اكونت

Hazelnut_77351 🇪🇬

منذ شهر واحد

شعور ضائع

عبّر عن شعورك بشكل مجهول

انا اسف لو هطول شويه حاولت اختصر ولو حد مش حابب يقرأ كل دا يريت ميبعتش انا بس محتاج حد يفهمني انا صح ولا غلط انا بحب بنت وبقالنا مع بعض 10 شهور وحاسس ان علاقتنا بتخلص بس معنديش دليل كل حاجه كانت ماشيه تمام وحلوه اوي لحد شهر 3 بس انا بطبعي بغير اوي على اللي معايا فا كنت بمنعها من حاجات لبس او نزول متأخر او ستوريز ب شكلها وهي عندها ولاد على الاكونت بتاعها هي كانت بتسمع كلامي بعد خناق واقناعات بس كنت دايما بعوضها ب كلام حلو وحنيه كتير المهم هي قبلي كانت تعرف ولد هنسميه (خالد) الولد هما مكانوش ريليشن يعتبر كانو سيتويشن شيب بس حصل كام حاجه قفلتها منو و بعد ما عرفتني كانت قطعت معاه هو حاول معاها كتير واحنا مع بعض وكانت دايما بتيجي تقولي والصراحه هي كانت بتصدو وتعملو بلوك كل مره المهم خالد دا تيك توكر بس مش مشهور اوي فا ف يوم من الايام شافتلو فيديو ف مكان كنا بنروحو وبعتتلي سكرين بتقولي دا شكلو اشتغل هناك المهم بعدها لقيتها باعته سكرين تانيه ودي اللي فتحت كل حاجه بعتت سكرين للستوري بتاعتو وبتقولي انو اشتغل هناك بجد وبتضحك ع الموقف انا مستوقفنيش اي حاجه غير انو ازاي مفروض عاملالو بلوك وشافت الستوري بتاعتو هو الاكونت بتاعو بابلك وكل حاجه بس ليه شالت البلوك دخلت اكونتها لقيتو عندها فجأه اتجننت عليها الشك وصل لاعلى مرحله عندي وقولتلها ان اكيد حصل بينكو كلام وانا عايز اعرف دلوقتي قعدت تحلفلي انو محصلش حاجه وانو بس عملها لايك ع الستوري وكنت متعصب انها ازاي تقبلو بس ثانيه! ستوري ايه اللي هي منزلاها انا مش ظاهر عندي اي ستوري؟ لقيتها بعتالي سكرين للستوري اللي منزلاها اللي انا كنت قايلها لا متنزليهاش ومكنتش موافق عليها وانا الستوري مش ظاهره عندي طلعت عملالي هايد الموضوع وسع فشخ مكنتش عارف اتصرف ازاي لقيت نفسي بقولها هاتي اكونتك حالا راحت ادتهوني فعلا دخلت افتح الارشيف لقيت اكتر من 5 ستوريهات مكنتش موافق عليهم نزلو من ورايا غير اللي نازله دلوقتي وكلهم بلبس انا مكنتش موافق عليه ولقيت الشاتات كلها ممسوحه حتى شاتي وشاتات صحابها كنت مقرر اني هسيبها خلاص بعد اللي حصل دا وفضلت اقولها اني مش عايز اكمل بعد اللي شوفتو بس هي فضلت تقولي كتير انها غلطه وانها كانت بتشوف البنات التانيه وهي بتنزل ستوريهات وكانت بتبقا عايزه تعمل زيهم وان انا كنت حارمها من الموضوع دا مع اني كنت دايما لما تبعتلي فيديوهاتها لازم كل مره اكتبلها ماسدج كبيره فيها كلام حلو وكل مره كلام غير التانيه عشان متحسش انها ناقصها حاجه بس معرفش ليه عملت كدا بعد ما فضلت تقنعني ووعدتني انها استحاله تعمل حركه زي دي تاني وانها هتسيب الاكونت معايا عشان اتطمن وافقت اكمل مع اني كنت خسرت ثقتي فيها تقريبا بعدها ب يوم كانت وقفه العيد الصغير فا كنت نازل مع صحابي بس قبل ما انزل كنا انا وهي اتخانقنا مكلمتنيش طول منا بره اليوم دا ولما كلمتني كانت بتكمل خناقه المهم لما روحت البيت بفتح اكونتها لقيتها مغيره الباسورد يشاء ربك ان انا لقيت عندي بالصدفه البحته اكونت تاني ليها عندي عشان اخش عليها والاقيها منزله ستوري تاني من اللي انا مكنتش موافق عليهم بعد ما قالتلي كلامها امبارح عشان ف نص ما وهي بتتخانق معايا ف الشات اقولها ان ايه وضع الستوري اللي نزلت دي قالتلي ب عصبيه انها منزلتش ستوري وقعدت تحلف روحت باعتلها سكرين الستوري لقيتها حرفيا قلبت 180 درجه بقت مش عارفه تتكلم وتقولي انت جبتها منين ومين بعتهالك انا كنت جبت اخري وبجد المرادي كنت مقرر اسيبها عشان الموضع زاد عن حدو بس هي فضلت تمسك فيا وفضلت تحاول معايا كتير وقعدت تقولي اننا ننزل نحل الموضوع انا كنت عايز انزل عشان سبب واحد بس ان انا امسك فونها ولو لقيت حاجه كنت هريح ضميري واسيبها وانا متطمن انا عمري ما شكيت فيها بس اللي حصل خلاني اشك ف كل حاجه المهم نزلنا فعلا هي فضلت تتكلم كتير وتقولي نرجع وانا قولتلها هاتي فونك انا فتحت كل حاجه وملقتش حاجه وكنت سايب الواتساب للاخر فتحت الواتساب لقيت لوك شات اول حاجه لفتت نظري قولتلها افتحيلي اللوك شات دلوقتي لقيتها اتوترت وقعدت تقولي لا دي شاتات صحابي مش هفتحلك اللوك شات قولتلها انا مالي ب شاتات صحابك اكيد مش هخش عليها يعني انا عايز بس اشوف الاسم من بره اتأكد فضلت مصره اني مخشش وشدت مني الفون جامد انا ساعتها قومت ب هدوء وكنت همشي فعلا خلاص حسيت اني فهمت كل حاجه لقيتها جايه ورايا جري بتقولي هقولك اللي حصل والله انا مكنتش فاكره اللي فيه وكنت خايفه يطلع في حاجه قالتلي انو في شات واحد زميلها ف المدرسه كان باعتلها يسألها على حاجه وردت قالتلو ان بقا في حد ف حياتها ومردتش تاني قولتلها طب ليه مقولتليش وليه مورتنيش دلوقتي قالتلي انها كانت ناسيه ورتني الشات فعلا وطلع زي ما قالت ومكنش في غيرو ف اللوك شات بس انا ساعتها مكنتش قادر اصدق اي حاجه وكنت بفكر انها اكيد مسحت حاجه عقبال ما طلعت بره مكنتش حاسس ب اي حاجه اول ف حياتي ابصلها واحس انها وحشه واني مقروف منها قولتلها انا مش هقدر اكمل لقيتها بتعيط قدامي عياط هستيري معرفتش اهديها مكنتش حاسس اني عايز لقيت نفسي بروح البيت ف اخر اليوم وهي لسه بتتصل بيا وبتحاول معايا كنت بفضل اتأخر ف الرد وارد ردود بارده مكنتش عارف افكر بردو كان في جزء جوايا عايز يكمل معاها بعد كل دا وكل الفرص اللي اديتهالها قولتلها متحاولش ولو في نصيب هنبقا مع بعض حاولت اشغل نفسي عن التفكير تاني يوم كان عندي جامعه وانا راجع حسيت ب احساس غريب وجع جوا قلبي وحاجه مش عارف اشرحها طلعت بيتي عيطت نزلت مع صحابي بليل ودماغي مكانتش معاهم روحت البيت كان نفسي تبعتلي لقيتها بعتتلي بتحاول تاني لقيت نفسي برجعلها مع ان كلو كان قايلي مرجعلهاش مهما حصل بس رجعتلها حسيتها حاولت كتير وبتحبني بجد وقولتلها شرط اننا نرجع تشيل كل الولاد وتديني الاكونت فتره وافقت ع الشرط ورجعنا قعدنا فتره مكناش احسن حاجه هي بسبب اني سبتها تعيط ف الشارع وانا بسبب كل اللي حصل فضلنا كدا فتره حوالي شهر ونص بس مع الوقت ابتدينا نرجع زي ما كنا ونقرب تاني وننسى كل اللي حصل بس كان في مشكله ان انا مبقتش عارف اثق تاني ف حوار اكونتها وهو بقا معاها وانا طلعت منو. واشترطت عليها متحطش اي ولاد تاني وهي وافقت بس كنت باجي كل اسبوعين او اسبوع اخش اشوف الفولوينج الاقي عندها كذا ولد فا اروح اقولها ونتخانق وف الاخر تشيلهم الموضوع كل بيحصل كتير وانا كنت ابتديت اتخنق منو ومش عارف افهمها اني مش عارف اثق فيها ف الحته دي تاني عشان المفروض اني وافقت اكمل ع اساس اني هرجع اثق فيها وانا فعلا رجعت اثق فيها ف كل حاجه بس معادا الحته دي مش عارف اثق فيها خالص كنت عايز حل عشان متعملش كدا فا سألتها وقالتلي لو شلت البنات اللي عندي هي مش هتقبل تاني البنات اللي عندي كانو زمايلي ف الكليه وكنت بحتاجهم ف حاجات جوا الكليه وهي كانت عارفه دا بس هي قالتلي مليش دعوه ولو عايز دا ميحصلش اعمل كدا  كنت رافض ف الاول بس بصراحه كنت عايز اخلص من عندها ودماغي فا ضحيت وشيلتهم فعلا قعدت بردو اسبوعين متحطش فجأه لقيتها بتحط وكل مره كانت بتديني حجه مره اصل دا صاحب صاحبتي وهي قالتلي انها عايزه تشوف حاجه ومره اصل هو كان يعرف ماما وهي قالتلي اقبلو ومره اصل بالغلط وانا كنت بتخنق وهي مكانتش بتبقا عارفه انا ببقا متعصب كدا ليه وقفت الموضوع حوالي شهرين عشان اخر مره قولت كلام كتير وحش فا قالت انها مش هتعمل كدا تاني وفعلا كانت بطلت فتره بس انا كنت تقريبا اتجننت كل يوم بخش الاكونت اقلب ف الفولورز عندها مش اقل من 5 مرات ف اليوم قبل كدا عملت حركه مفهمتهاش بردو بصراحه عملت اكونت من ورايا وحطت صوره مكنتش موافق عليها وانا كل دا كنت مراقب الاكونت من الفولوينج عندها ومستني اشوف هي هتعمل ايه لقيتها عملتلي بلوك منو عشان مشوفهوش يعني وكدا ولما واجهتها بالموضوع انها اكيد عملت كدا عشان هتعمل حاجه مش هترضيني اصل ليه هتخبي وتعمل حركه زي دي لو الموضوع عادي خافت وفضلت تعتذر كتير وتقولي انها مكانتش هتعما حاجه وان صحابها سخنوها تعمل اكونت من ورايا عشان انا مش موافق بالصوره اللي عايزه تحطها وهي كانت متلخبطه وسمعت كلامهم وقعدت تحلفلي انها كانت هتقولي اتضايقت اوي بردو من الموضوع دا بس عديتو لحد من كام يوم لقيتها حطت تاني اتخانقت معاها وقولت الحوار هيعدي زي كل مره وهتشيل بس هي مرضتش وفضلت تقولي ان انا عندي ف اكونت الشغل بتاعي انا عندي شغل بعملو لنفسي تبع المزيكا وبوريه للناس فا طبيعي يبقا في بنات عندي وولاد بس انا مش بستهدف فئه معينه بس الاغلب عندي بنات وكانو كتير واستحاله اشيلهم واخسر الناس اللي بتشوف شغلي مع اني والله يشهد عليا ربنا ان انا مكلمتش حد عليها ولا فكرت اصلا ب رغم كل اللي عندي وهي متكلمتش ف الموضوع ذات نفسها وقالتلي انها عشان واثقه فيا وكانت متفقه معايا انها ملهاش علاقه بالاكونت دا ف حوار البنات وليها علاقه بالاساسي اللي عليه صوري وبس بس ليه غيرت كلامها دلوقتي وقالتلي يا تقفلو يا مش هشيل حد انا اكيد رفضت اقفلو فضلنا ع الحال دا 4 ايام كنت عمال اقولها بلاش نخسر بعض عشان عند وحاجه ملهاش لازمه تبقا عندك انا عشن عندي محتوى بقدمو فا طبيعي دول هيفدوني لكن دول مش هيفدوكي ب اي حاجه وهيعملو مشاكل وهيبعتولك ليه نحط نفسنا ف كل دا وتحطيني ف كل فضلت تقنعني ان محدش هيكلمها عشان هي مش هتنزل ستوريهات ولا نوتس عشان حد يبعتلها انا مقتنعتش بالموضوع طبعا استحاله متنزلش حاجه طول حياتها فضلت اقولها ان حتى لو منزلتيش حاجه هما ممكن يكلموكي من غير حاجه وانا مش هقعد استنى لحد ما دا يحصل فضلت معنداني وانا كنت بعاملها وحش ومكنتش بتكلم معاها ف الاخر حلينا الموضوع وشالتهم وركنت العند وقالتلي انها بجد مش هتعمل كدا تاني بس انا مش عارف اثق ف حتت اكونتها ولا حتت انها مش هتقبل تاني عشان كل اللي شوفتو وحاسس ان العلاقه بتنتهي عشان كل المشاكل دي وعشان الفتره دي عاملنا بعض وحش ايام كتير سواء انا او هي وبقيت بحس اني مش عايز اقعد اكلمها زي الاول بقيت بحس وقتي معاها بدأ يبقا تقيل ولما بتنام وتقولي اصحيها لما برن اصحيها بحس اني مش عايزها ترد وعايزها تكمل نوم بقيت مستتقل الوقت معاها مع اني بحبها اوي وعملنا ذكريات كتير اوي سوا ومش شايف نفسي مع غيرها ولا عايزها تبقا مع غيري وضحيت ب حاجات كتير عشان افضل معاها ضحيت ب شغل كنت بشتغلو عشان افضل جمبها عشان هي قالتلي انها محتجاني عشان هي ف ثانويه عامه والشغل دا كان واخد وقتي كلو تقريبا وباعدني عنها مع اني كنت مرتاح فيه بس ضحيت عشانها وضحيت ب اوقات كتير حلوه مع صحابي فا مش عايز كل دا يروح ع الفاضي ف الاخر وانا مش عارف اعمل ايه حاليا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_76256 🇪🇬

منذ شهر واحد

شعور ضائع

ازاي احذف الاكونت بتاعى 11111111111111111111111111111111111111111111111111111111111111111111111111111111111111111111111111111111111111111111111111111111111111111111111111111111111111111111111111111111111111111111

Strawberry_20568 🇪🇬

منذ 11 شهرًا

شعور غير مكتمل

في حاجة محيراني اوي في واحدة صاحبتي في تالتة كلية (نفس كليتي) ف كنت عايزة اعمل ايميل جامعي وسألتها بعتتلي اكونت دكتور و كلمته و عملهولي ، معايا 3 صحابي في الكلية عايزة اقولهم يعملوه بس مش عارفة لو بعتلهم اكونت الدكتور ممكن يتضايق و اكون بتقل عليه ف اسكت و مقولهمش ولا عادي ابعتلهم الاكونت محتارة اوي

Banana_46862 🇪🇬

منذ 11 شهرًا

شعور محبط

ازيكوا جميعا ايه الاخبار فيه بنت كنت بكلمها اسمها ن/و/ر فى كلية حاسبات ودايما عندها امتحانات ومذاكرة 😅😅😂😂 اللى يلاقيها يقوللى 😂😂😂😂😂 كل شوية الاكونت بيتقفل مش عارف ليه 😥😥😥😥 بباتتممايششسياتنككطخهغثسسيبلاتتغفببيؤىاته

Toast_33361 🇪🇬

منذ 11 شهرًا

شعور مهتم

انا في حاجه حصلت دلوقتي وهو انه مش راضي يديني اكونت الانستا بتاعه وبيقوللي لان عليه اعراض ناس وصحابي وكدا قولتله مش هدخل شتات صحابك هدخل شتات رجاله ليه انا قالي عليه شات الاكس والحاجات اللي قبل كدا وانتي هتنكدي وبتاع وبعدين بعد نقاش قومت كتباله كده ف مسدج ”هتجيبها ؟ شافها ومردش وفضلت مستنيه شويه ا

Chilli_38972 🇪🇬 صلي

عرض الكل 31 نصيحة

Orange_33321 🇪🇬

منذ سنة واحدة

شعور مهتم

انا كنت بكلم فرولايه هنا من كام شهر و لسه مرجع الابب تاني بس مش عارفه اكلمها تاني ازاي للني مش عارف افتح اكونت القديم فكدا ممكن اعرف لوصلها تاني ولا ايه و لو حد يعرف طريقه افتح بيها اكونتي القديم يقولي برضو

Mango_27695 🇪🇬

منذ سنة واحدة

شعور محبط

لسا عاملة الاكاونت، وكل ما بدخل هنا بحس اني عايزة اقول لا اله الا الله "اضرب كف في كف يا حج"،انا مبسوطة ان في كتير شبهي، بس مضايقة ان في كتير شبهي وانا مش عارفة اعملهم حاجة لان مش عارفة اعملي انا حاجة

Cookies_25519 🇪🇬 حرفيا كلنا عايشين نفس الحياة

عرض الكل 7 نصيحة

Croissant_18699 🇪🇬

منذ سنة واحدة

شعور مرتبك

انا كان عند اكونت تاني غير دا وسجلت الخروج وعملت دا عشان اغير الشكل، سؤالي بقى ، الاكونت بيرجع تاني؟ وازاي؟

Apple_13299 🇪🇬

منذ سنة واحدة

شعور Okay 😐

اوقات بحس اني عندي استعداد اعمل الف اكونت فيك بس علشان اوصله بس عاوزاه يعرفني انااا تبا بجد بس بفوق من الحلم بس بحب هذا الشعور جدا حاسه اني بطفح نفسي فراشات

Strawberry_17346 🇪🇬

منذ سنة واحدة

شعور Good 😁

جماعه صاخبتي كان عندها ال app بس هو عمل بلوك معاها ومسحته ونزلته وحاولت تعمل اكونت تانى وحاولت كذا مره من ع التاب واى فون تانى بس م بيفتح كل مره بيظهرلها انه معمول ليها بان لو حد يعرف نعمل اى

Durian_17131 🇪🇬

منذ سنة واحدة

شعور Bad 😞

امبارح كنت بتكلم عن مشكله بس صحيت لقيته اخت بأن من الاكونت كلوا عملت ده مش هقدر اكتبها هنا بس محتاجه حد كبير اتكلم معاه

Cherry_11503 🇪🇬

منذ سنة واحدة

شعور Good 😁

جبت الاكونت يارجااااله و طلع شغال 😭💃🏻💃🏻💃🏻💃🏻💃🏻💃🏻

Coconut_11270

منذ سنة واحدة

شعور Okay 😐

طب دلوقتي انا اتقفشت وبقي شاكك اني فيك اكونت ليه شاكك انا فيك اكونت فعلاً بس عايزة اثبتله اني مش فيك اكونت وهو بدماغه الشغالة دي اكيد هيطلب فويس اجيبله صوت ولد منين بقي

Banana_12962

منذ سنة واحدة

شعور Okay 😐

أنا كل ما اعمل اكونت واقول مشاكلي والاقي حد يفهمني ويريحني يقومو قافلين الاكونت فجأة او الشات يتمسح ، يعني حتي المكان الي داخلين ناخد راحتنا فيه ونفضفض نبقي مقيدين أنا مشاكلي جرئه شويه بس اعمل اي منا داخل هنا عشان اقول وحد يسمعني من غير ما نعرف بعض ، بس مش مهم وحشوني برضو 😍

Pineapple_12719

منذ سنة واحدة

شعور Not great 😕

أنا كان عندي اكونت وكنت مكلمه ناس كتير ف ادخلو كلموني تاني انا بردو كنت pineapple و كنت منزله أنا عايزه اجيب قطه 😂

Biscuit_84294 🇪🇬

درجه وحشه من الاكتئاب ومش عارفه أقوم

واصلة درجه وحشه اووووي من الاكتئاب بقيت كارهه كل الحاجات اللي كنت بحبها وبمارسها ، حاسه كأن الكون بتقلة وكله حكاياته واقع عليا ، وحقيقي معنديش قدرة احكي أو اتكلم ف اي حاجه بس من باب الفضفضه للمجهول لعل شئ يجدي نفعا ، دايما ف up , dawn لكن المرة دي غير المرة دي صعباانه عليا نفسي اني مش عارفه اقوم . ...عرض المزيد

1 الدعم

23 نصيحة

Grape_72174 🇪🇬

خايفة أتجوز بسبب أثر صغير في جسمي

انا عمري ما اتكلمت في الموضوع دا مع حد ، هو لما بنت تكون مشوهه في حته صغيره في جسمها لما تيجي تتجوز جوزها بيعلق علي الموضوع دا ولا لا ، وانا صغيره كنت مريضه جدا وفي المستشفى وفي ممرضه الله يسامحها ادتني الحقنه في العضل غلط بسببها الحته دي الخلايا الي فيها اتكلت ودخلت لجوا حته بسيطه يعني عندي حته صغيره مشوهه فيها مش كبيره ، بفضل افكر اما اتجوز هكون مسكوفه وفاقده ثقتي في نفسي قدامه ، وماما قالتلي انها هتعملي الاثر دا بليزر بس انا مش حاسه علشان الاثر داخل لجوا حتي لو عملته بليزر هيكون باين ، فا حد مر بحاجه زي كدا واتجوز ؟ ...عرض المزيد

5 الدعم

18 نصيحة

Chocolate_71988 🇪🇬

أول مرة أحس إني عايزة أبعد عن كل اللي حواليّا

اول مره احس اني عايزه ابعد عن كل اللي حوليا اول مره احس اني مش عايزه ناس ف حياتي منننننننننننننننننننننننننننننننننننننننننننننننننننننننننننننننننننننننننننننننننننننننننننن ...عرض المزيد

5 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع