الأطفال

Carrot_73142 🇪🇬

منذ يوم واحد

شعور غبي

Blueberry_76254 🇪🇬 يعني اقدر اقول اني مريت بمعظم الحاجات الي انت مريت بيها فعلا بس للاسف مكنش في اصلا حب من نحيتهم طفل مهمل وبائس كل فكره ازاي بلاقي الحب الي اتحرم منه وغلط كتير في حياته وفي حق نفسه وللان بيحاول بيحااااول يبقي انسان حاسس بقيمته الفعليه بعيدا عن راى الاهل الي مكنش ابدا انساني ولا فيه ذره حب

عرض الكل 2 نصيحة

عبّر عن شعورك بشكل مجهول

ليه الأبوين اول ما يشوفو طفل مطيع وبرئ وساذج وانطوائي ومتعلق بيهم
يبقي أول فكرة تيجي في دماغهم ازاي نقدر نستغل الطفل دا في الانصياغ لمطالبنا مهما كانت قسوتها
وبيلاقو في الطفل دا فرصة انهم يرتاحو من أعباء التربية
وبيخلقوا عنده اعتمادية عليهم علشان هم يكونو كل حاجة في حياته
وبعد كدا يستمرو طوال حياته في ابتزازه عاطفيا علشان يحققو اللي عايزينه
عن طريق تكوين صورة في دماغ الطفل ان (الطاعة = استمرار الحب)
ومستحيل الطفل يقدم علي انه يفكر بس في الانحراف عن المتطلبات اللي المفروض تتحقق فيه علشان أهله اللي كل حاجة بالنسباله يستمرو في تزويده بالحب والدفء والأمان
أنا كنت فاكر وانا طفل لو بس فكرت اعمل حاجة مخالفة لكلام أمي ازاي الدنيا بتسود في وشي وبيبقي لسان حالي يا ليتني مت قبل هذا وكنت نسيا منسيا

انا كنت رابع طفل طفل من أربعة
فنقدر نقول ان العائلة في الفترة اللي انا جيت فيها في الدنيا زادت المسئوليات عليهاوانا اتولدت في توقيت أهلي كانوا خلاص مستنزَفين من الضغوط، فبدل ما يربوني كفرد مستقل، لقوا فيك فرصة للاستراحة" من المعرك.كنت أنا الابن المريح، اللي بيمشي جنب الحيط وبيسكت ويضحي بنفسه عشان الجو يفضل هادي. 
أبويا وأمي كانو في الغالب بيشتكو من المصاريف كل ما حد من أخواتي يطلب حاجة
وكانو في الغالب بيمدحوني لما ييجي حد من أخواتي يطلب منهم حاجة
ويقارنوني بيهم وبيتكلموا قدام أخواتي عن ازاي انا براعيهم وطلباتي قليلة
وانا كنت ببقي مبسوط جدا ان ابويا وأمي بيمحدوني علي قنوعي وطاعتي
والحقيقة انا كنت بعمل كدا مش علشان مش عايز حاجة لكن علشان أنا متعلق بيهم ومش عايزهم يحرموني الحب اللي باخده منهم
ونتيجة دا اني طول حياتي بستكتر علي نفسي أي حاجة وبحس اني مستحقهاش
حتي بشوف اني مستاهلش أتحب وأدخل في علاقة وان أي حب مشروطوبشوف اني بستعبط ومستحقش اني اتألم وانسحب من المجتمع لأن الناس اللي في حروب ومجاعات وأمراض وابتلاءات أكبر يستحقو الألم أكتر مني
كبرت وقابلت ناس أكتر وبدأت أشوف ان العالم أكبر من حيطان البيت بتاعنا ولما وصلت للأعدادية كنت خلاص تخلصت من تقديس أبويا وأمي وبدأت اتمرد وأخالفهم  
علي الرغم انه كان لسه حبهم ليه قيمة كبيرة بالنسبالي لكن العالم قدر يوصلي بنفس الطريقة اللي ابويا وأمي تملكوني بيها
عن طريق استغلال قلة ثقتي بنفسي وانهزامي النفسي وورغبتي في الاحساس بالانتماء ورؤية نفسي من خلال اراء وتقدير الاخرين
وعلي الرغم أني كنت بكبر وظاهريا بزهد في رأي ابويا وأمي فيا
 الا اني كنت مازلت بعاني من كل أثار سجن التنشئة المشروطة اللي اتربيت عليها
وروحت أخدم سيد جديد وهو العالم المادي المنحل اخلاقيا والفاسد فكريا

انا بس ساعات بسرح واقعد اعد في الحاجات اللي لو كانت مختلفة مكنش هيبقي دا الوضع اللي انا فيه
وكل ما اعد في حاجات بحس بحسرة وندم لكن بيبقي ليها لذة من نوع خاص
بس أنا متأكد ان كل دا ربنا قدره ليا لأسباب مش هقدر أفهمها
انا مش عارف انا بحكي ليه طالما مفيش حاجة ممكن تتغير
يمكن انا بحكي يمكن حد يقدر يrelate ويحس ان في حد شبهه 
او الاقي ان حدي شبهي
واشك انه هيكون في حد غبي وساذج للدرجة
انا حاسس اني عايش غريب في الدنيا
حتي أخواتي اللي اتربو تحت نفس الأم والأب معندهمش مشاكلي بنفس الحدة دي والحمدلله مطلعوش زيي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Guava_49832 🇪🇬

منذ 6 أيام

شعور متعب

عبّر عن شعورك بشكل مجهول

من فترة كنت نزلت بوست بسبب ان امى ضربت اخويا الصغير عشان قال لفظ مش كويس 
ضرب بايد مقشة كسرتها عليه غير الكلام اللى كانت بتقوله ليييه اللى ميطلعش من ام اصلاا
وقتها كنت اتكلمت مع امى كلااام كتيير مضمونه ان الضرب نش هيجيب نتيجة وانه لازم يفهم غلطه لانه لو بطل يتكلم كدة فى البيت هيقول برا ..ولو الدافع بتاعه دلوقتى الخوف هيكبر ومش هيخاف وهتبكل تقدر حتى تتفاهم معاه ،اخر حاجه قالتها  المهم مسمعش اللفظ دة فى بيتى واخرجى روحى اوضتك معدش هتكلم وسكت انا مش فى ايدى حاجه 
 مع العلم ان اخويا دة عنده ١١ سنة وهو بيشتغل فى الاجازة 
النهاردة بقا اخويا الوسطانى راح المكان اللى بيشتغل فيه واتكلم مع حد من اللى بيشتغلوا وساله عليه وقاله انه بيقول كلمة مش كويسة 
اخوياا اخد الكلام كله ورماه عند امى وشيطها على اخويا الصغير تانى 
رجع من الدرس نزلت عليه ضرب تااانى بالخرطوم وكلااام اتمنى انه فى يوم ينساااه ومحدش قاادر يحوشه منها
دخلت اكلمها ...قولتلها المرة اللى فااتت انتى بلسانك قولتى المهم ميقولش الكلام دة فى البيت واهو حصل ،قولتلك انه المفروض يفهم مش يخاف وطنشتى جاية تضربيه لييه دلوقتى 
قالتلى مفيش منه الكلام دة انا ابنى ميشتمش ومش هتكلم معاكي وروحى اوضتك 
دمى محروق وقلبى واجعنى كل ما تعطل معاها بتنزل فيهم ضرب عملت عداوة بين الاخين وكل واحد فيهم بيدور على غلطة للتانى ومقتنعة انهم هينسوا ويصفوا لبعض 
شايفة انهاا لماا تخوفهم وتزرع جواهم الرعب دلوقتى لما يكبروا هيخافوا يغلطوا ووالله ما بقى يفرق معاهم حتى الضرب 
مفيش كلام ناافع واسلوبها صعب والبيت كل يوم والتانى حريقة 
لو نسوا ضربها ودة مش هيحصل عمرهم ما هينسوا كلامها ،كلامها يقهر وبيكسر ليييييه ،لو نص مجهودها فى الزعيق والضرب دة اخدته انعا تفهمهم والله ما هيبقى احسن منهم 
هتستسهل على قفاهم وتطلعهم مرضى خلفت لييه 
انا يأست من نفسى ومبقتش فاهماها وبحمد ربنا انى فاهمة وقادرة اتجاوز افعالها حتى لو مش بنسى 
الولدين دول هيعاملوا ولادهم ازااى بعد كدة ..هتخليهم نسخة منها والله جيل مدمر لييه كدة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ أسبوع واحد

شعور ضاق ذرعًا

عبّر عن شعورك بشكل مجهول

حد عنده فكرة أيه مبرر بعض الناس للكذب؟؟
انا حد تطفولتى إمتدت معايا للعشرينات والسبب انى كنت بشوف الدنيا من خلال بابا وماما كانو بيخافو عليا جدا..  أفكاري متلوثتش فااا كنت حد بيصدق كل الناس وإنه محدش مضطر يكذب الدنيا حلوة ي جماعة .. لكن مع بداية إختلاطى الحقيقي مع عالم الكبار ودا كان من خلال الكلية.. ف الأول كنت مش فاهمة الدنيا اوى ولكن مع الوقت بدأت أكتشف إن معظم الناس واخدين الكذب إسلوب حياة، هنا بدأت أفكاري تتعارك مع بعض وبقيت بتعامل بحذر مع الناس ، بس برضو مكنتش بستوعب فكرة  إن الإنسان المخادع او الكذاب عايش وسطنا عادى وعنده أهل وأصحاب كنت بحس إن النوعية دى شكلهم وحش وأشرار وعايشين في مكان مهجور بعيد عن الناس،لكن الى كان بيحصل العكس دول بيكونوا أكتر ناس وشها برئ و بيكونوا مندمجين مع المجتمع جدا ويمكن كمان يدعوا إنعم ع قدر من الثقافة والتدين، فبالنوعية دى بتعرف تتفنن في الخداع والكدب يقدر يقنعك بأكتر قصة مش منطقية إنها تحصل ولكن هو بيكون مصدق نفسه ، لكن الحقيقة إن الناس دى أكتر ناس ضعيفة ومهزوزة وفاضيين من جواهم فبيعوضوا دا بالكذب وإدعاء امور مش حقيقية، من بابا أنا لا أكذب ولكنى أتجمل،  بسبب كل دا وتفاصيل كتير تفكيري نضح بالصدمات بشكل غير صحى ومفزع كأن حد ضربنى ع دماغى، الأهالى بتهتم تعلم ولادها الخير والأخلاق الحميدة والجانب الكويس في الحياة بشكل عام  ولكن لازم في التربية يكون فيه قدر  من التعريف بالشر من باب العلم بالشئ وازاى الطفل يتعامل مع شرور البشر بشكل عام والكدب بشكل خاص من غير م هو يتضرر، لأن عدم معرفتى خلتنى أتخبط لفترة طويلة كنت بشك في اى كلام يتقالى بس مع الوقت بقا عندى شئ من التوزان لكن للأسف الصدمات دى نالت من جزء من قلبي وبوظته لسه قادرة أصدق ان فيه خير وناس كويسة بس مش زى الأول ومشكلتى الأكبر إن الناس دى مش معظمة قدر ربنا في قلوبهم ينطبق عليه الاية الكريمة "يستخفون من الناس ولا يستخفون من الله وهو معهم إذ يبيتون ما لا يرضى من القول"

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Toast_68563 🇪🇬

منذ أسبوع واحد

شعور وحيد

لية مبقتش بحب اسمع صوت خالص وعاوز اعيش الـ24 ساعة في هدوء؟ خُلقي بقي ضيق جداً بخصوص موضوع الدوشة خصوصاً اني ساكن في شارع ضيق شوية وفيه اطفال كتير بتلعب في الشارع بقيت اطلع ازعق فيهم كل يوم مرتين تلاتة ؟ حاسس اني عاوز اعيش في منطقة معزولة مفيهاش صوت والسكان متعرفش بعض واعيش في هدوء بس حرفياً انا بس

Strawberry_52024 🇪🇬

منذ أسبوع واحد

شعور لا مبالٍ

أختي الصغيرة صعبة بشكل مُبالغ فيه، حقيقي صعبة، هي صغيرة لسه يمكن مكملتش خمس سنين، بس عصبية جدًا وزنانة وبجد صعبة. الفكرة إني غصب عني بتعامل معاها بأسلوب مش حلو، أو لما بتتعصب وتتانح كده غصب عني ومن ضغطي أتا كمان ممكن أمد إيدي عليها أو أزعق لها جامد. غضب عني والله بجد. معرفش بس أتا خلقي ضيق بجد مش بس

Peanut_51983 🇪🇬

منذ أسبوع واحد

شعور منزعج

كنت قاعدة في مكان كده بحتفل نوعا ما بمرور شهر من الثانوية العامة 😂 أنا تافهة وهحتفل كل نهاية شهر 😂😂 فمر من قدامي تلت صبيان صغيرين شكلهم في اعدادي و كان معاهم فيب وكل واحد ياخد نفس و يمرر الجهاز لصاحبه فا كان معايا صاحبتي سألتها اللي عيني شايفه ده بجد قالتلي آه هو انا مش كبيرة في السن بس هو الموض

Strawberry_71160 🇪🇬 اه بظبط النوضوع بقى سهل جدا لو اي عيل حوش مبلغ مش كبير هيقدر يجيب عادي للاسف

عرض الكل 6 نصيحة

Apple_45700 🇪🇬

منذ 3 أسابيع

شعور مرهق

بخاف من بابا من صغري بسبب أنه كان بيضربني دايما و يعقابني و يفتش موبايلي و حاليا عندي 20 سنه و لسه بخاف و مش برتاحله و بمسح كل الشاتات و بخاف يمسك موبايلي ف اي لحظه مش عارفه اتعايش و دايما لما تيجي سيره موبايل او كدا بطني توجعني و يجيلي نغزه و شعور وحش و كتير بفكر اني اموت نفسي بسبب الموضوع ده لاني

Chilli_59055 🇪🇬 انا ابويا كان صعب برضو و كان شيخ كمان و كل حاجه بالضرب و الشتم و التقليل قدام الناس و جابلي عقد نفسيه كتير بس انا عشان اوصل للانا عايزو سبت البيت و عملت معاه مشاكل و بقيت ارد حتي لو هضرب كنت ارد عليه و هو بيضربني و كل شويه امشي و اسيب البيت لحد ما هوا زهق مني و رمي طوبتي حالياً معدناش بنكلم و بقيت بعمل الانا عايزو

عرض الكل 3 نصيحة

Nutella_73233 🇪🇬

منذ 3 أسابيع

شعور متوتر

ايه رايكم الست نعيش وتتحمل وهى مش سعيده ومفتقده الحنيه والطبطبه عشان العيال ومستقبلهم ولا تنفصل احسن وتعيش بعيده بس برده مش هتتحمل فكره ان الطرف التانى يتجوز ويعيش حياته وهى تعيش تربى العيال وبس لأن فكره الجواز تانى بالنسبالها مرفوضه عشان الاطفال يبقى الحل ابه مع العلم أن محاولات الكلام والتغيير كتي

Pistachio_73097 🇪🇬 طب وليه متحوليش تفهمي الطرف التاني وتقربي منو وتشوفي اي المشكله الي بعده عنك وتحولي تصلحيها سواء بقي المشكله دي في شكلك انك مبقتيش تهتمي بنفسك زي الاول عشان العيال في اسلوبك انك بقيتي كل ما بتكلمي بتشتكي ا

عرض الكل 7 نصيحة

Guava_49832 🇪🇬

منذ 3 أسابيع

شعور غاضب

Apple_71528 🇪🇬 اسلوب التربيه فى مصر خطاء عشت فى اوربا واتعلمت كيف يربون أولادهم هنا الطفل بيعتمد على أهله حتى بعد جوازه هنا كلنا مخطئين

عرض الكل 17 نصيحة

عبّر عن شعورك بشكل مجهول

حابة احكيلكم قد ايه انا فخورة بطريقة خالتو وهى بتفهمنى انا وامى ان اعتراضى على اسلوب تربيتهم لان امى مدلعانى وبطلت تضربنى لما كبرت 
وانى لو كنت بتضرب زيهم زمان كان هيبقى دة نمط حياتى وهتعامل مع الاهانة بضحكة عاادى جدا 
كمية فخر فى كلامها وهى بتقول انها بتسيب ولادها يعيطوا قدامهاا لحد ما بنتها اللى فى تالتة ابتدائى تقولها انتى بتسيبينى لوحدى حاسة انى وحيدة 
بتحكى وهى مبسوطة اووى ان ولادها مش مسموحلهم حتى يعيطوا فى اوضة لوحدهم ولازم يعيطوا قدامها وياريت هتطبطب هتسيبهم عادى 
فوق الزعل قهر وذل 
بتقولى اخواتك عشان بيتضربوا مش متأزمين والموضوع بالنسبالهم عادى وبيتضربوا وبيضحكوا انتى كدة من الدلع 
*لما اخدت ابنها وكان فى ابتدائى لدكتور نفسى عشان توحد وتاخر كلام ومشاكل جسدية عنده والدكتور قالها ابنك مش متعود يعتمد على نفسه متدلعيهوش 
فبعد ما كانت بتعصرله الفاكهة فى بقه بقت تضربه بسبب ومن غير واتلخص عندها الدلع فى انها مبتضربش فهنشيل الدلع هنضرب ونخلى الطفل يضحك وهو بيتضرب عاادى جدا*
لماا قعدت تقولى انتى من دلعك مش متعودة على الاهانة كان دة الطبيعى انى اتعود على ضرب وصوت عالى وخناق وسيطرة فارغة على الفاضى ويعتبروها تربية وهتطلع جيل كويس 
لما قعدت توصف قد ايه جدو كان بيضربهم من غير سبب فطلع دة العادى بالنسبالهم وسامحوا وبقوا كويسين 
المشكلة فعلا انها مقتنعة انهم كويسبن والمشكلة فيا انا عشان برفض الاهانة «كان الاهانة من الاهل عادى» وامى تصدق على كلامها عاادى 
انااا مش قااادرة افهم وتعبت مش قااادرة حتى افهمهم
اول ما تعطل معاهم يقولولى الدين بيقولك لو امك كافرة واجبك تسمعى كلامها.. معاهم حق بس دة اسلوب تعامل سواء معايا او مع اطفال اكبرهم 14 سنة عودوه يتضرب ويضحك 
فهمونى بس يمكن انا دماغى شغالة غلط ولا حاجة😓

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_72221 🇪🇬

منذ 4 أسابيع

شعور مكسور القلب

موضوع:

اهلك عملوا معاك ايه مش هتعمله مع عيالك؟

معامله زي الزفت وتعنيف لفظي وجسدي من الاب ودائما اهانه وزعيق تربيه مجتمع شرقي منحط لا يفقه أي شيء في تربيه اولاد ولا ازاي نتعامل معاهم عشان كدة انا اخدت قرار في حياتي مستحيل اخلف طفل ابدا عشان مش يعاني دي منا وملايين غيري بيعانوا في حياتهم

Tofu_71960 🇪🇬 خلفي عادي بس متتعامليش معاه زي م اهلك كانو بيتعاملو معاكي انا اهلي زيك بالظبط بس انا مستحيل اعمل ف عيالي نفس الي اهلي بيعملوه انتي اكيد حابه يتقالك يماما ويبقالك عيال انتي لازم تفكري ف الموضوع ده تاني..

عرض الكل 2 نصيحة

Banana_65091 🇪🇬

منذ 4 أسابيع

شعور آسف

لما بشوف ام مثلا بتهزق ابنها و يمون عنده مثلا من شهور ل ١٦ سنه بزعل عليه اوي و بحس بالفقه عليه لان ده بيربي جواه حاجات كتير انا مش ضد الزعيق و الضرب انا اصلا التربيه الايجابيه مش جايه معايا بس ف حاجات كده مينفعش يعني زعق و اضرب بس بينك و بينه و مش من اول مره متقللوش من عيالكم هم اولى بالحب و الثقه

Almond_70714 🇪🇬

منذ شهر واحد

شعور لا مبالٍ

مساء الخير انا لسا منزل الابليكيشن، شوفت فيديو عجبتني الفكره قولت ادخل اساعد انا طبيب نفسي تخصصي للاطفال و المراهقين، بس طبعا اقدر اساعد اى سن او بمعنى اصح هحاول قدر الإمكان و هبذل ما بوسعي اني اساعدك تحلي مشكلتك

Marshmallow_68870 🇪🇬

منذ شهر واحد

شعور مكسور القلب

عاوزة اشارك حاجة ممكن تبان غير جيدة إطلاقا ، أنا بحب والدي جداً و بعترف بفضله بعد ربنا في كل حاجة الحمد لله ، بس مش قادرة اتخطى كل مرة ضربني فيها ، مكانش ضرب عادي كان ضرب مؤلم زي الحزام و عصابة المقشة و ماسورة الستارة كان كل مرة جسمي بيفضل بالشهور وارم و مرة دماغي انفتحت و فقدت الوعي ، و لما بفكر هل

Pineapple_69990 🇪🇬 للأسف بعض الاهل بيفكر انو الضرب عادي ونعلم عيالنا الصح من الغلط بس عمر الضرب ماهيعلم جد انو ده صح ولا غلط قد مايعلم ف النفسيه بس المهم سامحي لانو والدك ممكن يكون اتعمل معاه ده ف دي اللغه اللي بيعرف يعلم بيها وغصب عنه متزعليش لما تفكري ف الايام دي فكري نفسك لما عملك حاجه حلوه اشترالك هديه ممكن ده يمسح الحاجات الوحشه

عرض الكل 15 نصيحة

Watermelon_69693 🇪🇬

منذ شهر واحد

شعور متعب

عبّر عن شعورك بشكل مجهول

أنا عندي كلام كتير ومش عارفة ابدأ منين بس انا مشكلتي ف بابا، لما كنت صغيرة مكنش اغلب الوقت معايا بسبب ظروف شغله وانا متفهمة ده جدا بس الوقت اللي كان بيبقى موجود فيه مفتكرش ذكريات حلوة كتير مع بعض بابا كان عنده الحزام أساسي واحنا صغيرين كان عندي 7و 8 سنين وكان بيضربني بالحزام أنا مش عارفة ايه الغلطة الشنيعة اللي ممكن يعملها طفل ف السن ده يخليه يضربني، حتى من قريب كنت بحكيله على حد من اصحابي والدها بيضربها وبقوله تأثيره النفسي عليها وقد ايه فعلا الضرب ده شيء مؤذي بعدها بكام يوم حصلة مشكلة مع اخويا وهو كان غلطان ولما بابا جيه يسألني أنا جالي انهيار عصبي وبقيت ازعق لدرجة اني قطعت التيشيرت بتاعي كل ده بدون وعي حتى مش فاكرة أنا قولت ايه بس بيقول اني كنت بقولهم انتم عايزين ايه مني راح هو ضربني على وشي بالقلم لدرجة أن نظارتي طارت من وشي وقعدت اصوت واعيط وجسمي يترعش وهو كمل عليا وكل ضربه كان على وشي وانا كنت بصوت ومش قادرة اتحكم ف نفسي ولا ف رعشة جسمي بعدها طلع وانا فضلت اصوت ومكنتش قادرة اوقف بعدين دخل اخويا قالي كل يوم هنمسيكي بعلقة ونصبحك بعلقة، وقبلها بيومين عشان ماما قالت إن ده سبب ضربه ليا كنت بقوله هنزل كورس تبع الجامعة وهو اساسا كان موافق من قبل ما أقدم والكورس كان ببلاش عشان محدش يقولي ماديات راح قالي لا قبله بيوم روحت قولتله انت قولتلي ماشي وقالي أنا مقولتش ليكي حاجة وانا ساعتها مسكت التليفون وقولتله إن شاءالله هنشوف وهو اتعصب وانا أقوله إن شاءالله وبكرة هنشوف راح اتعصب جامد وكان هيحدف حاجة عليا بس ماما حاشته عني وانا فعلا كنت قاصدة اعصبه لأن مينفعش توعد حد بحاجة وتوافق عليها وترجع تقول لا ودي مش اول مرة يعمل معايا كده وانا ببقى متعشمة وبرسم خطط ويجي مرة واحدة يرجع ف كلامه، وكمان ف ثانوية عامة ف عز ضغطي النفسي واكتر وقت محتاجه فيه حنان ضربني مرتين عشان خاطر اختي ولأسباب تافهة جدا ومرة فيهم اختي اللي كانت غلطانة، وكان عندي حلم اني اكمل ف الكاراتيه وادخل بطولات عالمية وكنت باقي ساعتها سنة وأكمل ال 16 واخد الحزام الاسود اللي قعدت سنتين مستنية اخده بعد ما خلصت البني راح قالي لا انت كبرتي ومش هينفع، ودلوقتي عايزة انزل تدريبات تخص مجالي وتطور من نفسي أنا اساسا دخلت كلية مش بحبها ويحاول فيها وتقديراتي الحمدلله حلوة جدا وعايزة انزل اشوف مجال العمل واشتغل وحتى الكلية عملتلنا تدريبات صيفية بعدد ساعات لازم اجتازه وفعلا لقيت تدريب وهو رفض وقال لا وحتى شاكك فيا اني بكذب على موضوع عدد الساعات وكل مرة انزل الكلية عشان تصوير أو غيره يفتح تحقيق ويكون عايز إثبات أنه اللي بقوله صح مع اني والله عمري ما عملت حاجة غلط ولا بتعامل مع حد ولا ليا اختلاط بالناس وبتكسف جدا اتكلم مع أي حد مش متعودة عليه والموضوع ده كمان مأثر عليا اني مبعرفش اتعامل مع حد ولا اتكلم مع حد حتى ف الكلية انا مليش صحاب اوي غير واحدة اعترفت عليها مؤخرا بالصدفة وبقعد معاها وهي زي بالظبط، أنا اسفة اني طولت بس انا فعلا مخنوقة ومؤخرا بقى يجيلي افكار انتحارية وانا لزمتي ايه وانا فاشلة ومبتقدمش خطوة لقدام ومفيش حد بيحبني وبحس بابا بيكرهني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_69449 🇪🇬

منذ شهر واحد

شعور سعيد

موضوع:

اهلك عملوا معاك ايه مش هتعمله مع عيالك؟

حاجات كتير.. اهمهم اني مش هضرب عيالي علشان اربيهم او اعاقبهم و مش هقارنهم بحد بحجه اني عيزاهم احسن و مش هشتمهم و اطلع كل غضبي عليهم علشان هما ملهمش ذنب اني متدايقه و مش هعاقبهم انا هعلمهم، في الاخر هما اطفال و مسؤوليتي و مش هربيهم التربيه القديمه اللي تجبلهم عقد نفسيه ولا التربيه الجديده اللي بطلعهم

Blueberry_69403 🇪🇬

بدور على ناس مثقفة تفيكري أتكلم معاها

زهقانه عادي مفيش حاليا في حياتي اي احدث الحمدلله بس انا حاليا بميل جداااا للناس المثقفه وخصوصاً البنات المثقفين اللي المتحدثين معتش بطيق اتفرج ع اي فيد ل اي رجل بجد حتي معتش موجود اوبشن اني اديهم فرصه واسمعهم بقلب ع طول المهم اني بجد محتاجه ناس في حياتي من اللي بتحب تتفرج ع أفلام وثائقية وافلم فيه أفكار وكدا و تنتقدو وتتناقش فيه و دا لي عامل كدا ودا لي عامل كدا أو نبعت لبعض فيد لشخصيه ما بتتكلم بكلام حلو او تنتاقش قد اي الحاجه دي بتأثر ع اللاوعي وبجد أنا بقيت فيمنست مؤخرا وبجد مفتخره جدااا اني بقيت كدا والله لان أنا من فتره كنت بقول أنا مش فيمنست وبتع وازعق جامد كأنها شتمه بس لا الست ل الست بجد و بحب اي حاجه قديمه بموت في أي حاجه قديمه بجدددد بحس اني بحب العجويز جداا وبحب صمتهم وأنهم عاشوا كتير وان هما خلاص عملوا كل حاجه بجد بروح اتلزق فيهم اين كان عوزه حد شبه تفيكري اتكلم معه شويه ...عرض المزيد

1 الدعم

17 نصيحة

Avocado_63863 🇪🇬

ازاي أبدأ صفحة جديدة مع نفسي وأطور من ذاتي؟

ازاي إبداء من الاول وجديد وابداء صفحه جديده مع نفسي طيب ازاي أطور من نفسي في كل حاجه في عقلي في نفسي في اني ابقا محاسبه قانونيه لنفسي انسانه هتبداء من اول وجديد ومش هتشوف غير نفسها قبل اي حاجه ...عرض المزيد

2 الدعم

16 نصيحة

Nutella_67912 🇪🇬

عندي maladaptive daydreaming ودماغي مش بتيجي

عندي حاجه اسمها maladaptive daydreaming أن انا طول الوقت فيه سيناريوهات و حاجات خياليه انا بفكر فيها يعني مثلا انا في روايه و انا البطله و انا في مسلسل و ليا دور كدا يعني و بقالي ٥ سنين على نفس الحاله دماغي مش بتفضى انا ممكن اقعد بال٨ أو ٩ ساعات بفكر بس في السيناريوهات و انا بعمل حاجاتي يعني مثلا حد اداني مياه أتخيل أن حد تاني بيدهالي و انا بشرب مشروب تاني و الموضوع بيزيد لما بسمع أو اتفرج على فيلم او اسمع اغنيه انا بحبها و الموضوع وصل لمامتي و قالت هوديكي ثيرابيست في نص السنه و انا مش عايزه الموضوع يوصل لثيرابيست ( لما ابطل تفكير في السيناريوهات بحس مخنقه و ستريس رهيب ) ...عرض المزيد

4 الدعم

12 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع