البديل

Chilli_77815 🇪🇬

منذ يومين

شعور محبط

مهما كنت مين .. صدقني هيكون ليك بديل مهما كنت بتعمل .. طالما اللي قدامك مش شايف يبقى هيكون ليك بديل البديل دايما موجود وجاهز وهتتفاجيء من السرعة اللي بيظهر بيها وبتاخد بيها مكانك وأحيانا هتكون انت البديل .. البديل اللي يا اما يا هناك وهتشوف السعد لأنك تعويض عن فترة مكانتش حلوة وبعدها هيبقالك بدي

Apple_15642 🇪🇬

منذ 6 أشهر

شعور وحيد

موضوع:

عمرك حسيت انك بديل او مش كفاية؟

انا كنت دايما البديل عمري ما كنت الصاحبة المفضلة بجد لحد حتي لو كانوا بيقولوا كده بس افعالهم كانت بتبين العكس. كل ما احب حد و افتكر ان خلاص كده دي الbest friend بتاعتي اطلع ان انا بالنسبة ليها زي اي حد تاني و ان عندها صاحبة مفضلة

Avocado_52421 🇪🇬 مش اي حد يتصاحب بسهوله كلها شكليات الصحاب بيظهروا ف الشده المواقف الصحبه وبس ومتفكريش ان المشكله فيكي لا بالعكس المشكله فيهم وكل واحد بيتلم ع اللي شبهه اكيد واشتغلي ع نفسك وانجحي هتلاقي الناس اللي بتيجي تصاحبك

عرض الكل 1 نصيحة

Corn_40481 🇶🇦

منذ 6 أشهر

شعور محبط

موضوع:

عمرك حسيت انك بديل او مش كفاية؟

Kiwi_52356 🇪🇬 ابعد عن صحبك ده

عرض الكل 2 نصيحة

عبّر عن شعورك بشكل مجهول

جدااااااا، مكنش بيفرق معايا الموضوع فالاول لان محدش منهم مهم ليا ولا التوب اصلا عشان ازعل اني بديل عنده، يعني بديل اصلا فطبيعي مزعلش اني بديل، الا لما حبيت حد بجد، مكنتش من النوع الي احب ولا اهتم كده بس بجد اعمل ايه عسل تتحبببب، فبقينا اقرب لبعض من اي حد فالدنيا واجمل شعور ان كل واحد عارف ان منزلته عند الشخص المقابل هي بالزبط منزلته عنده، حاجة مريحة جدا ولطيفة ومش بتخليك تفكر كنير ولا تشغل بالك بأي حاجة ممكن تحصل لان مفيش حاجة هتاثر بينكم.
بس طبعا الحجات بتحصل ومنقدرش نغير كده، ولسه من قريب حسيت بشعور البديل ده واول مره يوجع كده لاني المرادي بجد مهتم وبحبها وكانت الاولوية عندي دايما.
الموضوع بدا لما واحد صاحبي او كان صاحبي، كنا اصحاب احنا التلاتة حتى قبل منرتبط انا وهي فطبيعي مقطعتش معاه وانا على اساس واثق فيه والخ، بس خرب الثقة وراح اعترفلها، هي رفضته اكيد بس حاسس ان المشكلة فيا من ساعتها وانا حاسس ان مكانتي عندها مش زي مكانتها عندي، لو واحده اعترفتلي وهي عارفة اني مرتبط هقطعها معاها على طول لان وساخة اصلا ان الواحد يعترف لحد عنده حد.
لما اعترفلها مطلبتش منها تقطعها معاه ولا حاجة لانه قرارها وبراحتها، وهي اكيد عارفة الصح وانا بثق فيها تماما بجد، ف هي كانت عاوزة متخربش صداقتها معاه ويكملو حتى بعد مرفضته، مقلتش لا وكلمه، بس صاحبي ده طلع واحد ازبل من الي اتوقعته، انا اصلا مكنتش متوقع ابدا انه يعترفلها وانا معاها، لغاية دلوقتي مصدوم من كده، بس هو لسه بيقعد يلمحلها انه احسن وتكون معاه وكده وهي بتحط حدود شوية بشوية معاه.
وفوق كده هو فاكر اني معرفش انه اعترف، هو اعترفلها فاتصال وهي بعتتلي رسايل فوقتها بتقلي انه قاعد يعترف وقالتلي كل الي بيحصل عموما، بس بعد مخلص وكده قلتلها اني عاوز اكلمه فالموضوع عشان كنت مصدوم بجد، بس كانت متوترة ومش عاوزاه يعرف انها قالت عشان متحصلش مشاكل، انا عارف ان الصح اكلمه بس مش عاوز اعمل حاجة تضايقها فقلت حاضر. 
هي بتقلي كل حاجة كل رسايلهم وكله، بس انا معرفش ليه حاسس ان الموضوع كله حسسني  ان مكانتي مش زي مكنت فاكر.
بس متاكد انه كله هيتحسن مع الوقت ونعديها زي مبنعدي حجات اصعب.

Banana_38444 🇪🇬

منذ 10 أشهر

شعور مكسور القلب

ياه يا جدع احساس انك تكون بديل ده وحش اوي بعد ما شخص ده حسسك انك اهم حاجه وأنه ما يقدرش يبعد عنك في ثانيه كل ده اتغير ياه لدرجه دي في ناس ممكن تسيبك في اقل من ثانيه لان لقو شخص تاني ضحك عليه بالظبط زي ماضحك عليك

Jackfruit_36220 🇪🇬 الدنيا كدا ياصاحبي

عرض الكل 1 نصيحة

Avocado_39911 🇶🇦

منذ 11 شهرًا

شعور عاطفي

عندي مشكله في حياتي والي هي اني معنديش شخص مفضل او محدش معتبرين شخصه المفضل كلو ليه ناسه وليه حياته وانا مركونه على الدكه وقت ما نعزها هناخدها الموضوع ده رخم جدا نفسي في حد أكلمه عن حياتي والي بيحصلي واكون عنده التوب مش "بديل"

Mango_70768 🇪🇬

شخصية كتومة ومشاعري جوايا بتتعبني

انا شخصية كتومة جدااا ودايما مشاعري جوايا ودي حاجة بتتعبني جدا وبتستنزفني حاولت مبقاش كتومة وافضفض بعدها بندم ندم عمري لان مفيش حد بيفهمني او بيفهمني غلط فبرجع تاني لقوقعة الكتمان حاجات كتيررر بتأثر فيا وبتاكلني من جوايا بس مبعرفش احكي ولا افضفض فبقيت لما اتكلم مع اي حد اتكلم عن اي تفاهات ومواضيع جانية عشان اتجنب اتكلم عن اي حاجة مزعلاني حاسة من كتر التراكمات بقي عندي اكتئاب بس انا مش بظهر دا ولا عايزة اظهر اني تعبانة دايما بضحك واهزر مع كل الناس، لحد ما واحدة صحبتي قفشتني وقالتلي حساكي مش كويسة احكي ، لما قالتلي كدا حسيت بتناقض جوايا غريب على قد مافرحت ان في حد حاسس بيا وشايفني متغيرة رغم اني بضحك وبهزر، على قد ما اضايقت ان في حد خد باله اني مكتئبة مش عارفه ليه بس انا مبحبش اكون مصدر طاقة سلبية لحد وادوش حد بماشكلي مش عارفه ليه حكيت دا بس قولت احاول اقول الي جوايا.. ...عرض المزيد

14 الدعم

35 نصيحة

Strawberry_80896 🇪🇬

هل الكلام بيخليني مريضة نفسية من صغري؟

عندى مشكلة و مش مشكلة انا لما كنت صغيرة كان كلهم بيقولوا عليا مريضة نفسية و ده كان بيتقال نتيجة لتصرفات بتطلع مني، بس انا من وقتها لحد الوقتي، شايفه اني فعلا مريضة، و كنت بحثت عن الموضوع و كده و شوفت فيديو و لقيت ان سبب من أسباب المرض النفسي ان الشخص يكون حد قاله كده من صغره، ف بيبقي فعلا مريض، انا بصراحة مش عارفة أوضح المعنى لأن الفيديو ده سمعته من زمان و حاليا مش فاكرة، ف ممكن لو حد عنده معلومة يفيديني انا لما كنت في الإعدادي كان طموحي لما أكبر اروح لدكتور نفسي اصلا، ف عاوزة افهم انا تمام ولا فعلا نتيجة الكلام بقيت فعلا مريضة 👍🏻 ...عرض المزيد

0 الدعم

23 نصيحة

Lemon_67534 🇪🇬

خنقة بلا سبب ومش عاوزة أعيش.. تعبت من الشعور ده

هل في اسباب للخنقة بلا سبب يعني نكت صحيت مش قادرة اقوم من على السرير ولا اعمل حاجة حتى اني اخرج كخروج مش عاوزة حاجة غير اني ابقى لوحدي وبقالي فترة على كده اني مش قادرة اعمل اي حاجة ف حياتي انا حتى مش قادرة احلم ودايما ببقى حاسه باحساس اني مش عاوزة اعيش ومش ضروري احلم بحاجة لاني اصلا مش حابة الحياة ومش حابة اعيش فيها على الرغم من اني مش حد بعيد عن ربنا لا الحمد لله ده سبب من اسباب اني عايشة لحد دلوقتي بس حقيقي مبقتش فاهمه اي سبب ده اني مش قادرة استمتع بحياتي ولا قادرة اعيش اللي هو ولا عايشة مع العايشين ولا ميته مع الميتين.. حقيقي تعبت من الشعور ده اصلا كون اني كل يوم بتحايل علة نفسي علشان اعمل اي حاجة ده تاعبني بجد ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع