هوية

Cookies_57780 🇪🇬

منذ 3 ساعات

شعور ضائع

Pumpkin_38437 🇯🇴 تابع قناة الدكتور هيثم طلعت بحكي بشكل علمي و كلامو مُستند ع الابحاث و الدراسات و يناقش الملحدين و الاادريين ممكن تلاقي الجواب اللي بتبحث عنو عندو🌹

عرض الكل 3 نصيحة

عبّر عن شعورك بشكل مجهول

الصراحه ممكن دي مشكله كانت تتقال لشيخ اكتر بس برضو أهو بجرب التطبيق.. المهم الفكره هي اني مولود مسلم الحمدلله انا حالياً ١٧ سنه ف من و انا صغير و انا ابويا كان دائماً مش بيصلي دائماً بيستهزء بالدين، بل و كمان كان لما بنبقى لوحدنا يقعد يشرحلي عن نظرية التطور ويقولي مقولش لحد و مش عارف ايه و من وانا صغير عامةً و هو بيقنعني ان الدين غلط من الاخر و هو عامةً بعيد جداً عن الدين يعتبر و بيقول مثلاً ان الوشوم حلال وكله عنده حلال و بتاع و بيبان قدام الناس التانيه ك مسلم و كده ف من الظاهر عليه انه منافق يعني بس معرفش ممكن ربنا هداه، المهم ف مؤخراً انا بقيت Agnostic او بالعربي حاجه اسمها اللأدريه دي من الاخر يعني الي هو انا مش متأكد هل فيه إله ولا لأ وكانت أسبابي هي اني مش لاقي دليل كافي ان الاسلام صح و برضو حاجات علميه زي الفراغ الكمومي و حاجات فلسفيه و منطقيه تانيه كده ،، فضلت كده لمدة اسبوع واحد بس خلال الاسبوع ده حسيت اني بتحول ل ابويا مع اني مبحبوش، بقيت منافق زيه الصراحه، بل حتى روحت اصلي الجمعه مع اخويا و انا مكنتش مسلم اساسا انا بس كنت عاوز يبان اني بصلي و الموضوع ده ضايقني بعدها اني اتحولت فعلاً لمنافق ده غير برضو ساعتها كان من ضمن الحاجات الي مضايقاني هو حكم الرده في الإسلام و شوفت ان المفروض يكون للكل حرية التعبير عن الرأي ، المهم بعد ما الاسبوع ده خلص و بعدها شوفت نبوءات الإسلام زي ان ازاي ربنا قال ان هيفتحو مكه، و ازاي الرسول قال كذا حاجه واتحققت زي مثلاً قال انهم هياخدو اليمن و سوريا و العراق و فعلاً تمكنو انهم ياخدوها و يعتبر كانو ضعفاء ساعتها ، و كذا حاجه يعني خلاتني الي هو شايف ان الاسلام غالبا هو الصح بس برضو مش متأكد من جوايا، ده غير برضو حتى خلال الاسبوع ده لما مكنتش مسلم متخلتش عن اخلاقيات الاسلام و شوفت ان معظم الاسلام صح فعلاً و بقى جزء من ثقافتي و لما شوفت الغرب بيتكلمو عن الليبراليه و ان ازاي التعبير عن الشذوذ عادي و اي حاجه عادي و بتاع مكنتش مرتاح ب كده، المهم ف انا سألت حد المفروض فاهم في الدين قالي اني كده مش مسلم عشان مش متيقن بالإسلام ، ف الي هو تلوقتي انا مش عارف، ولا انا مع دول ولا انا مع دول، الي هو انا شايف اخلاقيات الاسلام صح بس في نفس الوقت مش متأكد انا مسلم ولا لأ مع اني تلوقتي قولت الشهاده، و مع ذلك برضو انا مش عارف هل انا تلوقتي منافق؟ هل انا شوفت ان مفيش مكان انا أنتمي ليه فقررت اني ارجع للإسلام و خلاص عشان المجتمع يقبلني؟ حاسس اني تايه شويه الصراحه، معلش عالإطاله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

انا عايز حد يتكلم معايا في كذا نقطة في حياتي يعني بصراحة أنا متصالح مع نفسي اني كنت غلط في حاجات كتير انا في فترة من حياتي كنت علي خلق وحافظ قرآن كويس وانا اصلا أزهري يعني وأهلي كانوا من النوع اللي ماسكين عليا جدا في فترة ابتدائي بعدين في اعدادي برضو كانوا ماسكين عليا وانا كنت بحاول أبني شخصية ل نفسي ف بدأت أسمع ل ناس في حاجات غلط كتير 
اول حاجه حد سمعني فيديوهات إباحية 
اتعلمت العادة السرية منها 
طبعا عارف كل دا غلط وكل اللي في الفيديوهات الاباحية مش حقيقي 
- كلمت بنات بقي وعاكست بنات كتير جدا يعني ممكن اقول فوق الألف بنت 
بعدين في نص الفترة دي أبويا تعب حوالي أربع سنين كنت بشتغل ومعتمد علي نفسي ومش كسول خالص بعدين أبويا اتوفي بعدين والدتي تعبت وتوالت الأيام وفعليا من بعد وفاة أبويا حاسس اني مش بنجز حاجه حاسس ان كل حاجه بعملها مش حاسسها بعد وفاة أبويا ب شهرين حبيت بنت واه صح قبلها أنا دخلت كلية طب يعني أنا أبويا كان مريض وأبويا اتوفي وانا في تانية كلية بس بعدها حبيت بنت بقي وصراحة ما رضيتش اتكلم معاها فوق الشهر وروحت اتكلم مع أهلها باباها ووالدتها اتكلمت معاهم قالوا لسه البنت صغيرة وانا من محافظة وهيا من محافظة وصراحة الوضع كان متوتر خصوصا أنا كنت في تانية كلية وهي كانت في اولي كلية هندسة وهتحول كلية صيدلة ف هترجع لسه سنة أولي من تاني بس بصراحة هيا بعدها شافت اني كنت جد من البداية ونا بصراحة حبيتها وما زلت بحبها بس للأسف موضوع البنات القديم كان مستمر معايا ومكانتش مشاعر لكن مجرد تسالي أو تعود لكن أنا بحب البنت اللي معايا دي وكنت بتمني يحصل حاجه رسمية بدري بدري علشان أعرف أبعد عن طريق البنات كنت بصلي وبعدت بطريقة كبيرة عن الصلاة من 2ع لحد دلوقتي وعدت سنة واتنين لكن أهل البنت مش موافقين بس مش رافضينني ووالدة البنت سمحتلي اتكلم معاها خصوصا باباها سافر بعد المقابلة الأولي ولسه ما رجعش من 3 سنين ف اللي هو عايز أقابله تاني ونالت لحد ما يقتنع أنه عادي خطوبة بدري هو مش معترض عليا ك شخص مشكلتي بقي حاسس اني شايل هموم قديمة واني شخص وحش وبجد مش عايز حد واحد يتكلم معايا عايز اكتر من حد وانا دلوقتي داخل سنة خامسة طب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_34495 🇶🇦

منذ شهر واحد

شعور وحيد

بحس بضعف اوي و انا بكتب الكلام ده و اترددت كتير قبل ما اكتبو، نفسي يكون في جروب في مكان ما، للناس اللي بتحس بالوحدة، عندي احساس انهم كتير عشان في كذا منصة، لقيت ناس كتير اوي بتقول انها بتحس بالوحدة ، و مبيقدروش يتكلمو مع بعض او ممكن يقدرو بس عارفين انو خطر و حتي لو اتكلمو بيبقي خطر يقولو معلومات عن

Durian_52455 🇪🇬

منذ شهر واحد

شعور مستنزف

تعبت من التفكير، زهقت من الخيال اللى دايمًا بيفصلنى عن الواقع عايز أكون أنا مش عايز أمثل ولا اصطنع عايز أواجه خوفى نفسى انط من المركب هل حياتى واقفة على شخص تانى يكون فى حياتى ؟ ولا احساس الوحدة أمر واقع لازم اتعامل معاه

Sugar_52413 🇪🇬

منذ شهرين

شعور مرتبك

عايزة اقولكم اني حاسة اني تايهه مش عارفة انا عايزة ايه ولا بعمل ايه و لا هوصل كل حاجة مشتتة فيها حتى شخصيتي مبقتش عارفة انا ايه شخصية بتحب تسمع اغاني ولا قرآن عايزة البس لبس شرعي ولا بناطيل و ميك اب انا حقيقي تايهه و مشتته و مش عارفة انا ايه ولا مين ولا شخصيتي ايه ولا عايزة ايه حاسة اني كبييرة

Coffee_4787 🇪🇬

منذ 4 أشهر

شعور ضائع

حاسس إني مش قادر ولا عايز استنى حاجة تاني اللي ييجي خير واللي ما يجيش برضه خير حقيقي شعور الانتظار ده من أتقل المشاعر على قلبي لأنه متعب ومش مضمون أبدا أنا ما بقيتش نفس الشخص بتاع زمان ولا نفس الشخص اللي كان من سنتين تلاته ولا حتى نفس الشخص اللي من أسبوع حتى .. الواحد بيتغير بطريقة سريعة وغريبة جدا

Banana_51240 🇪🇬

منذ 4 أشهر

شعور مستنزف

هو انا ليه بقيت كدا؟؟؟ انت كنت لويال اوي للبحبهم ومقدرش استغني عند حد في حياتي دلوقتي العكس وبقيت من شله الي كنت بقول يستغرب منهم ونا صغير والي علطول ماشين غلط وكسرت قلب واحده بلغلك مع اني مكنش قصدي بس ظلمتها ودلوقتي عشمت واحده فيا مع اني لسا بحب الاوله وكرهت نفسي وكلو بيقولي بتعملي في نفسك كدا ليه

Chocolate_28606 🇪🇬

منذ 4 أشهر

شعور مكتئب

ده نضج ولا اكتئاب ولا فقدان شغف ولا روحي ماتت ولا ايه ؟! بقالي سنة مش عارفاني بجد مش عارفة مين دي وإحساسها فين وفين طاقة الحب الكبيرة اوي اللي كانت بتحس بيها ، كنت بفرح من قلبي وأحب من قلبي و ادى من قلبي دلوقتي بقيت قافلة عليه جامدة وخايفة اوي طول الوقت بتعامل بحذر وخايفة أنا تعبت

Jackfruit_51332 🇪🇬 الحذر شيء اساسي علشان منقعش في نفس المواقف واكيد كلنا بنتعلم من اخطائنا علشان منكررهاش بس علي قد ما تقدري خدي خطوه ايجابيه نحيت نفسك حاولي تكتشفي حجات جديده لازم يكون في استمراريه شويه لان سنه مش قليل

عرض الكل 2 نصيحة

Mushroom_34758 🇸🇦

منذ 5 أشهر

شعور مرتبك

السلام عليكم أنا من السودان بس عشان الح*رب عايش فالسعودية عمري 16 سنة بس بقيت حاسي ان حياتي بلا معنى مع العلم اني الحمد لله محافظ على صلاتي و بقرأ قرآن كل فترة يعني م بعيد من ربنا ، جربت الحب كرشت على بنت بعد فترة عرفت انها بتكرهني عشان بكرش عليها ، اصحابي كلهم بعيدين عني عشان الح*رب بتواصل معاهم بس

Onion_50911 🇴🇲

منذ 5 أشهر

شعور مرتبك

هو أنا المفروض أكون إيه ؟ فيه مهارات كتيره أنا مشتت بينها بعرف أصور بس مش مصور بعرف أصمم مواقع بس مش مصمم مواقع بعرف أمنتج بس مش مونتير هل أنا وصلت لماهيتي فعلا من خلال كل التجارب دي ولا لسه هكون شيء ما اخر مجربتوش هل عارف إنت المفروض تكون إيه ؟ حتى الآن ما أدركه إن لا بأس إنك تكون لسه بتكتشف

Pear_49647 🇸🇪

منذ 6 أشهر

شعور ممتن

موضوع:

كيف تجهيزاتك ل ٢٠٢٥? وكيف تصورك لها

1- انا 2- انا 3- انا 4- اصاحب نفسي 5- ادلعها 6- 2024 انا تعبت على نفسي بكل حاجة وعملت حجات محدش يقدر يعملها في عمري 2025 هتكون هدوء ما قبل العاصفة عارف اني الكلام ده غلط بس كمية الانضباط مبقتش اعرف مين انا ….

Broccoli_47609 🇪🇬 هايل يا عم عبدالباسط

عرض الكل 2 نصيحة

Nutella_47178 🇸🇦

منذ 6 أشهر

شعور خجلان

موضوع:

عندك مشكلة في التعبير عن مشاعرك؟

حقيقي مااعرف واخاف لو قلتها يطلع انا اللي غلطان او عشان استهانو بمشاعري قبل كدا مدري بس الصراحه انو من كتر ماكتمتها ماعدت اعرف اشرحها وفي اوقات اكون زعلان من اشياء بس اقول اشياء تافه عشان مني قادره اقول الاشياء المهمه تعرف لمن تكون ح تقول لاحد اكبر منك انو هوا سوا شي يزعلك وويقوم يقلك انا اسوي كدا

Coffee_42211 🇪🇬

منذ 6 أشهر

شعور لا مبالٍ

موضوع:

اتخدعت ف حد قبل كدة؟

مش عارف ليه علاقة ولأ بس انا اتخدعت في نفسي جامد جداً الصراحة، اكتشفت ان شخصيتي غير اللي كنت فاكرها خالص، اكتشفت ان فيا صفات بكرهها حرفيا ومش عارف اتخلص منها، صفات كنت بذمها في الناس من جوايا واكتشفت بعدين ان معظم الصفات دي عندي فعليا، والمشكلة اني مش عارف اتخلص منها ومش عارف اغير من نفسي، لو حد قدر

Sugar_28822 🇪🇬

منذ 6 أشهر

شعور متوتر

عبّر عن شعورك بشكل مجهول

موضوع للنقاش 
انا عايزة افهم ايه ناتج التربية فى البيت المصرى الشعبى اللى كلنا عارفينه
هل التربية دى ممكن تخرج جيل سوى ولا شباب متشتت فعلا وعايشين الضياع بكل معانيه 
انا اتولدت فى بيت وبيئة بسيطة بين اهل بيحاولوا يعملوا اقصى جهدهم عشان يوفروا اللى يقدروا عليه لولادهم 
بس للاسف بدون نتيجة لان لا بلد ولا حياة بقت تسمح بدة 
احنا اسرة ممكن تحت خط المتوسط عايشين على قد اكل وشرب وكهربا وما شابه باختصار بدون وسائل ترفيه بالمرة على الاقل بالنسبة للجيل الحالى 
ومع ذلك سهل نتعود لان دى حياتنا وراضيين الحمد لله 
احنا زى اللى اتحشر فى النص فى كل حاجه جزء كبير من تصرفات اهلى حافظ مش فاهم 
يعنى بيحاولوا انهم يربوا تربية دينية صحيحة زى ما بيشوفوا فى السوشيال ميديا بس للاسف  الفشل ذريع دة ظهر فياا من جوا اكتر من ان حد يلاحظه على عكس اخواتى اللى حقيقى انا بقيت باشفق عليهم 
اهلى بيحاولوا يلحقوهم من سن اعدادى وخطورته بس تصرفهم غلط تماما يا بيشدوا اووى ويضربوا او بيرخوا تماما 
بالزبط ممكن فى مرة يسمحولهم انهم يهزروا ويتمادوا وييجوا فى مرة من نفس الهزار يتدايقوا ويضربوهم 
والضرب مش بيكون عادى فعلا بيكون بخرطوم بجد 
واخواتى من النوع العنيد وبجد بدا يحصل فجوة كبيرة بينا وكل واحد حاسس انه مظلوم 
احنا فى بيت بيصحى و ينام على الصوت العالى 
معذورين بالله محدش مضغوط قد اهلى 
بس دة بدا ينعكس علينا والمشكلة ان اهلى مش متفهمين دة وانا مقدرش اتكلم نهائى 
مش لانهم هيمنعونى بس هبقى بزود ضغوطهم اكتر 
انا بقيت بنام النهار كله واصحى بالليل كمحاولة للهروب من الصوت العالى والصغط دة 
اناا عارفة انى طولت جدا بس حقيقى انا بقيت تايهة بشكل مرعب 
بتراجع نفسيا ودينيا ودراسيا بشكل غريب 
مكنتش كدة ثقتى بنفسى شبه معدومة 
دينيا بقيت بضيع 
منكرش انى جزء كبير من تفهمى للوضع دة ناتج عن السوشيال ميديا زى ما جزء كبير من محاولات فاشلة  انى اصلح نفسى  من النت 
حاسة انى محتاجه هدنة من كل حاجه 
وفى نفس الوقت انا اعرف ناس كتير جدا مقدرش اغيب عنهم مش بشكر فى نفسى بس اقدر اقول انى دخلت حياتهم فى فترات صعبة وعشمهم فيا كبير 
مش عاايزة اكسر حد من ناحيتى باى شكل 
حاسة انى عايشة حياة مش حياتى وللاسف الشخص اللى بيظهر بقا مزيج من شخصين حلو ووحش والاتنين مش انا 
نفسى ارجع اناا 
جزء كبير من طريقة تفكيرى واحلامى فى المستقبل مبنى على هروب لبيت هادى 
مش عارفة ازااى اناا بقول كدة بس انا كل هدفى دلوقتى فى زوج حد يمسك ايدى للجنة لانى خايفة اموت كدة نفسى حد يلحقنى من اللى انا فيه 
انا صغيرة احساس انى فعلا نفسى اهرب  يمكن كل حلم ليااا هو زوج حنين نفسى احس براحة 
اناا عارفة ان خنقتى بعد كبير عن ربنا بس مبقتش قاادرة امشي فى اى طريق
ديما بفكر انى نفسى فى ولااااد كتييير اربيهم بحنية واديهم اهتمااام كبيييبر اوووى مش عند حد انا اهلى بيحاولوا يهتموا بس للاسف بيفشلوا يمكن لانهم مقدروش يفهمونا صح 
نفسى اولادى يحبونى اووى 
مش عايزة اقول كدة بس ساعات بحس انى مش بحب اهلى بيوجعنى احساس انى عارفة انى هدفهم الوحيد فى الحياة وفى نفس الوقت مش قادرة اقدملهم ابسط شعور فى الدنيا من بنتهم وهو الحب  
عارفة انى اتكلمت فى حاجات كتير وكله كلام ملخبط بس انا حاولت افضفض على قد. ما اقدر  
شكرا لاى حد وصل لهنا واهتم انه يسمعنى
مشكلتى حلهاا صعب وانا عارفة شبه مستحيل وربنا قادر على كل شئ 
بس اتمنى دعوة ليا بالهداية لعل حد فيكم اقرب لربنا منى 😔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع