الحمد لله

Banana_73318 🇪🇬

منذ يومين

شعور وحيد

بعد وفاة أمي اللي حرفيا بعد ربنا كانت اغلى واهم واحب شخص في حياتي.. دنيتي كلها اتغيرت من بعدها واغلب الاقارب بانت على حقيقتها وبعد امي حرفيا لاخال ولاعم حتى الاخ للاسف.. قطعت علاقاتي بكل الاقارب ومش مني البدايه بالعكس هما ابتدو بده وبيعاتبوني اني انا اللي مش بسأل لما حد يسألني وقوله انت بعدت.. اللي

Watermelon_72134 🇪🇬 انت بتحكى اللى أنا عيش فى من 6شهور معالم اعرف رأى الناس

عرض الكل 3 نصيحة

Orange_68112 🇪🇬

منذ أسبوع واحد

شعور مهتم

بتختاروا الصحاب ازاي..انا داخل على فترة الجامعة وعاوز لو هيبقى عندي صحاب ياخدوا بأيدي للأحسن مش للأسوأ لأني للأسف كان عندي صحاب مش احسن حاجة للأسف والحمد لله بعدت عنهم بس وبقيت بحمد ربنا انهم فطريق مش طريقي وشكرا 🤍

Orange_69336 🇪🇬

منذ أسبوعين

شعور سعيد

موضوع:

امتى حسيت إنك كنت محتاج حد يسمعك وملاقيتش؟

عمري ما حسيت اني محتاج حد يسمعني ولقيت بصراحه، كل مره كان بيحصل فيها مشكله مع اهلي واسيب البيت وانزل مش عارف اروح فين ولا اكلم مين كانت بتبقى اقسى لحظات حياتي، بس الحمد لله حليت الموضوع وعيشت لوحدي عشان الاقي مكان اروحه

Broccoli_69298 🇪🇬

منذ أسبوعين

شعور غير مكتمل

السلام عليكم عرفين اي احلي حاجة ان محدش يعرفك في البرنامج دا غير صاحب البرنامج حرفياا الواحد عنده كميه مشاعر مش عارف يطلعها ولا عارف يحكيها لحد واحلى حاجه في البرنامج ده ان كل واحد هيتكلم ويحكي ايه اللي وجعه بس انا حرفيا مش عارفه ابدا منين فين حرفين الواحد في داخله حاجات مش عارف يشرحها ولا عارف يك

Corn_68719 🇪🇬

منذ أسبوعين

شعور محبط

أنا الحمد لله راضي جدا بنعم ربنا عليا، ومقدر فضله في كل لحظة. كل إنسان عنده ابتلاء من نوع معين، وبيختلف في شدته حسب قدرة الإنسان على التحمل، ودي حكمة ربنا في التقدير. بس بصراحة، أنا دايمًا كنت الشخص اللي بيحاول يحل المشاكل بين أقرب الناس ليه، وباجي على نفسي كتير. بحاول أطيب خاطر فلان، وأهدي أعصاب ف

Coconut_68710 🇪🇬 طول مانت حاطط الكل قبل نفسك هتفضل حاسس بالاستنزاف دا ، لازم تدي نفسك اولويه

عرض الكل 2 نصيحة

Orange_61324 🇪🇬

منذ 3 أسابيع

شعور مريض

انا لسه عامل عملية استئصال ورم من المعدة وللأسف بيقولوا الطحال كان متضخم والورم هو كمان كبر ودخل ع الطحال فشالوه طبعا بسبب كل ده شالوا الطحال كمان الحمد لله عدت فترة صعبة فالمستشفى حوالي 5 ايام او 6 خرجت الحمد لله بس لسه يتعافى كنت بتحسن كل يوم عن الاول الحمد لله ومرة واحده ظهرت نغزة جامدة في جمبي

Strawberry_67489 🇪🇬 ربنا يشفيك يارب

عرض الكل 14 نصيحة

Apple_64809 🇪🇬

منذ 3 أسابيع

شعور وحيد

انا عندي ٢٧ سنه الحمد لله راضي بالحال اللي انا فيه اوي بس انا عندي اعاقه في أيدي لاني مولود بيها كده ده مخليني مرفوض في حكايه الجواز فانا كل لما اكلم واحده ترفض وحقها طبعا وفي ناس نصحتني انه لما ادور اشوف واحده عندها اعاقه برضوا فانا خايف لما اتجوز واحده عندها اعاقه برضوا كمان مخليني عندي خوف انه لم

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Cheese_28254 🇪🇬

منذ شهر واحد

شعور لا مبالٍ

إذيكم عاملين اي يارب تكونوا بخير المشاكل كترت مش كدا ؟ انا عارفه الحِمل بقي كتير أوي بقي فوق احتمالنا مع أن بيقولوا ربنا مش هيشيل حد شيله هو مش قدها ومع ذلك بتحس أن كل اللي بيحصل فوق طاقتك وفخضم كل دا لازم نقول الحمد لله الحمد لله علي الحلو والوحش الخير والشر والأذيه كمان الحمد لله عليها حتي ولو كا

عبّر عن شعورك بشكل مجهول

إذيكم عاملين اي يارب تكونوا بخير المشاكل كترت مش كدا ؟ 
انا عارفه الحِمل بقي كتير أوي بقي فوق احتمالنا مع أن بيقولوا ربنا مش هيشيل حد شيله هو مش قدها ومع ذلك بتحس أن كل اللي بيحصل فوق طاقتك وفخضم كل دا لازم نقول الحمد لله الحمد لله علي الحلو والوحش الخير والشر والأذيه كمان الحمد لله عليها حتي ولو كانت فمنظورنا قمة الوجع بس اكيد ربنا فالأول والآخر عارف مقدرتنا من التحمُل ربنا اكيد حنين علينا صح ؟؟

هو يعني اي "حنين" أصلاً؟؟؟! 
اي معني الشعور دا؟؟ نوصفه إذاي ؟؟ أو اي شروطه مثلاً اللي اول ماتظهر نقول اهههه الشخص دا "حنين"

بصراحه روحت سألت وطلعت بمعلومه مفيده

وهي أن الشعور دا مش مكتسب بالعكس دا شئ فطري فيك اتخلقت بيه ذي عنيك وايدك كدا لازم يكونوا  فيك

بس يمكن الإختلاف عندنا؟؟ أو يمكن... او اقولكم بلاش اي افتراضات

كل اللي عايزه أقوله مش عيب تكونوا حنينين علي اللي منكم دا مش هيقلل منكم إذا كنت اب او ام، اخ او اخت 
مش هيقلل منكم وبلاش تقللوا من وجع حد ابداً ابداً إذا كان الم جسدي أو معنوي حتي صدقوني

انا من كام يوم كنت بموت من قمة الالم ...
بنذف... مشهد اتكرر قدامي من سنتين واتجدد من كام يوم بصراحه مش عارفه كنت منتظره اي وانا عارفه النتيجه مسبقاً بس ذي ما تقولوا كدا هبله وعبيطه أو بهيمه اهو ادينا بنتأكد ومش عارفه اقول اي حاجه غير أن ندمانه علي سنين اديت فيها حنيه بفطره لشخص مايستهلش بس كدا فحبيت اعبر عن مدي كرهي الشديد

انا بجد بكرهه من كل قلبي بكره الشخص دا قدمت كتير علي ما اعتقد وللأسف معرفش لوهله استنيت اي بجد هو انا استنيت اي؟؟؟!!! يجري عليا مثلاً!!!! أو يلحقني يقولي معلش مثلاً أو ههههههههه أكون أنا المتعوره وهو اللي بيتألم انا بعترف دا غباء مني بس اهو درس ربنا ليا السنادي علمني فيه مستناش حاجه من حد حتي لو كان مين اللي حن هنقوله عادي واللي مهتمش هنقوله عادي بردو...
شكراً.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_62458 🇪🇬

منذ شهر واحد

شعور فخور

موضوع:

عندك مشكلة في التعبير عن مشاعرك؟

اه طبعا مبعرفش اعبر عن مشاعري بتكسف وبخاف ابينها هو اه احساس سيء اني كاتمة حاحة جوايا بس بيحميني كتييير من ناس الحمد لله اني معترفتلهاش اني بحبها وناس مبينتش قدامهم اني حزينة او محتجالهم وحقيقي الحمد لله علي نعمة الكتمان عشان لسه مقابلتش حد يستاهل ابوح له بمشاعري

Apple_62329 🇪🇬 والله يسطا انا كنت زيك واول مرا اخرج عن الشريط اتبهدلت خليك زي منتي والي عاوز حاجه هيقولها هيا المشاعر حلوة لما تطلع بس في ناس هتندم عمرك كله انك فيوم قلتلهم كلمه حلوة. انا والله اتفشخت بسبب اني بدلت من شخص م بيعرف يعبر لشخص بيعبر وندمت ولحد اللحظه دي نمان

عرض الكل 1 نصيحة

Sugar_58083 🇺🇸

منذ شهرين

شعور ممتن

موضوع:

ثانوية عامة غيرت فيك ايه؟

عبّر عن شعورك بشكل مجهول

اخيرا هقدر اتكلم في الموضوع دا 😭💔
ما علينا المهم، من وانا صغيره وانا معتمده علي نفسي، انا الكبيره ف اخواتي ف كان كل الاهتمام بيروح للي بعدي لدرجة اني حسيت ان الموضوع عادي ومش لازم يهتمو بيا (ملحوظه عندي فاينال كمان كام ساعه وقاعده بحكي في احزاني😭وربي معرف كلمه ف الماده ) نرجع تاني، معرفتش قيمة الاهتمام غير ف ٣ث او من قبلها بشوية كانو صحباتي دايما يحكولي ماما بتعمل معايا كذا وبابا بيعاملني كذا ف طبيعي ابدا ابص لحياتي والتعامل فيها بيكون ازاي، دا بعيدا عن اللي مريت بيه في حياتي عامة، نيجي بقي لموضوع ٣ ، صراحة كنت بادئة صح دروس بحضرها مزاكره بزاكرها ، مفيش مواد متراكمه مش بسيب فرض، علاقتي بربنا كويسه، مفيش علاقات محرمه و و و و.... الخ بقي. 
طبعا كنت متوقعه معامله تانيه من اهلي، ويكون في اهتمام بقي، لكن لا مفيش اي دعم معنوي نهائي ارجع من الدروس تعبانه وهلكانه مفيش عملتي اي حصل حاجه انهارده، في حاجه مضيقاكي، دا لدرجة ان ساعات كنت برجع هموت من الجوع وملاقيش ماما عملالي اكل، وفي نفس الوقت اخويا اللي بعدي ييجي من برا تكون مجهزاله الاكل والشاي وكل حاجه، كل تصرف نتج منهم كان بيأثر فيا جامد وكان بيشكل حاجه جديده في نفسيتي، لدرجة اني بدات ادور علي الاهتمام من مدرسيني، الحمد لله كنت متميزه دايما ومتفوقه، ومدرسيني كلهم عارفيني ودي كانت اكتر حاجه مشجعاني او بتخلي عندي ثقه بنفسي، ف وصلت لمرحلة اني بزاكر علشان المستر يقول عليا كذا لا ويشكر فيا ويتباها بيا قدام السنتر كله، ولو دا محصلش او اتباها او شكر ف حد تاني كنت بزعل جدا ونفسيتي بتتأثر اوي (السبب اللي ضيعني ف ثانويه اخيرا اعترفت بيه) جيت لحد نص السنه كدا قبل نهاية الترم الاول كنت ضايعه فيزيا حرفيا ضايعه واكتر ماده كنت بهتم بيها وازاكرها احياء في الوقت دا كنت انا وكذا حد من صحباتي المهم بدانا نغير السنتر والمستر اللي كنا بنحضر عندهم البيست فريند راحت عند اتنين مختلفين واتنين تانيين من صحباتي راحو عند مدرس تاني والكل اتفرق عند مدرس شكل وانا اختارت اني اخد اونلاين، الحمد لله الموضوع كان ماشي معايا فل وقدرت الم جزء كبير من اللي كان ضايع مني لدرجة كان المستر في الفصل الرابع وانا كنت لميت الاول والتاني ونص التالت وكمان يومين ولا حاجه هكون وصلت للرابع حرفيا مكونتش بنام، بس جينا بعدها اتجمعنا في سنتر تاني البيست سالتني عامله اي ف الفيزيا قولتلها كل اللي حصل بقي قالتلي بقي انا باخد درسين ومش عارفه المها وانتي بتاخدي اونلاين ولمتيها والحمد لله من بعدها وعينك متشوف الا النور فضلت اسبوع مفتحش فيزيا والمستر كان وصل للسادس وانا خلاص حرفيا ضعت حتي اللي لميته اتنسي اختارت اني انزل سنتر تاني بقي ونزلت وفضل الحال كما هو عليه ودخلت امتحان فيزيا ثانويه عامه بفصل اول وتاني وجزء بسيط من الحديثه 😂 تخيلو فيزيا ثانوية عامة انا قادره بالله بس الحمد لله عديت فيها وكنت خايفه لاشيلها بصراحه بس الحمد لله. 
هحكيلكم موقف تاني برضو عن اللي كانت البيست دي، كان علينا ف يوم شامل احياء المهم كان في باب الهرمونات مش مظبوط معايا اوي وفي الامتحان في سؤالين وقفو معايا من الباب دا ف راجعتهم معاها طلع واحد صح والتاني عدلته منها وقت النتيجه بقي انا جبت اعلي منها قالتلي بنفس النص كدا -يعني انا اغششك وتجيبي اعلي مني؟- اليوم دا كان الفيصل بيني وبينها وقررت اني اقطع معاها مع ان كان في مواقف زباله كتير قبلها بس كنت بعدي علشان بجد كنت بحبها اكتر من نفسي وبعتبرها زي اختي بالظبط، بس في المقابل عي كانت معتبراني عادي اه قريبه بس مش اللي هو انتي ، كدا يعني . 
ندخل بقي للترم التاني بدات اراكم كتير ومبقتش اروح سنتر الانجلش والدنيا كلها باظت معايا حتي الاحياء اللي كنت محافظه عليها من اول السنه جيت عند ال DNA, RNA وراكمت والدنيا باظت علي الاخر  ، جيت بقي علي اخر ٣ شهور قعدت من معظم الدروس او كلها وتابعت اونلاين، العربي كان ضايع من اول السنه الحمد لله لميته كويس اوي ف ال ٣ شهور دول وجبت فيه ٧٢ من ٨٠ والكيميا نفس النظام بالله كنت بقول هشيل كيميا طول السنه بس اخر ٣ شهور لميتها و جبت فيها ٥١ ازاي انا مش عارفه بس كرم  ربنا والله ، والمواد الباقيه بقيت بمشي الدنيا كدا والموضوع عدي بكل اللي مريت بيه في السنه دي واللي محدش يعرفه او حس بيه غيري واللي ربنا شاهد عليه واني جيت علي اخر شهر قولت مش عاوزه اجيب حاجه بس اخلص منها بالله نفس اللفظ كدا، نيجي بقي ليوم النتيجه بالله يوم يضحك 😂 كان يوم فرح بنت عمو كنا ف القاعه وانا عامة قاعده قلقانه عارفه ان النتيجه هتظهر ومكانش معايا داتا والله 😂 بفتح الداتا بالصدفه لقيت في نت والاقي واحده من صحباتي بعتتلي النتيجه والحمد لله مكانتش حلوه بس حمدت ربنا طبعا ورضيت، بابا لما عرف قال يلا نروح وكانو زي اللي ميتلهم ميت، هقول دلوقت اكتر حاجه جرحاني في حياتي ومش ممكن اتخطاها ابدا، لما روحنا احنا طلعنا وبابا كان بيركن العربيه كنت قعدت وهديت وبدات اشوف الدنيا طلع مسالنيش عن نتيجتي لا سالني عن نتيجة واحدة صحبتي (صحبتي دي كانت البيست بتاعتي في اعدادي و١,٢ كنت برتب اعلي منها جت هي ف ٣ طلعت الاولي ع المدرسه وانا مرتبتش،ف من يومها وبابا مش شايف غيرها) المهم كان مجموعي اعلي منها ف متكلمش وقال يلا نامي، حكمة ربنا لو بجد كانت جابت هي اعلي مني كانت هتبقي حياتي جحيم اكتر ما هي اصلا، معاملتهم ليا بقت وحشه اوي بقيت بحسهم بيكرهوني،ماما طول السنه كانت بتفضل تقولي لو مجيبتيش مجموع هعمل واخلي واسوي فيكي،حتي وقت الدراسه كانت ساعات بتخليني اساعدها كانت رافضه بتاتا اني معملش حاجه واجي مثلا اخد بريك او افصل وامسم الفون تزعقلي وتقولي بدل ما بتلعبي قومي ساعديني،وبابا يقولها هي اصلا مكانتش بتزاكر (اللي هو يجماعه انتو متعرفوش حاجه عني غير اني بنتكم،المواد بتاعتي مكانوش يعرفوها السناتر المدرسين مواعيد دروسي كل دا بالله مكامو يعرفو حاجه عنه،حتي الدعم مفيش غير الدعم المادي ) اهلي قصرو؟! اه قصرو من وجهة نظرهم هم صح ومقصروش في حاجه بس هم ميعرفوش غير الجانب المادي،انا حاليا كارهه حياتي بسببهم وبسبب تفكيرهم وعاداتهم وتقاليدهم (مش عاوزه ادخل في الجانب دا دلوقت خلينا نرجع للي حصل بعد النتيجه)مش هنكر اني كنت زعلانه بس حق ربنا منزلتش دمعه واحده لاني نفسيا كنت زعلانه لكن عقلي كان رافض يصدق دا وكان دايما بيبينلي اني تمام، لغاية ما النفسيه بينت الحقيقه وشي باظ وشعري باظ وجسمي باظ كل حاجه اتدهورت ، جه معاد الرغبات، انا الحمد لله طموحي مكانش طب بس كنت عاوزه علشان بابا واهلي وكدا، كنت حابة ادارة الاعمال من زمان اوي ودايما كان نفسي اني اكون بيزنيس وومان وكل اللي يعرفوني عارفين كدا الا اهلي سبحان الله،حتي لما جيت علشان اختار الكليه ماما قالتلي انسي الخاص مع ان نقدر عليه عادي، حرفيا اصحابي كلهم دخلو طب خاص اللي دخل صيدله واللي دخل اسنان واالي دخل بشري واللي دخل علوم صحيه و و و،بس باين كدا اني ف نظرهم مستحقش بس الحمد لله دخلت تجاره ولقيت قسم جديد فيها متخصص محاسبه وادارة اعمال بس ف دخلته مع انه مكانش في خطتي بس طبعا ترتيب ربنا (هبقي اتكلم عن الكليه بعدين ) 
الخلاصه اللي عاوزه اقولها، ان ثانويه عامة بالنسبالي كانت مدرسة الحياه عرفت نفسي كويس اوي وبنيت شخصيه كويسه اوي ومبقيتش اشوف غير نفسي اتأذيت اه اتأذيت بس نتيجة الأذي حاجه حلوه ف في النهاية حابه اقول الحمد لله ❤

Pumpkin_10776 🇪🇬

منذ شهرين

شعور محبط

السلام عليكم انا اتخذلت النهارده من اكتر صاحبه قريبه ليا الحمد لله انا كدا كدا مش ببقي متعشمه في الناس اووي مهما كانو قريبين مني بس عارفين ايه اللي يزعل اني قعدت يوم عرفه كله ادعيلها وكنت كل ما ادعي بحاجه ليا اقول وفلانه يارب وفي الآخر جزائي تقابلني في صلاه العيد زيي زي الغريبه ومترضاش تسلم عليا ورا

Pear_51536 🇪🇬

منذ شهرين

شعور مكتئب

زعلانه اوي العيد ده بيكتشفلي اني وحيده اوي و اني مليش اهل ولا صحاب كله يلا نفسي ولا حتي مرتبطه زعلانه علي نفسي اووي بس بقول الحمد لله على كل حال بس الواحد بيجيله ساعه يأس كده و ببقا كئيبه بس غصب عني و الله يلا الحمد لله على كل حال اسفه لو ضايقتكوا

Hazelnut_52786 🇪🇬 مفيش حاجه تكسف في الكلام ده، كلنا بنعدي بلحظات ضعف ووحدة، وده مش ضعف منك. العيد مش بس للناس اللي حواليهم ناس، العيد كمان للقلوب اللي لسه فيها خير وبتحب رغم الألم. خليكي مؤمنة إن اللي جاي أحسن، واهتمي بنفسك واعملي حاجات تفرحك، حتى لو بسيطة، وربنا هيعوضك بقلوب صافية تشبه قلبك

عرض الكل 8 نصيحة

Donut_20915 🇪🇬

منذ 4 أشهر

شعور عاطفي

موضوع:

هل الوقت بينسي ؟

اه بينسي طبعا بس ببفضل فيه اثر ممكن يبقي على هيئه فلاش باك لما يحصل موقف مشابهه بس كل مره تأثير الفلاش باك ده بيقل عادي وبنكمل حياتنا عادي بيبقي فيه حته مكسوره بس الايام بترمم دي الحياه عامتا مش الجنه ف الحمد لله ❤️

Avocado_51186 🇧🇭 طبعا الوقت بينسي والحمد لله ان ربنا سبحانه وتعالي خلق جوانا نعمه النسيان لان لولاها كنا عيشنا حياتنا كلها علي ذكريات الماضي الأليمه وماكناش عرفنا نتخطاها ونعيش حياتنا

عرض الكل 1 نصيحة

Apple_18785 🇪🇬

منذ 4 أشهر

شعور مكتئب

أنا مد.بوح من جوايا خصوصا لما بدأت اكتشف نفسي اكتر ولما بحس اني عاجز عن اني اعمل الي نفسي فيه واني مش عايش حياتي زي الناس الي شبهي او في سني وكل دا كائبني اوي احل كل الي أنا فيه دا ازاي أنا راضي الحمد لله بس فعلا تعبت

Pineapple_51151 🇪🇬

محتاج ترشيحات هدية لبيبي ولد جديد

مساء الخير كنت محتاجه ترشيحات عندنا بيبي جديد ف العيله وكنت عايز اجيب هديه ليه ومش عارف اجيب ايه ممكن حد يقترح عليا حاجه لاني مش عارف هو انا كدا كدا هديهم فلوس بس كنت محتاج حاجه كمان بس مش عارف اجيب ايه لو كان بنت كنت جبت حلق دهب انما البيبي ولد ...عرض المزيد

0 الدعم

1 نصيحة

Mango_73486 🇪🇬

منفصلة وحاسة بفراغ كبير وعاوزه اهرب من البيت

السلام عليكم ورحمه الله وبركاته انا منفصلة من خمس سنوات ومعايا اولادى ولد وبنت تؤام فى تانيه ثانوي بس انا حاسه بفراغ كبير جدا فى حياتى وعاوزه اهرب من البيت اكبر وقت ممكن مع انى موظفه بس أهملت فى موضوع الاكل وتنظيف الشقه على الماشى ويكون لسه داخله البيت فى عز الحر وعاوزه أخرج تانى مع أن عيالى الحمد لله مؤدبين وغلابه خالص بس كل واحد منهم قاعد على الموبيل بتاعه ولو اتكلمنا شويه صغيرين وخلاص وانا بدأت اخد علاج نفسي علشان انام واعرف اقعد فى البيت شويه بس المشكلة أما بخده بيتعبنى جدا وبيخلينى مش عارفه والله اروح الشغل اعمل ايه ...عرض المزيد

0 الدعم

8 نصيحة

Tofu_73266 🇪🇬

نفسي عندي صاحبة بجد مش عاوزة أتنازل عن مبادئي

نفسي يكون عندي صحبات بجد ساعات بحب الوحدة وساعات بكرهها مش عارفة أقول ايه بس كان نفسي تكون ليا صاحبة بجد تهتم فيه بنات كانت عاوزة تصاحبني كذا مرة وكذا شلة بس انا حبيت يكونوا معرفة فقط لأن مبادئنا مش شبه بعض إلى حد ما في حاجات مهمة فأنا مش عاوزة أتنازل عن مبادئي أو اني اتقمص شخصية حد تاني لمجرد اني مكونش وحيدة هو أنا الحمد لله مش وحيدة وعندي صديقة بس ممكن نفضل كام يوم منتكلمش وبعدين تسأل عليا أت أسأل عليها وكمان مش بحب احكي حاجات كتير عني عشان مندمش بعدين حاسة اني عاوزة بنت شبهي نتكلم مع بعض من غير ما نعرف بعض بشكل كامل هل حد حس زيي ولا أنا بس ...عرض المزيد

1 الدعم

8 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع