ghosting

Coconut_73870 🇪🇬

منذ أسبوعين

شعور عاطفي

بعد ما اتعملي ghosting وزادت الاسئله التافهه في دماغي اللي مكنتش عارفه بيها قدر نفسي من ليه حصل كده ؟ عملت ايه غلط؟ انا مش كفايه؟ و اكتئاب كان عمري وقف عند الموقف ده و كان ماثر عليا نفسيا و كمان بجد و overthinkingمكنش بينيمني كويس. اتشجعت و قررت يبقى فيه نهايه ل ghosting لاني لتاني مرة اتعرضله وللاس

Potato_72527 🇪🇬

منذ شهر واحد

شعور عاطفي

عبّر عن شعورك بشكل مجهول

عايزة ابدأ أjournaling عشان حاسة أن الموضوع لذيذ الحقيقة ، بطبعي كائن كتوم و مش بعرف اعبر غير عن طريق الكتابة 
بس ساعات بحس اللي هو لو حد شافه طيب هيبقى منظري ايه ف قررت هفضح نفسي عادي 🤗 (موضوع حكيته بتاع ٤ مرات مثلا)
يا جماعة الخير انا كنت بحب ولد و هو كان كداب و خاين و صاحب بنات عليا و في الاخر he ghosted me to be w his new gf اللي هي كانت بنت كان شاتمها عامة
حكيت الموضوع ده حرفيا للقريب و الغريب وسواقين التكاتك و الميكروباصات و قعدنا كلنا نحسبن عليه
but I don't really feel it's getting better 
مع اني حرفيا مسبتش حد ولا سبت كلمه في نفسي مقولتهاش 
بس لسه حاسه الموضوع مش مريحني ، أو أن لسه فيه تكمله مع اني مقتنعه ميه في الميه أنه مش هيكلمني ولا انا اكيد 
مكنش احسن شخص بالنسبالي خالص سواء شخصيه او اي حاجه كنت أنا بس اللي بشوف اي حاجه بيعملها لو كانت عادية كنت بترجمها أنها رومانسيه عشان بس اهدي دماغي
لكن لسه بصراحه مفتقداه مع أنه مسابليش حاجه افتقدها 
و لما احكي للناس بيبصولي بصه غريبه و اني قللت من نفسي و يمكن كلامهم صح بس بجد محدش فاهم how close we were and how he made me feel loved
يمكن لسه بحنله عشان he was my first everything 
بس فكره اني مش عارفه أنساه دي مخوفاني 
I'm afraid I will always yearn for him 
و اني بقارن اي حد بيه ومش عارفه ادي فرصه ل اي شخص عشان حاسه انها خيانه حرفيا
I guess I'll always write Abt him 
حرفيا هشتري نوتبوك مخصوص عشان اكتب عنه فيها 
الله يعين 😔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_72527 🇪🇬

منذ شهر واحد

شعور شاعر بالملل

ال boy problems حوارتها كترت لكن هنعمل ايه🙏🏻 في ولد عرفته و كان هو عارف بنت بعدي و ارتبطتوا لما أنا وهو سيبنا بعض ، و بعد كده كان دايما يسيبها و يرجع و يسببها و يرجع في الاخر خالص لما كنت أنا وهو رجعنا تاني نتكلم ، في يوم he ghosted me و شالني من كل حته ،لكن كان معاه الايميل بتاعي ودخل بعتلي بي

عبّر عن شعورك بشكل مجهول

ال boy problems حوارتها كترت لكن هنعمل ايه🙏🏻

في ولد عرفته و كان هو عارف بنت بعدي و ارتبطتوا لما أنا وهو سيبنا بعض ، و بعد كده كان دايما يسيبها و يرجع و يسببها و يرجع 
في الاخر خالص لما كنت أنا وهو رجعنا تاني نتكلم ، في يوم he ghosted me و شالني من كل حته ،لكن كان معاه الايميل بتاعي ودخل بعتلي بيقولي انا اسف لكن حصل حاجه مش هقدر اكلمك لفتره ، يعني مقالش مش هيكلمني خالص ، بيحب يحط احتياطاته😆
و عرفت أنه رجع للبنت دي ، وهي رجعتله ، اتعصبت و دخلت بعتلها سكرينات لما كان بيشتمها معايا ، وكان بيقول أنها replacement ليا ، وأنه صاحبها عشان شايفني فيها و الكلام ده 
المهم بعتهولها ،و الموضوع كبر و أنا وهو وهي اتكلمنا و طبعا هلفتناه
و الفكره هو دخل صاحبه في الموضوع ، وصاحبه غلط فيها بكلام مقرف ، و الولد ده ذات نفسه غلط فيها بردو و شتمها بشتايم قذره غير اللي كان قالها معايا عليها
المهم ، أنهم لسه مرتبطين ، مش عارفه هي ليه بصراحه بعد كل اللي شافته و سمعته عنه لسه مش مصدقه أنه وحش
من رايكم هي ليه لسه بتعمل كده، الموضوع مشتتني الحقيقه ، كان في دماغي أنها بتنتقم منه زي ما هي قالتلي بس حاسه ان الموضوع عبط منها لانها حاليا بتنزل عن أنها بتحبه وهما علاقتهم كويسه وهو الولد المحترم اللي ميقبلش كلمه عليها و الكلام ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_62070 🇪🇬

منذ شهرين

شعور مرتبك

كنت بكلم حد كنا مبسوطين جدا و كان فيه الحاجات الي بدور عليها و كان باين انه معجب اوي و كان صريح و فجاءة قلل تواصل الي هو soft ghostING متضيقة مش عارفة اتخطي الموضوع لانه لمس روحي انا اتعرفت علي كتير بس هو كان غير

Strawberry_76847 🇪🇬

ليه دايما بحس إني قليلة ومش مستحقة؟

أنا مش عارفة ليه دايمًا حاسة إني قليلة... بحس إني مش زي غيري، بحس إني مش بستحق حاجة حلوة. يمكن عشان في حاجة قديمة عملتها ومحدش عرفها غيري، بس أنا عمري ما نسيتها. كل مرة أحاول أفرح أو أفتخر بنفسي، الصوت اللي جوايا بيقولي: انتي نسيتي؟ نسيتي عملتي إيه؟ بصراحة بقيت دايمًا حاسة إني أقل من البنات اللي في سني، وهما بيتكلموا عن نفسهم بثقة كأنهم عمرهم ما غلطوا. اللي بيستفزني أكتر إن في منهم بيقعدوا يقولوا: "أنا المفروض كنت أبقى أحسن من كده" أو "أنا أستاهل أحسن بكتير"، وأنا أقعد ساعتها ساكتة مش عارفة ده الصح ولا الغلط. نفسي بس أهرب من الإحساس ده… نفسي أسكت صوت الذنب اللي مش سايبني أعيش ...عرض المزيد

5 الدعم

37 نصيحة

Apple_74635 🇪🇬

تعبانه ومخنوقه ومش عارفة أتكلم مع حد

صباح الخير عليكم جميعا انا صاحية مرهقة و تعبانة و مخنوقة او مش هقول صاحية لان عندي ارق و يادوب نمت ساعة ولا اتنين كل دا طبعا من كتر التفكير و الخنقة و الهم الي انا فيه مش قادرة احكي لحد خالص عن الي جوايا وفي تصرفات كتير غلط بحاول ابطلها بس مش عارفة بحاول على قد م اقدر اساعد نفسي بس اوقات مبينفعش و بحس نفسي بفقد الامل و فجأة بلاقي نفسي بدور على حاجات انا عنري مكنت متخيلة اني فيوم هعملها حتى اهلي مش قادرة احكيلهم مفيش حد يسمع مني و حتى لو هيسمعوا مني الي حصلي مش هينفع احكيه لحد و حاسة اني شايلة هم كبير اوي و عاوزة اطلع كل دا من جوايا بس مش قادرة ...عرض المزيد

5 الدعم

33 نصيحة

Pineapple_77988 🇪🇬

متجوزة من 14 سنة وحاسة إني عايشة مع جد

متجوزة بقالي ١٤ سنة مش عن حب ولا صالونات .. هو أكبر مني ب٧ سنين للأسف من اول اسبوع جواز وانا حسيت إن فرق السن كبير عكس ايام الخطوبة كان محسسني إنه الواد التت الفت بعد الجواز حسيت اني متحوزة راجل كبير انا مش مجنونة في تصرفاتي بس بحب الخروج السفر المغامرات فرفوشة بحب انكش ف اللي قاعد معايا ف الرايحة والجاية هو عكسي تماماً هادي ولما ااعملاي حاجة يحسسني اني مجنونة الحقيقة بطلت اعمل حاجات كتير كنت بعملها لمحتله كذا مرة نفسي اعمل حاجة جديدة هو روتيني فوق الوصف بيتوتي درجة أولى .. مطلبتش حاجة فوق المقدرة خالص بس خلاص تأقلمت بس بقاله ٤ سنين كده بقيت حاسة حرفياً اني عايشة مع واحد عنده ٧٠ سنة شايل الهم عالطول ودائما مكشر زعيق ف الولاد ليل نهار عارفة أن الضغوطات والمسؤوليات ع عيني وراسي بس مش عالطول مش طول الوقت مش بشوفه بيضحك لو ضحك تبقى الضحكة قالبة بايموشن قرفان تعبت اوي غير حاجات كتير مستحملاها وبتغاضى عنها لكن الحاجة دي مأثرة نفسياً عليا وع ولادي مابقوش يحبوا قعدته بس لو غاب شوية يفضلوا يسألوا عليه .. عايزة اتكلم ف حاجات كتير ومش عارفة اقول ايه ولا ايه بس دي اكتر حاجة تعباني ...عرض المزيد

5 الدعم

32 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع