أفكار سلبيه

Watermelon_67328 🇪🇬

منذ 3 أسابيع

شعور متعب

انا مخنوقه اوي بجد جسمي واجعني و دائما عندي ديق تنفس و حالتي وحشه تعبت من كل الناس الي في حياتي . كلهم بياذوني مهما حاولت أراضيهم . حسا اني ضايعه و كمان هروح مدرسه هكون فيها لوحدي. و بتوحشني مدرستي القديمه و اصحابي الي كانو فيها اوي . انا بجد بقيت غريبه اوي و كل شويه بفكر في الموت و حرفيا دائما عايز

Blueberry_50837 🇪🇬

منذ 7 أشهر

شعور متعب

والله انا في السنه دي اكتشفت ان قد ايه صراعتنا الداخليه بقت اقوى و اعنف بكتير من الصراعات الخارجيه او زي ما تقولوا كده ان الواحد بيعرف يتعامل مع اي صراع خارجي بيواجهه و بيعرف يتخطاه لكن الصراعات الداخليه بقى الواحد حرفياً بيحاول يهرب منها بأنه يشغل نفسه باي حاجه و اول ما يقعد لوحده افكاره تستفرد بيه

Chilli_29326 🇪🇬

منذ 9 أشهر

شعور لا مبالٍ

بقالي فتره عندي افكار سلبيه انا كنت قريبه من ربنا بس بعد ومش عارفه اقرب تاني وكل محاول دماغي تقولي هو اي الصح في حياتك عشان تبقي عايزه تصلحي دي ومفيش ف دماغي غير فكره الانتحار بجاهد نفسي كتير بس افكاري بتسيطر عليا

Biscuit_31702 🇪🇬

منذ 9 أشهر

شعور متوتر

موضوع:

رحلتك مع الoverthinking

Tomato_30792 🇪🇬 قربي من ربنا عشان انتي بعيده عن اوي واصلي وانتي هتشوفي الاختلاف الا هيحصل وعد

عرض الكل 2 نصيحة

عبّر عن شعورك بشكل مجهول

ولا بعرف اركز في حياتي ولا بعرف اركز في مذكرتي خصوصا ان انا ثانويه عامه الموضوع مئثر علي كل حاجه بالمعني الحرفي انا لدرجه اني بفكر كتير افكار تخرجني من المله اصلا بعدين بستغفر واقول يارب سامحني انا عارفع ان ال بفكر في دا حرام بس هو بجد بيبقي غصب عني بحاول مسبش نفسي افكر كدا لما بلاقي نفسي دخلت ف الدين بحاول اشغل دماغي ب اي حاجه تانيه عشان بس ربنا وعارفه انه حرام بس بجد ببقي نفسي اكمل تفكير واشوف انا هوصل ل ايه، اكتر حاجه مئثره فيا بطريقه بشعه ان انا لما بيحصل موقف او حاجه بقعد افكر في كتير اوي في كل حرف انا قولته وحتي لو انا صح بقعد اغلط نفسي واقول الشخص التاني حس ب ايه لما انا قولت كدا طب يارتني كنت قولت كدا بدل كدا وكميه افكار وكلام بتوجعلي دماغي وطبعا غثر احساس الذنب الفظيع انا قبل كدا صحبتي كانت سئلاني علي حاجه من اربع سنين انا قولتلها رد تاني كل يوم الموضوع في دماغي الموضوع لحد ما دخلت بعتلها مع العلم ان احنا بعدنا عن بعض اصلا بس بعتلها قولتلها الرد الي كنت عايزه اردو عليها هي اصلا وانا ببعتلها مكنتش فاهمه ولا فاكره انا بتكلم في ايه وكذالك بقي مواقف كتير في دماغي وحجات الشخص التاني مش واخد بالو منها اصلا وممكن كمان يبقي نسيها حتي وانا في الأمتحانات التفكير مش بيسيبني بقعد كتير اوي عشان احاول اصفي دماغي واركز في الي انا بعملو بس الموضوع بيبقي صعب اوي

Marshmallow_28253 🇪🇬

منذ 9 أشهر

شعور متعب

إخترت شعور عشان كان لازم اختاره يا إما رسالتي مش هتتبعت لكني بصراحه مش عارفه شعوري إيه من كل إللي ظهرلي بس كل إللي حساه الوحده مع إني بحبها أنا طول عمري وحيده في ركن لوحدي بحبها بس بكرهها يمكن شعوري هو التناقض ؟؟ مش عارفه بردو لكن كل إللي حساه إني لابسه هد فون وصوتها عاااااليييي أوي صوت أفكاري .

عبّر عن شعورك بشكل مجهول

إخترت شعور عشان كان لازم اختاره يا إما رسالتي مش هتتبعت

لكني بصراحه مش عارفه شعوري إيه من كل إللي ظهرلي بس كل إللي حساه الوحده مع إني بحبها أنا طول عمري وحيده في ركن لوحدي بحبها بس بكرهها يمكن شعوري هو التناقض ؟؟ مش عارفه بردو

لكن كل إللي حساه إني لابسه هد فون وصوتها عاااااليييي أوي صوت أفكاري ....

"إنتِ وحيده"

لأ مش وحيده عندي صحاب كلهم بيقولوا عليا شخصيه كويسه

"لأ وحيده وعمر ماحد هيحبك عايزه الدليل كل إللي حواليكي بيحبوا ويتحبوا إلا إنتِ" ، "ومين هيحبك اصلا بشكلك دا "

الشكل مش كل حاجه أنا اصلا مش عايزه حد يحبني ولا احب حد انا عايزه افضل كده ذي مانا

" ماهو إتريق عليكي قبل كده " ، "إنتِ عبيطه وذاذجه " ختي بالك من الورد الاحمر إللي جابو حبيب هبه صحبتك ليها بيحبها لدرجه إنه وصلها الورد جوا سكن الجامعه دي مش حاجه سهله لكنه عملها فضل يحبها كتير لحد ما وصلها  محدش هيعمل كده عشانك عشان إنتي ماتستحقيش دا "

مش عايزه ربنا يسعدها معاه

"وكمان ورده شوفتها هي بتحكي عن إبن عمها وحب طفولتها وإللي هيكون خَاطبها إنتِ كمان كان عندك حُب طفوله ذيها بس الفرق بينك وبينها إنه حبها إنما إنتِ حبتيه مع نفسك لحد ما كبرتوا وبعدها اهوه نسيكي يا غبيه دا كان مجرد بيلعب معاكي واهو دلوقتي خاطب ومبسوط وإنتِ قاعده تتفرجي من بعيد حاولي بقي تنسي الأيام إللي تخيلتيها معاه ، واهو دلوقتي أديكي بتحولي تنسيه عملتي إيه تعرفي ناس كل إللي هي بتعمله تستغلك لحل مشاكلها بيمثلوا عليكي الحب يا عبيطه ، إنت ِ فكرتهم بيحبوكي؟؟ تبقي عبيطه وهبله كمان ارهنك إنهم نسيوكي اصلا دلوقتي عشان لقوا غيرك خلاص"

"والروايه إللي فضلتتي تتخيليها كل يوم لحد ما بدأتي تكتبيها كلها عنه وعنك محتطيش فيها ليه إنه هيشوف غيرك ليه ايقنتي إنه هيحبك ليه مافكرتيش إن في غيرك ؟؟

"عرفتي إنك ولا حاجه متستحقيش أي حاجه حتي حلمك والكليه إللي تعبتي عشان تخوشيها وتعبك ربنا عمل فيكي إيه دخلك واحده اقل بكتير منها ومن تعبك ودخلها لأخوكي اللعبي إللي ميعرفش اي حاجه فيها "

مش مهم أكيد في خير ليا بعدين وهو ربنا يوفقوا

"إنتِ نحس وملكيش اي شئ في الدنيا دي  لا حب ولا تقدير ولا إحترام ولا احلام ولا شئ هتعيشي وتموتي وحيده"

يمكن شعوري هو جلد الذات ؟؟ يمكن..

ومع إني وسط الناس لكني صوت السماعه عالي لدرجه تخنق أنا وحيده حتي وأنا وسط الناس هي حاجه انا بحبها إتعلمت اقرأ شفايف الناس فيها من غير ماسمع اصوتهم لكن مش عجباني

يمكن شعوري هو إنعدام الشغف لأي حاجه في الدنيا حتي لو كانت روايه بكتبها؟؟ بردو يمكن

يمكن أفكاري عندها حق وأنا إللي بجادل فيها وخلاص ؟؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_25235 🇪🇬

منذ 10 أشهر

شعور وحيد

انا دايمًا لوحدي معنديش أصحاب، مش معترضة عادي بحب أقعد لوحدي أصلًا عشان أنا انطوائية، بس بجد تعبت يعني ماشي لوحدي لأ وكمان معنديش هواية ولا أي حاجه أسلي بيها نفسي، ودايمًا بألف سيناريوهات ف دماغي وعايشه فيهم، بجد تعبت عايزه أعيش الواقع بقى، دا غير إني تالته ثانوي وكل ما أخلص اللي اتراكم عليا يتراكم

Potato_20287 🇪🇬

منذ سنة واحدة

شعور متعب

عندي مشكله مش عارف أحلها .. بقعد افكر ساعات ف حاجات الحاديه و سب و العياذ بالله مينفعش أفسر اكتر من كدا ... المهم أن انا بزعل من كدا و بحاول ابطل تفكير ف المواضيع دي و مش بعرف ف ياريت الي عنده حل يساعدني

Biscuit_62612 🇪🇬

معندهوش حاجه يخاف عليها وبيتهددني

في مشكله وعاوزه حل ليها واحده تعرف واحد خمس سنين وحبت تاخد قرار تنفصل بس هو بهددها وانها مش عنده حاجه يخاف عليها وهي هتخطب واهلها لو عرفوا ممكن يقتلوها هي محصلش بنهم حاجه غلط بس مجرد انها تعرف واحد بس في عرف بيتهم ده تستاهل الموت وهي مش عارفه تعمل ايه حد يفدنا ...عرض المزيد

0 الدعم

3 نصيحة

Pineapple_60236 🇪🇬

الفيلا اتحركت واحنا جوا والأخطبوط اتولد

هما كانوا قاعدين في أمان الله وفجأة الفيلا بدأت تتحرك بيهم وبعدين محدش لاحظ غير لما لقوا نفسهم داخلين ع العين السخنة والراجل بتاع الكارتة راسه وألف سيف ياخد منهم كارتة عشان يعديهم المشكلة مش هنا المشكلة ان البوابة أصلا مش هتعدي الفيلا عشان الجنينة كبيرة ومربيين كلبة جولدن الكلبة دي بقى عندها اكتئاب حاد عشان كانت بتحب كلب بلدي وخدوه قبيلة كلاب كانوا في معركة عنيفة مع كلاب الحي التامن ومن ساعتها الكلب دا ما رجعش وهي مستنياه كل يوم تقول هيرجع وما بيرجعش فهو الراجل أول ما شاف السما زرقا عرف ان الأخطبوط اتولد عشان كانت دي الإشارة وبدأ يجمع السلاحف والغزلان عشان يعدوا الناحية التانية من الشط المشكلة ان الطين ساعتها كان أجازة فالشط التاني مفيهوش غير بواقي درة مشوي وقشر لب سوبر فالموضوع كدا هيكبر وطبعا لازم يلحقوا قبل ما الفيلل التانية توصل عشان الراجل بتاع الكارتة كان منخانق مع مراته يومها ليه بقى عشان مراته أصلا كانت من اللي بيتحولوا ذئاب في نص الشهر بس كانت مخبية الموضوع دا عليهم بس هو عرف لما شاف الفيلا وهي معدية ومحدش سايقها فابقوا خلو بالكو بس انا قلت أعرفكو عشان محدش يضحك عليكوا.. ...عرض المزيد

0 الدعم

0 نصيحة

Banana_74025 🇪🇬

أمي بتعاملني إني عدوة ووحشة وأنا شايلة همها

انا الاخت الكبيرة وعندي اخ اصغر مني مش بفرق كبير هو راجل بابا بعيد عني مش بشوفه ولا بنتكلم مطلقين هو ومامتي مشكلتي مع امي اكبر من مشكلتي مع بابا عشان بابا مشكلة واضحه لكن ماما حقيقي ضيعت عمري في شيل الهم معتمده عليا في كل القرارات انا مقدره انها بتصرف علينا لوحدها بس انا ذنبي ايه ! انا الوحشه تفضل تقول البطن بتجيب ابن كويس و ابن وحش بتوجعني برغم اني اللي شايله الهم معاها تفكير و قرارات حته لما بنيجي ننقل من شقة او ناخد خطوة كبيرة في حياتنا انا اللي بدور و بقرر وبشيل وبحط وبرتبلهم حياتهم وبقدملهم ورقهم و لما بعمل حاجة مش على مزاجها انا بتهان و مش بيتذكرلي اي حاجة كويسة برغم ان انا تعبت من شيل الهم عمرها ما فكرت اني بحس زيها بتفكر في احساسها بس بتقولي كلام يوجع و لما بقول اني مظلومه ومحتاجة اتنفس حاسه اني محبوسه زي الحيوانات بتتريق عليا و بتزعقلي قدام اي حد عادي برغم اني ٢٥ سنة بقيت بخاف اعمل حاجة بحبها تقلب عليا وتبصلي بقرف قدام الناس حته لو بضحك في وشها وبحاول اعدي بتعاملني اكني عدوتها اخويا انهاردة كان شايل شنطة فضلت تقوله هات اشيلها مكانك مرضيش روحت قولتله طب هات اشيلها انا راحت بصتلي بقرف وقالتله ادهالها تشيل هي! بردو اخدت اكلي من قدامي لما اخويا خلص اكله قبل مني الحمدلله كنت شبعت و بالهنا و الشفا عليه بس ليه؟ المواقف دي تتقاس على كل حاجة انا والله مش بطل منها حاجة و بحاول اشتغل واستقر جالي عقد عمل في الخليج رفضت تخليني اروح المشكلة اني متعلقه بيهم و رفضها شجعني افضل جمبهم بس انا حاسه اني بنهار نفسيًا و عمري بيضيع حته مش متأمنلي لمستقبلي اني اتجوز مش هتجهز مفيش انا مش عارفه اتعامل معاها وهي بتعاملني اني وحشه و عدوتها وان اخويا ابنها اللي بتحبه انا بقيت مريضة مبقتش احس بمشاعر اللي بيحبوني بجد بسببهم كلهم حاسه ب خوف رهيب ...عرض المزيد

1 الدعم

8 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع