أنيميا

Cheese_40374 🇪🇬

منذ 9 أشهر

شعور منزعج

موضوع:

الدايت وكلام الناس في وشك علي وزنك

Coffee_27700 🇪🇬 👏🏻👏🏻

عرض الكل 3 نصيحة

عبّر عن شعورك بشكل مجهول

غريب جدا أن كله بيتكلم على ال overweight والسمنه مابين أنه الكلام على الانيميا وقلة الوزن الزيادة اوي يعتبر معدوم،ليه لو قلت لواحده أنها تخينه أو ملظلظة بتكون شتيمه وقلة ادب وقلة ذوق ولكن لو واحده قالتلي اني رفيعة كده ليه تبقى دي مدحة؟ ممكن نبطل body shaming عالفاضي والمليان ونعترف أنه زي ما بيقولوا الناس اللي وزنهم زايد أنهم مهما حاولوا وعملوا دايت ونزلوا الجيم مش بيخسوا يبقى كمان لما حد رفيع يقولانه مش قادر يتخن نحترم ده
عن نفسي أنا اتولدت كده جينات هنعمل ايه ودايما تلاقي في كل نجمع عائلي طنط الصفراء اللي وزنها طنين اللي بتقولي مبتاكلوس فبيتكوا ولا ايه،وبالنسبة لطفله عندها ست سنين كان بيحز خاطري جدا،لغاية ما فيوم رحت قلتلهم اعمل ايه يعني عشان اتخن،قالتلي كلي ياحبيبتي قلتلها باكل قالتلي كلي كتير،روحت البيت فضلت اكل اكل اكل لغاية ما رجعت وخدت حقن،فضلت طول طفولتي كده بحاول اكل اكتر وارجع اكل وارجع ،كانت الحقن بالنسبالي كل اسبوع عادة ولكن الحمدلله لان ابويا دكتور وأيده خفيفه كان هو بيديهاني..ولا مكانتش فدراعي😃
ولغاية دلوقتي،وزني مبيزيدش،اي ما اقول لحد أن وزني 30 ونص مبيصدقش واه النص ده فارق بالنسبالي لانه تعب سنه كامله بحاول اكل فيها عشان أزيد..نص
الانيميا ارهقتني وده اكيد،من اول الدوا اللي طعمه حديد لاني بردو مبعرفش اخد الاقراص،برجع بردو
للدوخه واني مش قادره اقف كويس،للالوان اللي بشوفها وبتخيلها لحاجات كتيره اوي اوي
حابة بس اقول ان ياريت زي ما واخدين موضوع السمنه على نفسكوا اوي كده ياريت حد يهتم بردو بانك تكوني رفيعه ده مش شكل مثالي،ولا حتى قريب،ده مرض ومستحيل اتعالج منه لاني متعوده من صغري اني باكل كميات معينه مقدرش أزيد عنها والا بيحصل خلل ولأن بطني خفيفه جدا ويرفض يعتبر كل انواع واشكال الاكل،فا مبقدرش ازود عن الكمية دي ابدا والا بتكون نتيجه مأساوية 
اه التنمر قل لاني مبقتش اسمع لحد يتكلم عني والا بردهاله عشره،ولكن احب اقول لطنط دي خلي بالك من كلامك وانزلي انتي الجيم يا طنط عشان مش نقصاكي...

Chocolate_72174 🇪🇬

انبهار مبالغ فيه بالرجالة بسبب تربيتي في بيت بنات

انا في بيت متكون من اخت وام واب واخويا طول عمره في غربه من صغري بعيد عني يعني يعتبر بيت بنات بس لأن كل تعاملاتي مع امي وبنات عمي لأنهم اكتر في عيلتي واختي ، بقيت بنبهر بأي راجل يكلمني في الحقيقه واعشق ادق التفاصيل لدرجة الصوت ، اقسم بالله بقا في حاجه في دماغي لدرجة بدخل اسرش في جوجل علي moaning لرجاله وعبط وحكيت لأختي فضلت تهزر وتقولي لأنك مش متعوده علي الموضوع مش اكتر (اختي مخطوبه بقالها مده كبيره ) ، بجد نفسي اتخلص من الطبع الوسخ دا اقسم بالله تعبت ومش متخيله لما اتخطب هكون متحمسه اكتر منه في العلاقه وحاجه زفت ...عرض المزيد

2 الدعم

28 نصيحة

Sugar_74919 🇪🇬

ليه بتميل للرجالة الأكبر سنًا؟ مش عارفة السبب

بميل دايمًا للرجالة الأكبر سنًا، اللي في التلاتينات أو الأربعينات وكده الموضوع ده مزهقني، ومش عارفه أسبابه إيه.. يمكن علشان حاسه إنهم هيدوني المشاعر اللي فقدتها طول حياتي؟ "مشاعر الأبوة" بالذات.. يمكن عقلي اللاواعي متوهم إن ممكن نعوض نقصنا وفجوة المشاعر اللي عندنا بشخص كبير "أب"؟ أنا مش عارفه... ...عرض المزيد

3 الدعم

25 نصيحة

Marshmallow_75106 🇪🇬

مش بحب الولاد ولا باعجب بيهم، هل دي مشكلة؟

مش عارفة هي مشكلة ولا لا بس طول عمري بشوف البنات الي قدي والي اكبر مني والاصغر مني برضو بيقولو انهم معجبين بولاد وبيحبوهم وانا عمري ما حبيت ولد او اعجبت بولد حتى وبحس ان دي حاجة غريبة يعني كل البنات بتحب ولاد اشمعنا انا لا وكمان في بنات بيكونو في علاقة مع ولاد ولما بيسيبو بعض البنات ممكن تدخل في اكتأب وانا بشوف الموضوع دا اوڤر اوي لاني انا مجربتهوش وانا مش عارفة هل انا عندي خلل في مشاعري مثلا ولا دي نعمة من عند ربنا عشان متجرحش زي باقي البنات ...عرض المزيد

5 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع