اكتشاف الصحاب الحقيقي

Marshmallow_26006 🇪🇬

منذ سنة واحدة

شعور فخور

موضوع:

اي السبب اللي خلاكم تقطعوا علاقتكم مع شخص كان قريب من قلبك؟

عبّر عن شعورك بشكل مجهول

كان ليا صاحبه وكنا نعرف بعض من اولى اعدادى ولكن صداقتنا بدأت بجد من ثانيه ثانوي واحنا كنا حاجه مش طبيعيه هدايا بينا وخروجات كلام سبحان الله كانت صداقة مفيش فيها حاجه وحشه ابدا لحد ما دخلنا الجامعه وكل واحده فينا كليه مختلفة بس طبعا مع بعض في سكن واحد وبقينا اقرب اكتر كان بينا لحظات متتوصفش من جمالها بجد الاكل والخروجات والضحك حتى لما واحده فينا كان بيكون معاها مناسبه او حاجه مهمه تبع كليتها لازم التانيه تحضر كان حرفيا ملناش غير بعض لحد ما بدأ التغيير(فى اختلاف فى شخصيتنا هو انى انا شخص هادي جدا مع اى حد غريب ولكن بمجرد ما اتعرف عليه بتعامل معاه بكل عفوية وضحك على عكس صاحبتي اللى كانت اجتماعيه وجريئه شويه )التغيير بدأ يظهر لما بدأ يكون عندي اصحاب فى الكليه وعايزة انزل معاهم او حتى لو صورة نزلت في استورى بلاقيها تتضايق وتزعل وحسيت انها مش عايزة حد يكون معايا غيرها وانا بصراحه مفهمتش دا ابدا وقتها وكنت بتعامل عادى لحد ما وصلنا لسنه التخرج وقررت وقتها انى اكون معاها في السكن وبعد ما سافرت مفيش كام اسبوع وهي سابت السكن وراحت سكن تانى فانا طبعا زعلت والوقت دا نفسيا كنت تعبانه جداا للدرجه انى ممكن اكون بضحك مع اصحابي ولوفضلت لوحدي احس انى مخنوقه وافضل اعيط بشكل مش طبيعي ودا كان بيأثر عليا جداا لحد ما اتعرفت على واحده صاحبتي فى السكن عرفت ازاى بجد تطلعني من الحالة النفسية اللى كنت فيها وكانت بتهتم بيا وكل الحاجات اللطيفة لحد ما ظهرت غيره صاحبتي الاولى تانى لحده انها كانت بتكره صاحبتي اللى كنت معاها وكانت بتبعتلى رسايل وتدعى عليها لما كانت تعبانه وقتها كرهت صاحبتي بجد بشكل مش طبيعي وتقريبا متكلمتش معاها تانى لحد ما اكتشفت ان كمان صاحبتي التانيه بتستغلنى وتاخد منى فلوس ومبقتش فاهمه هى عايزة لحد ما خلص اول ترم في السنه وسبت السكن خالص وكهرت يعنى اى صداقة وفضلت فترة الاجازة مش بكلم حد منهم ابدا وقررت انى هفضل فى البيت وكفايه كدا لحد ما تعبت وكنت هعمل عمليه خطيرة وحالتى النفسية الحمدلله معرفش ازاى بس رجعت اصلى واقرا قرآن من تانى وكانت نفسيتى مليون مهتمتش لوجودهم اصلا والحمدلله بعد اسبوعين اكتشفت ان التشخيص غلط والحمدلله وطول الفترة دى محدش منهم سأل وانا مهتمتش انى اسال عليهم كفايه علاقات مؤذية فى حياتى بجد وسبحان الله فهمت وقتها ان سبب وجود صاحبتي التانيه علشان اسيب الاولى وافهم انها مش صاحبتي بجد ومن وبعد وقت فكرت انى اكون فى سكن مش مع اى حد منهم واعيش اخر ترم ليا فى الجامعه مع اصحابي وهما ميستهلوش كل الحزن اللى انا فيه وبعد كدا لو اقولكم عن الصحبه اللى ربنا رزقنى بيها فى السكن الجديد حاجه متتوصفش فضلت معاهم تقريبا شهرين بس كانوا اجمل شهرين فى دراستي الجامعية كلها وهونوا عليا فترة الحزن اللى مريت بيها وزى ما كنت متوقعه محدش منهم سال لحد اللحظه دى غير بس لو فى حاجه مهمه او طارئة دا بالنسبة لصاحبتي الاولى بحكم اننا من نفس المدينه اما التانيه معرفش عنها حاجه ولما انا بعدت اكتشفت مين الصحاب الحقيقي بجد واكتشفت انهم بيكونوا معايا وقت ما هما عايزين بس الحمدلله بجد مر لحد دلوقتى سنتين من تخرجي وانا مش بتواصل معاهم ولا اتصل واحكي واهتم زى الاول لانهم ببساطة مش فارقين معايا .

Apple_56646 🇪🇬

مش بخير بس اول خطوة كانت صح مع دكتور أونلاين

انا مش بخير و مازلت مش بخير بس اول خطوه كانت صح اني تابعت مع دكتور أونلاين و كنت خايفه أنه يعرف هويتي فكان التواصل برايفت يعني حاجه شبه الابليكيشن دا اللي هو مريح اوي بالنسبالي حقيقي دي خطوة اتأخرت اوي عندي و كان لازم اخدها برغم اني لسا تعبانه اوي و بحاول و مازلت بحاول ...عرض المزيد

1 الدعم

24 نصيحة

Apple_56646 🇪🇬

مش عارفه اعدي الايام دي والليالي صعبه اوي

انا مصابة باكتئاب حاد لأني معنديش صحاب و عندي مشاكل كتيره انا فعلا طبيعيه و كويسة بس مش عارفه اعدي الايام دي و الدنيا صعبه و الليالي صعبه اوي و مش قادره عليها بجد هموت من الحزن و الزعل والاكتئاب و تعبت اوي بجد مش عارفه اعمل ايه ...عرض المزيد

5 الدعم

21 نصيحة

Waffle_57478 🇪🇬

محتاجة أسمع كلام حلو عشان مليش حد في حياتي

في واحدة صاحبتي حابه اني احكي مشكلتها هنا ... هي مش مرتبطة ومفيش اي حد في حياتها بس هي بتحتاج تسمع كلام حلو كتير جدا لان مفيش حد بيشبعلها الشعور دا فبقت احيانا تطلبة من أهلها بشكل مباشر أنهم يقولها كلام حلو عن شكلها وكدا احيانا في حد من أفراد أسرتها مش بترضي تقولها عندا فيها واحيانا يقوللها واجب لكن محدش بيقولوا كدا عالشان يعوض النقص دا و عالشان هي بتخاف تعمل حاجه غلط او تكلم حد عالشان عارفه ان كل دا حرام فهي للاسف كل فترة ترجع تكلم الاكس كصحاب لأنهم لسه صحاب وبيرتاحو مع بعض جدا بس بيقولها كلام حلو هم مستحيل يرجعو لأنهم مختلفين فكريا بس هو بيشبعلها الجزء دا جدا هي لما ميبقاش في إشباع عاطفي ليها بجد بتبقي حالتها النفسية وحشه جدا جدا .... ...عرض المزيد

6 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع