هرتلة فارغة

Biscuit_64034 🇪🇬

منذ يومين

شعور ضائع

طب انتوا عارفين انى من يوم ما ابويا مات من ٦ سنين لحد دلوقتى و انا مخي مافيهوش غير جملة انا عاوزة اروح البيت .. بس انا بقولها و انا اساسا بكون فى البيت عادي 😄💔 طيب عارفين اني اول ما اتوفى زعقولى عشان كنت بعيط بصوت و فاتكتمت و لحد اللحظة دي بسمع صويتي جوا مخي مش بيقف عرفتوا يلا خلاص انسوا بقا زي م

Biscuit_64034 🇪🇬

منذ أسبوعين

شعور غاضب

عبّر عن شعورك بشكل مجهول

انا بقيت بكرهههه البشر تمااااام 
ماهو مش معقول كمية الناس التوكسيك اللى شوفتهم فى حياتي دول يعني من باب اولى العلم يكتشفهم و تاخدوا منهم عينات تعملوا منها ادوية اكتر من التعا.بين بجد 😂😂
يعني فى الشغل ماشاءالله حدث ولا حرج عن نوعية البشر اللى بشوفهم 
 من مدير متحرش
 لمدير نرجسي بيرمي اخطاءه و اخطاء الناس على بعض عشان يكرههم فى بعض عشان مايحبوش بعض و يبقوا بينجحوا الشغل يا ساتر يارب 😂
لمدير هلاهوطة موصل لصاحب الشغل اني عيلة بدرس عشان يتعامل معايا براحته بقلة زوق و قلة احترام ما انا عيلة بقا و اما اروح اتكلم مع صاحب الشغل و اشتكيه يطلع يجري يدخل له معايا و يبقا قاعد زي الفار المبلول و انا بتكلم 😂

ولا المدير المحشش اللى مش عاوز يعرفني الشغل كامل عشان يعرف يسرق صاحب الشغل و انا لو عرفت تفاصيل الشغل هكشفه

و نيجي بقا للناس اللى شغالين سوا المفروض

نلاقى واحدة جايباني اشتغل معاها عشان اشقط لها عريس و اما اقول انا ماليش فى الجو ده تقلب الكل عليا اني عايزاه لنفسي و هو لا قيمة له حاجة معفنة اقسم بالله مايتبصلوش من الاساس

و اللى تعمل فيها صاحبتي و هى بتخوض في اعراض البنات و اكيد قالت عني ما لذ و طاب برضو 
 و اللى عاوزني اعلمه كل حاجة اتعلمتها فى كورسات و ياخد مني ماتريال و اما اقوله انه صعب انا اصلا حد عشوائي و مش بجمع ماتريال متنظمة ياخد منى موقف رغم اني مساعداه فى مليون حاجة تانيه بس لا ازاااااي انا كدة بقيت شخص شرير 😂 
و اللى عايشة تشيل بلاوي المدير من عك فى الشغل عشان بس يفضل مفضلها عن كل الموجودين و يسقف لها زي البطريق الاهبل 😂 بس فى الواقع هو مابيعملش ده بالعكس هو بيهينها زيادة و بيقول عليها للكل انها متخلفة و فاشلة

عبث بجد عبث و كل ما حد يشوفني يقولى سبتي الشغل ليه ده الشغل احسن ؟  منين بجد منين هما دول عالم اعرف اقعد وسطهم اصلا و انا متطمنة !!

اسيب كل ده و اقول اشتغل شغل خاص الاقى اعفن ناس 
مش عاوزين يدفعوا فلوس الحاجة اللى عاوزينها و انا شغلى اصلا هاند ميد فطبيعي يكون غالب عشان معمول مخصوص( بالوان من اختيارك بصورك او صور حد هتديهاله هدية بجمل انت مختارها .. إلخ)
فاللى هو نعم يعني الحاجة بتتعمل لجنابك مخصوص و مش عاوز تدفع و مسمي نفسك كلاينت انت كدة مش كلاينت انت كدة عيلة هلهولة 😂
يعني جت لى عيلة فى ثانوي طالبة بوكس صور للبوى فرند و تقولى هاستلم مع ماما ماتفتحيهوش قدامها و تشلني لحد ما تسلم اصلا 🌚

لحد ما قفلت الشغل و مابقتش بطيق ان حد من معارفي يطلب حاجة منه و بعملها و انا اقسم بالله نفسيتى زفت بعد ما كان شغلى ده الحاجة اللطيفة الكيوت اللى بتهون عليا 🥲🥲
مش عاوزة ادفايس انا عاوزة دعااااا او حد يعملى عمرة 😂😂
#هرتلةـفارغة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_74572 🇪🇬

هل البنات هتحب طموحي وتستحمل زعلي في الأول؟

سلام عليكم انا كشخص ملتزم طموحه عالي اوي وعنده اهداف وبجد فيه صفات مش في حد (جماعه انا والله مش بتكلم علي نفسي دي ناس قالتلي كده فعلا انا ولا حاجه) وفعلا ناس كتير بتقوله كده بس مشكلته انو مر بفترات صعبة كتيرة ونفسيته بقت وحشه فقرر يفتح بيت ويتجوز فاعتبر ده محفز ليه هل البنات بتحب الصفات دي وهستتحمل زعله في الاول لان اكيد هيحكلها ويفضفلها واكيد هو هيكون كويس، انا من كتر منا لوحدي بتخيل ناس قاعدة معايا بتكلم معاها بس الحمدلله انا راضي ومدام انا اتحطيت فالواقع لازم اكون كويس تحت اي ظرف.. وللعلم يعني انا 19 سنه ...عرض المزيد

0 الدعم

2 نصيحة

Coconut_74564 🇪🇬

مش عارفه أتعامل مع أصحابي بعد المشاكل

عندي مشكله مش فاهمها و مش لقيلها حل كنا اكتر تلاته قربين لبعض كانو بيحسدونا علي صحبيتنا او ده الي كنت فكراه هما كانو اقرب اتنين لبعض و انا معاهم صحبتهم القريبه برده المهم حصلت بيني انا و وحده فيهم مشكله تافه ولاكن خدت منحنا جد شويه وعشان صحبتنا التانيه تصالحنا زعلتلي واتخانقت مع التاني عشان متهوش الي انا اتشاكلت معاها هنسميها ورده و التانيه فله المهم فله زعلتلي و راحت اتخنقت مع ورده بس المشكله الفله زودت العيار وغلطت اوي في ورده و في مامتها و ورده قالت انها عمرها ما هتكلمها تاني و حقها و فله قالت انها مش هتكلمها تاني برده بس فله قالتلي و ورتني شات ان ورده اتكلمت عليا من وره ظهري و اتقال عني حجات تعدي الايام و انا مش مرتاحه لغايت ما نزلت انا والشله و ورده معانا و فله مجدتش معانا المهم ان صحابنا صلحونا انا و ورده علي بعض بس صعب اوي اني اكلم دي و دي في نفس الوقت و في نفس الوقت لما روحت و فله عرفت اني نزلت قالتلي انتي ازاي تنزلي معاها و انا اصلا مخصماها عشانك علقت عليا شمعتها سؤالي بقي اتعااامل ازاي مع الاتنين ازااي وفي دروس و الدروس كلهااا مع بعض اتاعمل ازاي اقعد جنب مين و اعمل ايه بجد محتاجه ايفاده ...عرض المزيد

0 الدعم

2 نصيحة

Marshmallow_69067 🇪🇬

سيبوا البنات في حالها.. مش كل واحدة عايزة تتجوز

انا عارفة ان كلامي مش هغير نظرة المجتمع ف حاجة ولكن لعل شخص واحد ممكن يتأثر بكلامى.. هو احنا ممكن نسيب البنات في حالها؟؟ ينفع منحكمش عليهم وإن البنات عايزة تتساوى مع الرجالة عشان دا مش حقيقي البنات فاقدة الأمان والثقة فبتتحامى في كاريرها وكلمتين بتقولهم عشان تبين نفسها جامدة ومش بتخاف والحقيقة انها بس مش عارفة تثق في حد.. الراجل فى نظر المجتمع مش هيعيبه انه يطلق مرة واتنين وتلاتة لكن البنت غالبا غالبا بتتجوز مرة واحدة زمان كان الجواز سهل مش قصة إمكانيات ولا كان الرجالة بتجيب ورد ولاليهم في جو الرومانسية لكن كانوا رجالة بجد عارفين يعني ايه مسؤلية ف أقل القليل لو محبش مراته مش هيظلمها.. دلوقتي البنت اول م تخطى اول خطوة في موضوع الجواز بتهرب لأنها بتخاف ودا بيكون بناءا عن تصرفات صدرت من الطرف التاني بينتلها انه مش قد المسؤلية .. في بنات بتقبل بعلاقة مش مبسوطة بيها بس لمجرد انها تتجوز وهي صغيرة وبشوف نماذج كتير هي مش سعيدة هي عايشة عشان عيالها بس هى حرة طبعا دا اختيارها . و في بنت بتستني شخص هى عارفة انه موجود وفي نفس الوقت بتتأكد كل يوم انه مش موجود ومع ذلك بتدعي لانها عارفة ان ربنا قادر البنت دى المجتمع مش بيرحمها لان سنها بيكبر ووالعشرينات بتخلص والتلاتينات بتخبط عليها وفجأة بيبقى مطالب منها تتنازل بس هي مش هتعمل كدا ايوا الضغط عليها صعب ولكن هى لو كانت بتتأثر بكلام حد كانت اتجوزت من زمان.. كمجتمع بلاش تلموموا بنت سنها بقا ٣٠ او اكتر ومتجوزتش عشان هى والله اكيد عايزة تفرح بس مش تفرح ساعتين وتندم عمرها كله انت كراجل اختار السن المناسب بالنسبالك بس سيبها في حالها هي متأكدة انها هتقابل الشخص الى هيختارها عشان هى هى عشان صفاتها وروحها وملامحها الى ربنا اختصها بيها .. جماعة سيبوا كل حد في حاله كل إنسان له قصته وحياته الى بيكون راضي بيها وبيشكر ربنا عليها بس كلامكوا بيحسس الشخص دا انه فيه حاجة غلط.. ممكن اقول حاجة اخيرة البنت الى عندها ٣٠ سنه هى هى البنت الى عندها ٢٠ سنه مفيش حاجة بتتغير الا عدد السنين والايام الى عاشتها لسه كل حاجة جواها بتحسسها انها طفلة ليه بتعجزوها بكلامكوا ...عرض المزيد

1 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع