نفسيه وحشه

Banana_60468 🇪🇬

منذ 3 أشهر

شعور مزعوج

هو طبيعي اكون مخنوقه ونفسيتي وحشه على طول بسبب ان مش بروح لاهلي براحتي انا بروحلهم يوم فالاسبوع من الساعه تلاته مثلا لتسعه بليل هما جمبنا شارع بس خمس دقايق بكون وصلت مشي، بس جوزي مبيحبش الزيارات كتير والتنطيط ، هو مثلا بينزل الشغل كل يوم من الصبح مبيرجعش غير سبعه تمانيه بليل حتي الجمعه ونا بكون لوحد

Strawberry_59830 🇪🇬

منذ 3 أشهر

شعور مرهق

Waffle_59213 🇪🇬 لا استمري مهما كانت الظروف ضدك ربنا معاكي ويوفقك يارب

عرض الكل 3 نصيحة

عبّر عن شعورك بشكل مجهول

انا بنت عندي 14 سنه و انا بلعب سباحه من و انا صغيره جدا يعني ممكن 3 أو 4 سنين المهم انا كان عندي بطوله في شهر 10 أو 11 الي فات هي كانت بطوله منطقه للثنائي الي هوا سباحه و جري المهم أن انا فضلت بتمرن البطوله دي كتير جدا و فعلا اتحسنت و ارقامي اتحسنت شويه مع العلم أن انا اصلا مش سباحه انا بلعب ثنائي المهم انا طلعت البطوله دي و اليوم دا مكنش معايا حد من اهلي و الكابتن بتاعي اتاخر و جه بعد ما انا خلصت السبق بتاعي و انا كنت نزله السبق بتاع السباحه عارفه انا بغلط في ايه و عايزه اركز فيه عشان اكون احسن و انا عرفه أن هما كدا كدا هيسبقوني عشان هما سباحين و انا لا المهم اليوم دا كان الجو وحش جدا و كان سقعه و انا نزلت السبق رجلي كانت مجمده و مش عارفه اعمل رجلين و كان سبق وحش جدا و كنت اخر واحده و رقمي كان وحش اوي و خلصت و الكابتن جه و قولت له الي حصل هوا فعلا الكابتن مقصرش هوا فعلا عمل الي عليه و زياده و هوا قالي عادي مش مهم تتعوض مره تانيه و خلاص و بعدها نزلت السبق بتاع الجري و كان كويس الحمد لله بس انا من بعد البطوله دي و انا مش عارفه ارجع التمرين تاني كل ما ارجع التمرين و بشوف مستوايا عامل ازاي و كان زمان ازاي بزعل اوي و بدايق و وقفت فتره بعدها و نزلت تاني و رجعت وقفت عشان رمضان و كمان الشهرين الي بعده عشان الامتحانات و دلوقتي المفروض ارجع اتمرن تامي بس انا فعلا مش قادره اني انزل و حاسه اني خلاص مفيش فايده و مامتي كمان كل شويه بتقولي انتي متواطئ مش حلو و مهما أقنعها و اقول لها هي مش مقتنعه هي عندها أن طول ما انا طلعت البطوله و ماخدتش ميداليه أو مركز سبقه انا مستوايا وحش و هي اصلا مش بتيجي معايا التمرين ولا حتي البطوله و انا فعلا مش عارفه اعمل ايه كنت بفكر العب رياضه جديده و هي كل شويه لا مش هتفلحي فيها و بجد انا مش عارفه اعمل ايه و نفسيتي وحشه اوي بسبب كدا و المشكله اني بحب السباحه جدا بس مش عارفه اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_22086 🇪🇬

منذ سنة واحدة

شعور محبط

انا تعبانه اوي مش عارفه اركز ف دراستي وحاسه اني فاشله اوي ومش هقدر احقق اللي نفسي فيه واللي اهلي نفسهم فيه.. راكمت عليا كل حاجه حرفيا ومعنديش طاقه اقوم واحاول ولا قادره اعمل اي حاجه ولما اخيرا اهو بحاول اذاكر مبفهمش حاجه حتى من المدرسين ولا لوحدي ولا على النت ف عقلي دايما مشوش كده ولما مبفهمش او بذا

Apple_16552 🇪🇬

منذ سنة واحدة

شعور Bad 😞

طب ي جماعه اللي نفسيته مش كويسه خالص حرفيا يعمل ايه الوقتي؟؟

Strawberry_76847 🇪🇬

ليه دايما بحس إني قليلة ومش مستحقة؟

أنا مش عارفة ليه دايمًا حاسة إني قليلة... بحس إني مش زي غيري، بحس إني مش بستحق حاجة حلوة. يمكن عشان في حاجة قديمة عملتها ومحدش عرفها غيري، بس أنا عمري ما نسيتها. كل مرة أحاول أفرح أو أفتخر بنفسي، الصوت اللي جوايا بيقولي: انتي نسيتي؟ نسيتي عملتي إيه؟ بصراحة بقيت دايمًا حاسة إني أقل من البنات اللي في سني، وهما بيتكلموا عن نفسهم بثقة كأنهم عمرهم ما غلطوا. اللي بيستفزني أكتر إن في منهم بيقعدوا يقولوا: "أنا المفروض كنت أبقى أحسن من كده" أو "أنا أستاهل أحسن بكتير"، وأنا أقعد ساعتها ساكتة مش عارفة ده الصح ولا الغلط. نفسي بس أهرب من الإحساس ده… نفسي أسكت صوت الذنب اللي مش سايبني أعيش ...عرض المزيد

5 الدعم

37 نصيحة

Apple_74635 🇪🇬

تعبانه ومخنوقه ومش عارفة أتكلم مع حد

صباح الخير عليكم جميعا انا صاحية مرهقة و تعبانة و مخنوقة او مش هقول صاحية لان عندي ارق و يادوب نمت ساعة ولا اتنين كل دا طبعا من كتر التفكير و الخنقة و الهم الي انا فيه مش قادرة احكي لحد خالص عن الي جوايا وفي تصرفات كتير غلط بحاول ابطلها بس مش عارفة بحاول على قد م اقدر اساعد نفسي بس اوقات مبينفعش و بحس نفسي بفقد الامل و فجأة بلاقي نفسي بدور على حاجات انا عنري مكنت متخيلة اني فيوم هعملها حتى اهلي مش قادرة احكيلهم مفيش حد يسمع مني و حتى لو هيسمعوا مني الي حصلي مش هينفع احكيه لحد و حاسة اني شايلة هم كبير اوي و عاوزة اطلع كل دا من جوايا بس مش قادرة ...عرض المزيد

5 الدعم

33 نصيحة

Pineapple_77988 🇪🇬

متجوزة من 14 سنة وحاسة إني عايشة مع جد

متجوزة بقالي ١٤ سنة مش عن حب ولا صالونات .. هو أكبر مني ب٧ سنين للأسف من اول اسبوع جواز وانا حسيت إن فرق السن كبير عكس ايام الخطوبة كان محسسني إنه الواد التت الفت بعد الجواز حسيت اني متحوزة راجل كبير انا مش مجنونة في تصرفاتي بس بحب الخروج السفر المغامرات فرفوشة بحب انكش ف اللي قاعد معايا ف الرايحة والجاية هو عكسي تماماً هادي ولما ااعملاي حاجة يحسسني اني مجنونة الحقيقة بطلت اعمل حاجات كتير كنت بعملها لمحتله كذا مرة نفسي اعمل حاجة جديدة هو روتيني فوق الوصف بيتوتي درجة أولى .. مطلبتش حاجة فوق المقدرة خالص بس خلاص تأقلمت بس بقاله ٤ سنين كده بقيت حاسة حرفياً اني عايشة مع واحد عنده ٧٠ سنة شايل الهم عالطول ودائما مكشر زعيق ف الولاد ليل نهار عارفة أن الضغوطات والمسؤوليات ع عيني وراسي بس مش عالطول مش طول الوقت مش بشوفه بيضحك لو ضحك تبقى الضحكة قالبة بايموشن قرفان تعبت اوي غير حاجات كتير مستحملاها وبتغاضى عنها لكن الحاجة دي مأثرة نفسياً عليا وع ولادي مابقوش يحبوا قعدته بس لو غاب شوية يفضلوا يسألوا عليه .. عايزة اتكلم ف حاجات كتير ومش عارفة اقول ايه ولا ايه بس دي اكتر حاجة تعباني ...عرض المزيد

5 الدعم

32 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع