وجع اختفاء

Donut_74330 🇪🇬

منذ يوم واحد

شعور محبط

هي مش مشكلة علي قد ما اني بفضفض، اتعرفت علي بنت في شهر ٩ اللي فات عن طريق صديقة مقربة ليا ، وقتها كنت عرفت عن حياتها أن والدها متوفي بقاله سنتين و دخل البيت عندهم محدود جدا ، و اعمامها بقالهم سنتين بيحاولوا ياخدوا بيتها علي اسم الورث لأنها بنت وحيدة ووالدتها في المستشفي بسبب عدم اهتمامها بصحتها. ال

عبّر عن شعورك بشكل مجهول

المهم، اتعرفت علي البنت دي و لقيتها طيبة جدا ، حبيت فكرة اني اقف جنبها و احتويها ، انا في حياتي ناجح جدا الحمد لله و محبوب من ناس كتير ، أول الفترة عرفت أن شغلها كان ستريم علي Twitch، حاولت اعرض عليها مساعدة اني اجبلها جهاز جديد تشتغل عليه، وقتها كان كل تفكيري اني اقف جنبها و احسسها أن الدنيا لسة بخير .

رفضت برغم اني عارف ان ممكن اي حد تاني يوافق لو في ضيقة زيها و مصدر دخلها كله جاي من شغل الاستريم دة، بتحكي فيه حواديت ظريفة :)

المهم مع الوقت فضلت اقف جنبها ، في مزاكرتها ، في شغفها ، و في حياتها عامة ، و مع الوقت لقيت نفسي بحبها جدا، اتعودت خلاص وقتها عليها في يومي اللي كان ممل ، بقينا بنبعت لبعض كل يوم قهوة و مخبوزات و نشوف أفلام سوا بليل و نشجع بعض و نعيط سوا حتي.

عدي فترة و كان فترة عصيبة عليها و عليا ، للأسف من اللي حولينا بالاخص ، صحابي بتوع زمان اذوني ، و هي اتأذت من قرايبها ، مع الوقت حسيت أن في حاجة غلط، انا وقتها كنت الحمد لله مش حارمها من اي حاجة، واقف جنبها خطوة بخطوة ، و حرفيا مسلم نفسي.

لقيتها بتقوللي اني لو هسافر برة بحكم شغلي و كدا ، يبقي مش هنعرف نكمل سوا ، قلتلها خلاص اكنسل شغلي بتاع برة عادي ، و فعلا عملت كدا، و بعدها طلبت مني اني اتقدملها ، المهم انا بكل بساطة وافقت بدون تفكير حتي ، اخيرا هتكون من نصيبي ؟ لقيتها في الاخر بتقوللي مامتها مش موافقة لغاية ما هي تخلص دراسة ، قلت عادي مفيش مشكلة.

و اذ فجأة مع الوقت ، لقيت البنت معاملتها معايا اختلفت تماما ، لسة بقف جمبها و كل حاجة ، حتي في آخر لحظة كنت دفعت فلوس كتير علي كل حاجة علشان اساعدها ، و مش هقول أنها استعملتني بتاتا لأنه كله كان اجتهاد شخصي مني من بعيد لبعيد من غير ما هي تعرف .

بس لقيتها بتقوللي أنها استخارت ربنا و مش حاسة براحة من ناحيتي و عايزة تبعد... كنت فاكرها بتهزر في الاول لأني حرفيا معملتش اي حاجة وحشة ليها نهائي ، بالعكس أنا حاولت اعوض عليها حنان الاب و الاخ قبل ما اكون حد بيحبها..

و في اخر ٣ شهور حاولت افهم ايه اللي حصل و ملقتش اجابات...بكل بساطة باعتني علشان استخارت ربنا و حست بعدم راحة؟.. هو الكلام دة بجد ؟ في ناس ممكن تعمل كدا في حد كل اللي كان بيعمله انه يقف جمبك و يشجعك و يسندك في كل مشكلة ؟..

اخر جملة قالتهالي انا مش مستوعبها لغاية دلوقتي .
"انت نعمة انا مستاهلهاش و مقدرش علي مسؤوليتها ، انا اتعودت علي شوشرة الحياة و متقبلة النهاية لأني عارفاها ، لكن مش عايزة اضغط نفسي و خايفة اظلمك في اني محبكش بنفس الكمية اللي بتحبني بيها ..."

حاولت بكل الطرق الاقي اجابات ، بس كله كان مسدود.

انا مش مستوعب لحد دلوقتي كم الطاقة اللي حطيتها علشان أخلي حد كان عايش كاره لحياته يبقي فرحان شوية ، و في الاخر رجعت لنقطة الصفر.

حاليا انا كل اللي بعمله بصلي و بروح الچيم و بخرج خروجات كتير علشان اشغل بالي..بس شغلي انا موقفه من شهر ٥ من ساعة ما الموضوع حصل..الحمد لله اني كنت مستريح في حياتي ماديا و بعرف اتصرف و ارجع زي الاول بس و الله الموضوع صعب لما يكون الواحد منطفي.

انا مختصر اللي حصل لأن الموضوع اكبر بكتير من كدا...و التضحيات و الألم اللي انا وقتها كنت حاسس بيه مكنش يتوصف.
انا المشكلة كان نفسي تديني سبب مقنع علشان ابعد عنها من غير ما انجرح و احس اني قصرت مثلا فيها أو حاجة، لكن موضوع أن حد في يوم و ليلة يقرر يختفي تماما عن حياتك و يعملك بلوك في كل حتة من غير سبب...اي حد يعمل كدا الصراحة شخص غير ناضج بتاتا...
بالرغم اني شاكك أنها عندها مرض نفسي ، بس اللي هقوله أن قلوب الناس مش لعبة يا بشر :")

ربنا يصبرني و يرزقني الخير و ارجع زي الاول انشاء الله ..
يتعافي المرء بأخيه، و الحمد لله   .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_53671 🇪🇬

منذ 3 أشهر

شعور ضائع

موضوع:

هل في يوم اتعلقت بحد؟

مش عارفه اذا كان تعلق ولا حب بس اعتقد تعلق هو حد جه ف وقت كنت فيه لوخدي كان ف البدايه سبورت اوي ليا وبعدها بدات اتعلق بيه وكنت انا بديله ع طول اهتمام وخوف وغيره وكنا عادي ممشين الايام بينا ومش عارفين اخرها ايه وكل ميتقدملي حد ارفض واحكيله وكان ردوده بارده ومع ذلك مفقدتش الامل ومحدش اتكلم ف مشاعره ل

Corn_26909 🇪🇬

منذ 3 أشهر

شعور عاطفي

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_72356 🇪🇬

محدش بيسأل عليا لما بمر بوقت صعب.. العيب فيا؟

انا شخصية بحب اساعد الناس دايما وأحيانا باجي على نفسي عشان اساعد غيري، لكن بلاحظ كل مرة اني لما بقع فى مشكلة أو بمر بفترة صعبة محدش بيكون معايا، لدرجة ان اخر موقف صعب مريت بيه كانت ردود الأفعال عبارة عن استهزاء بمشكلتي اللي هي اصلا كانت كبيرة، وجالى رد فعل صريح من صاحبتي بتقول خلصي مشاكلك وكلميني عشان احكيلك الحوار بتاعي وتقوليلي اعمل ايه هل ده طبيعي!! ولا الناس بقت بجحة للدرجة دي؟ ولا العيب فيا انا؟؟؟ ...عرض المزيد

1 الدعم

0 نصيحة

Pineapple_70998 🇪🇬

رايح حفلة لوحدي لأول مرة.. هتكون ازاي؟

اول مرة هروح حفلة لوحدي ماعرفش بصراحه التجربة هتكون ازاي وهل هعرف انبسط وأنا وحدي ولا هحس احساس سخيفة، هل حد عنده تجربة يقولي كان ايه احساسه، ولو برضوا حد رايح حفلة وحده ومش لاقي حد معاه عادي يقولي ونروح سوا ...عرض المزيد

0 الدعم

2 نصيحة

Ice Cream_73441 🇪🇬

الصلاه علاج نفسي وروحي.. هتحس بفرق وراحه

الصلاه يا جماعه علاج نفسي وروحاني فاي حد تعبان من اي شئ في حياتو يقرب من ربنا ويصلي وتدعيلو بكل الجواك وتفضفض بالتعب العندك وهتحس بفرق واكيد وهتحس براحه وسكينه جواك وسيبها علي الله وخد بالاسباب وتوكل اللهم صلي وسلم علي سيدنا محمد صلي الله عليه وسلم ...عرض المزيد

1 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع