التهاب معدة

Waffle_13494 🇪🇬

منذ سنة واحدة

شعور Not great 😕

عبّر عن شعورك بشكل مجهول

انا بجد تعبت اويييي .. تعبت اوي والله .. محتاجه افضفض شويه ..
انا اديلي فترة كبيره اوي فوق السنتين تقريبا عندي مشاكل صحيه و90% بسبب معدتي ودايما دايما تعبانه لدرجة اني اتعودت على التعب ومبقتش اشتكي لاني مش من النوع اللي بيقعد يشتكي كتير ف دايما دايما بكون تعبانه وساكته وفعلا التعب مش طبيعي ولا تافه بس انا بس اللي مش بتكلم عنه .. ف الموضوع ف السنتين دول اتطور اوي بالبطيء واتحول لاني مش باكل انواع اكل معينه لانها بتتعبني وبعدها مبقتش افطر وبعدها مش باكل كويس واديلي شهرين او تلات شهور ولا حاجه اكلي ضعف اويييي ومش باكل الا حاجه تخليني اقدر اعيش باكل حاجات قليله جدا جدا عشان دايما بتعب والتعب بجد ميتوصفش .. واللي خلاني ساكته كل دا اني مش بحب اروح ل دكاترة ف بسكت وخلاص لحد م اتعودت بس من سنه ماما ودتني غصب للدكتور لاني كمان لما بتحصلي مشكله او حاجه تضايقني صحتي بتتدهور فوق م هي متدهورة ف الدكتور قالي ان عندي انيميا والتهاب معده بس مكملتش العلاج .. ف الفترة دي التعب زاد عليا اوييي ووصل لاني مش بقدر اعمل اي حاجه ولا اكل والاكل كله طعمه وحش وبيوجعلي بطني حتى لو شربت ميه الصبح بدري افضل اليوم كله تعبانه .. ف رحت للدكتور والدكتور اكتشف حاجات غرييبه اوي عندي مكنتش عارفه اني تعبانه منها (مشاكل ف الكلى والمعده وانيميا جامده شويه وهبوط حاد ف الدوره الدمويه وضغط واطيي اوييي ونقص ف الوزن) .. المهم انه انا عادي بالنسبة لي لاني متعوده ع التعب وقلت الحمد لله هاخد الدوا وفعلا مكنتش متضايقهه ولا اي حاجه لاني مش شايفه حاجه تضايق او تخليني اكتئب وانه دا مش جديد عليا لو عرفت لسم التعب مثلا مهو كدا كدا موجود من زمان ... المهم انه بسبب دا كل الناس القريبه مني بتقعد تلومني وتهزأني ويقعدوا يقولوا انتي مش مهتمه وانتي مهمله وانتي مش فارقلك واحنا زعلانين عليكي بجددد الموضوع وصل ل درجة اي حد حرفيا اي حد قابلته او شافني قالي نفس البؤين دول والله لدرجة الدكتور بتاع الصيدليه اللي رحت جبت من عنده الدوا قعد يقولي لا لازم تاكلي وتنتبهي ل نفسك والكلام دا .. وحاليا بابا وماما وصحابي وقرايبي وجيراني وكل الناس بيقعدوا يقولوا نفس الكلام وانتي لازم تاكلي وتعملي ومهما حاولت اقنعهم انه بتعب محدش بيصدقني او بيفهم دا .. انا عارفه انهم بيحبوني وبيقولوا الكلام دا عشان خايفين عليا بس والله انا نفسيتي بقت زفت بسبب كل دا انا فعلا تعبت وبقيت احس بالتعب اضعاااف وفعلا فعلا بسبب كلامهم دا ويعيني يبنتي انتي لسه صغيره ع الكلام دا وانتي لازم تاخدي بالك وانتي مهمله ولازم تفطري ولازم تاكلي وتعملي .. انا بجد بقيت حاسه بالوجع والتعب اكتر م الاول يربييي بجد تعبت من كلامهم دا وهما مش عارفين ان كدا بيأذوني وانا فعلا فعلا مش ب ايدي حاجه وكل شويه لوم وضغط .. انا بقيت اعيط بسبب دا والفترة دي فترة امتحانات ومش قلعده ف البيت حتى وكل شويه اتعب واتعب اكتر ... انا بجد تعبت ادعولي بالله عليكم ربنا يشفيني ويخليهم ينتبهوا شويه لاني مبقتش قادره وبعد كدا هنفجر م العياط ومش هعيط بس لوحدي 💔💔💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_85219 🇪🇬

ازاي أبقى قوية قدام جوزي السابق وأنسى الضرب؟

انا وجوزى انفصلنا بقالنا كتير هو شخصية نرجسية اللى لما نزعل لازم انا اللى اصالحه فالمرادى ضربنى فمصالحتهوش وفضلت شهرين مستنية هو يصالحنى مصالحنيش لحد مااطلقنا لما بيكلمنى عشان يشوف عياله انا قلبى بيوجعنى وبنسى كل ضربه وخناقاته واهماله احنا مينفعش نرجع خالص عشان حياتى كانت كلها ضرب واهانة وانا مشيت بعد مانفسيتى تعبت وبعد مابقى بيزعقلى قدام الجيران ومبقاش عندى كرامة خالص سؤالى هنا ازاى ابقى قوية قدامه مش كل مايكلمنى ابقى نفسى احضنه وابقى مش عارفة ارد خالص ويبان عليا انى حنيت وهو ناشف جدا وبيتصل يكلم العيال ويقفل ولا بيفتكرنى ...عرض المزيد

5 الدعم

31 نصيحة

Strawberry_74327 🇪🇬

أول قرار حقيقي بعد الفراق.. مسحت كل حاجة

النهارده كان أول يوم أقدر آخد فيه قرار حقيقي… مسحت صوره، ومسحت رقمه، ومسحت الشات اللي بينا، وحتى عملت له أنفولو. عقلي بيقولي إن ده الصح، يمكن لأن عدى 4 شهور من غير كلمة واحدة منه بعد ما قال إنه “مش قادر يتكلم”. أنا بحبه جدًا ولسه مش قادرة أتخطى غيابه، بس الحقيقة إنه ماقدّرش الحب ده، وكان سهل عليه يمشي. حاولت بكل الطرق أخليه يفضل، لكنه اختار البُعد. وحسّيت كل يوم إني بقلّ في نظر نفسي وأنا بنزل استوريات كلها وجع وهو يعديها كأنها مش موجودة. الانتظار اليومي بيتعب جدًا… إني أسمع صوت الموبايل وأتمنى تكون رسالة منه، وأكتشف إنها من حد تاني — الإحساس ده بيكسر من جوّا. دعيت ربنا كتير يكون من نصيبي، وكنت كل يوم بقرأ سورة البقرة بنية إن ربنا يرجّعه، بس هو كان بيبعد أكتر. النهارده بس فهمت إن التمسك باللي مش عايزك وجع، وقلة كرامة مش عارفة بجد اذ كنت عملت الصح والا اللي عملته كان غلط وهندم عليه ...عرض المزيد

8 الدعم

30 نصيحة

Mango_86058 🇪🇬

عايزة أتعافي من علاقات مؤذية وانسى الذكريات

مريت بعلاقات مؤذيه جدا فحياتي كانو خمسه عايزه اتعافي تماما من غير دكتور لان الحاله الماديه لا تسمح ف عايزه لما اشوفهم حتي لو مع اي حد محسش بحاجه ولابظلم ولا بغيرة اعمل ايه واتعافي ازاي عايزه انسي لدرجه انسي شكلهم والذكريات كمان💔 ...عرض المزيد

2 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع