تعبت في حياتها اوي بس كانت بتصبر 
انا اثر فيا اوي صالح الجعفراوي و اثر فينا كلنا و الامانة مش عايزاه يرجع تاني و كلنا عارفين ليه احنا مش بن
عيط عشان هو مات  انما احنا بتعيط حزنا على حالنا احنا الي ربنا ادانا نعمة كبيرة اوي الي هى نعمة الامن و بننسى على الاقل نقول الحمد لله 
انا كل ما بتيجي سيرة صالح قلبي يتوجع اوي مع انه كان شخص بشوفه عادي زيه زي اي صحفي مع الجزيرة و اتوجعت عليه اوي اكتر من انس معرفش ليه بس هم الاثنين احسن مننا كلنا 
كلنا قلبنا موجوع على صالح عشان هو كان اسم على مسمى موته او قت/له بجد هو الي زود عندي الاسالة كون انه يكون في ريحت مسك طيبة عند قبره دي حاجه مش عادية مش عادية ابدا انا شوفت ابتسامة على وشه فالڤيديو رغم علامات الفزع عليها دلالة على الغدر الي اتعرض ليه بجد صالح ده مفيش كلام يقدر يوفي مكانته بعد موته عندي و عند كل العالم بجد انا عملت ايه عشان اكون احسن منه اكيد مش هعرف يارب نوصل للمرحلة الجميلة دي للسلام دي يارب نموت على حسن خاتمة يارب ربنا يتقبلنا عنده و نكون بصحبة سيدنا محمد صلى الله عليه و سلم و بصحبة صالح و انس يارب تقبلني عندك يارب انا بحاول انا تفكيري مش واقف يارب انا بحبك اوي و بحاول يارب الانسان تعب من كتر التفكير في انه مقصر و انه انسان فاشل يارب نوصل لمرحلة السلام دي و نوصل لحظة دخول الجنة يارب انا و كل المسلمين يا رب و زود صالح و انس بدرجات النعيم اجعلهم بصحبة سيدنا محمد و النبيين يارب رحمتك بينا عبادك المقصرين 💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Toast_41154 🇪🇬

منذ أسبوع واحد

شعور مستنزف

كنت من شوية شايف كذا شخص بيتكلم وبيقول انه بيواجه مشكلة في الدين ومش قادر يقرب من ربنا وان عنده مشاكل في الاقتناع بالدين. الناس دي في منهم بيحافظوا على صلاواتهم وبيصلوا وبيصوموا لكن عندهم المشكلة دي ومش عارفين مصدرها، فقولت اجرب اكتب هنا لعل حد يشوف البوست ده. المشكلة الاغلب في انهم مش فاهمين حاجة

عبّر عن شعورك بشكل مجهول

كنت من شوية شايف كذا شخص بيتكلم وبيقول انه بيواجه مشكلة في الدين ومش قادر يقرب من ربنا وان عنده مشاكل في الاقتناع بالدين.
الناس دي في منهم بيحافظوا على صلاواتهم وبيصلوا وبيصوموا لكن عندهم المشكلة دي ومش عارفين مصدرها، فقولت اجرب اكتب هنا لعل حد يشوف البوست ده.

المشكلة الاغلب في انهم مش فاهمين حاجة من القرآن، يعني بيقرؤوا القرآن في الصلاة وبيسمعوا تلاوات شيوخ لكن مش فاهمين حاجة، هما محتاجين حد من سنهم وحد بيفكر زيهم يشرح لهم معاني القرآن وتفسيره، يعني مثلاً الي بيسمع شيخ المنشاوي بس عشان صوته حلو، مش عشان يسمع ويفهم ويتدبر كلام ربنا، بيركزوا على ان ازاي الشيخ ده مد الحرف ده او ازاي فتح او كسر الحرف ده او ازاي قال السطرين دول في نفس واحد، وده طبعا مشكلة، بيركزوا في الصوت وبينسوا المعني، يعني مثلاً ممكن الشيخ بيكون بيقول آية (( يَا قَومِ إنمَا هذهِ الحياةُ الدُنيا مَتاعٌ وإن الآخِرَةَ هِيَ دَارُ القَرارَ )) والشخص الي بيسمع مستمتع وآخر حلاوة و واو وبعدها يشرب شيشة (حرفياً)، لكن نسى يتدبر الآية، وان الدنيا دي حياة الناس بيتنغموا فيها وبيتمتعوا فيها قليلاً ثم تنقطع وتزول، وإن احنا كمسلمين ينبغي لنا إننا منتفتنش فيها ونحبها وان نغيم الآخرة هو النعيم والمتاع بجد وكل حاجة، وان احنا منبيعش حياة دائمة خالدة بس عشان شهوات او سجاير واي حاجة ربنا حرمها، وان احنا ينبغي لنا ان احنا نستعمل الدنيا دي ونعمل عمل صالح عشان ندخل الجنة، الي هي بيتنا الحقيقي.

ومثلاً لو رحنا لسورة المؤمنون، فيه آيات فيها اعجاز علمي وبياني وبلاغي لا شك انها من عند الله سبحانه وتعالي، ربنا بيوصف عظمة مراحل خلق الانسان وقد ايه ان الانسان مش حاجة سهلة تتصنع زي لعبة وإن إزاي ربنا احسن خالق، ربنا بيقول (( وَلَقَدْ خَلقنَا الإنسان مِن سُلالَةٍ مِن طِينٍ (١٢) ثُم جَعلناهُ نُطفةً في قَرارٍ مَكينٍ (١٣) ثُمَّ خَلقنا النُطفةَ عَلقةً، فَخَلقنا العَلقةَ مُضغةً، فَخَلقنا المُضغةَ عِظامًا، فَكَسونا العِظامَ لَحْمًا، ثُمَّ أنْشَأناهُ خَلقًا ءَاخَرَ، فَتَبَارَكَ اللهُ أَحْسَنُ الخَالِقِينَ (١٤) )) ربنا وصف مراحل خلق الإنسان بدقة رهيبة من 14 قرن وان ازاي الإنسان من أعظم خلق الله في الدنيا وإن الله يستحق التعظيم والثناء وان الانسان الأول كان طين بعدين بقى نطفة (قيل مشيج او مني) في رحم المرأة بعدين بقى علقة (قيل دمًا أحمر) بعدين مضغة (قيل قطعة صغيرة من اللحم لا شكل فيها ولا تخطيط) بعدين اللحم اللين بقى عظم، بعدين كسا العظام لحمًا (اي تكوُّن اللحم في العظم) ثم نفخ الله فيه الروح فأنشأه خلقًا ءاخر، بعدين قال فتبارك الله أحسن الخالقين لأنه هو من يستحق الثناء والتقدير كله.
بعد ما ربنا قال عظمة مراحل خلق الإنسان، تفتكروا ايه هي كانت الآية الي بعدها؟ مش هتتوقعوا.
(ثُمَّ إنَّكُمْ بَعْدَ ذَالِكَ لَمَيِّتُونَ (١٥) ثُمَّ إنَّكُمْ يَوْمَ القِيَامَةِ تُبْعَثُوْنَ (١٦) ).
حد توقعها؟ مستحيل.
ربنا قال عظمة خلق الإنسان بعدين قال إن الإنسان هيموت، وهيبعث يوم القيامة.
مش ناسيين حاجة في النص؟ مش الإنسان بيتولد بعدين يعيش في الدنيا بعدين يموت بعدين يبعث يوم القيامة؟ مش ملاحظين ان ربنا قال في الآيات ده الحاجات المهمة بس، الي هم الإنسان بيخلق بيعدين بيموت بعدين بيبعث، هل ده معناه ان الدنيا من مهمة أصلاً؟ 
ازاي واحد يشوف دار خلد الي عمرها ما هتنتهي ويحط الدنيا بنفس الأهمية ويتمتع فيها؟ مش قادر يستنى ويمسك نفسه فيها؟ البنت الي بتمشي في الشارع مش قادرة تلبس الحجاب بس الشوية دول؟ الولد ده مش قادر يبطلها في الشوية دول؟ عشان بس نتصور الفرق بين الخلد (اللا ما لانهاية) والحياة الدنيا الي هي بلكتير 60 او 70 سنة، تعالوا ناخذ شركة أبل كمثال، تقدَّر ب 3,670,000,000,000 دولار (الي هي طبعًا مش ما لا نهاية لكن فقط عشان نتصور) وانت ثروتك بالكتير 70 جنيه، لو قولتلك عد لحد 70 هتاخد وقت قد ايه؟ يمكن 40 او 50 ثانية؟ لكن لو قلتلك عد ل 3670 مليار تعرف هتاخذ وقت قد ايه؟ تقريبًا 116339 سنة!!!!1396068 شهر!!!!!! في الوقت ده ممكن حرفيًا حرفيًا تلف الكرة الأرضية مشي على رجليك خمسين ألف مرة!!!!!!! 50434 مرة تمشي فيها مسافة 2,017,360,000 كيلو متر!!!!!!!! وده عدد محدود!! يعني لو كنت عايش في عهد الفراعنة وبديت تعد من وقتها لحد دلوقتي مش هتكمل 0.06% من اجمالي ال 3670 مليار!!!! والمشكلة ان ده عدد محدود وبعيد جداً عن الخلد الي ربنا تكلم عنه في القرآن، المشكلة والمصيبة الأكبر إن في ناس بتبيع ككوووووووووووووووووووووووووووووووووووووووووووووووووووووووووووووووووووووووووول ده بس عشان يتمتع لبعض ثواني أو عشان الشطورة "تتحرر" ومتلبسش حجاب!! أنا آسف بس هم مغفلين، غرتهم الحياة الدنيا عن الجنة، قد إيه الدنيا ده حقيرة ومتستاهلش أبداً أبداً.

مرة كنت بقرأ سورة العلق، واستوقفتني آية ربنا بيقول فيها (( أَلَمْ يَعْلَم بِأَنَّ اللهَ يَرَىٰ (١٤) )).
ربنا بيشوفنا، حرفياً بيشوفنا وعارف كل حاجة إحنا بنعملها، الي بيتصدق في السر ربنا بيشوفه، والي بيسمع أغاني ربنا بيشوفه، والي في الغرفة لوحده ربنا بيشوفه، والي بيشاهد قذارة ربنا بيشوفه، والي "مكسلة" تلبس الحجاب ربنا شايفها، والي والي والي… مش هنخلص. ربنا عارف كل نوايانا وعارف كل الي في قلبنا، الانسان الضعيف ده مش قادر يستوعب الخمس كلمات دول؟ يابني ربنا بيشوفك!!! مش هزار!!

مرة في التراويح سمعت آيات من سورة آل عمران
(( والذين اذا فعلوا فاحشة او ظلموا انفسهم ذكروا الله فاستغفروا لذنوبهم ومن يغفر الذنوب الا الله ولم يصروا على ما فعلوا وهم يعلمون (١٣٥) أُوْلآئِك جزآئهم مغفرة من ربهم وجنات تجري من تحتها الأنهار خالدين فيها ونعم أجر العالمين (١٣٦) )) 
يعني فعلاً من بيغفر الذنوب إلا الله؟ ربنا قالك اذا عملت ذنب كبير أو عملت حاجة وحشة وظلمت نفسك (مكنش المفروض تعملها)، إذكره، وإلجأ إليه تائباً واطلب منه المغفرة وانت عارف إنه مفيش حد غيره هيغفرلك، ومتعملش المعصية ده. وتفتكر ليك إيه من ربنا؟ الذين اتصفوا بتلك الصفات العظيمة واستغفروا وتابوا لربهم لهم الجنة لا يخرجون منها أبداً، يعني تقدر تعد لحد 386,000,000,000,000,000,000 
ومش هتزهق خالص ولا هتخلص 😂
تخيل ده عدد حسناتك يوم البعث، هي مش صعبة، بس اعمل الخير والعمل الصالح الي مش بياخد من وقتك حاجة، واسمع الكلام.

انا تقريبًا طولت في الكتابة، كنت جاي انصح كام شخص لقيتنا بفضفض الحاجات الي في دماغي، والله الدنيا م تستاهل، احنا الي بنعظمها عشان وجدنا فيها شوية متعة بس. انا يمكن دخلت كذا موضوع في بعض او قولت اسامي ناس او فيه أخطاء إملائية، لكن معلش انا مش هرجع أقرأ كل ده 😅، فأعتذر مبدئيًا لو أنا غلطت في حد أو في حاجة.

كل الي انا عايز الناس تعرفه ان الجزء الأكبر من المشكلة مقتصر على إنهم مش فاهمين حاجة من القرآن ولا الأحاديث ولا حد مسكهم وقعد يفسر لهم، وانا على فكرة كنت كده ولحد دلوقتي مفيش حد مسكني وفسرلي، لكن بتطلعلي فيديوهات التفسير على السوشيال ميديا بالصدفة، أو لا، هي أكيد إشارة من ربنا.

محدش يفتكر إن الي بيتكلم عن الدين ده يبقى شخص نقي وجميل ومبيعملش ذنوب، الكل بيعمل ذنوب حتى أنا، لكن الفرق بين الشخص والتاني هو الي بيفكر فيه بعد ما يعمل الذنب، هل مطنش او بيمر ولا كأنه عمل حاجة ولا بيلوم الشيطان ولا بيحزن ويتوب ويكون كاره نفسه لما بيعمله.

تقريبًا كان فيه كلام كنت عايز اقوله برضوا لكن نسيت.

ادعوا لكل الشباب والبنات والمسلمين بالهداية.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Broccoli_81673 🇩🇿

منذ أسبوع واحد

شعور محبط

أنا حاسة انو يوجد فجوة كبيييرة بيني وبين ديني احس اني بعيدة تماما عن الله لا يمكنني الالتزام بالصلاة مهما حاولت بدون ان نتكلم عن العبادات الأخرى كقراءة القرءان ولدي تأنيب ضمير مش طبيعي أريد التغيير لكن لا اعرف كيف

Apple_80085 🇩🇿

منذ أسبوع واحد

شعور لا مبالٍ

باحث عن الحق : طول مدة 7 سنين كنت ابحث في الديان . مع الوقت تاكدت انها صناعة بشرية من التنقاضات التي فيها . مثل في صحيح البخاري : رازية الخميس . والارضاع الكبير . وحد الردة . وخديث الخروج على الحاكم ..... إلخ . او القرآن لم اجده معجزة في اي جانب سوء العلمي فهو متناقض مع العلم الحالي او لغوي فهو ناق

Jackfruit_64058 🇪🇬

منذ أسبوعين

شعور مرتبك

انا مشكلتى معى الشيوخ. معظم الناس الى عشرتها كانو شيوخ. المهم كنت بلاحظ حاجات بس من الظهر يعنى بيتكلمو قدام الناس بطريقه محترمه و تدين بس الاحظ نفاق و كذب. يعنى مره كان شيخ رايح عمره فزوجته كانت مشغله موسيقى كافرحه و كده وكان جايب حد اخر الشارع نصحتها توطى الموسقى او تتطفيها لانها حرام و ازعاج جيه

Mango_76880 🇪🇬

منذ 3 أسابيع

شعور خجول

~السلام عليكم ورحمة الله وبركاته .~ يقول الله تعالى : { وَأَن لَّيْسَ لِلْإِنسَانِ إِلَّا مَا سَعَيٰ وَأَنَّ سَعْيَهُ سَوْفَ يُرَيٰ ثُمَّ يُجْزَاهُ الْجَزَاءَ الْأَوْفَىٰ }. مهمتك في الدنيا هي السعي والمحاولة محاولة للتوبة، محاولة للثبات، محاولة للتقدم في طريق الله . فاتعلم تسعى وتحاول كل يوم، وي

Sugar_35975 🇸🇦

منذ 3 أسابيع

شعور محبط

كل يوم يطلع حد عامل نفسه فاهم في الدين و يفضل يتكلم عن المرأه و بسمع حاجات عجيبه اوي اليومين دول لغاية ما بقيت احس ان فيا حاجه غلط والله بس بجد حاجات كتير اوي بتتقال غلط و لو بنت صغيره معندهاش وعي كفايه هتصدق و يمكن كمان تتعقد و شيطان يبداء يلعب في افكارها و يحسسها ان الدين الإسلامي صعب و ده مش صح ا

Nutella_13726 🇮🇶 حرفيا عايفين كل سوالف الغيبة واسرائيل والقصف والرجال المثليين وسوالف كبيرة ويتكلمون ع المرأة !!

عرض الكل 7 نصيحة

Sugar_74427 🇪🇬

منذ شهر واحد

شعور خجول

اللهم اني اسألك زيادة في الدين وبركة في العمر وصحة في الجسد وسعة في الرزق وتوبة قبل الموت وشهادة عند الموت ومغفرة بعد الموت وعفوا من الحساب وامانا من العذاب ونصيبا من الجنة وارزقنا النظر الي وجهك الكريم 🤍✨

Chilli_73846 🇪🇬

منذ شهر واحد

شعور لا مبالٍ

اوكي هقول حاجه تاني ك بنات بنحب الاهتمام ف لما بيكون عندك نقص ف النقطه دي بتدور ع ده بره بس فكره ك ولد او بنت شفت فيد عجبني كان محتواه بيقول هل هو حلال أو حرام حتي لو مش فيه أي تجاوز ف رد وقالو أن خلينا بره الدين ليه عاوز تعمل ده كان كل الرد انو حابب يخوض التجربه تخيل تخوض تجربه وتطلع منها قلبك مكسو

Banana_59267 🇪🇬

منذ شهر واحد

شعور ضائع

في سؤال مهم جداً بييجي ف دماغي ومش عايز اجابات مثالية. هل الفلوس بتجيب السعادة فعلا؟ يعني المراهقين اللي بيقضوا وقتهم ف الساحل ويركبوا افخم عربيات ومقضينها جنس وبيصرفو فوق ال١٠٠ الف ف اليوم وف احسن جامعات ب مئات الألوف ف السنة دول مبسوطين فعلا ؟ ولا في معيار تاني للسعادة؟ يعني لو عشت اعبد ربنا وأكو

Sugar_69803 🇪🇬

منذ شهر واحد

شعور منزعج

هو بجد ليه مبقاش فيه حد يتقبل النصيحه كلو عايز يقول انه الصح وكله بيفتي ولو قلت لحد حاجه في الدين او حرام يقولك ما تعملش شيخ وبتاع يعني ايه دا بجد وبعدين من امتى واللي يعرف غلطه ضعيف شخصيه لو انت في غلط حد انتقدك يعني بلاش تقول سيب الناس تقول اللي تقوله لا انت في غلط وارجع عنه العند في الغلط مش قوه

Blueberry_78247 🇪🇬

جوزي بيضربني وواهله بيحسدوني.. أنا فاشلة وعايزة حل

انا فاشلة ف كل حاجة فاشلة اني اكون زوجة واكون أم.. انا متجوزة من 8 سنين وعندي 30 سنة معايا بنتين. جوزي بيسافر وسايبني قاعده ف بيت لوحدي بربيله العيال.. بينزل اجازات شهر فالسنه واحيانا شهر كل سنة ونص لو سنتين.. بارد ف مشاعره معايا عمره مسمعني كلمه او طيب خاطري ومع ذلك محافظة ع نفسي وبيتي واولادي.. مفيش حد من اهله بيسأل علينا ولا بيرفع سماعه التليفون وعمرهم ماتصلوا يسألوا ع ولادي وهو متقبل ودايما يغصب عليا انا اروح بالبنات ومقابلتهم بتكون اوسخ مقابلة وممكن يقوموا ويسيبوني قاعده لوحدي ومينفعش انا اشتكي يااما هبقي بكرههم ووحشة.. كان بيبعت مصروفي عليهم وحاجة ولادي عليهم يفتحوا ويتفرجوا وبعدين يبعتولي عملت مشكلة ومفيش حاجة اتغيرت بروح امد ايدي ليهم اخد حاجتنا منهم.. جه فترة حوش فلوسه فالدهب وعان معايا جزء ومع اخته جزء.. جيت مسافراله من شهر ونص قالي ابعتي الدهب عند اختي انا رفضت وقولتله داري ع نفسك يلاش تكشف كل اللي معاك قدام حد الواحد ممكن يحسد نفسه.. رفض وصمم اني اودي اللي معايا عندها وبعتلي عيل عنده 18 سنه ياخده مني ويحاسبني بالورقة والقلم ويقولي خدت منك كذا.. زعلت وحسيت بالاهانه قولتله اني زعلانه والموضوع ده هيشيلني منه وانا مسافرة.. سافرت والله والله كنت بحاول انسي اني زعلانه واعدي ايامي بس هو اللي واخد عالوحدة دايما ماسك الفون وبيزعق للبنات لما يلعبوا بصوت عالي وبدا يشتكي من المصاريف ومش هتكملوا معايا هتنزلوا بعد 3 شهور مع انه كان واعدني انه واخدني سنه.. كلامه اتغير المشاكل زادت ضربني وبدأ كل يون يضربني لحد مخدت علقة موت كسرلي فيها ضهرى.. وهو عمره ماامد ايده عليا.. بدأ يتصل ع اهلي يشتكي مني واني منكده عليه بسبب الدهب وان دي فلوسه هو وهو حر فيها.. واتصل ع اخوالي فضحني بصحيح العبارة شغل قلب ترابيزة وكدا.. عيشتنا طول الشهر ونص هم وغم وعياط وقرف ومكنتش لا انا ولا بناتي مبسوطين.. جه قالي انه حسد واصحابه بيحقدوا عليه بكلامهم.. جاله سفر ضروري الرياض شغل هناك حجزلي بعد شهر و 17 يوم بالظبط ونزلت مصر ف نفس اليوم اللي هو سافر فيه.. نزلت تعبانه جدا جدا وبقالي 10 ايام مريضة مش بتحرك وهو كل يوم بيتصل وهو مقموص ومش بيكلمني كويس من تحت ضرسه.. جيت النهاردة نتناقش اتفتح فيا وقالي كلام صعب اوي وبردو اني ماديه وبتكلم فالفلوس ودي فلوسه ومش هيرجعلي الدهب عندي.. مع انه كان قايلي قبل مااوديه اني هنزل اخده هو عاينه عندها بس عشان انا مسافرة.. غير كلامه وقال مش هبعتهولك وشتمني وقال اني روحت بوظت السفرية عليه وعليا طلبت الطلاق وقولت متنازلة عن كل حاجه بس سيبني لاني اتبهدلت معاك.. رفض وقالي لما ابقي انزل مصر وراح متصل ع بابايا وقاله كلام كتير محصلش.. بابايا مش برضي ادخله ف اي مشاكل بينا وميعرفش اي حاجه هو بقي دخله.. ونص كلامه كان كذب اقسم بالله مامتي كلمته وقالتله كلام كتير واني عايزة اطلق ومش هناخد منه حاجة هو رفض.. اهله دول بالنسباله احسن مني ومن عيالي.. مع ان والدته متوفيه انا بتكلم عن اخواته البنات.. بابايا طالب مني اسيب بيتي واروح اقعد عندهم لحد مانشوف هنعمل ايه وانا رافضة عشان مدارس عيالي ودروسهم وبصراحه بالرغم من كل ده الا اني بحب جوزي ومش عايزة اخسره هو بس محتاج يتغير وهو والله تعبني كتير اوي وجه عليا هو واهله.. فكرة ان اخته هي تعينله حاجة انا اللي بدفع تمنها من صحتي وشبابي وانا لوحدي ومفيش كلمه حنينه دي وجعاني اوي.. اسفة طولت عليكم بس بفضفض لان عيني ورمت من العياط تنصحوني اعمل ايه ...عرض المزيد

1 الدعم

28 نصيحة

Chocolate_85180 🇪🇬

مخنووقه أوي وحاسه بوجع فقلبي قاتل

مفيش جوايا حاجه معينه بس مخنووقه اووي احساس بوجع فقلبي قااتل اكن روحي بتطلع بالبطئ ديما حاسه اني هموت ف اي لحظه غير اني ديما لوحدي نفسي افوق لحيااتي موقعه نفسي ف مشكله ملهااش حل ديما تعبااني مش عارفه اتصرف عاوزه ارتبط واحب واتحب ديما حاسه اني متحبش معن كل اللي حواليا بيقولو اني حلوه بس انا بجد حااسه اني عاايشه عسان انام واصحي اكل واتزل الشغل واعيط وانام ...عرض المزيد

3 الدعم

26 نصيحة

Strawberry_84757 🇪🇬

نفسي أبطل مقاطع غير أخلاقية وخايفة أموت

السلام عليكم ورحمة الله وبركاته اسفة لو كان الموضوع حساس شوية بس انا نفسي ابطل وهو سماع المقاطع الغير اخلاقية وحاولت كتير وارجع تأتي انا الحمدلله لله ملتزمة شوية لكن الجانب دا مش عارفة اتوب منه وخايفة اموت وانا لسة ماتوبتش بجد ساعدوني انا فكرت كتير اقول لحد مثلا اختي او كدا تساعدني بس اخاف انزل من نظرهم لاني ان شاءالله هتوب في يوم لكن اكيد دا مش هينسوه مش عارفة اعمل ايه انا بجد قرفانة من نفسي جدا انصحوني ب اشياء مجربة لاني بدعي ربنا ...عرض المزيد

0 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع