نوبات عصبيه

Tofu_19483 🇪🇬

منذ شهر واحد

شعور محبط

عبّر عن شعورك بشكل مجهول

هلا يا جماعه..
أنا بقالي فتره مش بخير ومش عارفه أكون بخير وبقت تجيلي نوبات من العصبيه الغير مبرره وأنا عمري ما كنت كده خالص أنا بقيت أتعصب على أسباب مش موجوده أصلًا ،أنا مبقيتش طبيعيه ومبقيتش مستحمله أي حاجه خالص..مش عارفه أعمل ايه،روحت لدكتور نفسي بس قالي إني محتاجه أدويه وإني عندي اضطراب تكيفي ومحتاجه أدويه ضروري علشان أثر على كيمياء المخ عندي وده سبب نوبات من البكاء من غير أسباب أو حتى لأسباب تافهه أو حاجات م الماضي بس عايشه عليها وسبب عصبيه وانعزال ،بس انتوا عارفين إني مريضة كانسر ف خايفه وممنوعه آخد أي أدويه من غير استشارة دكتورة الأورام بتاعتي وأنا أصلا بخاف من أدوية الأعصاب خايفه منها أصلا ف مروحتش تاني للدكتور بس ف نفس الوقت كل شويه الأعراض بتزيد ومهما حاولت أعمل كنترول على نفسي مبعرفش وبفقد السيطره على نفسي بلاقيني بتعصب وبنهار من العياط ف نفس الوقت معرفش ازاي وحاسه كأني اتجننت ومش قادره أطلع أي حاجه وجعاني من دماغي..مش قادره أنسى كل المواقف المؤلمه اللي حصلتلي ومحبوسه فيها،مش عارفه أعمل ايه حاولت بكل الطرق ومش عارفه ،وبالنسبه للقرب من ربنا ف الحمد لله ،لكن أنا معرفش مالي بجد معرفش أعمل ايه علشان أرجع لطبيعتي أنا مكنتش كده وف نفس الوقت مش عارفه أرجع تاني لطبيعتي!..مهما حاولت مش قادره

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_75802 🇪🇬

أنا محتاجه أبويّا وانا مش لواحدي

طريقه يكون عندي بيها اب؟....انا عندي مشكله اني طول الوقت بدور على حد يعيشلي دور الأب ويحسسني أنه زي بابا حتى ف اختياري للناس ال يكونو معايا دا بياثر عليا ....علفكرا بابا موجود بس هو موجود لنفسه وبس ...رغم اني مبقيتش صغيره الا اني فعلااا مفتقده لكل حاجه ممكن اي اب بيعملها لبنته انا ادفع عمري كلو واحس مره واحده بس اني عندي اب واني مش لواحدي وكذلك ام بس انا مفتقده لبابا اكترررر ...لو في اب عاوز يتبني بنت انا موجوده ...عرض المزيد

3 الدعم

27 نصيحة

Sugar_75619 🇪🇬

مش عارفة أقول "لا" من غير ما أحس بالذنب

ساعات بلاقي نفسي بمشي ورا طلبات الناس من غير ما أفكر، وبوافق على حاجات مش عاوزاها علشان ما أحرجش اللي قدامي أو أزعله، حتى لو ده بيكون على حساب نفسي. ولو جيت أقول "لا" في مرة، بحس إني أنانية أو مقصرة. المشكلة إني مش عارفة إمتى يكون من حقي أقول "لا" من غير ما أحس بالذنب؟ وهل في طريقة أقدر أوازن بيها بين إني أرضي اللي قدامي وفي نفس الوقت ما أظلمش نفسي؟ ...عرض المزيد

6 الدعم

23 نصيحة

Coconut_73870 🇪🇬

طاقتي خلصانه وبجبر نفسي أشتغل عليا ضغوطات

حاسه ان طاقتي خلصانه ومش قادره اشتغل بس بجبر نفسي و بشتغل عشان مضطرة و عليا ضغوطات شغل جامد اوي و مش بتكلم عن ده مع حد بشتغل زي الحمار في ساقية و ده يجيبلي اكتئاب و كل يوم بيزيد عن التاني بس برضو مش بستسلمله وبشتغل بس منهكه اوي و تعبانه اني مش عارفه اعبر عن اللي تاعبني و معنديش طاقة للناس بس مضطرة برضو اتعامل فحاسه اني مش انا طول الوقت ...عرض المزيد

1 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع