أسري

Avocado_54914 🇪🇬

منذ 4 أيام

شعور ممتن

موضوع:

اتعرضتي للتحرش قبل كدا؟ وعملتي ايه وقتها؟

French Fries_54650 🇪🇬 اللي حصل لك مش ذنبك، ومش بيقلل منك. إنتي قوية إنك عديتي ده ولسه واقفة. احكي، اطلبى المساعدة، ومتسكتيش تاني. جسمك ليكي، وحياتك ليكي، وانتي تستحقي الحب والاحترام والأمان دايمًا.

عرض الكل 15 نصيحة

عبّر عن شعورك بشكل مجهول

اتعرضت للتحرش من اخويا لمدة ٦ سنين في البداية قالي بنلعب لعبة كنت لسه في رابعة ابتدائي ولما فهمت ان كدا غلط بدات امنعه و كان بيعمل دا بالعافية و بالضرب . والمشكلة ان ماما شافتنا مرة و ضربتني و قالتلي لو قلتي لابوكي هيقتلك اوعي تعرفية حاجة . و من وقتها و اخويا اتجرا اكتر و بقي كل ما يشوفني . خلاني اتعزلت في قوضتي ١٠ سنين لحد ما هربت من البيت بالجواز من نرجسي و حاليا الحمد لله انفصلت داخلة في سنه اهو و فضحت اخويا لماما بس للاسف بردو معملتش حاجة معان قلتلها ان مكنش فية خصوصية حتي في الحمام كان بيتفرج عليا وانا باخد دوش لان عندنا فاتحة في اخر سقف الحمام و بابا و ماما طول عمرهم بيشتغلو فهما علطول برة البيت
. كل يوم كان ضرب و عنف لحد ما كانت سناني تجيب دم من كتر الضرب بالقلم علشان ارضي و اوافق اسيبة يتحرش بيا و كمان بيبقي عايز ابقي مبسوطة و اتمادي معاه
. اسوء حاجة في الحياه الام السلبية
. ودا خلاني بكرة جسمي و حاجة طول الوقت ان الناس عينها علي جسمي و عايزين مني حاجة وحشة 
. حتي بما كنت متجوزة كنت بكرة العلاقة و بعملها تقضية واجب لان عندي تروما فيها
. بس الحمد لله علي كل حاجة انا تعديت المراحل دي من حزن و صويخ و اكتئاب و عياااااط كتير و رحت لدكتورة نفسية حكتلها و اتكلمت معاها و قالتي اني قوية علشان مستسلمتش او هربت من البيت و ان عرفت احافظ علي نفسي

French Fries_54930 🇪🇬

منذ 4 أيام

شعور وحيد

انا كنت بحب واحده مسيحيه واهلها حاليا ضاغطين عليها تتجوز وفي الوقت ده مديرها ف الشغل اعترفلها بحبه وانا حاسس اني غيران جدا عليها ومش طايق ان حد يكلمها ومعاملتي بدات تتغير معاها بعد ما كانت بتشوف مني حنيه وحب عمرها ما هتشوفه من حد وطبعا اتشدت لمديرها مش عارف اعمل اي

Strawberry_53994 🇪🇬

منذ 5 أيام

شعور ضائع

عبّر عن شعورك بشكل مجهول

العنف الأسري 
أنا بتعرض للعنف الأسري بحق مكتسب و كأنه شئ طبيعي بضرب و يجيو بعدين يسئله هو انتي بتعيطي ليه الأغرب في كل مره بيجو يقولو يالا نفتح صفحه جديده
الأغرب بقي ان بعد كل السنين دي من عنف و خوف و ان ملكيش حق تقولي لا و انك مكرهه و ان مطلوب منك تتأذي و تسامحي بقيت أنا جوايا شر 
الحكايه ببساطه اب متعدد الزوجات عايش حياته ورا الحريم و لم الفلوس وانا صغيره مريت بسبب بأزمه نفسيه كان المدرسين تكلمه ان حالتي علاجه وجود اب كان رده أنا اتربيت يتيم و اهو كويس تعتبر نفسها يتيمه و ليها عندي فلوس بس
بس هو بخيل مشاعر و فلوس عليا أنا بس
كبرت في صراع احتاج وجوده و كره و بتمني موته 
اخ كبير عايش دور السيطره و اي نقاش حله ضرب 
ضرب موت اخرج من تحت ايده لما يشوف الدم او ممكن يريح شويه و يكمل 
ام بتتفرج و بس 
27 سنه في ازمه مش بتخلص ممكن في وقت بيكون زي هدنه لازمه نفسيه اصعب 
حاولت الانتحار لكن حتي دي مش من حقي
فكرت في الهروب و كنت بصبر نفسي ان اتجوز و ابعد
بقي لما يتقدم حد يطفش من تصرفات اللي اسمه اب قدامه من تهزيق و شتايم و تصميم من التقليل مني و الانبهار بالضرب
اه مره قالي قدام واحد متقدم انتي عايزه اخوكي عشان يضربك😂
نفسيا أنا مش ساويه 
بحاول اعيش
بتحارب 
عدم وجود امان
عدم وجود حل
بقيت اسمع أصوات ان موتهم الحل
انهارده كان عندي دافع اخنق ماما و هي نايمه
احلامي مستمره بموتهم علي ايدي 
افكار كتير ازاي اعمل دا من غير ما أضيع نفسي
افكار شيطانيه بيحاربها حاجه جوايا عايزه السلام
سلام و حياه بسيطه مش من حقي
أنا نفسي اتخطي ذكريات الضرب الاهانه كسره النفس 
أنا مش عارفه اتخطي وانا وسطهم
أنا بجد تعبانه و مش عارفه ارتاح ازاي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_54602 🇰🇼

منذ أسبوع واحد

شعور مرهق

انا كل يوم في مشاكل معا ابويا بعد ما امي سبتني من 8سنين وا معايا ثلاث اخوات اصغر مني وا ابويا مش رحمني في اي حاجه وا انا دلوقتي عمري 19سنه وا هوا كل شويا بيتخانق معايا علي اتفه الاسباب وا كل مره كنت بسكت يضربني وا بسكت بيشتمني وا بسكت يقولي كلام جارح وا كنت بسكت وا بفضل صابر في كل حاجه وا احنا عايشي

Coffee_27975 🇪🇬 انا رأي انزل اشتغل فاي حته جمع فلوس حتي لو هو مش راضي انزل اشتغل غصب عنه و جمع فلوس عشان تدخل الكلية فمصر و اظن فرق العملة فالكويت و مصر هيخليك تجمع فلوس كويسه تقضي الكلية و اعند معاه و انزل مينفعش تفضل كده المهم مستقبلك لو فضلت قاعد ممكن بعد كام سنه هو هيكبر و انت هتشتغل شغل بيجيب فلوس قليلة عشان مدخلتش كلية و هتحتاج انت تصرف ع اخواتك فا حياتك منغير تعليم مش هتبقا احسن حاجه

عرض الكل 3 نصيحة

Strawberry_54375 🇪🇬

منذ أسبوع واحد

شعور غاضب

Apple_54263 🇪🇬 مينفعش تكملي لاي سبب حرام عليكي نفسك لازم تبعدي لان بالشكل دا ف مره هتموتي واللله

عرض الكل 3 نصيحة

عبّر عن شعورك بشكل مجهول

انا متجوزة من ١٠ سنين عندي بنت وولد وبحب جوزي وجوزي بيحبني لأكن عمرنا ما عرفنا نحب بعض بالطريقه الي تناسب كل واحد فينا باختصار احنا مختلفين عن بعض اهتماماتنا والي لايف ستايل مختلف تماما أنا كبيره ف بيت اهلي شيلوني مسؤليه وفهمت كل المسؤليات الي ع الناس كلها واتعاملت مع تجار وعمال ف شغل والدي وهو كان اصغر أخواته الي بيطلبه بيحضر حالا وكلهم بصراحه بيحبوه لأكن المشكله ان هو بعد الجواز فاجأني ب شربه ل نوع من أنواع الدراجز وبعد ما حاولت معاه يبطل قولت اكلم أهله يساعدوني ومن ساعتها واهله معانا ف حياتنا ف كل خطوه مفيش حاجه غير وهما عارفينها بحجه أننا خايفين عليه حجمه الفلوس و كانت الطرق مختلفه كل فتره وف كل انتكاسه كنت ببقي أنا الي موقفي زي الزفت ليه لان بيتقال مكنش كده قبل الجواز و كمان هو بيشتكي منك وأنك بتقوليله اشتغل واعملك مشروع وأنتي بتضغطي عليه وع طول منكده عليه وده مش أسلوب تتكلمي بيه مع واحد مريض زيه وبقيت فجاه ف موقف دفاع عن نفسي من كلام قاله عليا عشان يبرر شربه وأغضب وامشي يلومه عليا إني سبته ف ظروفه افضل معاه بيضربني ويبهدلني  اروح زياره عند اهلي يقوله لا عيب تمشي من بيتك خالص طول ما جوزك بيتعالج 
رغم ان العلاج الي كانوا بيعالجوا بيه من نوع غريب يسكر ويسهر ويجي يرجع ويبهدل الدنيا ويعرف بنات ولما اشتكي يتقال مع أخواته احسن من الديلرات الي بيشوفهم وبعدين فتره يا ماما الست الاصيله تستحمل والصراحه كنت استحمل فتره وبعدها امشي تاني ع مدار سنين جوازنا عشت ف بيت بابا اكتر من بيته لحد ما بابا عملي شقه اغضب فيها مشاءالله وبما أني الكبيره محدش بيقررلي أنا الي بقرر ف محدش كان بيغصب عليا ارجع او لا لحد ما رجعنا من يوم ما رجعنا شرب نوع تاني أوحش نوع ف الكون واصبحت ست خاينه ورخيصه وحاجات معرفش عنها اي حاجه المهم بعد بهدله وضرب وكسر سناني وخرم القرنيه خرم صغنن كده صممت واطلقت 
اختفي بعد الطلاق تماما ٦ شهور وتم علاجه وطلب مني نرجع عشان ولادنا ورجعنا وبعد ٥ شهور من جوازنا تاني انتكس مره كمان واتفاجأ ت انه حاكي كل تفصيله صغيره بيني وبينه ل أخواته لان بيقول إني السبب ف رجوعه المشكله ان أخواته مقتنعين لأنه موصل كده ولما جينا نتجوز تاني كانوااا رافضين تماااما وهو اتحدي الكل واتجوزنا الكارثه بقا انه زي ما بيعمل معايا ويقول لاخواته عليا بيعمل معاهم ويقولي إنهم مصدر الغم ف حياته وأنهم كسرينه ب الفلوس الي بيصرفوها عليه ولازم يبعد عنهم لأنهم طريقتهم الي بتخليه يشرب مخدرات اعمل ايه وسط كل ده أنا مرهقه ومش قادره اغضب تاني وملوش لزوم أصلا أنا بغضب ب الشهور وبيحاول معايا وأفضل ارفض لحد ما بيتغير لأكن بيطلع دايما تغير مؤقت أتصرف ازاي لأنه ف انتكاسته الاخيره دي رجع يقولي كلام مش كويس تاني ومش مؤدب أنا صعبان عليا نفسي والي عملته فيها جدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_29908 🇪🇬

منذ أسبوع واحد

شعور مستنزف

عبّر عن شعورك بشكل مجهول

أنوا ما كان حدا يحضنى ابدا بالعكس دايما تعنيف لفظى جسدى وإذا انحضنت بيكون بسبب تأنيب ضمير منهم مثلا بتذكر أنوا دايما كنت اقول بدى اهتمام بدى اهتمام بتقابل بصراخ وسخرية بتذكر انى كنت الوحيدة إلى بتنضرب بدون سبب بتذكر أنوا فى مرة امى ضربتنى كف على وجهى قدام رفيقتها وابنها بدون سبب بس لانها معصبه وقتها انا كنت بعطيها كوب مى وبعد ما راحوا قالت ما تزعلى انا كنت معصبه بس بتعرف شو كانت ردة فعلى كل مرة على الالم كانت استغراب وبعدين ضحك أنوا قالت متزعليش يعني بتأمرنى كمان بدل ما تقول اسفه المشكلة أنوا لما قلتلها انا بدى اهتمام انتى بقيتى مشغولة وقاسيه كان عمرى 10 سنين ولما انضربت كنت 13 ولما صرخت فيا وضربتنى عشان ما ابكى كنت 3 سنين ولما انضربت وانشد شعرى عشان نسيت كراستى بالمدرسة وقعدت ابكى كنت 9 سنين ولما صرخت فيا عشان كنت احكى مع نفسي طول اليوم لانوا رأسها وجعها بس انا كان بدى تنتبه لما حكيت مع حالى كنت 12 حتى لما بكيت وقلت لها انتى السبب فى عدم ثقتى بنفسى بسبب كلامك على شكلى انتى السبب في انى مش بعرف احب قالت لى انتى محتاجه تتعالجى انتى مريضه نفسيا قلتلها لما امى تقول عليا كده الغريب هيقولك اى قالت بكل برود وهى تبتسم هيقولك مريضه نفسيه برضه ومجنونه ، وساعتها انا كنت بحاول ما ابكى وكنت ابتسم بنص البكاء ، حتى كل مرة ابكى فيها دايما تقول انتى بتحبى التمثيل بلا شغل دموع التماسيح ده أو انتى هتعملى الكلام ده عليا واحيانا تقول لو مش عاجبك اطلعى بره عشان هى عارفه مفيش مكان تانى اروح ، حتى لما فكرت ارفض فكرة الحجاب ايش كان ردها كانت تقلل من شكلى وجسمى وتقول هتمشى بشكلك ده فى الشارع ، المشكلة انى حلوة وكمان احلى من اى حد فى البيت وكمان اخترت الحجاب لأن شكلى حلو ولانى مقتنعه حتى إلى الان اى شى تعمله بتقارن نفسها بيا جسمها شعرها أسنانها وإذا انا قلت مستحيل اكون بنفس جسمها قالت لا انتى بالعكس شكلك مش حلو على الأقل انا متجوزة ومخلفه أما انتى مين هيبصلك حتى احيانا لو مزحت وقلت زوجونى ما بدى ادرس تقول وانتى مين هيقبل بيكى هترجعى من اول يوم ده انتى هتجيبيلنا العار ، بتذكر أنوا فى مرة حصل خناقه بينى وبينها على شى تافه انا رحت اصلى الضهر فهى قالت ظبطى الغرفه قلت بصلى بالاول بعدين بعد شوى قالت كمان مرة فأذن العصر فرحت اصلى العصر بعد ما صليت لقيتها قامت فجأة وضربتنى وشدت شعرى وتعطينى برجلها وتفت عليا وقعدت تشتم وتتكلم وتقول مش بتقوم من مكانها مش بتعمل حاجه قاعدة اربعه وعشرين ساعة بتحب نفسها وبس وكده وبعدين اجى زوجها هدى الموضوع فشوى انا رديت عليها وهى ردت عليا شعلت خناقه تانيه ضربتنى وشدت شعرى وطردتنى قدام زوجها وعايرتنى بالاكل وقالت روحى لابوك ملاحظه بابا مسافر ، بتذكر أنوا يومها بعد ما اخواتى غصبونى اكل لانه ما اكلت شى من الصبح ، دخلت الغرفه وصارت تصرخ وتقول الاكل إلى بتاكليه هاد بفلوس جوزى ، اقولك حاجه بقى بتذكر أنوا لما كلمت بابا اقول له صارت تقول اشياء انا ماعملتها بينما أنا مارضيت اقول كل إلى هى عملته عشان صورتها قدامه ، بتذكر كمان أنوا بعدها بيوم اختى الكبيرة عملت غلط كتير كبير فامى ضربتها وانا مسكتها عشان ما تضرب اختى وهيك اجا جوزها ليضرب اختى كنت امسكهم هما الاثنين ولا حظت أنوا هما بيضربونى بغل فجأة صرخت فيهم وقلتلهم ما حد يضرب اختى ليها اب يحاسبها ما ليكوا الحق تضربوها يومها اتعرضت لضرب والسب وكمان بتذكر أنوا امى طردتنا انا واختى وكلمات بابا وقالت ما عادوا ولادى ولا اعرفهم ولا عايزاهم خدهم عشان أنا مش عايزاهم ، رحت اكلت انا واختى اجت قالت الاكل ده بفلوس جوزى وقالت انتوا عبىء عليا مش عارفه اعيش خانقينى مش عايزة ولاد زيكوا ، حتى أنوا لحد دلوقتي كل لقمه بتدخل بقى بحس انها محسوبه حتى لما اجى اكل بفكر هقول اى لو اتذليت ، بتذكر أنوا فى مرة فجأة هيك فصل مخى وكان المفروض أشيل الاكل من على الأرض بس اختى كانت تصرخ على وتقول قومى وانا اقول حاضر بس حاسه ان مخى فاصل لحد ما امى اجت وضربتنى وصارت تسب ، كمان بتذكر أنوا دايما كانت تقول خسارة فيك كوب المياه خسارة فيك تكونى انسانه انا لو ربيت كلبه كان زمانها طمر فيها  احسن منك ، اقولك كل مرة تقترب منى بطريقة هجومية بتخلينى ارفع ايدى لا إراديا ولما تضربنى اقولها نزلى ايدك انا ما استحق الضرب تقولى انا امك وليا الحق اعمل إلى انا عايزاه حتى لو أكلتك الجزمه لو دست فوق رقبتك حتى لو موتك ضرب قلتلها مش معنى انك امى يبقى ليكى حق تضربينى متى ما شئتى ومن غير سبب انا مش حيوان ومش ملكك عشان تعملى كده برده اتقابلت بالسب والضرب وسحب التليفون وحبسى فى البيت ، اتذكر أنوا لما نيجى نشترى حاجه كانت بتعطى الأولوية لاختى الكبيرة عشان هى الكبيرة وعشان الصغيرة بتطلع كتير ومعندهاش أما انتى ما بتطلعى من البيت عايزة لبس ليه كل لما تيجي تتكلم تقول لآختى الكبيرة والصغيرة يشتروا شى لنفسهم بس اذا حكيت قالت انتى ما بتطلعى ما تعمليش فيها دور المظلومة وفى مرة قلتلها محتاجه حاجه مرضيتش بس فى نفس المكان جابت لاختى الكبيرة حاجات ، بتذكر أنوا انا فضلت سنتين أعانى من الم فى القلب ودوخه وتشتت وضعف وفقدان وزن ورعشة فظيعه ودايمه ونوبات هلع وارق وكل هاد وما فكرت تودينى مستشفى حكومي حتى لما كنت بقولها كانت بتقول انتى كل حاجه بتوجعك أو انا مش راحه مع حد مستشفيات أو روحى لوحدك ، بعدها بفترة كنت معها بالمستشفى بولادتها وفضلت جمبها وساعدتها ، إلى خلانى زعلت أنها اخدت اختى الصغيرة مستشفى خاص ودكتور خاص عشان ايديها بتعرق ، تعرف كنت اسمع الناس يقولولها بنتك متوحدة  وهى تقول مريضه قدامى الكلام ده ، تعرف انها عمرها ما قالتلى انتى جميلة الا قدام شخص عشان تتفاخر بشكلى طب تعرف أن الناس لما كانوا يقولون لها بنتك كتير حلوه تفتخر أنها الام ، بس فى البيت تقول مستحيل تكونى احلى منى انا المصنع مش زى الإنتاج واحيانا تقارن بينا قلتلها مفيش مقارنه بينى وبينك كل واحد ليه جماله قالت بس مستحيل مهما عملتى تبقى احلى منى ، طب اقولك فى مرة كنت مدايقه عشان هيا جابت لاخواتى بيجامات اعطتنى واحدة من بيجاماتها القديمه وكانت حلوه كتير عليا بس كنت خايفه تعايرنى بيها لقيتها بتقول متطلعيش بيها قدام جوزى ، بس حاليا انا واثقه جدا من نفسي من شكلى حتى عيوبى كلها تدل انى انسانه ، مش بسمح لحد يهينى حتى لو كان قريب ، بقيت اخاف من اى حركه من أيدها وهى بتتكلم عادى ، بقى اكبر احلامى يكون عندى بيت خاص بيا أو حتى شغل اصرف بيه على نفسى بقيت مش بطلب حاجه منها ، بقيت بكرهها تلمسنى أو تشوف دموعى ، بقيت اخاف اعرف صحابى عليها عشان متعاقبنيش بيهم أو قدامهم ، بقيت واعيه لكل حاجه حواليا ، بقيت عارفه نقاط قوتى ونقاط ضعفى ، وبدعم اخواتى دايما ، ودايما باخد كلامها سخرية عشان ما تحس انها مسيطرة ، مش بحكى لاى حد بس بسمع ، لحد ما ييجى الشخص إلى هيقدر قد اى انا غاليه ونادرة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_54005 🇪🇬

منذ أسبوع واحد

شعور ضائع

اشعر بالضيق من البشر تطلقت من رجل وصارت بيني وبينه عداوه وبين اهله ضربني واهانني وحرمني من اطفالي، رجل اعمى البصيره فصارحني ابن عمته انه يحبني بجنون وطلب ان يتزوجني فهل اعود لنفس الشرقه واعود لعش الدبابير بقدمي

Apple_53563 🇪🇬 لا أوعي أوعي أوعي اعملي حياه جديده بعيد عن اي حاجه اذتك و لو ابن عمته بيحبك فا كان بيبصلك من زمان يعني كان بيبوص ل واحده متجوزه و متجوزه قريبه اللي المفروض يكون عنده اصل و ما يفكرش في حاجه شبه دي فا طلما ما عندهوش اصل و فتح الموضوع دا فا هو حرفيا بلا دين ولا أخلاق حتي و مش هتعيشي معاه حياه كويسه لانه في الاول هيكون كويس اوي و حلوه البدايات و كدا و بعدها هيبان علي حقيقته

عرض الكل 3 نصيحة

Marshmallow_53407 🇪🇬

منذ أسبوعين

شعور مستنزف

موضوع:

امتي حسيتي انك مظلومه في الدنيا و في المجتمع لمجرد انك بنت؟!

لما حاول ابن عمتي يتحرش بيا ولما اتكلمت مصدقونيش علشان كانوا فاكرني بعمل كدا علشان اتجوزه وهو اصلا محدش يطيق يبصله بس للاسف علشان انا بنت اتظلمت كنت صغيره ١٠سنين هفكر في جواز اي منهم لله ظلموني ومش عارفه اتعافي وانا حاليا ٢٠سنه ولسه مش قادره انسي وظلموني وبابا استغل ان ماما اطلقت وضربني وجسمي معلم ل

Hazelnut_52786 🇪🇬 كتبي كل اللي جواكي في ورق أو نوتة، ده هيساعدك تفضفضي وتفهمي مشاعرك. • حاولي تتعلمي تقولي “لأ” لأي حد يضايقك أو يقرب منك بشكل مش مريح. • اتفرجي على فيديوهات أو اقري عن الناس اللي مروا بحاجات شبهك وتغلبوا عليها. • اهتمي بنفسك: كلي كويس، نامي كفاية، ولما تحسي إنك تعبانة نفسيًا، خدي وقت لنفسك تهدي فيه. • اعرفي دايمًا إنك مش لوحدك، ومفيش ذنب عليكي، واللي حصل مش غلطك. 👍👍👍👍👍👍👍👍👍👍👍👍👍👍

عرض الكل 6 نصيحة

Avocado_44816 🇯🇴

منذ 4 أسابيع

شعور ضاق ذرعًا

جماعة سؤال ممكن تشوفوا إجابته واضحة لكن انلعب على عقلي الفترة الأخيرة فتشوش الصح والغلط عندي ، هو طبيعي الاب ييجي بين فترة وفترة يفضفضلك عن امك ويدخلك في مشاكلهم ويسألني ايش حكت اذا رحنا على دار جدي ؟؟ امي وأبوي عايشين مع بعض بس على حسب حكيه هو جدا متضايق منها وعايش معها عشاننا لانه اخواني صغار ، في

Mango_28732 🇪🇬

منذ شهر واحد

شعور مرهق

السلام عليكم ورحمة الله وبركاته، أنا مش عارف أبدأ منين، بس حابب أفضفض وأحكي اللي جوايا يمكن أرتاح شوية، ويمكن ألاقي حد يفهمني أو يوجهني. أنا طالب في الصف الثالث الثانوي الأزهري، وحاسس إن حياتي كلها ماشية بالعكس، وكل حاجة بتضغط عليّ من كل اتجاه. من وأنا صغير، وأنا بتعرض لحاجات سيئة جدًا. اتعرضت للتن

عبّر عن شعورك بشكل مجهول

السلام عليكم ورحمة الله وبركاته،
أنا مش عارف أبدأ منين، بس حابب أفضفض وأحكي اللي جوايا يمكن أرتاح شوية، ويمكن ألاقي حد يفهمني أو يوجهني.
أنا طالب في الصف الثالث الثانوي الأزهري، وحاسس إن حياتي كلها ماشية بالعكس، وكل حاجة بتضغط عليّ من كل اتجاه.

من وأنا صغير، وأنا بتعرض لحاجات سيئة جدًا. اتعرضت للتنمر والضرب والإهانة من أهلي النرجسيين ، اللي دايمًا كانوا بيقللوا مني ويكسروا ثقتي في نفسي. كانوا بيمنعوني من إني ألعب مع الأطفال بحجة إنهم مش مؤدبين، ولو خرجت أتعرض للعقاب. حرّموني من أبسط حقوقي، وكانوا بيحاسبوني على أي غلطة، حتى لو كانت صغيرة جدًا.

كمان كنت بتعرض لتحقير وتفرقة، مش بس بيني وبين إخواتي، لأ كمان حتى بيني وبين الناس الغرب.
ومرت عليّ مواقف مؤذية جدًا، واتعرضت للتحرش واتعرضت للتنمر والضرب والاهانه من المدرسين وزمايلي وقرايبي ، وده خلاني أنعزل تمامًا، وأهرب من الواقع في حاجات زي الإباحية والعادة السرية، وفضلت متعلق بالموبايل طول الوقت، لحد ما بقى هو العالم الوحيد اللي بلجأ له.

الإدمان ده عمل فيّ حاجات كتير، وبقيت أحس بميول مش طبيعية ، وبقى عندي رهاب اجتماعي حاد، ومش عارف أتعامل مع الناس، ولا أكون علاقات، ولا حتى أفتح مواضيع عادية.
كل ده خلاني أحس إني مختلف عن الكل، ومش قادر أعيش حياة طبيعية.

دلوقتي أنا في ثانوية أزهرية، والمفروض أكون بذاكر علشان الامتحانات قربت، بس أنا مش قادر أفتح كتاب، كل ما أحاول أذاكر بفشل، وكأني في حاجة جوايا بتشدني لتحت.
بفكر أأجل السنة، بس أهلي، وخصوصًا والدي اللي مسافر، بيضغط عليّ جامد علشان أدخل كلية الطب.
المشكلة إنهم سيبوني في بداية السنة لوحدي، ورحلوا عند بيت جدي اللي أنا أصلاً كنت مطرود منه، وفضلت من غير فلوس ولا أكل، ومن غير أي دعم، ومع ذلك بيتوقعوا إني أكون متفوق.

والدي لو عرف إني ممكن أأجل بدون ما ادخل كذا مادة ، أكيد هيمنع عني الفلوس، وممكن يطردني، وده مش أول مرة يهددني بكده وعمل دا قبل كدا 
العيلة كلها بتتعامل معايا بجفاف شديد، ومفيش تفاهم، وكل شوية مشاكل على حاجات تافهة، وأخويا الكبير نرجسي وبيضربني لدلوقتي ضرب مبرح لاي سبب تافه ، ومفيش أي إحساس بالأمان في البيت معاييش فلوس تكفي اني اروح لمعالج نفسي

حاسس إني مخنوق من كل حاجة، من الدراسة، ومن البيت، ومن نفسي، ومفيش أي حد جنبي، لا أصحاب ولا دعم من أي نوع.
الوحدة بقت خانقة جدا ونفسي يبقى فيه اي حد يسمعني بس حتى ، والضغوط النفسية والدراسية خنقتني أكتر، وكل ما أحاول أخرج من الحالة دي، برجع أقع تاني.
فكرت في الانتحار كتير، بس دايمًا بخاف من ربنا، وبقول إن ده حرام، وبحاول أقرب منه، بس حتى ده مش قادر أواظب عليه. بحاول أصلي أو أقرأ قرآن، بس دايمًا بحس إني بفشل.

لسه عندي أمل، بس في لحظات بحس فيها إني ضعيف جدًا، وإن مفيش فايدة، وإن الحياة دي تقيلة عليّ أوي.
أنا مش بكتب الكلام ده علشان أشكي وخلاص، أنا بس حبيت أفضفض، وأمكن ألاقي كلمة تخليني أتمسك بالحياة شوية.
لو حد قرأ رسالتي دي، فشكرًا ليك، وشكرًا إنك سمعتني، وربنا يجازيك كل خير.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_51983 🇪🇬

منذ 3 أشهر

شعور خجول

عبّر عن شعورك بشكل مجهول

بما إن اغلب الآراء كانت استوري تايم فيها عيرة فاستوري تايم بس مش بتتكلم عني بل عن حد مقرب  مني وخلينا نقول إن إسم الشخصية دي منال مثلا 
و الاستوري فيها عبر كتير اوي 
هنرجع12  سنة لي وراء وقت ما اتجوزت منال عن حب واكتشفت بعد الجواز أن جوزها كان لي علاقات سابقة كتير واكتشفت خيانتو اكتر من مره و علاقتو بالستات دي مكانتيش مجرد كلام وغزل بل هدايا وكان بيصرف عليهم كمان مابين كان بيمثل علي منال انو مش معاه فلوس وشغلو مش احسن حاجة لدرجة إنو طلب منها تبيع دهبها وطبعا عملت كده استمرت خيانتو أول تالت سنين من جوزهم  ومقدرتش تسكت و واجهتو و رمي يمين الطلاق وهي راحت عند أهلها و حكت كل حاجة كانت منال واقتها معاها ولد صغير و حاول جوزها يرجعها وبعد كلام كتير بينو وبين أهلها اختارت ترجع 
عاشت منال وجوزها تالت  سنين زي الفل وجابوا ولد تاني لحد ما شغل جوزها مبقاش أحسن حاجة لانو كان بيشتغل في السياحة فمنال طلبت تنزل شغل وهو رفض وكانوا أهل جوزها بيساعدها لحد بعد سنه من الازمه دي جوزها شاف شغل تآني وكان كويس اوي اشتغل في الشغل ده سنه وبعدها اتطرد بتهمة سرقة فضل جوزها سنه من غير شغل والمفاجأة إن منال كانت حامل في الولد التالت فضطرت تقول لاهلها وزي اي أهل حبو المراكب تمشي وبيقيو هما كمان بيصرفوا عليهم لحد ما جوزها لقي شغل محترم اوي فضل فيه سنتين و اوضعهم كانت زي الفل لحد ما جوزها بدأ يتغيب عن الشغل كتير واتطرد منال دورت وراء الموضوع واكتشفت أن جوزها مكانش بيروح الشغل عشان أتعرف علي شلة بيضربوا مخدرات و واجهتو و رمي عليها يمين الطلاق لتاني مره 
وهي راحت لأهلها وبعد تالت شهور فكر يرجعها وقال بطل مخدرات ولقي شغل تآني رجعت منال 
واكتشفت بعد رجعوها إنو اشتغل مع شلة اللي بيضرب معاهم بس سكتت المره دي وجيس وات كان بيجيب الشلة دي و بيضربوا في بيتهم !! 
بس سكتت برضو وبعد كام شهر بقا بيضرب أيس وده نوع واحش قلب معاه بشك في منال وأنها بتخونو وخنقات وضرب كل يوم قدام اولادهم!!!
لحد ما شكت لاهلها و واقتها أهلها قرارو انو خلاص لازم تطلق نهائي لانو اتعدي عليها كتير بس منال رفضت الطلاق وفضلت وبعد مده يواجها جوزها بانو رمي اليمين التالت يعني بقيت مطلقة خلاص وانهم الفتره اللي عدت كانوا عيشين سوي وهو مطلقها!!
وقالها انو هيمشي ومتطلبش منو مصاريف لانو مش معاه واهلها يصرفوا عليها وده إللي حصل فعلا أهل منال وقفو جمبها وعملولها مشروع وفتحت بيدج اون لاين للحلويات والاكل البيتي وبتصرف علي أولادها التلاته منو وبس 
دي منال نموذج من نماذج كتير في المجتمع منال لقيت اللي يسندها ويقومها بس في ناس كتير لا 
فاحسنوا اختياركم عشان متمروش باي حاجة من إللي مرت بيها منال.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_38650 🇪🇬

منذ 4 أشهر

شعور محبط

Mango_51124 🇪🇬 اوعدني يا ليفة تكون اخر تأليفة

عرض الكل 8 نصيحة

عبّر عن شعورك بشكل مجهول

فى وسط تجمع عائلى حمايا شتمنى باهلى وانا مسكتش وقولتلو بعد اذنك متغلطش فى اهلى قالى تمام ومتعامليش معايا تانى وانا كده بس هخليكى انتى إلى تيجى تقوليلى اشتمنى قولتلو عمرها مهتحصل وكان الكلام دا قدام جوزى وحماتى وأخو حماتى وأولاده حماتى تسخن الدنيا وتقولى فيها ايه لما شتمك  وكده المهم تجنبتهم خالص و وبعدين قعدت ٣اربع ايام  متجنبهم ومرتاحه على الاخر  النهارده اجازه جوزى قالى هنزل انا وبنتى لابويا تحت وكده قولتلو هاجى معاك  وهنقعد معاهم شويه وانا بردو فى حالة يشوفو البنت وهنتمشا شويه اتفاجات باخو حماتى بيتصل وبيقولى انى منعا بنتى تنزل تحت ليه  وانو زعلان وكده قولتلو انا ممنعتش حد واحنا لسه جاين من السفر وبنرتاح شويه وبنتى تعبانه اصلا.  خلصنا المكالمه وبقول لجوزى ايه رأي فى الكلام  وكده وقولتلو على فكره انا هتعامل مع ابوك بحدود على فكره زى مهو عاوزنى احترمه هو كمان يحترمنى وشدينا فى الكلام شويه قام ضربنى ومد ايده عليا واتعورت فى بوقى  وبعديها تعبت واغماا عليا وكنت بعيط بانهيار لانى مظلومه  مع العلم حمايا دا كان بيموت من اسبوع وانا الى لحقته وقعدت تحت رجله وعملته جلسات وبقيت طالعه نازله وانا تعبانه وبنزف ومقولتش حاجه قولت كلو لله  المهم لقيت جوزى جه طبط عليا وخدنى فى حضنو وانا انهارت من العياط السوائل هنا اعرف حد من أهلى ولا لا ولا اخد بنتى وامشى من غير ماعرفو واروح عند أهلى😭😭😭😭😭😭

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_52131 🇪🇬

منذ 4 أشهر

شعور مريض

هاي انا بكره عيلتي جدا حاسس اني غريب وسطهم وبحد مش عارف اقرب منهم ولا حتي احضنهم ولا اختي الصغيره حتي عارف اقرب منها قربت فتره وبعدين بدات مراهقتها وااا مش عارف اعملها حاجه بحكم اني عندي هيستري من عنف اسري وعلاج نفسي بسبب ابويا وامي ف خايف اخليها زيي ف انا بكره عيلتي ♥ باي

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Blueberry_51928 🇪🇬

منذ 5 أشهر

شعور لا مبالٍ

عبّر عن شعورك بشكل مجهول

انا عندي21سنه حالتنا الماديه مش احسن حاجه بس  كانت مستوره معانا الحمد لله بابا معاملة مكنتش احسن حاجه معايا وكنت ساكته وراضيه كان في ضرب واهانه وكنت ساكته برضو رغم الحياه اللي كنت عايشاها دي وكنت راضيه بكل حاجه في ثانويه كنت بنزل اشتغل واصرف على نفسي وعشان اعرف انزل دروس كذا مدرس عرض عليا اني اخد عنده مجاني وانا رفضت تعبت اوي السنه دي وجبت 92في الميه بس مدخلتش كليه عشان المصاريف وحتى لو اشتغلت عمري ما كنت هعرف اجمع مصاريف الكليه مع مصاريف البيت ولنفسي ف رضيت باللي وصلتله وكنت بسعى في حاجات تانيه تفيدني اشتغل بيها المهم حد اتقدملي وبابا وافق وانا مكنتش موافقه لاني كان عندي تروما من العلاقات وفكرة اني ابقى مع واحد اصلا المهم بابا وافق بيه وحدد معاد لقراية الفاتحه وكل دا انا معرفش غير ليلة قرايه الفتحه وهو بيقولي جهزي نفسك بكره قراية فتحتك على فلان انا اتصدمت وطبعا لما رفضت اضربت وقعدت معاه غصب عني منكرش انه شخص كويس ومحترم وحرفيا في كل حاجه اي بنت تتمناها تكون في جوزها بس انا مش قادره فاهمني كل دا من قساوة بابا لما جابلي عقده من الصنف كله دلوقتى إحنا بقالنا خمس شهور متجوزين انا مش قادره اديله اي حاجه هو بيحبني اوي وبيتمنالي الرضى ارضى بجد وانا مش عارفه اعمل ايه ومش فاهمه اي السبب انا كل ما يقرب مني بتقطع من جوايا كل حضن بيحضنهولي بحس انه بيقطع في جسمي احساس وحش اوي 
حاسه اني آله قاعده معاه في البيت اطبخ واروق وتحصل بينا الحاجه الشرعيه وخلاص 
انا مكنتش عايزه حياتي تبقى كده بجد اتخنقت ومش عارفه اتكلم ولا احكي لحد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع