إرادة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Chilli_63827 🇪🇬

منذ أسبوع واحد

شعور متحمس

موضوع:

ما أكثر شيء ساعدك تتجاوز مرحلة صعبة في حياتك؟

اول يوم تبطيل اللهم اعني على شئني وعلي حالي وعلي زكرك وحسن عبادتك اللهم اهدنا فيمن هديت وعافينا في من عفيت وتولانا في ما توليت واصرف اللهم عنا ماقضيت محتاج دعم من اخواتي النفسية مدمره وتعب اعصاب وقلت نوم وصدمات كتير ف اقرب الناس ليا بتخدع فيهم وجوليا سلبيات كتير وتفكيري كلو غلط بس أن شاء الله ربنا

Tomato_64081 🇪🇬 ربنا يقويك ويعينك على التغيير للأفضل ومتنساش الجنة تستاهل 🤍

عرض الكل 4 نصيحة

Coffee_62965 🇪🇬

منذ أسبوع واحد

شعور مليء بالحياة

موضوع:

كل حاجة بتضغط عليك

الظروف إلي حواليا مقفله عليا نمط معين فلوس أهل دراسة مرتبط بي مسؤولية معين متوقع إني أعملها حاجه خارجه عن أراده بتعتي اشيل حاجه مش بتعتي بس ده أمر واقع لا مفر منو وهعمل كده بلس إني هشوف نفسي ومش هنساها

Cookies_59710 🇪🇬

منذ أسبوعين

شعور غبي

هو انت تقدر تبطل اباحيه لشهور ؟؟... مش ببالغ لو قلت لك ان كل مشاكلك هتتحل لو بطلت اباحيه بس المشكله انك بعد كم شهر هتفتكر انك كده خلاص بقيت تمام .. وفيه حجات كتير اتحسنت زي علاقاتك صحتك نفسيتك ومن هنا هيكون مدخل الشيطان .. هيقولك مش انت بقيت تمام وتخلصت م الادمان ... خلاص بقى هنعملها مره حلوان

Pineapple_62632 🇪🇬 ربنا يثبتك علي الحق وافتكرووا أنه ممكن تكون اخر حاجه في الدنيا والعمر ينتهي وانتم بهذه الحاله ومن مات علي شي بعث عليه اللهم احسن خاتمتنا

عرض الكل 1 نصيحة

Onion_61988 🇪🇬

منذ 3 أسابيع

شعور مرتبك

ايه الفرق بين إرادتي الذاتية و إرادة ربنا !! تعالى اقولك....ارادتك الذاتية هي اللي انت عايزو و محتاج تحققه ممكن يكون على حساب ناس تانية او تدهس او تستبعد اي اعتبارات اخرى فقط اللي انت عايزو، في الظروف اللي مش على هوايا بحاول اني اتحكم و استخدم اي اساليب تحققلي هدفي وخلاص مش مهم بقا انا دوست على

عبّر عن شعورك بشكل مجهول

ايه الفرق بين إرادتي الذاتية و إرادة ربنا  !!

تعالى اقولك....ارادتك الذاتية هي اللي انت عايزو و محتاج تحققه ممكن يكون على حساب ناس تانية او تدهس او تستبعد  اي اعتبارات اخرى فقط اللي انت عايزو، في الظروف اللي مش على هوايا بحاول اني اتحكم و استخدم اي اساليب تحققلي هدفي وخلاص مش مهم بقا انا دوست على مين او هرست مين ف السكه..في الغالب دي ارادة هدامة 
......
ارادة ربنا هي اللي ربنا عايزة ليا و اكيد هو الخير و الصالح ليا و كدا كدا هيحصل و هشوفه...

مش دايمًا الإرادة الذاتية غلط أو أنانية:
إرادتك الذاتية ساعات بتكون نعمة من ربنا لو نضّجتها... يعني لما تكون راجل بتسعى وبتحلم، بس بتحط نيتك في مكانها الصح، مش معناها إنك ضد إرادة ربنا.
العبرة إنك تراقب نفسك وتشوف: هل إرادتي دي نابعة من طمع؟ خوف؟ أنانية؟ ولا من حب، شغف، خدمة، هدف نقي؟
الإرادة الذاتية النقية ممكن تبقى جزء من إرادة ربنا.

طيب امتى تكون ارادتي الذاتية متماشية مع ارادة ربنا

ان اهدافك و اللي نفسك تحققه تجتهد فيه و تعمل دورك البسيط بأمانة و تواضع بدون تلاعب ماكر و فرض للنتائج لان اصلا النتيجة دي مش بتاعتك دي بتاعه ربنا....و ان اي حاجة كويسه مناسبه تخدم مستقبلك و حياتك تكون سالت كتير انها تمام ليك حاليا بالاضافة لانها  ترضي ربنا تأكد ان ده ارادة ربنا ليك و انت ماشي تمام...

ازاي ممكن اعرف ارادة ربنا ليا في حاجة معينة!!

مثلا تعالو نقول ادخل كلية تجارة ولا حقوق 
بسيطة 
الاستخارة اول حاجة لاني دي الراحة القلبية و بعدها 
هسال مجموعة من الناس بثق فيهم و يا ريت لو عندهم التجربة او الخبرة في الموضوع اللي هسأل فيه و يفضل يكون عددهم فردي زي مثلا  ٥ و هبدا احكي انا مهاراتي في الحفظ و بحب كلية تجارة بس مش بحب ازاكر كتير او العكس و احكي ايه اللي هقدر اعمله و ايه لا و ايه بحبه و ايه لا و ف النهاية هتلاقي فيه ٣ قالولك وليكن ادخل تجارة و ٢ قالولك ادخل حقوق او كلهم اجمعو على كليه او ايا كان المهم ان العدد الفردي ديما هيخلي فيه كفه اكبر من التانيه و ده بشكل او باخر خلاك تحاول تشوف ارادة ربنا ليك لان ربنا مش هينزل يكلمك و طبعا كل ما دائرة مشاركتك للناس بقت اكبر كل ما اخدت اراء اكتر و فهمت اكتر انت محتاج تعمل ايه...

معرفش ليه بشارككم الموضوع ده بس لقيت ايدي بتكتبه لا اراديا 🙏

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Mango_39756 🇪🇬

منذ 3 أشهر

شعور متعب

عندي مشكله في المذاكره انا الترم الاول عملت مجهود كويس جداً والحمد لله ضغوطات الامتحانات عدت بكل حاجه حلوه او وحشه الترم التاني جه انا ببقي عايز اذاكر بس مش قادر مبقاش عندي طاقة احفظ أو أعمل أي حاجه ولما بغصب نفسي بحس اني مشتت في كذا ماده وبحس بقلق ده غير أن بقيت بقعد وقت طويل في حاجه صغيره المهم أن

Strawberry_20657 🇪🇬

منذ 3 أشهر

شعور خجول

بمناسبه اليوم ف م تعطل نفسك وتستنى لحد م كل حاجه تتصلح وتتظبط زى م انت عايز الظروف م من يوم وليله هتبقا زى م احنا عايزين مفيش حاجه هتتغير غير لما انت تتغير كل حاجه معتمده عليك انت بس تقدر توقف اي حاجه م عجباك تقدر تعمل اي حاجه انت عايزاها وف اي وقت ف متعلقش اخطائك ع شماعه الظروف واتغير عشان كل حاجه

Strawberry_11964 🇪🇬

منذ 5 أشهر

شعور عاطفي

أعتقد أن الإنسان لا يتجاوز الفقد أبدًا يرضى بالقضاء، يوقن بربه الرحيم اللطيف، يوقن باجتماع ثانٍ، يبكي اشتياقًا أحيانًا، يسكن فؤاده لأنها إرادة الله، تُلهيه الحياة شيئًا، تمر الأيام فيبكي من فرط الحنين لكن لا يتجاوز الفقد وإن مرّت أعوام، لا يُشغل ذاك المكان الفارغ في قلبه أبدًا وأبلغ تعبيرات الفقد:

Cookies_50365 🇪🇬

منذ 7 أشهر

شعور متعب

كنت قاعد في أوضتي لوحدي وانا ماسك الموبايل. عارف إني هعمل نفس الحاجة اللي بقالي سنين بحاول أبطلها. كل مرة بقول دي آخر مرة وبردو برجع تاني. حاولت كتير ابطل، ولكن كل مرة بفشل. بحس إن الموضوع شئ روتيني ملل وكأنه مسيطر عليا وان ده شئ روتيني بس الصراحة؟ أنا تعبت. مش عايز أكمل كده، عارف إنها عادة غلط وبتأ

Mango_42964 🇪🇬

منذ 8 أشهر

شعور فخور

موضوع:

بنات احكولي على تجاربكم مع الحجاب ؟

ف البدايه أن أهلى اجبرونى البس الحجاب وانا عندى 10 سنين بعدين انا اتقبلت الموضوع وبقيت بحب نفسى وبالحجاب اوى بس بعدين قعدو يقولو مينفعش تلبسى بناطيل ولا لبس ضيق والحاجات دى بس انا مكنتش بسمع كلامهم قعدت من اولى اعدادي لحد تالته هما كل شويه يقولو مينفعش لازم يبقى لبسك حلو ومحترم كنت بقولهم انا معجبه

Coffee_40196 🇪🇬 ربنا يتقبل منا ومنكم 🤍

عرض الكل 5 نصيحة

Pineapple_35551 🇪🇬

منذ 8 أشهر

شعور قلق

لا البديل ولا زحمة الناس ولا سحلة الشُغل ولا أي حاجة من دول هتضمن ليك إن دماغك تبطَّل تفكير في الحاجة اللي واجعاك أو تحميك من النغزة اللي بتيجي في قلبك لما تلاحقك الذكريات، النار اللي في قلبك دي مش هتنطفي غير بقُربك من ربنا + قرارك وإرادتك بإنّك تتعافى؛ فعيش حياتك كناجي .. وقول دي إرادة ربنا وربنا ن

Coffee_21153 🇪🇬

منذ 9 أشهر

شعور خجول

عبّر عن شعورك بشكل مجهول

جالي فلاش باك شريط حياتي كلها عدى قدامه اكتشفت ان انا عشت حياه لو حد تاني عاشها كان جاله توحد واكتئاب وكل الامراض النفسيه عشان كدا قررت احكي لعل وعسى حد يستفيد انا تقريبا عديت بكل المشاكل اللي اي انسان ممكن بمر بيها مش تعظيم ف نفسي ولا بقول ان انا مظلوم ولا كل الكلام دا 
اولا التنمر انا ممكن اكون اكتر انسان تشوفه ف حياتك اتعرض للتنمر سواء على شكل جسمي طولي شكل سناني ومع ان لون بشرتي ابيض الا اني كنت بتعرض للتنمر عليها برضو والتقيله كمان ع اسمي كل دا وانا طفل عنده ست سنين من اول ما دخلت مدرسه وانا بتعرض للتنمر 
نبدا اول حاجه بجسمي انا كنت نحيف وقصير جدا يعني كان الواحد اللي ف سني قدي مرتين طول وعرض وهاتك بقا تنمر من الاطفال اللي ف سني ايدا انت اوزعه عود قصب خله سنان وكل الكلام دا وانا كنت بقابل كل دا بوجه مبتسم عادي جدا ولا كأن في حد بيتكلم مع ان انا طفل المفروض اروح اعيط لامي واشتكيلها بس سبحان الله كنت عادي جدا وواخد الموضوع ببساطه وبالعكس انا كنت بحاول اتخن مش عشان التنمر ولا عشان ارضي حد كان عشان نفسي انا مكانش عاجبني شكل جسمي بس لنفسي اي حد ملوش دعوه بشكلي وزود عليها ان انا مولود باسنان معووجه او منحنيه لجوه كل سناني معووجه وفي فرق بين اسناني اللي قدام وتنمر عليها بردو بس دي انا كنت بقول هعمل تقويم لما اكبر عادي 
لون بشرتي ابيض عادي جدا وكان شعري دهبي كمان بس بسبب جهل الاطفال اللي معايا ومن غبائهم كانوا بيتنمروا عليا مع ان اي حد هيقول دي حاجه جميله الا ان دول تنمروا بمعنى كان لما حد يشوفني يقولي انت عامل زي البنات وانت بنت اجنبيه وعامل زي الاجانب وانا كنت بقابل الموضوع ببساطه وبالعكس كنت بقول دا هما متغاظين المشكله اللي بيتنمر دا كان شعره اكرت وسنانه صفرا وبشرته سوده ( طبعا مع احترامي لاي شخص بشرته سوده او غامقه دي مش حاجه تعيب فيك بالعكس انت ممكن تكون اجمل مني عادي ) انا بتكلم ف مبدا ان انت اصلا مختلف عني يعني ممكن اتنمر عليك عادي بس عشان انا محترم وعارف ان انت زيك زيي عند ربنا وخيركم عند الله اتقاكم مش ابيضكم بشره مكنتش بعلق ع شكل اي انسان 
كانوا بيتنمروا ع طولي حتى بعد ماكبرت بقوا يقولوها بصيغه هزار  يعني مثلا وانا كبير بنت عمي كانت مخطوبه جديد ف بتقول خطيبها بهزار كدا تدي دا كام سنه قالها رابعه او خامسه ابتدائي وانا ساعتها كنت داخل ثانوي شايف الفرق الكبير ف السن اللي هو شايفه لو اي حد اتقاله الكلمه دي هيشيل جواه ويكره حياته انما انا خدتها عادي جدا 
نرجع تاني لما كنت طفل انا دخلت تلت مدارس وانا ف ابتدائي مش بسبب التنمر القصه ان انا مولود ف 12/2007 تقديم المدرسه بيقبل من شهر 10 يعني كدا انا المفروض اقدم ان انا 2008 واضيع العشر شهور دول او بمعني اصح اضيع السنه كلها ابويا طلع عينه معايا انه يدخلني السنه دي وقعد يلف لحد ما توصل لحل وهو انه يقدملي ف مدرسه ف بلد تانيه بعيد ويقدم طلب ان انا ادخل المدرسه القريبه مستمع( مستمع يعني مليش بسكوت ولا كتب ولا ليا اي علاقه بالمدرسه بحضر الحصص فقط ) الكلام دا كان ف اولى ابتدائي اول يوم مدرسه عدى عادي تاني يوم بدا تسليم البسكوت للاطفال وانا طبعا قاعد ف الفصل جه العامل اللي بيسلم البسكوت اداني كيس زي باقي الاطفال وانا ساعتها معرفش ان انا مليش بسكوت طفل فرحان وتيجي المدرسه وتروح واخداه من ايدي وتقوله لا دا مستمع ملوش بسكوت زعلت اوي ساعتها طفل صغير فرحان بالبسكوت روحت البيت وتقريبا دي كانت المره الوحيده اللي اشتكيت فيها لامي روحت اترميت ف حضن امي وقعدت اعيط بحرقه طفل صغير وحكيتلها الموقف قالتلي متزعلش المدرسه التانيه هتبعتلك البسكوت بتاعك طبعا مفيش بسكوت ولا حاجه بس انا فرحت المهم جيت تاني يوم روحت خالتي قابلتني وقالتلي خد البسكوت بتاعك اهو من المدرسه التانيه ( خالتي ساكنه معانا ف نفس البلد وجنبها مدرسه ازهر وانا كنت مقدم عام بقت تشتريلي كيس البسكوت من الاطفال اللي ف المدرسه الازهر وتقولي خد بعتينلك دا) وانا كنت بفرح اوي ساعتها ربنا يجازيها خير زي مكانت بتجبر بخاطري كل اللي كان مضايقني ساعتها ان انا عمي مدرس ف نفس المدرسه وابنه قدي وقاعد جنبي كان ييجي يديه بسكوت زياده للبيت وانا ولا كأني قاعد جنبه 
المهم انا كنت مقدم ف المدرسه البعيده دي وبروح هناك ساعت امتحانات الفاينل بس المدرسه دي كانت ازهر يعني دينيه بيدرسوا قرءان وكدا  وانا كنت بحضر ف مدرسه عام يعني مش حافظ قرءان جت امي ربنا يخليها حفظتني قبل الامتحان وعدت الحمد لله كل دا وانا ف اولى ابتدائي

ندخل بقا ع تانيه ابتدائي المدرسه الازهر اللي جنب خالتي فتحت تقديم صغار السن يعني بيقبلوا صغار السن عادي ابويا قدملي هناك طبعا وانا كنت داخل المدرسه مش عارف حد ولا كان عندي صحاب  خالص كنت متوحد وانطوائي وكنت صاحب نفسي كنا لما تطلع بريك كنا ننزل حوش كدا واللي يلعب مع صحابه واللي ياكل معاهم وكان مسموح لينا نخرج برا المدرسه عادي بس نرجع تاني اول ما البريك يخلص بحكم ان انا مليش صحاب هقد جوا ليه المهم المدرسه كانت ملحقه بمسجد كبير كانوا الاتنين لازقين ف بعض وانا كنت اطلع الف لفه حوالينهم والبريك يخلص وادخل تاني وجه اليوم اللي صاحبت فيه اول صاحب ليا انا كنت اول مره اقف ف الحوش ف البريك وما اطلعش برا وجم شويه ولاد اكبر مني ب حاولي تلت او اربع سنين بيتريقوا عليا وانا طنشتهم وجه واحد يضايقني وضربني بالقلم كان ساعتها الولد اللي بقا صاحبي دا واللي اسمه خالد مكانش واقف معاهم بس جه على لحظه القلم وجه وزعق لصاحبه واتخانق فيه وجالي صالحني وقعد معايا ساعتها مكونتش عايز البريك يخلص عشان افضل قاعد معاه المهم اتصاحبت عليه وبقيت اوقات امشي معاه وانا راجع البيت كان صحبي اوي ربنا يجازيه خير لسه عارفه لحد النهارده 
جه بقا اليوم اللي غير حياتي 180 درجه احنا الفصل عندنا كان 20 طالب يعني كان صغير بس انا مكنتش مصاحب حد المهم كنت ف البريك وخالد غالبا كان غايب وجم تلت ولاد اكبر مني بسنه كانوا بيجروا ورا بعض وواحد شدني وقعني على الارض وانا تلقائيا شتمته او زعقتله الواد معجبهوش الكلام قام جاي هو وصحابه عايزين يضربوني وانا افجرت مع اني هادي جدا جدا بس مسكت التلاته ساعتها كلتهم علقه لحستهم تراب الحوش وطلعت اجري على الفصل ولاول مره اعيط برا البيت قعدت اعيط بحرقه جامد اوي وكنت حاطط راسي على الديسك وبعيد فجاه سمعت صوت حولي برفع عيني لقيت العشرين واحد اللي معايا فالفصل ملمومين عليا وسمعتهم بيقولوا هنقول للاستاذ متخافش ساعتها فرحت اوي من قلبي ان في حد بيطمني واللي فرحني اكتر ان هما عارفين اسمي ولقيتهم راحوا جري ندهوا المدرس وقالوله الحق حذيفة بيعيط ولحسن الحظ نفس المدرس كان عليه الحصه دي لنفس الفصل اللي فيه التلت عيال خدني من ايدي وقالي شاولي عليهم وكمل عليهم ضرب ساعتها فرحت اوي ان العيال اللي معايا ف الفصل عارفيني ومن ساعتها بدات اتعرف عليهم كلهم واتصاحبت عليهم بس بردو التنمر مسابنيش ف حالي 
زي ما قلت انا اسمي حذيفة على اسم الصحابي حذيفة بن اليمان رضي الله عنه
انا ابويا شيخ واحنا عيله متدينه الحمدلله وكل اسماءنا انا واخواتي اسماء الصحابه رضي الله عنهم 
( حذيفه، بسام، اسماعيل، جويرية، معاويه، وماريه )
كنت بتعرض للتمر بسبب اسمي انا كنت الوحيد ف البلد اللي بالاسم دا كان بقا اللي يقول دا اسم بنت والي يقول زوحليقه حفيزه وحاجات كتير كدا المهم انا اللي مستغربه من نفسي دلوقتي هو ان انا عمري ما اشتكيت لامي من  تنمر على اسمي لان انا مكونتش بتضايق اصلا يعني سبحان الله مع اني طفل الا ان انا ايماني كان قوي كنت بقول مانتوا جهله ازاي مسلمين ومش عارفين الصحابي حذيفة وكنت بقول الكلام دا لاي حد كان بيتريق حتى ان في مدرس اتريق على اسمي وقولتهاله بالنص انت ازاي مسلم ومش عارف الصحابي حذيفة بن اليمان المدرس تنح واتكسف ومن ساعتها مقدرش يتتريق على اسمي مع ان انا وغيري وناس كتير جدا شايفين ان اسمي من اجمل الاسماء اللي ممكن طفل يتسمى بيها 
انا دلوقتي 17 سنه ولحد دلوقتي بقابل ناس جاهله كتير مش عارفين الاسم وبيتتريقوا حتى وانا بحجز الدروس في مدرس بيستظرف وبيقولي انت متاكد انك ف اولى ثانوي( لما كنت لسه ف اولى ) وبيضحك ع اساس انه يضحك الاسيستنت وكدا قومت كسفته وقالتله اه قالي دا جسم واحد ف اولى ثانوي قولتله اه تحب اجيبلك شهاده الميلاد قام ساكت واتخانقت طول الثانوي ف اكتر من اسيستنت بسبب انهم بيكتبوا اسمي غلط او ينطقوه غلط ومصرين انهم صح يعني مره كنت بسجل حضور بقول لاسيستنت تكب اسمي بقولها حذيفة قامت التانيه تقول حذيف اقولها لا حذيفة تقول لا حذيف قومت موقف الدور ووقفت الناس اللي ورايا ومسيبتها الا لما قالت حذيفة
دلوقتي انا 17 سنه ثانوي عام 2025 الحمدلله من اكتر الناس اللي اجتماعية ف دفعتي اتعرفت ع ناس كتير جدا جدا جدا ومحبوب جدا وسط الناس  ووسط دفعتي ووسط مدرسيني وحتى الاسيستنت كلهم يعرفوني وبيحبوني وطولت وطولي بقا 170 ووزني حاليا 50 كيلوا لسه رفيع بس بحاول ازيد وحتى لو مطولتش او زيدت انا متقبل نفسي وبحب نفسي زي ما انا ومش مستني راي حد فيا  
فالنهايه حابب اقول متوقفش حياتك عشان حد خلي ايمانك قوي وواجه اي حد يتتريق عليك بالعكس خد التمر وحوله لطاقه ايجابيه وحسن من نفسك عشان نفسك ومتسمعش كلام حد وتخليه يوقفك او يزعلك حتي لو بيهزر او بيتكلم جد قوله تمام وولا كأنك سمعت منه حاجه 
دا كان جزء من حياتي اتمنى يكون استفادتوا منها اي حاجه ولو استفدت دعوه حلوه منك وربنا يوفقنا جميعا ❤

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع