أزمة عاطفية

Cheese_54753 🇹🇷

منذ 19 ساعة

شعور ضاق ذرعًا

عبّر عن شعورك بشكل مجهول

حقيقي تعبانة وبعمل نفسي تخطيت وانا حاسة اني لسه في مكاني
عدى سنة من ساعة ما عرفت انه بابا اتجوز على ماما في السر هم يعتبروا منفصلين كل واحد في حتة بس الموضوع عاملي حاجه زي تروما مش عارفة اطلع منها
بابا انسان كويس صرف علينا حمدلله وكبرنا بس هو emotionally unavailable ومحاولش يبني معانا علاقة حقيقة بسن اب وبنت وبالتالي كبرنا منعرفش حاجه عن بعض
تعبت لما اتكلم مع الموضوع مع اخواتي او مع اي حد يقولي حقه وحلال هو انا اللي حصل فيا حلال؟ انه البيت يتفكك ويستغنى عن ماما اللي افنت عمرها عشانه وكل واحد يبقى في حتة بسببه حلال؟ هو انا كمان مش من حقي اروح اتجوز دلوقتي وبمذهب ابو حنيفة اقدر اتجوز بدون ولي امر هو مش ده حقي وحلال؟ بس انا مبعملش كده مش عشان مجتليش الفرصة بس عشان انا عارفة انه كسرة القلب حرام.. انا مكسورة وتعبانة ومش قادرة اتقبل الموضوع مش قادرة اتقبل انه عندي اخت معرفش عنها اي حاجه ويمكن معرفش مش قادرة اتقبل انه اختار نفسه هتقولولي انت انانية وهو بني ادم زيك زيه وعيشي حياتك وانسي لو اعرف اعيش حياتي وانسى كنت عملت كده من سنة والله مش قادرة اعمل كده.. اتنين من اخواتي اتجوزوا وخلاص مبقاش في بالهم انا اللي بشوفه كل يوم انا اللي عارفة لما بكلمه ويكتبلي رسالة مش فويس يبقى معاها انا اللي عارفة انه بيقولي رايح مشوار ولما اركب العربية الاقي الكرسي متغير مكانه عشان كانت معاه انا اللي بقعد في البيت لوحدي بال١٢ ساعة عشان يروحوا يتفسحوا واخر حاجه وهي اللي غيظاني ومخلياني مقهورة انه بيقولي مسافر مصيف يومين مقالش مع مين بس انا فاهمة وهو فاهم
هو ده مش حرام؟ هو انك تربي بنات من غير ما تعرف عنهم حاجه ده مش حرام؟ انك تبقى عارفة اني زعلانة بسبب الموضوع ده ومتحاولش تطتطب عليا ده حرام؟ساعات بيجيلي اوقات اقول ده قضاء وقدر وسبيه في حاله وخليكي انانية فعلا زي ما هم فاكرين وانسيه خالص بس مش عارفة مش عارفة اعيش مع حد مش موجود مش عارفة انام واصحى عارفة انه عنده حياة تانية تماما بيقضي معاها كل وقته وانا بنته اتحرق بقا مش مهم حاسة بايه مش مهم هي شايفاني ازاي مش مهم اي حاجه المهم احتياجاتي 
اصل انا راجل اعمل اللي انا عايزة متأسف معنديش مشاعر و رغبتي الجنسية هي اللي بتمشيني مش اللي انا اللي بمشيها ولو اتكلمتي لا هشش هتعرضتي على خلقة ربنا ولا ايه؟ هي دي سنة الحياة هي دي الدنيا هتعرضي على حلال ربنا؟ طب هو حلال اللي بيحصل جوايا ده؟

اتقدملي عريس كانت ظروفه نص نص لكن اول ما عرفت انه ابوه اتجوز على امه وهو عنده اخوات من ابوه بس وقده في السن قولت مش عايزة اقابله ما هو بجملة واحد ييجي يكمل عليا ويكسر اللي باقي مني واقدمله كل حب وحنان وطاقة وتربية اولاد وسهر وتعب وبعدين يقولي يقولي حقي واحتياجاتي لا اعيش وحيدة احسن ولا اني احس الاحساس ده تاني لا والمرادي هيبقى اسوء بمراحل هتقوليلي ده حكم مسبق ويمكن الولد مش زي ابوه لا هو ظاهريا يدي الانطباع والفيسبوك والانستا من بتوع الست تقول اه وحاضر وكلام من ده مش هطول عليكوا

ارجوكم عايزة حاجه تساعدني تعبت محدش يقولي عيش حياتك وانسيه عشان والله لو اعرف اعمل كده كنت عملت من سنة
انا كل ماحس اني بتقدم تيجي حاجه تحصل تهدلي كل اللي عملته عشان اتخطى وبحس اني زي اللي كان بياخد مسكنات بس مش بيعالج الوجع لا بهرب منه على امل اني ابقى كويسة شوية وخلاص.. انا عايزة حلول فعلا او لو حد مر بتجربة شبيهة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_73248 🇪🇬

منذ 4 أيام

شعور وحيد

انا عندي مشاكل مابين ماما وبابا بقالهم كتير والمشاكل كل يوم بتزيد وهما الاتنين بيقبوا غلطانين بس محدش فيهم معترف بغلطه ابدا هما بينكروا الغلط بغلط اكبر وماما تعقد تشتكيلي كل يوم بالاجبار من بابا واللي عمله من سنين فاتوا لحد دلوقتي وبابا لما نبقي لوحدنا يقعد يتكلم عليها بردو قد كده مش عارفه اعمل ايه

Sugar_65451 🇪🇬

منذ أسبوع واحد

شعور عاطفي

ازاي اقدر اتخطاه بجد..عشان حاولت كتير ومش عارفه ،عدا اسبوع حاليا بعد الانفصال ومفيش يوم واحد يعدي الا لما افكر فيه تعبت من كتر التفكير وحاسه حياتي وقفت ،حتي انا بطلت الكورسات اللي كنت فيها من كتر ما انا مش مركزه وحزن مش طبيعي ومعدش عندي شهيه للاكل وخسرت وزن جامدد..نفسي اتخطاهه! بس مش عارفه ازاي! انا

Avocado_61070 🇺🇸

منذ 4 أسابيع

شعور مكسور القلب

ترجمة بالعربي تحت I was in a romantic relationship for two years with a girl I deeply loved and gave everything I could to. We're both 20 years old. But the problem is that I’m a U.S. citizen, and she isn’t. After Trump became president and ICE started its deportation campaigns, her father got tir

عبّر عن شعورك بشكل مجهول

ترجمة بالعربي تحت

I was in a romantic relationship for two years with a girl I deeply loved and gave everything I could to. We're both 20 years old. But the problem is that I’m a U.S. citizen, and she isn’t.

After Trump became president and ICE started its deportation campaigns, her father got tired of the situation — low-paying jobs and constant fear — so he decided to return to his country.

That meant she would be left alone here. So her father, along with others, advised her to marry someone just for the sake of getting legal status.

I’m 21 and not financially stable enough to sponsor her for a marriage-based green card.

So who offered to marry her? A co-worker of hers. He offered to do it, but then he started flirting with her. He called her “love” and once told her, “I don’t care if you have a boyfriend.” She didn’t reject him — because he seemed like the only option at the time.

Everything was going smoothly until the priest(religious guy who prays for her, and she takes his words so serious) her that if she didn’t cut me off, the government could find out the marriage is fake — and that would be really dangerous.

She accepted it, despite how painful it was, and we separated.

But just one day after our breakup, that guy told her he had feelings for her. She was disappointed but tried to ignore it. Over time, they grew very close — he would visit her house daily, spend time with her family, and they’d go out together. To her, it was just friendship.

But later, he started speaking to her in a sexual way and even tried to kiss her.

At that point, she decided to stop everything — scared of deportation and everything happening.

Two days ago, the pastor called her again and told her that if she didn’t start the legal process immediately, she would be deported — and that she had to leave me. If she wanted me to stay in her life, I could only be her friend, and the marriage with the other guy must be purely legal, just for the papers. He told her to act fast, or deportation would be certain.

Now, I’m trying to set aside my feelings and just see her as a friend.

But two nights ago, she messaged me in the middle of the night, begging me not to leave her — asking me to at least stay as her friend.

And sadly, I’m in a really tough position. I can’t ask anyone for help, because if the wrong person finds out, it could be dangerous for her — since a marriage just for papers is illegal.

أنا كنت في علاقة حب لمدة سنتين مع فتاة أحببتها كثيرًا، وقدمت لها كل ما أستطيع. نحن الاثنان عمرنا 20 سنة، لكن المشكلة أنني حامل للجنسية الأمريكية وهي ليست كذلك.

بعدما أصبح ترامب رئيسًا، وبدأت نشاطات الترحيل من قبل الـ ICE، قرر والدها العودة إلى بلده لأنه تعب من هذه الأوضاع والوظائف ذات الأجور المنخفضة.

بالتالي، كانت ستبقى وحدها، ولهذا السبب، نصحها والدها وأشخاص آخرون بالزواج من شخص آخر فقط من أجل الأوراق (الحصول على الإقامة القانونية).

أنا في سن 21، ولست مستقرًا ماليًا ولا أحقق الشروط المالية التي تمكنني من مساعدتها للحصول على الإقامة كزوجتي.

فمن قرر أن يتزوجها؟ صديق لها من العمل عرض عليها ذلك. لكنه بدأ في مغازلتها، وكان يناديها "love"، وذات يوم قال لها: "لا يهمني إذا عندك حبيب". ولم ترفضه، لأنه كان الخيار الوحيد المتاح أمامها.

كل شيء كان يسير على ما يرام حتى أخبرها alpriest (pastor) (الراعي الكنسي) أنها إذا لم تبتعد عني، ستكتشف الحكومة أن الزواج مزيف، وسيكون الوضع سيئًا.
تقبلت الأمر رغم صعوبته، وافترقنا. لكن بعد يوم واحد فقط من انفصالنا، أخبرها ذلك الشخص بأنه معجب بها. شعرت بخيبة أمل لكنها تجاهلت الأمر. وخلال تلك الفترة، أصبحا قريبين جدًا من بعضهما، يخرجان سويًا، يزور بيتها يوميًا ويقضي وقتًا مع عائلتها. بالنسبة لها، كانت العلاقة صداقة فقط.

لكن لاحقًا، بدأ يتحدث معها بطريقة جنسية وحاول تقبيلها.

عند هذه النقطة، قررت أن توقف كل شيء. مع خوف الترحيل و كل شيء.

منذ يومين، اتصل بها الراعي مجددًا وأخبرها بأنه إذا لم تبدأ في الإجراءات، فسوف يتم ترحيلها، وأن عليها أن تتركني، وإن أرادتني أن أبقى في حياتها، فيجب أن تكون علاقتنا علاقة صداقة فقط، وزواجها بالشخص الآخر يجب أن يكون زواجًا شكليًا فقط لأجل الأوراق. وقال لها أن تقوم بذلك فورًا، لأن الترحيل حتمي إذا لم تتصرف.

الآن، أحاول أن أترك الحب جانبًا، وأراها فقط كصديقة.

لكنها أرسلت لي رسالة منذ يومين، في وقت متأخر من الليل، تتوسل إلي ألا أتركها، وتطلب مني أن أبقى على الأقل كصديق.
و للاسف، انا بمكان لا احسد عليه، ما بقدر اطلب مساعدة من اي احد لان ممكن يكون خطر عليها اذا حدا غلط عرف بالموضوع لأن هذا زواج للأوراق هو غير قانوني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_63361 🇪🇬

منذ شهر واحد

شعور مكسور القلب

عبّر عن شعورك بشكل مجهول

طيب انا مش عارف ابدا منين بس محتاج اسمع منكم عشان انا فعلا مش بخير  
انا كنت مرتبط من ٧ سنين سنه٢٠١٨ وفضلنا مع بعض فحد ٢٠٢٠ يعني سنتين وبعدها اكتشفت ان هي بتخوني وكان في بينها وبين شخص تاني كلام 
طبعا قطعنا كلام فتره كبيره جدا وم كتر مكانت بتعمل المستحيل عشان تصالحني وانا رافض ف الاخر ف يوم عيد ميلادها انا حنيت وصالحتها كنا وقتها ف ثانويه عامه 
المهم 
فضلنا بعد مااتصالحنا ٣ شهور مع بعض لحد مااهلها عرفوا اننا بنتكلم وحصل مشاكل كتير جدا وحوارات 
مرضتش اطلع قليل الاصل معاها واسيبها وكمان عشان نا فعلا كنت بحبها جدا 
كلمت اهلي وحاربت عشان ابقي معاها وقعدت مع اهلها اكتر من مره واقنعت اهلي وروحت اتقدمت وخطبتها مع العلم ان كان لسه سني ١٩ سنه والموضوع كله عبثي جداا 
اه كنت شغال وعندي شغلي واموري كانت تمام الي حد ما
المهم فضلنا مع بعض ٣ سنين خطوبه حرفياا انا م بعمل حاجه غير ان انا شاكك فيها دايما ...انتي بتكلمي مين ؟ انتي ويتينج مع مين ؟ انتي اتاخرتي ف الكليه ليه ؟ ابعتي اسكرين وريني كنتي ويت مع مين ....وهكذا من ده كتير 
كنت بني ادم غير سوي بالمره.... عمري مكنت كدا نهائي ولا عمر مكان الشك طبع فيا اصلاا بس دايما كان جوايا حته اني مش عارف ارجع اثق فيها تاني ويشهد ربنا ان طول ال٣ سنين خطوبه هي محصلش منها موقف ف حقي غلط خالص عشان اكون صريح 
المهم من سنه من كتر الخناقات والمشاكل والتراكمات حسينا بملل وزهق احنا الاتنين وكل واحد جاب اخره وسيبنا بعض ف  شهر 6 سنه ٢٠٢٤ بعد مكان عندنا يقين ان لو حصل واتجوزنا هنتطلق كدا كدا بسبب ان حاجز الثقه اتكسر بيني وبينها 
حرفيا انا من شهر 6 السنه اللي فاتت لحد الان انا مخرجتش من الاوضه بتاعتي مبشتغلش مبنزلش ابدا مبخرجش مبقعدش مع حد عل طول ف اوضتي قافل علنفسي خسرت شغلي وخسرت اغلي شخص فحياتي عشره ال7 سنين 
بقيت شخص انطوائي جدا بعد مكنت اجتماعي لابعد الحدود 
حاولت ان اخرج نفسي بكذا طريقه زي الجيم والصلاه والقرب من ربنا برضو م عارف اكمل.. 
حد عنده حل عشان انا فعلا مش بخير..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_62870 🇪🇬

منذ شهر واحد

شعور محبط

قعدت سنين ببنى نفسي نفسيا بعد أزمة عاطفيه حصلتلى ونا 19 سنه وبعد 4 سنين ببنى نفسي وبحصن نفسي واهتميت بدراستى وشغلى وهواياتى وجا شخص بعد تخرجى شجعنى ابدا معاه بيتى وبعد إلحاح فتره كبيره لاقيتنى مريت بنفس الازمه ولكن اصعب واوحش كل حاجه بنيتها فى شخصيتى وكل حاجه حلوة حوشتها وكل طاقتى راحت وقعت ومش عارف

Apple_59539 🇪🇬

منذ شهرين

شعور مكتئب

انا عندي مشكلة مش عارف ليها حل ولا اية بس حاسس اني رزقي في العلاقات مش احسن حاجة وبتكلم علي علاقات الصحاب بالتحديد يعني خمس سنين كليه معملتش صاحب اقدر اكلمه اقولة تعالالي انا تعبان ونازل المستشفي خمس سنين غربة ولو مت في اوضتي هيعرفوا بعدها باسبوع او بالصدفة خمس سنين اوقات كتير بيكون معايا الغلوس الي

Waffle_57960 🇪🇬

منذ شهرين

شعور ضاق ذرعًا

Strawberry_39895 🇪🇬 لا حول ولا قوة إلا بالله ربنا معاكي

عرض الكل 9 نصيحة

عبّر عن شعورك بشكل مجهول

انا عندي دادي ايشوز من ساعه ما ماما وبابا اتطلقوا هما كانوا بيتخانقوا كتير اوي وهما متجوزين وكان بابا بيمد أيده علي ماما وعلي اختي الكبيره انا بحبه اوي بس مش بحب تصرفاته ابدا ماما وبابا اتطلقوا بعد ما بابا اتهجم علينا فالبيت وطلبوا البوليس وطبعا كنا صغيرين اوي ومش فاهمين حاجه يمكن اختي كانت فاهمه شويه بس انا كان كل همي اعمل لماما هديه لأن يوم طلاقهم كان يوم عيد الام  مكنتش فاهمه ال بيحصل بس كنت عارفه أن فيه مشاكل بين ماما وبابا وبصراحه طول الفتره ال عشتها مع ماما عمرها مخلتنا محتاجين حاجه وربتنا احسن تربيه بس بابا كان عايش فالشقه ال قصدانا وده كان أسوأ حاجه لان كنا كل يوم بنشوفه وكان دائما يعامل اختي احسن مني مع أن اختي كانت بتكرهه لأن لما كان زمان بيعمل مشاكل وبتاع هي كانت واعيه وفاهمه انا مكنتش فاهمه اوي لاني كنت صغيره بس كنت بحب بابا اوي اوي وبابا كان بيحب اختي جدا مع انها كانت بتكرهه اوي بس برضه كان دائما يفرق بينا كان يقعد يتحايل عليها عشان تكلمه ونا لما اجي أكلمه يقولي اسكتي يبت انتي وجي من قريب كان منزل صوره ليا بشعري ونا محجبه قولتله يبابا شيل الصوره وكلمت عمي وكلمت بابا اكتر من مره وبرضه مش راضي يشيلها وهزقني وامبارح اختي اتصلت بيه عشان تقولو أن النتيجه ظهرت وأنها نجحت وقالتله اختي كمان نجحت قالها مين؟ انا معنديش بنات غيرك حاولت اعمل نفسي كويسه بس انا مش كلبه بشحته وعدم اهتمامه بيا مأثر فيا جامد اوي لدرجه ان اي حد يحسسني بالأمان بحبه حتي المدرسين بتوعي!! انا وصلت لدرجه الجنون بجد ومش عارفه اعمل ايه اخليه يحبني ويهتم بيا ازاي؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Grape_56540 🇪🇬

منذ شهرين

شعور متوتر

حاليا انا عندي مشكله صعبه سنه 😂 كان في مشكله بيني و بين خطيبتي كبرت و دخلت فيها الاهل و العيلتين و المشكله كبره لدرجه ان اه بعد ما الكل اتراضي امي لسه كارهه خطيبتي و امها... و امي بقالها شهر مش عاوزه تتكلم معايا حتي ولا تتعامل معايا علشان المشاكل اتحلت و انا و خطيبتي رجعنا تمام و مش عارف اعمل اي ول

Strawberry_53775 🇪🇬

منذ شهرين

شعور مكسور القلب

عندي مشكله كبيره اتجوزت من سنه ونص ومن اول يوم جواز مشاكل كتبر جدا مع اننا متجوزين غن حب والمشاكل ديه مكنتش موجوده في الخطوبه احنا اتخانقنا من اسبوع خناقه كبيره وانا بعتله فويس عل الواتس وغلط فيه غلط جامد مفيش راجل يقبله وقلتله انت مش راجل وعايزه انفصل هو رد قالي تمام ومغلطش وبعت لاخويا الفويس وا

Hazelnut_52786 🇪🇬 اولا زي ما غلطتي في اعتذرى ليه قصاد اهلك كلهم واعترفي بغلطك وندمك وتوعديه انها مش هاتكرر تااااني لانك حسيتي بغلطك ودا كان اندفاع ولحظه تهور منك ومش هانهد بيت علي غلطه واندفاع مني وتبقي فاهمه من داخل نفسك انك هاتحتاجي وقت علشان تثبتي كمان دا لجوزك ويارب دايما لا يوجد خلافات ما بينكم ونصيحه اخيره حلو خلافاتكم لوحدكم علشان تبقي سهل حلها من غير تدخل إلاهل

عرض الكل 7 نصيحة

Strawberry_52024 🇪🇬

منذ 5 أشهر

شعور محبط

Orange_36336 🇮🇶

منذ 7 أشهر

شعور مرتبك

انا جربت وجربت كثير جدا جرب وجربت لكن منفعش اي حاجة لا انا الي متقبل اني اكمل معاها ولا هي الي تتقبل فكرة الانفصال البنت منهارة تماماً كل ما المح الها فل فكرة دي (الانفصال) وكل مرة تحس اني المح لها تنهار وتبتدي تعيط وتحضن دراعي جامد ومتسبهوش لحد ما تهدا منضر يقطع القلب انا دمرت حيات انسان💔

Carrot_52041 🇪🇬 وهتفضل طول حياتك ندمان

عرض الكل 8 نصيحة

Chocolate_30158 🇪🇬

منذ 8 أشهر

شعور مرتبك

عبّر عن شعورك بشكل مجهول

السلام عليكم ورحمة الله وبركاته بحكي لكم وضعي اليومين دول اللي غريب شويه "مش عارفه هل هو غريب ولا طبيعي" المهم ان من كام يوم قاعده بتفرج على واحد من الشهاداء وفيديو جاب فيديو وفضلت اعيط عليه لحد مانمت صحيت ف الصبح برضو فضلت اتفرج عليه ودا بقي وضعي من اسبوع تقريباً افضل اتفرج ويجي اخر اليوم ابكي عليه، وفي يوم قولت خلاص مش هشوفه علشان ما ابكيش المهم لما جيت حطيت راسي ع المخده سمعت صوته جوا عقلي وفضلت اعيط، دلوقتي انا حالتي تطورت وبقيت بحب الشخص دا وهو شهيد يعني مش موجود اصلا وصلت لمرحلة ان انا مش عاوزه اتجوز ف الدنيا انا عاوزه اقعد كدا وفي الاخره اقول لربنا ان انا عاوزه الشخص دا واللي زود المشاعر دي عندي انه مكانش متجوز ف الدنيا، دلوقتي انا نفسي بقيت مسدوده عن الرجاله كلها وامبارح كنت ف فرح وكل ماحد يقول عقبالك بتخنق وماكنتش طايقه الشباب اللي هناك وكنت حساهم تافهين وساخفين وهما يرقصوا ويهزوا شكلهم حرفياً مقرف، وقاعدة بفكر ف الشهيد اللي ضحه بروحه علشان وطنه اللي مخافش من حد ودخل ارض الجهاد هما دول اللي يتقال عنهم رجاله مسلمين،  المهم دلوقتي انا قاعده بفكر ان ادعي ربنا مايكتبلي جواز ف الدنيا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Durian_33353 🇪🇬

منذ 8 أشهر

شعور مكسور القلب

انا كنت في علاقة مع بنت استمرت ٤ سنين و بعدها هي سابتني بقالها سنتين .. في السنتين دول انا مش عارف اتخطى الموضوع ولا اشيلها من دماغي ولا اقنع نفسي انها مش ليا المشكلة هنا ان المشاعر السلبية بتتجمع عليا آخر كل يوم عشان انا عندي ازمة تعلق و دي بيزودها اكتر انها كانت الوحيدة اللي حبتني وانا بتكلم الكلا

Sugar_45108 🇪🇬 والله بجد انا مش عارفه اقولك ايه بس صدقني هي فتره و هتعدي ان شاء الله و هتلاقي بنت الحلال اللي هتعوضك عن اللي ضاع و انت اسعي كتير و صلي كتير و ادعي كتير صدقني والله هي فتره و هتعدي و حاول تجرب تروح لدكتور نفسي عشات تعرف تطلع من اللي انت فيه دا بدل الاكتئاب صدقني حاول مش هتندم

عرض الكل 4 نصيحة

Watermelon_69418 🇪🇬

عندي ملل وزهق... تعالوا نتكلم ونتناقش

عندي ملل وزهق معاكم لفترة صغيرة مسموح بالنقاشات والاستفسارات ف اي حاجه او اي كلام فضفضة ااااااااااااااااااااااا اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

0 الدعم

0 نصيحة

Coffee_73619 🇪🇬

ضيعت أحلى أيام حياتي في الشغل ونا مخنوق

انا بقيت مخنوق و مش طايق نفسي و داخل في حاله اكتئاب كنت فاكر ان الفلوس هتبسط الواحد و ضيعت وقت المراهقه كلو في الشغل من وانا عندي ١٣ سنه بشتغل مكنتش بخرج ولا بروح في مكان بسبب الشغل ربنا راضاني من أوسع أبوابه مع اني برضوا يعتبر لسه سني مش كبير بس حاسس اني ضيعت احلا ايام حياتي ...عرض المزيد

0 الدعم

0 نصيحة

Strawberry_66446 🇪🇬

الدنيا دي مش مكاني.. مش عارفة اعيش وسط الناس

انا حاسة ان الدنيا دي مش بتاعتي مش مكاني مش عارفة اعيش وسط الناس مش عارفة اتعامل واخد حقي بتعب اوي وبيتحط عليا اوي اوي مش دا الطبيعي .. انا فيا حاجة غلط .. انا مش عارفة اعيش انا مش في مكاني.. الدنيا دي مش مكاني طب لو الكلام اللي بقوله مظبوط .. ليه ربنا جابني هنا وليه سايبني هنا لغاية دلوقت!؟ .. عشان اتعذب وازعل يعني !؟ اكيد مش صح .. انا اللي فيا حاجاات غلط ومسؤوليتي اصلحها بس لانا عارفة ايه الغلط ولا عارفة اصلحه ازاي!؟ يارب برحمتك استغيث لا اله الا انت سبحانك اني كنت من الظالمين ...عرض المزيد

0 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع