الحياة الصعبة

Chocolate_65012 🇪🇬

منذ 3 أسابيع

شعور منزعج

انا دلوقتي نفسي اعرف طريقه اسيطر بيها علي اعصابي مبعرفش افكر نهااائى لساني وتصرفاتي سابقين عقلي ديما طبعا مكنتش كدا ضغط الشغل والحياه هما الي عملو كدا بس فعلا الموضوع بقا مزعج جدا يعني حالا توكتوك اتقلب علي العربيه بهدل رفرف وفانوس نزلت زعقت ومسحت بيه الارض بس مشيته اصل هدفعه ايه فالاخر سواق توكتوك

Chocolate_65730 🇪🇬

منذ شهر واحد

شعور مليء بالحياة

موضوع:

الانعزال وصلك ل اي؟

انا طول عمري بحب الناس وبحب الروح الجماعيه. بحب اعيش .. بس من ساعه ما الدنيا كلها بقت ده معاه كام بقا الموضوع ماسخ وتقيل تخيل ممكن حد يحكم عليك او يحاول يسمعك لمجرد ان انت جيبك عمران فمبقيتش بشارك بأي حاجه ولا حتي بجمله بس تصدق بقيت احسن لما عملت كده 😊😊

Mango_63911 🇪🇬 فكك من الكلام ده الأهبل بيبان أهبل حتى لو معاه فلوس اه الناس هتسمع بس ممكن عشان مصالحهم لكن اللي دماغه و تفكيره كويس ده اللي بيتقدر مش هيتقدر ماديا بس هيتسمع و إن متسمعتش ف عادي طز ف الناس قول رأيك برده

عرض الكل 3 نصيحة

Coffee_29532 🇪🇬

منذ 7 أشهر

شعور متعب

البني ادم بقي عايز طلقه في نص دماغه و يخلص والله الواحد لسه المفروض في زهره شبابه و شاف الهوايل هو الحمد لله وكل حاجه اللهم لا اعتراض بس ميجيش راجل كبير اكبر من ابويا والا قد ابويا يقول انتوا جيل فاشل مش بتاع شغل ومش قد المسؤوليه لما في سنكوا ده بتقولوا مش قادرين اومال لما تكبروا شويه هتقولوا ايه طب

Broccoli_51068 🇦🇪

منذ 7 أشهر

شعور قلق

“النهاردة حاسس بضغوط جامدة ومش عارف أبدأ منين. ساعات الحياة بتكون صعبة والمشاعر بتكون متداخلة، ففكرت أكتب هنا يمكن ارتاح شوية. لو في حد حاسس بنفس الشعور، ياريت تشاركوا معايا وتقولوا إزاي بتواجهوا الضغوط دي. كلنا هنا علشان ندعم بعض. 💙 #دعم_نفسي ##toheal

Pineapple_51520 🇪🇬 بتحصل كتير من الضغوط الواحد بيكون في حته صعبه اوي في دماغه بس حاول تاخد وقت ليك في يومك وترتب أفكارك وايه اللي مأثر اوي كدا عليك لأن الحياه سريعه وصعبه لازم ندي وقت لنفسنا ولو بسيط

عرض الكل 3 نصيحة

Pineapple_34531 🇪🇬

منذ 9 أشهر

شعور مكسور القلب

هي الحياه ليه وحشه اوي كدا معقوله الواحد ميشوفش يوم حلو ف حياته من يوم ما اتولد لحد دلوقت هل دا شي طبيعي كل حياتي وجع وزعل وجرح وكسره قلب وخذلان من اقرب الناس ليك كل الناس الي تمشي معاك عشان المصلحه ليه كدا اخ يتخلى عنك وصديق يخزلك وحبيب يكسرك ويجرح قلبك

Pumpkin_25641 🇯🇴

منذ 10 أشهر

شعور متعب

انا جد بس نفسي اعرف ليه الحياة هيك؟ هي مستحيل الحياة هيك هو الناس خلوها هيك ... له كل يوم متطضرين نحط ماسكات واقنعة ووجوه مش حقيقية بش عشان " لازم نكون اقوى" مين حط فكرة انه الشغل بيئة لازم كل الي فيها يكون روبوت مين حط فكرة انه الانسان لو كان انسان فهو ضعبف ؟ ليه لازم كل يوم نواجه حياة لونها رمادي

Avocado_10897

منذ سنة واحدة

شعور Good 😁

صباح الخير اتمنى اليوم يمشى بشكل لذيذ وننجز فى حاجات كتير اهم حاجه متنسوش تقولو الحمد الله على نعم ربنا إلى احنا غرقانين فيها ومنقدرش نعدها وان مهما كانت حياتنا صعبه فى ناس كتير حياتها اصعب وعندها مشاكل اكبر فالحمد الله على كل شئ ♥️

Avocado_55870 🇪🇬

مش عارفة ابطل عياط ومش لاقية حد اتكلم معاه

انا مش عارفة ابطل عياط و مش لاقية حد اتكلم معاه اتخطبت من سنة لشخص كويس و عائلته كويسين قبل ما اعرفه كنت سعيدة و بخرج كتير و بعمل نشاطات و اتعرف علي ناس من ساعة ما اتخطبت و انا مش سعيدة علي طول سرحانة و مكتئبة خصوصا ان اصاحبنا مشتركين و هو قطع معاهم .هو حنين و متربي بس انا مش بحب اقعد معاه و مش بيسمعني و كل كلامه علي السباك و النجار و تفاصيل متخافيش خلاص زهقت و أهلي ضدي لان شايفين اني مش هلاقي زيه تاني خصوصا ان سني كبير .. ارجوكو ساعدوني انا اتخنقت معاه النهاردة و من ساعتها متكلمناش ...عرض المزيد

0 الدعم

0 نصيحة

Blueberry_59867 🇪🇬

أنا مهيبرة ومش عندي صحاب وعاوزة أخرج كل يوم

في شعور دايما حساه دايما حاسة انى مهيبرة ولا كل الناس شبهى بس انا الى معنديش صحاب القصة وما فيها دايما عاوزة اخرج دايما عاوزة بعد الشغل انزل اتمشي مع حد اروح ع النوم دايما كل يوم كل يوم عاوزة ابقي خارجة معرفش ده طبيعى ولا هيبرة واعمل اى وللعلم بشتغل مش فاضية وكمان باخد كورس ف اى الحل ...عرض المزيد

0 الدعم

13 نصيحة

Almond_56393 🇪🇬

أنا انطوائي نرجسي.. وانتظرتها ٨ سنين

هحكيلكم حكاية.. انا انطوائي ، نرجسي مش هجازف عشان مترفضش عايش في دنيا برفضها خوف لاترفض من ١٠ سنين أعجبت ببنت كنت لسه صغير وقتها وساذج.. قولت بس جامد اوي انا هفضل أحبها لحد ما الدنيا تظبط معايا واتقدملها واقولها بصي انا محوش حب ليكي قد ايه ، كل ده بتاعك انتي ، كنت راهب في حبها ، صاين قلبي عن اي بنت تانية عشانها.. عدت سنين وسنين ، حصلتلي ظروف شديدة شوية كنت فاكر فيها موتي ، مستحيل اقوم منها ، كنت بقعد بالشهور في السرير مستني روحي تطلع عشان ده الخلاص الوحيد للي بيحصل.. كنت طول الوقت بكلمها ف بالي وعايش معاها كأنها حقيقية وبحكيلها كل حاجة ، كنت بهون على نفسي واقعد افضفضلها في بالي.. عدى وقت كتير والظروف كانت بتروح لحتة اسوء كل يوم ، بقيت بس بتمنى اشوفها قبل ما اموت.. حسيت كل حاجة باظت وإني مش قد الوعد بتاع اني مش هكلمها لحد ما أكون قادر اتجوزها ، مش قادر خلاص انا عاوز اكلمها.. جبت اكونتها وكانت الصدمة ، كانت عايشة حياتها وشباب في كل حتة والدنيا حلوة ع الآخر.. يومها انا نزلت ف الشارع الساعة ٢ بليل من خنقتي وقعدت اعيط.. ما علينا قررت اكلمها وخلاص ، فاكس قصة الحب ، انا بموت دلوقتي ومحتاجها جمبي ولو حتى صحاب.. بعتلها بطريقة متقلش مني ،استنيت شهور ومفيش رد ، بعتلها تاني واستنيت شهور ومفيش رد ، بعتلها تالت واستنيت شهور ومفيش رد ، انا نرجسي وكل مرة ببعت كنت بخسر جزء من كبريائي ، بس انا بموت بجد مش بهزر.. في وسط الأيام اللي بتعدي دي مرة نزلت الشارع الفجر زي السكران بدور عليها جايز الاقيها صدفة ، مع العلم هي في مصر وانا مش في مصر ، بيني وبينها 6000 كيلو.. عدت شهور وكل مرة بحاول اعافر في الدنيا لوحدي ومش عارف ، بقيت كل ما اعوز انهار أعمل اكونت فيك واخش أقولها كل حاجة جوايا واوقات كنت بشتمها ،انا بحبك سنين وانتي سيباني اموت؟؟ مقولتش حبيني بس انا لو حيوان في الشارع وبيموت هتتعاطفي معاه ، انا جايلك وشايل قلبي ف ايدي بينقط دم ، مش بقولك نتعرف!! وأول ما اهدى بمسح الاكونت وكل حاجة وانام وكالعادة بحلم انها ردت عليا وافرح ، ولما اصحى وأكتشف انه حلم بحس كأن اليوم ده جنازة.. اتعلمت اعبر عن مشاعري واتعلمت اكتب بسبب الكلام اللي كنت ببعتهولها ، مش نرجسية بس كان كلامي زي السيف ، يدبح اي حد بيحس ، إلا هيه.. عدت سنين وسنين ومرة بعت ونمت وصحيت لقيت رسالة بعد ٨ سنين ، مكتوب ازيك؟ انا متوقعتش ان في حد ممكن يحب حد الحب ده كله ، بس انا مش عوزاك توقف حياتك عليا ، شوف واحدة تحبك ، *وقتها كنت بعرف بنات العالم كلهم ، بحاول اعوض النقص اللي عندي ، وبرضو مش عاوز غيرها ، وقولتلها انا مش عيل غلبان وعندي غيرك كتير بس انا عاوزك انتي ، تعالي طلعيني من كل ده* المهم قالتلي شوف بنت تانية ، قولتلها طب عارفة انا مين ؟ قالت لا ومش مهم اعرف ، وقالتلي احترم اني رديت عليك ومتبعتش تاني وعملت بلوك.. بعد ٨ سنين كان نصيبي فيها رسالة وداع مدتها دقيقة بتقولي متجيش هنا تاني ، وانا وعدتها عمري ما هبعت تاني ولحد دلوقتي عدى ٣ سنين ومبعتش.. هي في الحقيقة ماتت في عيني ، بس لسه روحها عايشة جوايا ، ولسه بتكلم معاها كل يوم قبل ما انام ، وبجيلها وقت ما أكون تعبان واحس اني لوحدي.. وتوتة توتة خلصت الحدوتة.. ...عرض المزيد

1 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع