الحساسيه

Tofu_19483 🇪🇬

منذ 3 أشهر

شعور ضائع

عبّر عن شعورك بشكل مجهول

كنت النهارده عماله أفكر مع نفسي وأنا بفكر لقيتني بعيط ،كنت بفكر ف عوض ربنا وعماله أقوله يارب عوضني مش عارفه أقول كلام كتير لكن يارب أنت عارف إن قلبي جواه نار بتأكل فيه وإن قلبي وجعني كتير يارب عوضني عن القسوه والوجع ده بحاجه تنسيني كل الوجع ده،حقيقي مش عارفه لو ف عز ما الدنيا صعبه ومعظم الناس بقت وحشه سواء ولاد أو بنات هل ف وسط الزحمه المليئه بالكثير والكثير من الشباب البايظين إلا من رحم ربي هلاقي شخص كويس يتقي ربنا فيا ويعوضني عن كل شعور وحش حسيته!
الإنسان بيدور على شخص يأنس إليه ف يا ترى هلاقي حد يحبني زي ما أنا بتعبي وحزني وكل اللغبطه والقلق اللي ف دماغي ؟
هلاقي حد يتقبل إني شخص عيوطه ومش علشان نكديه لكن علشان حساسه وغصب عني وظروف الحياه زودت معايا نوبات البكاء!
هلاقي شخص يحتويني بدل ما يقولي أنتِ نكديه وكئيبه وبدمعه وياخد حزني وزعلي على إنهم نكد مش مشاعر لابد منها بسبب كل حاجه حصلتلي!
يا ترى فعلا الإنسان ممكن يلاقي إنسان يديه كل مشاعر الأمان اللي فقدها كلها دفعه واحده!
فضلت أعيط علشان قلبي أحن من كل القسوه دي وقلبي أرق من كل المعاناه دي
فضلت أعيط علشان ملقيتش شخص طول فترة مرضي وتعبي ومعاناتي يشاركني ألمي وأشاركه خطوه بخطوه كل جديد ف تفاصيل علاجي
فضلت أعيط علشان مش لاقيه حد أحكيله وأعيطله وأشكيله قد ايه الدنيا قاسيه عليا 
(ملحوظه: أنا محافظه على صلاتي الحمد لله)
لكن أنا عندي اكتئاب ومش قادره أطلع منه بس أتمنى تدعولي ربنا يعوضني أنا قلبي واجعني أوووي والله أتمنى تدعولي إني ألاقي حد يحبني أكتر من نفسه ويعوضني عن كل شيء ويصلح كل حاجه هو مبوظهاش

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_16001 🇸🇦

منذ سنة واحدة

شعور Bad 😞

انا حاسه ان انا مبقتش عندي شعور ومبقتش بحس باللي حواليه زمان كنت شخص حساس جدا دلوقتي معدتش بحس بحاجه واتأكد لما واحد قريبنا مات وكله كان زعلان وانا واقفه مش حاسه بحاجه انا مش عارفه كده انا طبيعيه ولا لا

Cherry_16001 🇸🇦

منذ سنة واحدة

شعور Bad 😞

Coffee_73619 🇪🇬

نفسي في حنيه واحتواء وعلاقه تكمل

و بعدين طيب نفسي في حنيه و حب و احتواء تعوضني علي الفات و انا والله هبذل كل جهدي ف ان العلاقه تكمل و تمشي بس احس بالاهتمام و الحنيه وانا مش هقصر ولو لمره عندي طاقه اني اخش علاقه قويه و احافظ عليها مهمها حصل زهقت من العيشه لوحدي و لا حد بيسال فيا ولا حد معبرني مع اني والله كويس ...عرض المزيد

0 الدعم

0 نصيحة

Mushroom_46460 🇪🇬

ماما رفضت بنت خالي وعايزاني اتجوز بنت صاحبتها

انا مش عارف ماما عملت كده فيا ليه ماما خلت بنت خالي تبعد عني ماما كانت ليها واحده صاحبتها بتحبها جدا وصاحبتها دي متجوزه ابن عمه ماما ومخلفين بنت المهم ماما ليها اخين وبنت اللي هم خالاني الاثنين وخالتي الوحيده خالي الاول مخلف ولاد وبنت ين خالي ثاني مخلف ثلاث بنات انا كنت عايش مع ماما في شقه فوق شقه ابن عمتها علشان هي وصاحبها كلهم متجوزين من قرايب او اخوات يعني ماما مثلا ليها واحده صاحبه كمان متجوزين اخوات اللي هم وبابا وعمي واصحابها ومتجوزين من عيله امي اثنين ومن عيله مرات عمي واحد اللي هو اخوها انا متربيه مع كلهم عيالهم اخواتي زي اخواتي البنات كده بالظبط وبخاف عليهم جه في وقت الجواز اللي انا المفروض ماما تدور لي على عروسه ارد عليها بنت خالي الوسطانيه خالي ده اصغر من ماما بسنتين وبنت خالي دي اصغر مني بسبع سنين عرضت عليها ان انا اتجوزها وكده ماما رفضت رفض تاني قالت لي انها مش موافقه على البنت دي وقالت لي ايه المختار من اولاد صاحبها البنات يا اما مرام ومريم وفريده وسلسبيل يا اما اختار من ولاد خالي الثاني اللي هو مش ابو البنت اللي انا معجب بيها لا التاني اختار بنته الصغيره الاصغر مني ب 10 سنين هي حاليا في ثانوي عندها 17 سنه قلت لها صغيره قلت لي لا مش صغيره لان كنت مخطوبه بابن عمتي وانا اكبر منها في سنه ويدوب عرفت النتيجه بتاعتي قامت خاطباني لابنها ما فيش مشكله وقالت لي كلهم ما عنديش معاهم مشاكل ما عدا البنت دي واخواتها قلت لها ليه يا ماما دول ولاد اخواتك زي التانيين وقالت لي لا واصرت ان انا اخذ بنت ابن عمتها مرام الفرح هيكون بعد اسبوع يوم الثلاثاء ما انا خايفه اكون بظلمها وانا بحب بنت خالي مرام تكون اصغر مني بثلاث سنين انا قلت لبابا قال لي امك عارفه حاجات ما ينفعش تقولها على بنت اخوها ما قلت لاخواتي البنات قالوا لي نفس الكلام وانا خايف اكون بخسرها لانها صاحبه اختي خايف كمان هخلي ماما تخسر صاحبتها وابن عمتها دلوقتي المفروض اعمل ايه لاني خايفه اخليهم يخسروا بعض والفرح بعد اسبوع ...عرض المزيد

0 الدعم

0 نصيحة

Grape_74523 🇪🇬

خُذلت من حد بثق فيه في الشغل

مريت بتجربة محبطة جدا... كنت بشتغل في مكان ما كويس كأسم، كنت مبسوطة جدا اني لقيت شغل كويس بدون وسايط ،لحد ما طلبو تعيين ناس جديده.. رشحت حد اعرفه من باب المساعدة.. و وكنت أعرفه كويس كان شخص محترم جدا ، كنت متخيلة أن الشخص هيكون ممتن ، كانت علاقتنا كويسه جدا من قبلها وكنت بحس ان عندي حد بثق فيه في دايرة الشغل ... مكنتش فاهمه تصرفاته ومكنتش مرتاحه... بس على الاقل بثق فيه وبحترمه... لحد ما في يوم اكتشفت أنو أذاني على كل المستويات... لا كان اهل للثقة ، عشان رشحته للشغل وعلاقتنا كانت كويسه جدا كان ده سبب ان الناس تتكلم عليا في سمعتي وكان عارف وبيعمل نفس الحاجات الي جايبه عليا الكلام ( معرفتش انهم بيتكلمو عليا في سمعتي الا متأخر جدا )، كان بيطلعني في اي خلاف غلطانه وحساسه وبكبر المواضيع، ولما حصلي مشاكل وكل الي في الشغل وقفو ضدي كان معاهم عليا رغم أني مغلطش وبالعكس كنت بعمل شغلي بهدوء وامشي... اخر اسبوعين في الشغل كانو كابوس بالنسبالي من إحساسي بالخذلان من حد بثق فيه( وقالي في النهاية بعد ما أنا جبت له الشغل اصبري لحد ما تمشي من هنا وخلاص!) ، خذلان من شغل معنديش حد واحد بس اثق فيه ولا حد واحد بيحترمني، ومن ان حتى كون شغلي كويس جدا مفهوش غلطه مش شفيع ليا عند المدير الي الناس عماله تحشيه من نحيتي، والي بعد ما كان المدير متعاطف معايا بقى بيهددني قدام الموظفين من تحت لتحت.. كنت بتعرض لتنمر خفي وكانو عاملين رباطيه عليا ومحدش واحد فيهم كان بيقول حتى انتو بتعملو ايه، حتى هنا لما بقيت في حالي وبعمل شغلي بضمير واتقان وحقيقي مفيش اي شكوى او حاجه ضدي مكنش كفاية يديني امان.. وكنت متخيلة ان حد هيقدرني لأن تعاملي كان في منتهى الاحترام والرقي والتعاون ( كنت الشخصية اللطيفة الي بتجيب اكل وبتساعد ولو في غلطه ليا بقف بجراءة واقول انا كسرت كذا وانا عملت كذا وهصلحه عادي ) بس حصل بيني وبينهم خلاف بسيط ظهر فيه كل قلة الاحترام والعداء ده معرفش ليه حقيقي، كنت بقول مشاكل شغل هتعدي طالما فعلا مغلطش في حاجه ومغلطش في حد، بس تفاجأت بالتنمر ده كأسلوب ضغط والتهديد وغيره كأنهم بيطفشوني مستحملتش الضغط ده ومشيت وسبت الشغل... انا اكتر حاجه مزعلاني الشخص الي ساعدته ده لأنو خذلني، محاولش يساعدني او ينصحني او ميشاركش في التنمر على الاقل، حتى لما كان معروف ان حد مهم في الشغل متحرش محدش حذرني منه وهو كان عارف ومقاليش وللاسف تعرضت للتحرش ، كان سبب للكلام في سمعتي ،بيشككني في نفسي اني حساسه وبيتهيألي، وكان دايما بيطلعني مفترية وظالمه ( فهمت فيما بعد انو نرجسي وكان بيتلاعب بيا مش اكتر)... خسرت شغلي ، سمعتي ، شخص بحترمه واثق فيه ، صحابي الي مشتركين بيني وبينه عشان الصورة الي زي القرف الي كان بيوصلها عني ولأني لما مشيت قطعت مع كل حاجه ليها علاقة بالشغل او بيه من قريب او بعيد... خسرت وقت ومجهود ، خسرت ثقتي في نفسي لأن لما كلهم عملو رباطيه عليا شكيت في نفسي وقولت مستحيل كلهم غلط وانا صح ،رحت بالفعل لدكتورة نفسية عشان فعلا مظلمش حد وهي حقيقي ساعدتني جدا( تخيل انك مش مصدق الي بيحصل معاك ومش عارف تحكم انت اوفر وبيتهألك ولا الناس دي عيانه فعلا ؟) وقالت لي اني في بيىة عمل توكسيك لا تحتمل ولازم امشي فورا.. أنا كسبت راحتي النفسية، بقيت احسن بكتير ومعنتش بشك في نفسي، لقيت شغل تاني محترم الحمد لله ، بس يا جماعة لما بسمع سيرة الشغل الي فات او حد منه بخاف وبتخنق، لسه عندي تروما وبضايق جدا لما اعدي من مكان الشغل القديم، ولو شوفت حلم بصحى متضايقة جدا ، ولسه مش مصدقة ان صورة الشخص المحترم الكويس طلع الاسوء على الإطلاق.... الزمن كفيل بالنسيان؟ ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع