وحيد

Jackfruit_58154 🇪🇬

منذ يوم واحد

شعور متعب

جماعه هو انا لو حبيت اتعرف علي بنت بتعملو ايه لا بجد انا وحيد معنديش اخوات رجاله اكبر مني ولا حتي ولاد عم اكبر انا اكبرحد في العيله ولسه 20 سنه ممكن تقولو صغير بس نص صحابي خطبو وانا بدور ع اللي احبها لسه انتو بتعرفو منين ولا الدخله ازاي

Banana_57704 🇪🇬

منذ يومين

شعور وحيد

Strawberry_58004 🇪🇬 طب ليه مترجعش لى مراتك علشان عيالكم

عرض الكل 8 نصيحة

عبّر عن شعورك بشكل مجهول

هكمل ال 36 سنة ف شهر 9 الجاى واكبر شئ مدايقنى انى لوحدى مطلق ومفيش عندى مجال اتعرف على واحدة جديدة وادخلها حياتى لأن شغلي كله رجالة والشلة والصحاب علاقتى بيهم اتقطعت ف الفترة اللى كنت متجوز فيها لانى بعد ما كنت كل يوم ف حتة وبسهر معاهم ونتفسح بقيت بستحرم اسيب مراتى وانزل اتسرمح فقطعت علاقتى بالشلة كلها بنات وشباب ستات ورجالة وبقيت بيتوتى بروح من شغلى اعد مع مراتى وعيالها اه مهى كانت مخلفة عيلين وانا اللى ربيتهم وبعدها ربنا كرمنى بعيلين منها ورا بعض اخدو اللى فاضل من وقتى وبعد ما طلقتها بقيت وحيد عندى شقتى أجرتها واعدت مع والدى ووالدتى عشان محسش بالوحدة وكمان عشان منقعش ف الغلط خصوصا لو عايش لوحدى اتحكمت ف نفسي والحمد لله عشان مغضبش ربنا بس حرفيا عدى عليا على نفس الحال 7 شهور حاسس انى متدمر عاطفيا محتاج لوجود واحدة ف حياتى سافرت محافظة تانية اشتغلت هناك لهيت نفسي شوية لكن اسبوع العيد دة خلانى نفسيا متدمر اكتر كل ما أنزل اتمشي شوية بشوف نظرات اعجاب ليا وساعات منى بس مفيش فرصة انى اتعرف عليهم بتكون لحظات معدودة وانا ماشي ف الشارع أو اعد ف مواصلة دخلت تطبيقات تعارف لقيتها كلها فيك مفيش حاجة حقيقية عاوز النصيحة من ناس ف سنى لان فى فرق كبير بين سنى وبين الاعمار الأصغر الموضوع بالنسبة للى ف سنى ك تعارف بيكون صعب لأن اغلب اللى ف سنى بيكونو خلاص سستمو حياتهم وعايشين مع شريك حياتهم نادر لو سنجل ولو سنجل بيكونو خايفين من القيل والقال مش زى سن ال20 اللى طبيعي يكون في مبادرات من الطرفين عشان يتعرفو بعد ال30 اغلب اللى بيكون ف دماغنا اه حلوة مبدئيا عاجبانى بس يا ترى متجوزة ولا مخطوبة اللى معاها دول صحباتها ولا اخواتها ولا يمكن خوات جوزها فيا ريت اللى فاهمنى يرد بالنصيحة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pistachio_53100 🇪🇬

منذ 4 أيام

شعور مستنزف

انا بقيت حاسس ومتاكد ان انا ماليش صحاب وكل اللى فى حياتى محرد فتره وهيمشو يسبونى زي اللى قبلهم والاوقات اللى بحتاج حد فيها حمبي مثلا نخرح وكدا مش بلاقى حد ومحدش من اللى بيقول ان صاحبى بيسال عليا انا خايف اموت وانا محدش فاكرنى وبقيت فاقد الشغف يعنى العيد ده مثلا الناس بتخرح وبتعمل مع صحابها انا برا ا

Chocolate_56221 🇪🇬

منذ 6 أيام

شعور مكتئب

عبّر عن شعورك بشكل مجهول

انا بحب حد من سنين كتيرة وهو كمان بحبني كويسين ف كل حاجه ما عدا نقطة مين يبدا بالصلح انا باخدها ككرامة وفعلاً بحس ان الراجل لزم هو الي يبدأ حتي لو بكلام بسيط يفتح بس كلام وهو يقلي يعني انتي عندك كرامة وانا لا ،المهم اخر مره كنا تمام كلمته فون كان في كفايه انا بكره تواجده في بسبب ان المكان دايما في بنات وكدا لكن مش قصدي انه بيكلم حد منهم بس غصب عني بدايق ف بقوله ف الفون يبني انت غاوي تعصبني بتروح عندك لي وانت عارف اني بكره المكان ده قالي لما اروح اقولك سهر سهرته وروح كلمني لقي صوتي مدايق كلمتين وقالي هنام قلته تمام سبته طول اليوم مكلمنيش رن اخر اليوم سال فيني مش باينه قولته عملت كذا قالي بردو مكلمتنيش لي فضلت اقول اصل عملت كذا روحت كذا بردو سال مكلمتوش لي قولته عادي اديق طبعا وتاني يوم سابني هو طول اليوم ولما سألته فينه قالي عادي ردهالي حرق دمي يعني المهم من بعدها قطعنا لاهو يكلم بعدها بدا ينزل استوري علي انه خلاص عمل كل الي عليه ف العلاقه دي وانتبه لنفسك وادعوا الله ان تكون بخير وكدا انا عارفه ان ده اسلوبه كل خناقه ينزل استوري بنكنشني عشان ارد ويبقي خلص الموقف وانا نفسي لما يحصل حاجه يجي هو ويتكلم بعدها بدأ ينزل صور وخروج والي هو مش فارق معاه يعني بردو مردتش لحد ما لقيته منزل ندعيله عشان مسافر كشف الجيش رنيت علي طول كان موبيله مقفول ف بعت سالته ع الوتس المهم قالي اه والحمدلله اعفا بس رد كان تقيل بطريقه وانا كنت عماله اقول مبروك والحمدلله وفرحانه اوي وقال هيسافر الاتنين الجاي عشان الشهاده كلمته فون بقا يوم الاثنين رد قالي كنت مطبق ف الشغل ومش قادر هنام وابقي اروح اي يوم بعدها نزل استوي احساس صعب لما تبقي فاتح صوره حد وحشك وتلاقي رن عليك ورجعت رنيت الاثنين الي بعده الي مفروض هيروح يجيب الشهاده مردش عليا قولت يمكن نايم بس بعد كأم ساعه فتح ونزل استوري ومرنش عليا او يمكن رن كان فوني اتقفل دقايق كدا بس مجاش منه رساله ولا حاجه ومقضينها بقا نشوف استوري بعض نزل اول يوم العيد ان العيد السنادي اول عيد هيعدي عليا وانا حاسس اني مش موجود وفاقد الشغف ف كل حاجه لا مهتم هلبس اي ولا هروح فين،ساعات بحس ان المفروض انزل حاجه زي ما بينزل بس مبعملش كدا ،بس
 الصراحة هو كمان الدنيا من غيرة تقيلة اوي او  اوي نفسي نرجع بس تيجي منه عشان احس اني لسه مرغوب فيا .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Jackfruit_55819 🇪🇬

منذ 6 أيام

شعور مرهق

استكمالا للمشكلة اللى فاتت حاليا ٢٦ سنة اهو معنديش صحاب ولا معارف ولا اى حد اى شخص بيخش حياتى بيبقى ع قد الفترة اللى احنا فيها يعنى مثلا دراسة اول ماخلص مدراسة ببعد عنه مع حالى كدة معرفش سبب دا اى بس ماليش خلق اتكلم مع حد ولا اعرف حد بجد حتى ف العيد اهو نازل لا عارف رايح فين ولا نازل اعمل اى بجد د

Coffee_55645 🇪🇬 ف يوم هتلاقي اليحبك بجد والنفسه يصاحبك والعايزك تكون معاه بس حب نفسك اولا واهتم بنفسك وخالي ف ثقه ف نفسك وفي ربنا اجتهد ف حياتك وابني مستقبلك وربنا هيرزقك اليحبك بس لو محبتش نفسك محدش هيحبك

عرض الكل 6 نصيحة