update العلاقات قصص حقيقية - 1 تجارب، ونصائح، ودعم

Banana_39939 🇦🇪

منذ 9 أشهر

شعور شاعر بالملل

بمزاجك او غصب عنك بيتعمل update للناس اللي حواليك خصوصا اصحابك.. مفيش حاجة اسمها اصدقاء العمر ولا الكلام ده ..كل فترة الناس دي بتتفلتر.. ناس قريبين بيبعدوا وناس بعاد بيقربوا ..ناس مزيفين بيتكشفوا ..وناس انت مكنتش شايف جوهرهم بيظهروا ..ناس كانت تعرفك لظروف او فراغ ولما المياه رجعت لمجاريها مع غيرك

حاجه جواه أوضة ضلمه نفسي أقولها ومش عارف

سؤال مهم وتقريبا كل واحد فينا في حاجه جواه اوضه ضلمه كده مليانه كتير حاجه نفسك تقولها لشخص ومقدرتش تقولها ف وقتها أو مش قادر تقولها واعتراف نفسك تعمله ومش عارف وحاجه عملتها وندمت عليها ولو رجع بيك الزمن مستحيل تعملها ...عرض المزيد

1 الدعم

4 نصيحة

لسه جواه ذكرى.. ليه غدرتيني؟

"كان في ولد عادي زي أي حد في ثانوي، لا بيدور على حاجة ولا كان فاكر إن موضوع الحب ده ممكن يلمسه. بس فجأة لقى بنت دخلت حياته، حس إنها مختلفة، وحس لأول مرة إن في حد فعلاً فاهمه. هو كان في وقت كله ضغط ومذاكرة وتفكير في المستقبل، فوجودها خلى الدنيا أبسط وأسهل بالنسبة له. ابتدى يحلم معاها، يرسم في خياله إنهم هيكملوا سوا بعد الثانوية، وإن دي بداية قصة حقيقية. بس مع الوقت اتضح إن الصورة مش زي ما هو شايف.. بدأ يسمع كلام، وبعد شوية اكتشف بعينه إنها بتكلم ولاد تانيين، وإنها مش زي ما هو مصدق. الصدمة كانت تقيلة عليه، خصوصًا إنه كان صادق جدًا معاها. الموضوع كله انهار، وبعد فترة سمع إنها اتخطبت. ساعتها حس إن الدنيا قفلت، وإن كل حاجة حلوة راحت. عدت أيام صعبة جدًا، بس مع الوقت بدأ يفهم إن دي مش نهايته. ركز في نفسه، ذاكر، دخل الكلية، ابتدى يشتغل، وبقى يشوف قد إيه هو ممكن يبقى أحسن من اللي كان فاكر نفسه. دلوقتي في تانية كلية، ماشي في طريقه، وبيشتغل على نفسه بس رغم كل ده.. لسه جواه ذكرى. لسه أوقات بيسأل نفسه: ليه؟ ولحد دلوقتي، مهما بيحاول ينسى، الحكاية دي سايبة أثر جواه ...عرض المزيد

4 الدعم

2 نصيحة

بحس بالوحدة رغم الدوشة ومش بلاقي حد أحكيله

كتير بحس بالوحدة رغم اني يومي مليان دوشة بس بدور على حد في اخر اليوم احكيله مشاكلي واستشيره أو حتى بس يسمع انا بعمل ايه مش بلاقي كل الناس في حياتها مشغولة ومنكرش أن الحاجة لوجود طرف تاني في حياتي بتلح عليا اوقات كتير. بس مفيش حد مناسب بييجي اللي بييجي مش مناسب واللي ممكن يبقى مناسب بيقعد يفليرت من بعيد وخلاص ...عرض المزيد

5 الدعم

23 نصيحة