وجع الانفصال

Peanut_59950 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

مكنتش بفكر في الارتباط في أي وقت ولما كانت بتيجي سيرة الجواز كنت بحس أن اللي هو لا جواز ايه وبتاع ايه لا لا مش عايز اصل انا حتي اللي حوشته ميخلنيش اعرف اتجوز واعمل الحاجات اللي نفسي فيها 
لغاية ما دخلت واحده حياتي ومكنتش اي وحده أجبرت قلبي أنه يحبها مع اني كنت خايف كنت متردد كنت بقول لنفسي لا مينفعش مش هنحبها بس غرقت في حبها بموت فيها حرفيا .. ابتدينا نتكلم ونشارك بعض اهتمامات كتيره اوي جوانا وانا في الاول مكنتش قادر احبها بنسبة 100 % هي تتحب وكل حاجه بس انا مكنتش مستعد .. بس لقتني بحبها وبدلق وحبتها اوي اوي ظهرت عملت حاجات جديده في حياتي وخليت في طعم جديد في حياتي مدوقتهوش قبل كده حبينا بعض ووصلنا لمرحلة اني قولتلها بحبك ايوه دي كانت مرحلة بالنسبالي متقدمه لاني مقولتهلهاش الا في يوم معين وفي مكان معين وفي ظروف معينه وروحت اتقدمتلها بعديها علي طول وابتدينا نستعد عشان الارتباط الرسمي لغاية ما اتقدمتلها بأهلي بشكل رسمي واتخطبنا وكنا مبسوطين اوي اوي أننا عملناها واتخطبنا لأن كان في تحديات كتير اوي كانت بتوقعنا في النص بس وصلنا للي كان صعب اوي بالنسبالنا وانجزت حاجات كتير بسبب حبي ليها واتخطبنا وقعدنا مع بعض فترة قصيرة في نطاق الخطوبة لكن قبل الخطوبة قعدنا اكتر من سنه مع بعض لكن جت بعد فتره قصيرة قررت انها تبوظ كل حاجه ولا انا مش بحبك انا اكتشفت انك مش مناسب وسمعت كلام وحش اوي اوي مع اني يعلم ربنا حاولت اعمل حاجات كتير اوي اوي عشانها انا لغاية دلؤقتي دموعي بتنزل عليها وقلبي بيوجعني عليها رغم أنها كسرتني بشكل بشع بس انا مش قادر اتخطاها واهو قربنا ندخل علي سنه منفصلين وهي نسيتني بس انا مش قادر ومش عارف بفتح صورنا لغاية دلوقتي والشات بتاعنا وكمان بفتكر رحيتها اللي لما كنت بشمها كان قلبي بيطمن كان ليها ريحه مميزه قلبي مبقاش مطمن بقيت مدمر نفسيا مفيش حد بقي حواليا طول الوقت بقيت في الشغل محدش مهتم انا موجود ولا لا حتي اللي المفروض يتقال عليهم صحابي مش لاقيهم غير بشكل ظاهري ماشي كل واحد فيه اللي مكفيه بس محدش بص لكسرتي ولا لتعبي انا كنت منهار وبعيط كل لحظة ومش باكل ووزني نزل اوي ولما باجي انام بعيط بحرقه اوي اوي ببقي عايز اصوت واكسر كل حاجه حواليا وهي مش حاسه بكل ده باعتني بدل المره كذا مره طب انا استاهل كل ده هو انا وحش للدرجة دي انا مش عارف انا عملت ايه لكل ده بجد انا كنت محتاجها في حياتي انا مبقاش ليا حد اتكلم معاه بقيت بكلم نفسي مش عارف حتي ادخل مصحه نفسيه عشان اتعالج انا تعبان اوي ومحدش عارف يفهمني ولا يحس بيا جوايا اتنين بيحاربو بعض طول الوقت بين أننا لازم ننسنا وبين اللي مش قادر ينسا ولا عايز ينسا انا كرهت نفسي بجد خلتني بدعي علي نفسي عشان مش قادر حتي أن*ت*حر مش قادر اعيش بشكل طبيعي أثرت عليا في كل حاجه بقيت تعبان وحزين انا اسف اني قولت كل ده بس حقيقي انا لسه جوايا مشاعر احباط وخزلان اكتر بكتير من كل اللي كتبته

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Hazelnut_52786 🇪🇬

منذ شهر واحد

شعور مستنزف

أنا كنت بحب واحدة بجد، حب من القلب، من النوع اللي بتحس فيه إنك أخيرًا لقيت الأمان، لقيت حضن ترتاح فيه من تعب الدنيا. عرفتها من أيام الجامعة، وكانت كل حاجة بالنسبة لي: ضحكتها كانت بتطمنّي، كلامها كان بيهديني، وجودها لوحده كان بيكفّي علشان أحس إني مش لوحدي. عدينا بكتير سوا… تعب، فرح، خوف، لحظات ضعف.

عبّر عن شعورك بشكل مجهول

عدينا بكتير سوا… تعب، فرح، خوف، لحظات ضعف. بس دايمًا كنا بنكمل. كنت بحس إن إحنا اتخلقنا لبعض، وإن حتى لو الدنيا وقفت ضدنا، إحنا هنكمل. كنت دايمًا شايفها “بيتي”، مش مجرد حبيبة.

لكن فجأة… كل حاجة وقفت. بدأت تبعد، تبرد، تسكت لما أتكلم، وتضحك ضحكة مفيهاش روح. كنت بحاول أفهم، بس كل مرة كنت بلاقي الصمت هو اللي بيرد. لحد ما في يوم، قالتلي بمنتهى الهدوء: “أنا محتاجة أمشي… مش عارفة أكمل”.
من غير سبب، من
 غير خناقة، من غير كلمة توضحلي إيه اللي حصل.

فضلت واقف مكان ما سابتني… مش فاهم. سألت نفسي ألف مرة: “هو أنا غلطت في إيه؟”، “طب كنت أقدر أغير إيه؟”، “هي فعلاً بطلت تحبني؟”، بس مفيش إجابة كانت بتريحني. كل اللي كان بيوجعني إن في لحظة، اللي كنت شايفها كل حياتي، قررت تمشي وكأن مفيش بينا تاريخ، وكأن السنين دي كلها كانت مجرد صفحة وتقفلت.

وجع الانفصال ده مش بس علشان فقدت حد بحبه، ده علشان اتحطيت قدام حاجة أكبر مني: إنك تكون مخلص، وتدي كل مشاعرك، وفي الآخر تتساب… من غير ليه.

الناس قالتلي “هي مش قد حبك”، “الدنيا لسه فيها اللي يستاهلك”، بس الحقيقة؟ مفيش كلام بيواسيك لما قلبك يكون اتكسر فجأة، وسايبك تعافر مع ذكريات بتقتل فيك كل يوم.
والمشكلة الأكبر؟ إنك بتحاول تنسى، بس كل تفصيلة صغيرة… ريحة عطر، أغنية معينة، مكان… بيرجعك لنفس النقطة، لنفس الوجع.

والنهاردة، بعد شهور وبعد سنين  من بعدها، لسه مش قادر أنسى، ولسه مش لاقي سبب يخليني أكرهها… وده أكتر إحساس بيكسرك، إنك بتحب حد لسه سايبك… ومفيش حل.
المشكله الأكبر 
اني مش عارف أتعلق بواحده تاني 
زيها 
كل حرف 
كل ضحكه 
كل لمسه 
بتفكرني بيها 
حتي خروجات لما بخرج مع حد تاني او واحده بنت للاسف مش فاهم ببقي تايهه 
😞😞😞😞😞😞😞😞😞😞😞😞😞

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_27808 🇪🇬

منذ 7 أشهر

شعور عاطفي

موضوع:

ازاي عرفتو انه الانفصال هو الحل (جواز)

لما اكتشفت أن وجودي زي عدمه لازم ابعد لما اكتشفت اني بزق ف حيطه وهو مش حاسس بيا لما حسيت أنه مش بيحبني ولا بيحترمني لما لقيت اني منفصله عنه من زمان حتي وانا معاه لازم لازم انفصل 🥺 للاسف استنفزني

Coffee_30379 🇪🇬 لو حسيتي أن وهو باصص ف عينك مش فاهمك و مش معاكي فلو اتسنتي... يبقي بتاكدي انك ملكيش قيمه .. بدون زعل انا بنصحك ابعدي من قبل ميبص ف عينك

عرض الكل 4 نصيحة

Biscuit_30286 🇪🇬

منذ 7 أشهر

شعور ضائع

كنت مرتبطة بولد لمدة سنتين و دلوقتي احنا سايبين بعض بقالنا سنتين بس بشوفوا من فترة للتانية بحكم أننا جيران و بنتكلم كتير على الواتس و دلوقتي بيحكيلي عن بنت معجب بيها حسيت إني اتكسرت لأني لسه منستهوش مع العلم ان هو اللي سابني و قالي سبب الانفصال انه زهق أنا موجوعة منه و مش حاسة بمشاعر حب خالص بس حاسة

Nutella_30301 🇪🇬 حاولي تبعدي عن انك تشوفيه حتي لو صدفه منبصيش عليه متسمعيش اغاني حزينه اقفلي الكلام معاه خالص لو مش هتقدري علقيه وحطيه ارشيف حاولي تشغلي نفسك مذاكره او كورسات واقعدي مع اهلك واخرجي مع صحابك وانتي هتنسي تفكري فيه ف وسط يومك

عرض الكل 5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع