وجع الهجر

Blueberry_78218 🇪🇬

منذ 5 أيام

شعور مكسور القلب

Apple_70037 🇪🇬 ربنا يهونك عليكي وحاولي تتعافي وتقومي .. الحياه مبتقفش .. حاولي تخرجي نفسك من الحاله ديه وتسعدي نفسك لان ليها عليكي حق

عرض الكل 5 نصيحة

عبّر عن شعورك بشكل مجهول

انا اتسابت ب اسوأ الطرق ، مش خيانة ولا جوستينج ولا الكلام الاهبل ده، انا اتسابت عمياني اللي هو زي اما تكون بتسحب دوا من جسمك من غير ماتاخد بالك، قعد يطلع فيا عيب والتاني و يلف حوالين مشكلة ما عشان اتغير عشانه وياعالم لو كنت اتغيرت كان هيفضل ولا لا، كنت مصممة اني صح وهو مصمم اني غلط ودافعه هو الحب، لما "فاض بيه" و زهق من الخناق بعد شهور قرر انه يستغنى عن العلاقة وقالي انه تعب ومابقاش قادر في حين ان انا اللي اتظلمت واتاخدت على خوانة، مهانش عليه يفكر فينا يفكر فكل حاجة كنت بعملها وكل حاجة استحملتها عشانه عشان مشكلة تافهة ، طلعني قدام كل اهله وصحابه ان ياعيني هو مقطوع جناحاته وانا شخص عنيد مفيش فيا فايدة، طب ليه؟ ليه دا انا حبيتك و اتنازلت عن مليون حاجة وعن كل حاجة استحقها بس عشان ابقى بشوفك ولا اقابلك ولا نفضل نكمل لحد ماتوصل للي عايزه وتديني وقتها اللي استحقه، لا طلبت حاجة ولا كنت طماعة زي البنات التانية استحملت واستحملت وفالاخر تسيبني؟ يتقالي نفضل صحاب وفضلت على امل شوية منك احسن من عدمه لحد ما اتهزمت وخدت الخطوة ومشيت وقطعت الكلام، محاولتش تتكلم؟ بتقول انك اتأذيت مني انا؟؟؟ طب ازاي والله انا هتجن وكل يوم بفكر فيك وبتصعب عليا نفسي و كل حاجة بحس اني كنت عايشة ف كدبة يعني ايه ده كان حقيقة ولا كل ده اي كلام طب انت حبيتني ولا انت معمول من ايه وليه لسة متعلقة بيك ونفسي تحس بكل وجع انت مسببهولي دلوقتي بس انت وحشتني اوي انا تعبت من غيرك و بيك ومش عارفة اعمل ايه..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_77936 🇸🇦

منذ 5 أيام

شعور مرهق

عبّر عن شعورك بشكل مجهول

انا بكتب هنا الكلام اللي بكون عاوزة اقوله ليه او لنفسي.. بدل مااروح اهين نفسي واذلها اكتر..
اول مقابلة بينا كانت صدفه ومقابلة شغل كان باين ف عيونه الاعجاب بيا اوي. من نظرته ليا حسيت ان محدش غيري عالارض.. كلمني غازلني قال انه مشافش اجمل مني.. انا فعلا ع قدر عالي جدا من الجمال مش مستنياه يقول ولكن هو زود غروري بنفسي.. قالي انه حبني من اول نظرة. اقتحم حياتي اداني حب ومشاعر مكنتش اتخيل انهم موجودين.. قال انه معرفش الحب غير ع ايدي.. عمرى مشكيت لحظة واحدة انه بيكدب.. مكنش عايز مني حاجة ولا مقابل حبه.. كان مشتت بين انه يكمل ولا يمشي.. مشوفتش حنية زي اللي كانت عنده.. كان بيعيط قدامي وامسحله دموعه واقوله اني مش همشي.. طب ليه هو مشي دلوقتي؟ ليه قالي انه عايز يسيبني ومش عاوزني اراجعه ف قراره ؟ ليه سابني من غير مايجاوب ع اسألتي؟ ليه سابني اتحايل عليه واعيط وابوس رجليه عشان ميمشيش؟ ليه يوجعني وهو منزل صورته مع حد غيري؟ ليه انا اترفضت؟ هو مكنش يحلم انه يكلمني.. لما لقاني سهلة واتكفيت ع وشي وحبيته يسيبني ؟ طب احساسي باني بقيت من غير دم ولا كرامة؟ خوفي اني اقابله ف اي مكان يشوفني بصورة تانيه واني مش زي اول مرة شافني فيها؟ هيرجع؟ ولو رجع انا هكمل ولا هرفضه؟
شاف وجعي ومرضي وعياطي وكمل برجليه مشي عليهم.. انا ليه منهارة؟ ليه جاب مناخيري الأرض وكسرني؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_78547 🇪🇬

عندي مشاكل في النوم وكل حياتي فيها تيه

انا اواجه مشاكل في النوم واحس انني ادخل في حاله نفسه سيئه واعاني من بعض مشاكل في الهضم انا متزوجه واحس انني مهمله من زوجي الذي ابتدا يبعد عني واصبح طريقته لا تريحني في الكلام او التواصل دائم السخريه من الاخرين ويدعي انهم هم السيئين وانتقادات طوال الوقت معي ويدعي اني عايشه في ملكوت لوحدي وانا فعلا اثر عليا هذا الكلام وانسحابه من حياتي حتي اصبحت مهمله فعلا في بيتي واولادي واحس ان المسئوليات كثيره جدا لا اعرف ابدا من اين واتوه في يومي طوال الوقت واريد ان انتظم في حياتي وروحي تهدا دائما احساس التيه عندي يارب اريد فقط ان اعيش حياه بلا تيه الي هذا الحظ ...عرض المزيد

1 الدعم

31 نصيحة

Cheese_47886 🇪🇬

لحد امتي هفضل مطفيه؟ ليه مش عارفه؟!!!

هفضل لحد امتي كدا شايفه اللى في سني ماشيين فى الحياه بكل. شغف و حريه و بيعيشو كل لحظه فيها و انا مطفيه. لحد امتي هفضل مطفيه؟ طيب امتي الحياه هتنصفني مره. حته! الوضع بقي ممل و زهق اوي نفسي اعيش حياته المشكله فيا انا حاسه بفقدان امل مش طبيعيي!!! ليه. مش عارفه؟!!! ...عرض المزيد

9 الدعم

29 نصيحة

Croissant_79326 🇪🇬

مخطوبة لابن خالتي غصب عني ومش عاوزة اتجوزه

مخطوبة لابن خالتي غصب عني بقالي ٩ شهور بحاول اطفشه ومعرفتش قولتله مرتين بشكل مباشر اني مش عاوزة أكمل بس كل مرة بيفضل يدخل الاهل فالموضوع وبيضغطوا عليا أنا مش عاوزة اتجوزه انا قرفانة منه ومش بحبه فكرة انه مممن يقرب مني أساساً بتخليني قرفانة خصوصا اني كنت اصلا بحب واحد وجه اتقدم واهلي كانوا موافقين عليه، فماما بتحكي لخالتو ان جالي عريس قام ابنها متقدم طبعا فضلوا ابن خالتي عليه انا فكرت كتير أأذي نفسي انا مش كويسة ...عرض المزيد

1 الدعم

29 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع