إنتاجيه

Coffee_45454 🇪🇬

منذ 6 أشهر

شعور خجول

عبّر عن شعورك بشكل مجهول

السلام عليكم ورحمة الله وبركاته الاول
بوست لاي حد ثانويه عامه (زيي)
لو مش عارف تنظم وقتك والدنيا بايظه معاك من تراكمات ومن تظبيط نوم وتضييع وقت شوف البوست
انا عامل جدول لرمضان بس مفيد برضو جدا باذن الله
اول حل لكل حاجه طبعا هو ننتظم على الصلاه قبل اي حاجه
بسم الله نبدا
بالنسبه للنوم هتنام من ٩ بالليل ل ٢ قبل الفجر
شوفتها ف فيديو لدكتور اسمه عبد الوهاب على اليوت
فايدتها انك هتنام بالليل وتصحى برضو بالليل فيومك هيبقا دبل كانتاجيه

الفتره التانيه دي للاخره بقا
من ٢ ل ٣ او ما تصحى اجمل حاجه تبدا بقيام ليل ساعه
من ٣ ل ٤ دي ساعه قراءه قرءان
وكدا يوم بدا بعباده وفل الفل
(مش لازم ساعه بالظبط اللي تقدر عليه هاته لو نص ساعه ونص ساعه جزاك الله كل خير)

فتره الشغل بقا
(انا دروسي كلها سنتر وببدا من ٩.٥ ل ٢.٥) فشوف انت دروسك ظبت الوقت عليها 
هتذاكر من ٤ او ٤.٥ ل ٩

بعدها بنزل دروس من ٩.٥ ل ٢.٥

والفتره التالته
من ٣ ل ٦ مذاكره اللي خدته في الدروس

والفتره الاخيره
من ٦ ل ٩ دي فيها قيام وراحه ومفيش مانع لو هتحل حاجه خفيفه
كدا يومك عباره عن
٥ ساعات نوم
ساعه قيام ليل
ساعه قرءان
٥ ساعات دروس
٨ ساعات مذاكره
٣ ساعات راحه

مع مراعاه
الراحه وسط المذاكره متبقاش متواصله عشان تركز
المحافظه على الصلاه والاذكار
متفتحش سوشيال فنص اليوم افتح في وقت الراحه اللي فالاخر والافضل ميبقاش قبل النوم عشان تنام علطول
ولو حد عنده اي سؤال في حاجه تانيه يتفضل لعل العلومه عندي

دا الجدول اللي هبدا فيه يريت لو حد عنده اي ملحوظه عليه يقولي وجزاه الله خير
ولو استفدت باي حاجه متنسانيش من دعائك
دمتم في حفظ الله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_75802 🇪🇬

أنا محتاجه أبويّا وانا مش لواحدي

طريقه يكون عندي بيها اب؟....انا عندي مشكله اني طول الوقت بدور على حد يعيشلي دور الأب ويحسسني أنه زي بابا حتى ف اختياري للناس ال يكونو معايا دا بياثر عليا ....علفكرا بابا موجود بس هو موجود لنفسه وبس ...رغم اني مبقيتش صغيره الا اني فعلااا مفتقده لكل حاجه ممكن اي اب بيعملها لبنته انا ادفع عمري كلو واحس مره واحده بس اني عندي اب واني مش لواحدي وكذلك ام بس انا مفتقده لبابا اكترررر ...لو في اب عاوز يتبني بنت انا موجوده ...عرض المزيد

3 الدعم

27 نصيحة

Sugar_75619 🇪🇬

مش عارفة أقول "لا" من غير ما أحس بالذنب

ساعات بلاقي نفسي بمشي ورا طلبات الناس من غير ما أفكر، وبوافق على حاجات مش عاوزاها علشان ما أحرجش اللي قدامي أو أزعله، حتى لو ده بيكون على حساب نفسي. ولو جيت أقول "لا" في مرة، بحس إني أنانية أو مقصرة. المشكلة إني مش عارفة إمتى يكون من حقي أقول "لا" من غير ما أحس بالذنب؟ وهل في طريقة أقدر أوازن بيها بين إني أرضي اللي قدامي وفي نفس الوقت ما أظلمش نفسي؟ ...عرض المزيد

6 الدعم

23 نصيحة

Coconut_73870 🇪🇬

طاقتي خلصانه وبجبر نفسي أشتغل عليا ضغوطات

حاسه ان طاقتي خلصانه ومش قادره اشتغل بس بجبر نفسي و بشتغل عشان مضطرة و عليا ضغوطات شغل جامد اوي و مش بتكلم عن ده مع حد بشتغل زي الحمار في ساقية و ده يجيبلي اكتئاب و كل يوم بيزيد عن التاني بس برضو مش بستسلمله وبشتغل بس منهكه اوي و تعبانه اني مش عارفه اعبر عن اللي تاعبني و معنديش طاقة للناس بس مضطرة برضو اتعامل فحاسه اني مش انا طول الوقت ...عرض المزيد

1 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع