الأحلام والواقع

Marshmallow_69067 🇪🇬

منذ أسبوعين

شعور لا مبالٍ

عبّر عن شعورك بشكل مجهول

كان عندي مشكلة في فهم الإنسان بيستنى التقدير لشخصه من الناس ولا هو المفروض يقدر نفسه ويحط معايير للناس من خلالها تقدرة.. 
الحقيقة ان الناس بتشوفك من خلال نظرتك لنفسك والطريقة الى بتعبر بيها عن شخصيتك محدش هيدخل جواك ويكتشفك الناس بتصدق الى بتشوفة بس اكيد لازم يكون تقديرك لنفسك حقيقي مش مجرد قشرة من برا.. كنت زمان بتكسف أطلب حقي ظنا ان الى قدامى هيقدر دا لكن الحقيقة كل ما بتتنازل الناس بتتهاون في حقك.. وتنازلك ليهم هيبقى حق مكتسب بل انه ممكن في وقت يتقالك انت معملتش حاجة او اصلا محدش طلب منك حاجة ..
كنت بقدم اكتر باخد رغم انى بنت بس كان عندي عطاء مفرط لأى حد بس اتعلمت أدى لكن للناس الى تستحق ولو حتى اديت لحد مايستحقش يبقى من باب انى عايزة اخد ثواب مش أكتر ..
اتعلمت ان محدش هيجي يديني حقي ولا هيحققلى رغباتى طول ماهى جوايا.. اتعلمت مقبلش بأقل من الى استحقه حتى لو اتشاف انى كدا مغرورة.. معياري دايما ان ربنا شايف قلبي وهو بس الى فاهمنى.. 
وانا صغيرة كان عندى شعور انى متحبتش حب كفاية لسه جوايا فاضي متملاش حب عوضت دا بعالم خيالى بنيته في أحلامى يمكن دا الى خلانى اعرف اكمل هناك اتحبيت واتقدرت وعيشت كل المشاعر الى مشوفتهاش في الواقع .. الواقع كان فيه حب بس حب متغلف بضغط وقالب مقاييس مطلوب منك تتشكل جواه وإلا مش هتتحب النهاردة.. الحب كان مشروط الابتسامة في وشك ونظرة الرضا كانت مشروطة .. كنت طفل مسكين محتاج بس انهم يضحكوا في وشك عشان تحس انك في أمان مجرد م كانوا بيكشروا كنت بتحس انك حياتك في خطر.. عشان كدا لما كبرت اتعلمت انى استحق اتحب قولت لنفسي ليه مقدرش احول عالم أحلامى للواقع بتاعى ليه مقابلش الناس الى حبتني في خيالى مين قال انهم مش موجودين؟؟ ساعات بحس انى مجنونة وساعات بحس ان المشاعر الى رنبا حطها في قلبي لشئ خيالى دى ممكن تكون إشارة انه موجود... كل حاجة بتحصلى في حياتى بتخليني اصدق انه موجود كل حاجة بتتعقد اكتر وبتصعب اكتر والوقت بيطول اكتر .. كركبة ولغبطة غير مبررة .. كل ما بحاول اندمج مع الواقع واتقبل معايير الناس في الاختيار حاجة بتخليني ابعد.. وانا صغيرة اتعلمت اخاف من عقلى وان عقلى ممكن يوديني في داهية وخليني امشي بأفكار الكبار الى عندهم خبرة يمكن عندي المشكلة دى لحد النهاردة لانى لسه بسمع الكلمتين دول.. بس لأول مرة بحس انى اتحررت من كل خوفي وانى مش مستنة تقبل الأخر ليا .. انا مستنية العالم بتاعى يتشكل زي ماانا حساه في قلبي.. الحقيقة ان الاحلام مش بعيدة عن الواقع فيه حاجات كتير دخلتها أحلامك وهى اصلا كانت من الواقع وحاجات بتشوفها في أحلامك عشان تصدق بعد كدا انها هتكون واقع.. انت بس محتاج تجهز نفسك تعرف انت مين تكون حاطط معايير لشخصك ولإختيارتك متمشيش بدماغ حد امشي بدماغك حتى لو هتتشاف غريب لان دى قصتك انت.. هتتشاف ازاى دا قرارك مين هيقرب منك ويدخل دايرتك دا قرارك.. انك تكسر قاعدة العرف وتمشي بأحكام ربنا وبس انك تصدق في نفسك وتصدق انك مش مضطر تكون شبههم كفاية تعيش تجربتك بطريقتك وتقديرك لنفسك وقتها واخيرا  هتتحب من الناس الصح

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_51919 🇪🇬

كرهت شغل الكسيلز وحاسس إني لوحدي

نزلت اشتغل فى شغل كسيلز كرهت نفسى شغل مش احسن حاجه اول مرة اشتغل وكمان تعامل مديرة مش الذ حاجه وكذا مرة عملت خناقات كتير بقيت بحس مفيش اى مصداقية فى اى حاجه رغم اول ما روحت الشغل ده روحت علشان فى كذا حد من أصحاب رايح بقيت احسهم كلهم عصافير فى المكان وبقيت بحس لوحدى هما عاملين رحلة لمطروح يوم صد رد وكدا كل الشركة بالمعنى الحرفي هتروح الا انا بقيت بحس انى لوحدى مليش حد ومشكلة فى خناقات وحورات بين أهلى وانا فى البيت كل ده مخلينى مش احسن حاجه قلة ثقة فى نفسى والناس مع الشعور خلاص لامبالاة بجد لأى حاجه بتحصل ...عرض المزيد

0 الدعم

1 نصيحة

Donut_50330 🇮🇹

زهقت من طريقة واحد بيكلمني ومش عارفه اعمل ايه

أنا حابه أتكلم عن موضوع شاغل تفكيري و عايزه حل بجد علشان زهقت دلوقتي أنا أتعرفت على حد بقالي تلت شهور تمام الأول كنا بنتكلم مش كتير بس كنا بنتكلم يعني مثلا عامله اي كده هاجي مصر امتى كده شغال اي كده يعني الحاجات دي بتدرس ولا لا كده المهم لغايت ما مبقناش نتكلم خالص إلى كل فين و فين و هيا كلمه علشان بيبقى شغال و مش بيفضى غير الصبح و بكون أنا نمت المهم هو دلوقتي ربنا يشفي يارب رجلو اتكسرت تمام أنا و أنا مكنتش اعرف المهم فا أنا كنت عايزه اسألو سؤال عادي خالص عادي انو عندو اخوات ولا لا المهم قالي نتكلم بعد ما اخف و راح بعتلي صورت رجلو المتجبسه و قولتلو ألف سلامه و سوري اني برخم عليك و باي كده بس أنا عملت كده علشان أنا زهقت من طرقتو بجد ...عرض المزيد

0 الدعم

1 نصيحة

Chilli_65835 🇪🇬

زهقان من شمامين الايفون ونظرات الناس

حصل معايا موقف حابب اخد رايكم فيه انا مش بحب التصوير بس كنت في رحلة وكان واحد معاه ايفون وكان بيصور وكان بيصورنا مش بحب اطلب من حد اتصور بس هو كان صورنا وبعدين كانت عايز اصور صور في بحر وخد منه ولقيت ناس معانا بيصولي بصراحه زعلت من نظرة كذا شخص ليه لم كنت بصور مش بحب شغل شمامين ايفون ده اي حد معاه صورني وكلام ده لانه شايف أنه غلط + انا زهقان دلوقتي حد نفضفض أو نحكي شوية او عنده مشكلة بيدور علي حل اساعده فيه ...عرض المزيد

0 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع