وحشة بعد البعد

Lemon_15099 🇪🇬

منذ سنة واحدة

شعور Bad 😞

عبّر عن شعورك بشكل مجهول

انا اتعرفت عليه من سنه بظبط من ع جروب الدفعه تمام كنا بنتكلم كا اصحاب عادي من غير ماشوفه ولا هو يشوفني قعدنا حوالي شهرين وهو قالي انه بيحبني وعايزيني وكده بس قالي انه مش جاهز دلوقتي وانا قولتله اني مش موافقه وكده بس كنا برضو مازلنا بنتكلم بعدين شوفت صورته بصراحه مش هضحك عليكو شكله مكنتش متقبلاه اوي بس انا كان عجبني اهتمامه وكلامه معايا بس كنت بحس بذنب اني حاسه اني مش بحبه وهو فاكر اني بحبه انا عمري مقولتلها ليه بس هو كان يقولي انا حاسس انك بتحبيني انا الصراحه كنت بعمل معاه مواقف جدعه كتير وكنت بقف جمبه يعني ال يعرف ال انا كنت بعمله يقول البت بتموت فيه وهو برضو كان بيقف جمبي وكويس وحنين معايا مكنش بيهون عليه زعلي نهائي وكان دايما يقولي انا مش هسيبك تنامي زعلانه بس هو لاسف مكنتش شايفه انه بيعمل اي حاجه عشان يتقدم واكتر من خمس مرات نبعد وهو ال يرجع يكلمني تاني وحصل مشاكل مع امي لما عرفت الموضوع وحصل حورات كتير واخر مشكله كانت كبيره وهو كان المفروض يعمل فعل معين ولاسف معملوهش وسيبنا بعض فتره وبعدين دخلي كلمني واتعاتبنا وبرضو لانه بيصعب عليا اكسر بخاطره كنت برجع تاني وبعدين انا سيبته من حوالي شهر لانه مش شايفه اي خطوه اخدها وبعدين من اسبوعين تقريبا دخل كلمني وقالي انه هيبدا مشروع جديد وانه فكر ف كلامي وعرف انه غلطان واني استحملت حاجات كتيره وهو معملش معايا اي حاجه غير بس كلام اتقال وقالي انه هيحوش من مرتبه وظبط معايا المرتب هيصرف اي وهيحوش اي وقالي انا هتغير علشانك بس انا مكنتش مرتاحه زي ماقولتلك عشان حاسه اني بحبه بس مش متقبله شكله كليا هو شكله مش وحش بس ال هو مش هو دا ال انا عايزاه فاهمه قصدي وبعدين بقي انا فكرت اسيبه عشانحسيت اني بظلمه وفعلا سيبته  ووجع قلبي وقعدت اعيط اوي من كلامه بس انا فهمته اني هظلمه معايا المشكله دلوقتي اني حاسه انه وحشني اوى ووحشني كلامي معاه وحاسه اني غلطت لما بعدت 😢💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_12845 🇪🇬

منذ سنة واحدة

شعور Not great 😕

انا اللي سايباه بمزاجي..بعد م فاض بيا وحسيت ان فعلا العلاقه مرهقه جيت ع نفسي وبعدت ومزعلتش ساعتها ولا عيطت ولا كنت حاسه باي حاجه..بس كل فتره برجع لنقطه الصفر واحس انه واحشني بس بجد انا خلاص بقيت كرهاه ومش عايزه ارجع وهو اصلا حاول يرجعلي كذا مره وانا برفض بس لسه ف دماغي وبفكر فيه كتير وعايزه حل علشان

Marshmallow_73957 🇪🇬

ليه بقت شخصيتي انعزالية وبحب الهدوء؟

الاول كنت شخصيه اجتماعيه فرفوشه بحب الإختلاط بالناس وبحب اتكلم كتيييييير مع أيوحد ولكن من فتره طويله وانا بقيت بفكر كتير في الانعزال.. بحب الهدوء .. بحب اقعد لواحدي .. بحب الليل ... كلامي بقا قليل مع الناس اللي بحبها ..يمكن واحده تانيه غير بتاعة زمان .. ف أي ممكن يغير الشخص دا للشخص دا بالسرعه دي ؟ ...عرض المزيد

0 الدعم

13 نصيحة

Lemon_73243 🇪🇬

رفضت اخد بنت اخويا الرضيعة واتقمصوا مني!

النهارده حنة بنت ابن عمتى.. واخويا ومراته عايزين يروحوا وياخدوا امى معاهم وعايزين يسيبوا معايا البنت بنتهم عندها 4 شهور معايا لحد ما يرجعوا... حقيقى اتعصبت هو انا البيبي سيتر بتاع الست هانم ما تاخد بنتها معاها ف الحنه او متروحش وتقعد تشيل بنتها 😒 هى يعنى لازم تروح حنة بنت ابن عمة جوزها مثلا ؟! انا رفضت وطبعا اتقمصوا يكش يولوعوا بجاز وسخ ________________________________________________________________________________________________________________________________________________________________________________________________________________________________________________________________________________________________________________________________________________ ...عرض المزيد

1 الدعم

8 نصيحة

Pineapple_60236 🇪🇬

الأمان هو السر ورا كل حاجة بنعملها

الأمان هو السر ورا كل حاجة بنعملها لو ما حسيناش بالأمان مش هنعرف ناكل ولا نشرب ولا ننام لو ما حسيناش بالأمان مش هنعرف نضحك ولا نحكي ولا نسمع الأمان دايما حاجة لونها أبيض بتخلينا نشوف بوضوح من غير ما نخاف من حكم حد ولا من نظرته لينا الأمان بيخلينا نعرف نفكر كويس نعرف نعبر كويس عن كل حاجة عن رغباتنا واحتياجاتنا عن أحلامنا وطموحاتنا حتى عن رفضنا الإحساس بالأمان مش رفاهية ممكن تبقى عند حد وحد تاني لا.. الإحساس بالأمان حق مشروع لكل كائن حي.. بقول كائن حي مش بس إنسان احنا مش أسياد الأرض ولا حاجة احنا زي كل حاجة موجودة ومتناغمة وعايشة في سلام لو ع القوة فالجبل أقوى مننا لو ع الذكاء فالناموسة والنملة أذكى مننا لو على أي حاجة مميزة فينا فهتلاقي حاجات كتير بتشاركنا الميزة دي وتغلبنا كمان.. بس الإحساس بالأمان دا هو أكتر حاجة بنحتاجها عشان نعرف نتحرك ونعرف نعيش.. الضعف كمان جزء مننا وجزء من كل حاجة في الدنيا.. الحيوانات بتعلمنا الحكاية دي تشوف ازاي بيتعاملوا مع الضعيف تنبهر الحقيقة.. بيحضنوه ويستوعبوه، مش بيعايروه ولا بينبذوه الحيوانات فاهمة إن الضعيف دا مش ذنبه إنه ضعيف وفاهمة إن ضعفه دا مش مبرر عشان نسحب منه الأمان.. اللي عنده أمان عنده قوة اللي عنده أمان عنده بصيرة اللي عنده امان عارف الحقيقة اللي عنده أمان ربنا بيحبه والناس بيحبوه.. انا شخصيا قررت إني هبدأ بنفسي من النهاردا هوزع الأمان على كل حاجة، هحاول أحب نفسي أكتر وأحس بالأمان اكتر.. هقبل عيوبي وعيوب الناس.. هقبل ضعفي وضعق الناس.. مش هحكم على حد بحاجة ولا هبص لحد بعين انتقاص مهما كان موقفه ومهما كان هو بيعمل ايه معايا، مش ذنب حد أي حاجة.. هوزع الأمان هسمع الناس هحضنهم هحس بيهم هحبهم.. ...عرض المزيد

1 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع