الاستغلال

Marshmallow_74320 🇪🇬

منذ 3 أيام

شعور مكتئب

Strawberry_67225 🇪🇬 مبدأيا انا ببقي فخوره جدا لما بلاقي راجل بيشتغل ويتعب بالحلال حقيقي انتوا حاليا بقيتوا قليلين فربنا هيكرمك ان شاء الله وهيعوضك خير متحطش الناس المتخلفه دي في دماغك لان انت احسن منهم علي الاقل انت بتشتغل بنفسك مش بتجيب فلوس من ماما او بابا وحاول تركز في دراستك وادي لنفسك فرصه السنه دي انك تذاكر وتنجح ولو القسم صعب شوف غيره وشوف حاجه انت حاببها وبالنسبه للشغل دور علي شغل تاني مريح واحسن وفلوسه كويس

عرض الكل 8 نصيحة

عبّر عن شعورك بشكل مجهول

انا شاب زيى زى اى شاب نفسه ينجح ويجيب فلوس،زهقت من الشغل نحت ايد حد والتحكمات اللى الشغل بيفرضها عليك وبتوصل ساعات للعبودية تحت مسمى"نظام العمل"
انا اصلا المفروض ابقى مدرس انجلش بس انا مش عارف ابدأ منين وخصوصا ان دى هتبقى تالت سنة ليا ف سنة اولى ف الجامعه وانا زهقت منها بصراحة ونفسى انجح واعدى بس اللى مش سامحلى الشغل عشان انا لو ما اشتغلتش مش هصرف على نفسى ولا هجيب لبس ولا هعرف اشترى شقه وانا اصلا م ساعت ما خلصت تالتة ثانوى وانا بدور ازاى اشترى شقه تبقى بتاعتى وكل ما ابدأ اجمع مبلغ كويس يحصل مشكلة ما او ظرف معين ا١طر انى اصرف جزء كبير من المبلغ دا وف نفس الوقت ببقى مش عارف ارجع المبلغ اللى اتصرف دا تانى 
وبين كل دول انا شغال ويتر ف كافيه وانا مش طايق نفسى ف الشغلانة دى،ساعات بيبقى زمايلى ف الدراسة جايين يقعدوا هناك واما يشوفونى فى منهم المحترم واللى بيسلم عليا وفى منهم اللى بيبصلى ويعمل نفسه مش واخد باله وفى بقا منهم اللى يبصلى من تحت لفوق وبقرف ويعاملنى وحش رغم ان تعاملى مع كل دول كان تعامل سطحى جدا مفيش مجال انى اعمل مشكلة مع حد فيهم بس كان تعاملنا ف حدود الدراسة
انا حاليا ف شغل وبدور على شغل بعيدا عن المجال دا لان انا كرهت المجال دا ومش عايز ادخله تانى نهائى بس مش عايز بردو اضيع وقت ف حاجه مفيهاش فلوس ومفيش فيها تقدير انا مش طماع انا بس مش عايز حد يستغلنى لان انا تعبت من الاستغلال والتحكمات والضغط اللى بييجى من الشغل ومن اهلى ومن كل اللى عندى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_73494 🇪🇬

منذ 5 أيام

شعور غاضب

في حاجه ديما بتديقني مثلا الناس الي مش عايزه تشتغل ولي يعملوا حاجه مفيده في حياتهم و ديما شيفني بنك الحظ يعني انا من صغير اشتغلت و تعبت و عملت كل حاجه عشان اكون كدا و لسه باصص ل فعلي من كدا ياجي واحد أو وحده يكونو رقدين و مش بيعملو حاجه مفيده في حياتهم يقولي ما تدينا من الي معاك و يزعلو لو قلت ايه ا

Chocolate_72149 🇪🇬

منذ أسبوع واحد

شعور مستنزف

انا مشكلتى انى بكره الناس مبحبش اتعامل معاهم لانى بحس انهم مؤذين وهيستغلونى فى اى حاجه ودة من تجربه من وانا صغيره وانا محيطى كلهم ناس غير سوبه وتعابين فى نفسهم الحمدلله بعدت عنهم لكن لسه جروحهم معلمه فيا ومش عارفه اتخطى وجالى رهاب اجتماعى وانا اصلا انطوائيه لدرجه اتقال عنى انى معقده ومتوحده لكن ان

Strawberry_74174 🇪🇬

منذ أسبوعين

شعور محبط

مش عارفة اكتب ايه بس لقيت الابلكيشن دا بالصدفة يعني.. حاليا معنديش شعور لا سلبي ولا ايجابي.. مع اني المفروض خارجة من صدمة اصلا.. واصلا مش عارفة انا عايزة ايه.. ساعات بحس اني عايزة يكون في حياتي حد.. وبعدين اخاف ليأذيني زي ما اتاذيت كتير اوي اما افتح قلبي واحب بصدق، بقيت حاسة ان مبقاش فيه حد صادق او

Potato_71900 🇪🇬

منذ أسبوعين

شعور وحيد

تعبت من شعور الوحده تعبت من فقدان الحنيه الطبطبه تبعت من اني قويه دايما لا انا نفسي اثق فحد واقدر اكون ضعيفه قدامو بدون خوف من الاستغلال نفسي الاقي حد شبهي حد فاهمني حد مش هحتاج افكر كتير بالكلمه عشان خايفه يفهمني

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Popcorn_64316 🇪🇬

منذ 3 أسابيع

شعور آسف

موضوع:

بتعرفوا تقولوا لأ على حاجه مش مناسبه ليكوا ؟

مكنتش بعرف أقول لا ف الاول ولقيت إللي حواليا بيستغلو دا جدا ولما بقيت بقول لا "بعد م كنت مبقولش" الناس بقيو بيستغربو مني اللي هو إنت إزاي تتجرأ وترفض لازم تتعلم تقول لا.. لازم تتعلم تكون عنيد مهما كانت النتيجه صح أو غلط لازم تتعلم متخليش حد يستغلك

Plum_72079 🇪🇬 صح جدا معاك قلبا وقالبا

عرض الكل 1 نصيحة

Orange_64209 🇪🇬

منذ شهر واحد

شعور محبط

لما بقعد مع نفسي كده شويه بسأل نفسي سؤال هو أنا قصرت !؟.. بلاقي إني من الناس اللي عدت حاجات كتير ومواقف كان لازم أخد فيها موقف علشان بس الدنيا تمشي ، أنا مكنتش من الناس اللي بتتلكگ علشان تبعد مثلاً ، كنت بحاول دايماً أبقي موجودة حتي لو علي حساب نفسي و طاقتي ، علشان كده أنا مقصرتش خالص .. بس اكتشفت

Grape_53920 🇪🇬

منذ شهرين

شعور محبط

السلام عليكم ازاي الواحد يعدل من شخصيته خصوصا لو هو غير متكلم جيد ردود فعله بطيئة مبيعرفش ياخد حقه بسهولة ولو عايز يفهم اكتر عن نفسه ويمنع اي استغلال خارجي حد يرشحلي كتب او فيديوز تساعدني اكون احسن

Strawberry_25620 🇪🇬 في حاجه بحسها مفيده جدا في الموضوع ده وهيا انك تفتح فيديو او قدام المرايا تتكلم وتبص لنفسك وتسمع نفسك وتشوف شكلك وكلامك عامل ازاي وتقعد تطور المهاره دي مع نفسك كويس اوي لحد ما تشوف الطريقه الصح اللي المفروض تتكلم بيها وهتتعود وتعرف ازاي تتكلم مع الناس فيما بعد بقا..في فيديوهات زي كيف تتحدث امام الجمهور والحاجات دي هتنفعك مش شرط جمهور لكن بتفهمك ازاي تتكلم ..في حاجات لياسر الحزيمي جميله جدا اسمعه

عرض الكل 6 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Cherry_58016 🇪🇬

منذ شهرين

شعور مرتبك

كان عندي مديري كنت بعزه جدا وللاسف كان بيستغلني وللأسف اذاني بس انا اخذت موقف وعرفت اقول لا واتخدصت منه دلوقتي في مدير تاني معايا والفكرة انه بيحاول اني يشيلني شغله انا قولتله لا مش هعمل كدة بس برضه مازال بيحاول تاني انه يخليني اعمل كدة وانا فكرت اطنشه او اخده على قد عقله ومعملش اللي هو عايزه بس في

Apple_58611 🇪🇬 دور على شغل تاني وفي نفس الوقت ممكن تتاخر في المهام اللي عليك عشان ما يشيلكش مهامه، اغلب المدراء كده عايزين حد يشيل شغلهم وبيبقوا عايزين يستثمروا في الموظف، وده مهلك جدا واستنزاف ليك ول طاقتك ف ما تقبلش ب كده

عرض الكل 11 نصيحة

Cherry_33009 🇰🇼

منذ 5 أشهر

شعور غاضب جدًا

موضوع:

بالنسبالك الشخص الساكت ضعيف؟

ايوا، السكوت ضعف، انك تسكت عن حقك و انت بتشوفه عم ينسرق من بين ايديك ضعف، انك تسكت عن الاهانة ضعف، انك تسكت عن الاذى ضعف، انك تسكت لحدا و تسمحله يأذيك تحت مسمى الحب اكبر ضعف، السكوت عمره ما كان قوة، مثل ما الصراخ و الصوت العالي و الفضايح ضعف، السكوت كمان ضعف، و اخذ الحق صنعة، خد حقك بأنك تدافع عن حا

Cherry_33009 🇰🇼

منذ 9 أشهر

شعور مليء بالحياة

موضوع:

ماهي الأشياء التي تحاول إخفائها عن الاخرين ؟

عندي كتير اشيا بصراحة بس اهمهم هي وفاة اخي، لأني تعرضت للاستغلال كتير بسبب هالموضوع و كمان ما بحب اشوف نظرة الشفقة بعيونهم لما يعرفوا انه هي هي نفطة ضعفي الوحيدة و اديه كنت متعلقة فيه، بخفي كمان كل غلطات الماضي، ما بستشرف على حدا بس بنفس الوقت ما بخلي حدا يشمت فيي، كمان علاقتي الركيكة جداً مع بابا و

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

أولا أنا أول مرة أشارك حاجة موجود علي التطبيق من فترة و الحمدالله أخدت ترتيب فيه عشان بحب أساعد الناس
سؤالي أو طلبي محدش يرد عليه غير بنات أو ولاد سويين نفسيا و اتعاملوا مع بنات

أولا هل ممكن لما ألاقي نفسي جاهز نفسيا و أخد خطوة حلال نحية بنت توافق ؟ سؤالي هنا إني شخص طبيعي بمعني طبيعي بجد لا خارق الجمال لا مسرف في المال علي أي حاجة حياتي بنسبة كبيرة ماشية بحساب بس مش بخيل بس العقل و المنطق في كل حاجة في حياتي

بكره جدا الذن و الكلام بالكتير بدون داعي
 بحب جدا نتكلم في أي حاجة بس تكون مهمة ليها تأثير أي حاجة بس في هدف منها يعني حتي لو هضيع وقت ابقي عارف إني بضيع وقت

دورت علي كل المشاكل الممكن بين الراجل و الست و نسبيا لقيت ليها حلول إلا الحجات المرتبة بالاناث عشان أنا فعلا مهما حاولت و قريت مش قادر افهم بيفكروا إزاي أو إيه الارض أو الاساس إللي بيرجعولو و دي حاجة مضايقاني و حاببها برضو

ف لو أخدت الخطوة و روحت و ركزت في التفاصيل الصغيرة في الكلام و حاولت أتغير عشانها أنا مش بتغير لغرض التغير لا هوه التغير عندي مبدأ و بيبقي بحساب و في الاغلب بيبقي للاحسن بس هل لو قولتلها تتغير لو لقيت في حجات فعلا تتغير و حاولت أقنعها هترضي ؟
و هل ممكن فعلا تحبني و لو حبتني إيه أساس الحب دا إللي يخليه واقف ضد تحديات الحياة و كل المواقف إللي هتحصل مع إني حاطط سيناريوهات لحجات شبه دي لو حصلت معايا
من الاخر خايف وقت ما يجي الوقت و افكها عن نفسي عشان أنا شبه مانع الارتباط و الكلام مع البنات في الإطار دا خايف ساعتها لقلة خبرتي الحياتيه معاهم يتم استغلالي أو التأثير عليا بأي طريقة خايف بطريقة ما منها تكرهني فيها أو تخليني عايز انتقم منها

حد فهم أنا بتكلم ف إيه أو عايز رد شبه إيه ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_33883 🇪🇬

منذ 10 أشهر

شعور غاضب جدًا

موضوع:

ممكن الواحد يحب حد اكتر من نفسه ؟

اه عادي نحب ناس اكتر من نفسنا لكن ده غلط لان بيخلي الشخصيه الي قدامنا تتكبر علينا او تحس بغرور بقا وتشوف نفسها الملكه ف مهما تحب حد متخليهوش يحس انك بتحبه ولا بتحب حد اكتر منك اصلا لان ده هيأذيك نفسيا انت في الاخر اوعي تخلي حد يشوف نفسه عليك والي يعمل كده اديله بالقلم فوقه وابعده عنك

Chocolate_52370 🇪🇬

مش عارفه أتكلم عن مشاعري في البرنامج

انا مش عارفه انا الوحيده اللي بحس بي كده ولا لا ان انا كل لما اجى ادخل البرنامج وببقي عاوزه اقول حاجات كتيره اوي بس مش بعرف مشاعري بتتلخبط اويي مع ان انا بدخل لما بحس اني جبت اخري من الدنيا ومش لقيه حد معايا حرفيا بس في الاخر مش بعرف اقول اي حاجه في البرنامج بقعد اشوف النااس لو في حاجه ممكن اساعد بيها بتكلم بس غير كده مش بعرف اتكلم عن مشاعري هو انا بس اللي كده انا جمعت الكلام ده بصعوبه ...عرض المزيد

3 الدعم

32 نصيحة

Apple_64150 🇪🇬

خطيبي فقد الشغف وسبني! أنا السبب؟

انا كنت مخطوبه لواحد قريبي كان بيحبني ف الاول ويقول كلام زي بريل عليكي ومجنناني والكلام ده ولو قدامي كنت اغتص...وكلام من ده بعد كده بدا يلمح بحاجات اكبر بس مكنتش بتكلم معاه ف الكلام ده كذا مره لحد ما قولتله انا سمعت شيخ بيقول المفروض تعامل خطيبتك كانها اختك وتحافظ عليها وهو اتغير من بعدها مبقاش يرن ( احنا اصلا ف العادي بحكم الجيش كنا بنتكلم مره واحده ف الاسبوع واوقات مرتين ) بس كانت ساعه ونص ف كنت بقول عادي بقيت ارن انا ميردش عليا ابعت الرساله يتاخر ب ٧ و ٨ ساعاات هو بيشتغل ميديكال ريب وكان بيقولي انه مشغول اقوله مفيش دقيقه اطمن عليا فيها يقول مفيش وارجع انا اكلمه عادي كل ده شات اوقات كان يلمح للكلام بتاعه ده وارجع اصده بهزار بردو عشان ميتقفلش ( لان كنت حاسه لو قولتله ياتسكت ي نفركش مكنتش حاسه انه هيختارني ) فضلنا ع موضوع مشغول ده من شهر ١٢ لحد العيد الصغير كنت بطلب منه يقولي كل سنه وانتي طيبه حتي قالي هتيجي ف وقتها قولتله حاسه اني بشحتك حرفيا قالي متشحتيش ( فانا جه ف دماغي انه كان بيعمل كده كعقاب ليا عشان كان اوقات يقولي قوليلي ي حبيبي مثلا او بحبك ف ريكورد او كده وانا كنت بتحرج اقول ) فقولتله شكرا وتاني يوم مكلمتوش ف دخل ع العشا كده قالي كل سنه وانتي طيبه رديت عليه وبقوله انا زعلانه من امبارح كنت فاكره هترن عليا تراضيني قالي انا وصلت للي فيه ده بسببك بسبب زعلك وقمصك ( وانا اصلا اقصي حاجه ممكن ازعل منه ٣ او ٤ ساعات وارجع اضحك تاني ) والفتره اللي فاتت كلها كان بيقول كلام سم وانا ببلعه عادي المهم اتعاتبنا واتفقنا ع حاجات هنمشي عليها بعدها والدته كانت مسافره ( والدته دي محضرتش الخطوبه عشان اهله بره مصر ورجعت بعد الخطوبه بسنه ومجاتليش تسلم عليا وعزمناها ف رمضان مرضتش تيجي قالتله والله مانا رايحه معاك ف حته ولا عزمتني هي ولا كلمتني ف العيد ولا جاتلي مع ان بيتهم ف الشارع اللي ورانا وانا اللي كلمتها ف العيد قالتلي نسينا نقولك تيجي تصلي معانا ) المهم اول ما سافرت قالي حقك عليا وانا مقصر معاكي وتعالي نخرج وخرجنا واتصورنا وانبسطنا بعدها باسبوع يقول مش مرتاح ومش عارف ياخد قرار واتفقنا ندي لنفسنا فرصه تانيه وهو قالي مش متخيل نفسي مع حد تاني وسالته لسه بتحبني وناوي تصلح قالي ايوه واتفقنا بعدها جالي وروح كان كويس وبيتفق معايا نعمل سيشن ف فرح اخته بعدها قعد شهر مجاليش وجالي ف العيد الكبير جايبلي حلويات بحبها وانا كمان جبتله وقعدنا نهزر ونضحك وروح بعتلي اغاني وكلام حلو حتي يومها بيقولي الراحه الكليه هتبقي ف الشقه ف قولت اهزر معاه واقوله ايوه احنا الاتنين بقي قالي انا بس انتي كده كده مش فارق ! بس عديتها عادي بعدها باسبوع كان كتب كتاب حد قريبنا بقوله عقبالنا فالي ايوع ربنا يكتب علينا اللحظه دي بعدها بكام يوم يقولي فقد الشغف وسابني بقوله ده احنا كنا كويسين يقولي كنت برد عليكي واجب طب ازاي ده قبلها بيومين كان بيقولي ام عيالي وتسلميلي ي قلبي وانتي الغاليه !! قولتله انت بتلعب بمشاعري وتقولي واجب! طب واجب ده لما تتاخر ف الرد عليا وانك متردش ع الموبايل انما قلبي وروحي وانك نفسك تعيش معايا ده ايه بتديني وعود ليه كده لما انت مش طايقني قعدت ٣ ايام مفتحش الرسايل كلمت اهله ابوه قالي استني يومين اكلمه قولتله حاجتكم جاهزه قالي لا استني ده مش عارف قيمه النعمه اللي ف ايده بعد يومين ابو كلمنب تاني وقالي الولد متردد قولتله حاجته جاهزه قالي لا استني يومين كمان استنيت حد يتكلم مفيش كلمت عمه جه خد حاجته هل انا السبب ف ده هل قفلته مني!! ازاي بعد ماكان بيقول يحبك ووحشتيني وقلبي وام عيالي بعدها بكام يوم يتحول كده ! وازاي ميكلمش ابويا ولا اهله كلموه طب مشاعري انا دي ايه ده انا لاخر يوم بقوله نفسي افرح بحياتي معاك يقولي فقد الشغف !! طب مانا بسالك بقالي ٥ شهور كان بيقول الدنيا تمام انتي اللي بيتهيألك اننا متغيرين اقوله احنا بنبعد يقول لا ! طب موقف امه ده ممكن تكون مكنتش موافقه عليا طيب!!!! ...عرض المزيد

0 الدعم

21 نصيحة

Mushroom_68593 🇪🇬

مبقتش قادره استحمل خلاص... تعبت من كتر العياط

مبقتش قادره استحمل خلاص كفايه تمثيل انا مش كويسه ولا انا بخير ولا تمام انا مش عرفاني كل حاجه فيا متكسره الف حته مش عارفه اصلح اي حاجه باظت جوايا تعبت من كتر العياط كل يوم ع كل حاجه بتروح و مش عارفه ارجعها تعبت ع اني بتعاقب ع حاجه مش عرفاها نفسي كل حاجه تنتهي حتي اناا ...عرض المزيد

1 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع