نفسيتي

Mango_22117 🇪🇬

منذ 4 ساعات

شعور مستنزف

تقريبا دا اخر بوست هكتبه علشان يأست من الابلكيشن دا خلاص. معدتي بتموت من توتر تعبت اوووي و مش عارفه اهدي و بضيع نفسي ديما بأفكاري معرفش انا مكنتش كدا بس كل فتره نفسيتي بتكون اسوء بكتير عموما لو معندكوش رد ادعولي ضروري

Mango_22117 🇪🇬

منذ يوم واحد

شعور مستنزف

انا معنديش يقين كبير فربنا و مخنوقه من نفسي بسبب كده و مش عارفه ادعي حتي بحاول اكيد بس نفسيا مش قادره و مش عارفه اركز فحياتي و حاسه ديما ربنا مش هيقبلني و مش فاهمه نفسي بجد معرفش مالي و امتي نفسيتي و حياتي هتتحسن

Apple_59609 🇪🇬

منذ يومين

شعور مكسور القلب

تعبت من كتر التفكير النفسيه بقت زفت مفيش حاجه بتم لا جواز ولا فرح ولا اي حاجه وكل ما اتقدم لحد يخصل خلاف والموضوع يبوظ نفسي الاقي بنت الحلال والله ربنا يعلم الواحد جوه ايه وبيقرب من ربنا ازاي عشان يلاقي بنت الحلال اللي تصونه انا من اسكندريه عندي 32 سنه لو في حد قدامه حد مناسب يكلمني وان شاءلله خير ب

Coffee_52562 🇪🇬

منذ 6 أيام

شعور ضائع

رايح الجيم ع اساس اعدل نفسيتي اللي زفت سيبك من الطبيعي انك هتلاقي دبابات اللهم بارك شايلين اوزان الله اكبر دا العادي اللي يوجع لما تلاقي طفل شايل وزن قدك مرتين وانت اكبر منه ببتاع ست سنين ودا ليه عشان انت اهملت صحتك وظلمت نفسك مش بنظر ع الطفل طبعا ربنا يزيده ويبارك فيه بس زعلان على نفسي مش اكتر والل

Chocolate_65230 🇪🇬

منذ أسبوعين

شعور متعب

بقالي فترة مخنوق مش عندي حد اتكلم معاه كل يوم لوحدي وبقالي سنين علي الوضع ده لحد ما زهقت من حياتي نفسيتي تعبت و حياتي باظت مليش صحاب ولا حد عايز يكون جمبي يمكن عشان انا مش بنت ف محدش بيهتم بيا لو كنت انا بنت كنت هلاقي الف شخص يبعتلي رسايل و يسال عليا في اليوم لكن ده مش موجود للاسف انا بجد بقيت شايف

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Pineapple_51881 🇪🇬

منذ أسبوعين

شعور مكسور القلب

الانسان زهقان مخنوق عنده امتحان سمر وبجد مش طايق نفسه وحاجه قمة القرف وفعلا مبقتش قادر اتعامل مع حد نفسيتي صفر ومش عارف اتكلم ولا احكي ولا اعمل اي حاجه انا ٢٣ سنه وبجد خلاص روحي بتروح مني حتى صحتي بقت في النازل بجد

Apple_68470 🇪🇬

منذ أسبوعين

شعور متعب

عبّر عن شعورك بشكل مجهول

حابة اخد رأيكم في حاجة لاني مدمرة ونفسيتي ميتة 
كنت مرتبطة بحد عرفته من صاحبتي كان زميلها  وهي كانت بتحب شخص تاني ف مافيش بينهم شيء يعني وكان ليا صاحبتي التانية مرتبطة بحد قبل ما ارتبطت  انا وكنت اعرف الشخص اللي كانت مرتبطة  بيه كنا صحاب(من سنتين مكنتش حاسة إني كدا بأذي مشاعرها والله وندمت  واعتذرتهلها مليون مرة) بس والله محاولتش اعمل شيء بقصد يخرب علاقتهم او اكلمه بلطف  زايد حتى ولكنه  كان شايفني بيست فريند ليه وكان بيقولي اني اخته ف عرفت انه سيء وبيكلم بنات وعاوز يسيبها  وقولتلها وانا بعدت عنه وبلكته  وهي انفصلت عنه  كمان بعد الحوار دا بسنة انا ارتبطت بالشخص اللي قولت عنه في اول كلامي كنت بحبه جدا لاننا كنا صحاب اوي قبل ما نحب بعض وهو كمان  كان بيحبني جدا بس كان عنده واحدة صاحبته حرباية كدا بتوقع بينا علطول واحدة مريضة مستفزة  ومكنتش بحبها  بسبب إنها بتعملي مشاكل لكني والله مكرهت حد لله كدا وقولتله كدا كذا مرة وهو شاف كدا لما عملتله هو  شخصيا مشاكل وقالي همسحها من حياتنا علشانك مع ذلك كانت بتعملنا كل شوية قرف وبضايق بسببها عشنا في نكد ، بلكني مرة في نفس الدقيقة  دخلت تقولي عاملة ايهه وانها جاية تطمن عليا !(طبعا مش جاية تشمت) حاولت اصلح دايما المشاكل ومنكرش انه كان بيعمل كدا كمان لكنه اخر فترة كان متغير معايا ف حسيت دا ف كنت بفضفض لصاحبتي المشتركة بينا ف حكتله من غير ما تنبهني اصلا انه عرف مع اني قلتلها اني هقوله تاني يوم ف طبعا اضايق وازاي تدخلي حد بينا ومعرفش ايه صالحته ومعاتبتهاش حتى وقولت انها صاحبتي  من زمان اكيد مش قاصدها يعني  ف المشاكل زادت بقا اخر فترة قام هو اللي بلكني  تالت ليه  بقا ؟ 
علشان اضايقت انه فك البلوك ل البنت المستفزة دي ومهتمش لمشاعري ولا وعده ليا ولما جيت اعاتب قالي  كلام كتير فيما معناه ان العلاقة بيا مبقيتش فارقاله واني بعدته عن اصحابه واني واني وبلكني من كل مكان بدون ماارد وسابني ميتة من العياط ليلة فاينال  عندي في الكلية وروحت الامتحان عيني منفوخة مع ذلك قولت لصاحبتي  تقوله اني عاوزة اكلمه فون افهم عمل كدا ليه قلب عليا الترابيزا  بشكل خلاني اشك في نفسي وانا اللي طلبت نرجع كمان ف قام قالي اننا مش هنعرف ننسي وانه معندوش استعداد يقطع مع فلانة (صاحبته دي) واني اكيد مش هحب دا وهان عليه دموعي وكل شيء عادي وقالي ممكن قدام نتقابل واحنا ناضجين واتأثرت فعلا وعيطت قدامه للمرة اللي معرفش كام  وقفلنا وطبعا بعد المكالمة دي نسيت هو عمل ايه وبدأت اشوه الذكريات الوحشة لا وكمان اغلط نفسي واحكي ل البنتين صحابي اني الوحشة وهو اكيد تعب من كوني بنكد(كل مشاكلنا كانت بسبب البنت دي ولا مرة عملت مشكلة إلا بسببها)  صح صاحبتي  اللي فشكلت ارتبطت بصاحب الولد اللي كنت بحبه دا  ف كنت بطمن عليه منها اكمنها مرتبطة بصاحبه ف لما قعدت لوحدي  حسيت بالذنب تجاه اكس صاحبتي قولت يمكن ان بعيش كل القرف دا علشان شتمته وسلخت مشاعره  في لحظة عبط مني فكيت البلوك  وبعتله اني اسفة بعدين افتكرت صاحبتي  وان  دا اذى ليها روحت حذفت رسالتي خالص ورجعت بلكته وقولتلها كل حاجة علشان مبقاش خبيت بعدها بعتلي على انستا (هو مش عندي على انستا ونسيت ابلكه هناك اصلا لكنه مش عندي) ف قولت بالغلط وبلكته برضو  وقولت للبنت صاحبتي  دي ف رن عليا من رقم غير بتاعه وقالي فكي البلوك  هقولك شيء ف فكيته ف قالي انه بيشكرني على معاملتي الوحشة  ليه وانه بقا شخص  احسن والمعاملة دي خلته ينسى بسرعة  ويعيش ف عملت سكرين وبعته لصاحبتي  برضو وبلكته وحذفت كل شيء من عندي  مش عاوزه  افتكر العك دا وقفلت سوشيال  في الفترة  دي والدتي عرفت اني مرتبطة  بالولد دا ف اضايقت مني وقالت انه مش بيحبني  وكلام كدا ف قولتلها لا وبتاع ف قالت انها هترن عليه وكلمته وفتحت سبيكر قالتله ابعد عن فلانة مهتمش لكلامها وقالها هي اللي بتبعتلي وقوليلها هي الكلام دا (كأنه بيقولها اللي عنده معزة يربطها) عيطت وحسيت كل حاجة  اتدمرت لدرجة صعبة على امي ف رجعت فتحت سوشيال  وقولت لصاحبتي  بقا الحوار اللي هي صاحبته برضو   وقولتلها متجبليش سيرته خالص ولا تقول لحد اللي انا قولتله قالت ولا حتى صاحبتنا التانية؟ وقالت انها عرفت اني بعت لاكس صاحبتنا وان فلان كمان عرف(اللي انا كنت مرتبطة بيه) وعلشان كدا كلم والدتي كدا مفهمتش هم عرفوا ازاي ف بعت لصاحبتي التانية  قعدت تقول انها حكت للولد اللي مرتبطة بيه وانه اللي حكي لصاحبه ومبعتتتش الاسكرينات  (لو بعتت ليهم  كان هيبقا باين جدا اني كنت مش مهتمة وانه مكنش عندي اصلا )  ف قلبوا عليا بقا 
انا مش عارفة صاحبتنا المشتركة دي مضايقة من ايه الموضوع  ملوش علاقة بيها اصلا ودي اما كان سايبني وعمل كل دا كانت بتقولي اني صح وانه وحش جت دلوقتي  شايفاه الملاك 
والتانية  دي مقدرتش تنسى الحوار  القديم مع اني وربي معملتش شيء اصلا ليها وفي ايدها تظهر للكل كل حاجة  بس هي حبت تطلعني الوحشة  ك انتقام على حاجة  انا معملتهاش 
ف جه الاخ بعتلي ماسدج  مع اكتر واحدة انا بكرهها (صاحبته ) انيمنافقة وانه عمل كل حاجة  علشاني واني خنته ومعرفش ايه وكلام مقرف كدا 
وفي اخر الماسدج  صاحبته ضافت كلام من عندها بتشتمني فيه اني محتاجة ثيرابيست وقرف كدا ف روحت عملتلها ريأكت ومردتش لا على كلامه ولا على كلامها 
انا مضايقة اني خسرت صاحبي او اللي كنت فاكرة انهم صحابي وانا دلوقتي  في نظر كل دول الشريرة الوحشة  اللي معرفش ايه  انا نفسيتي ميتة كل شوية بقول ما يمكن انا فعلا وحشة وهم اللي صح مع ان اقسم بالله بذلت مجهود في العلاقات دي كبير لاجل تستمر اعمل ايه دا حتى عتابي لصحابي شافوني كدا بتخانق واخر ماسدجات مني طنشوها وعايشين حياتهم ولا كأن  . حد يساعدني بحل والله تعبت ؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Broccoli_65936 🇪🇬

منذ 3 أسابيع

شعور ضاق ذرعًا

انا مبقتش استحمل كلمه من حد وبالخصوص اهلي مفيش خلاف معاهم ولا حاجه بس حاسس بخنقه طول الوقت من نحيتهم ودايما بكون قاعد. لوحدي علشان مردش عليهم رد مش كويس هل بكده هتحاسب علي بر الوالدين بس والله دا غصب عني انا مش عارف اعمل ايه

Popcorn_69454 🇪🇬 الطبيعي انه الواحد يغضب و يطلع مشاعره سواء الإجابية او السلبية علشان احنا كلنا بني ادمين بنحب و بنكرة و برضو بنغضب. طبعًا الغضب دا حاجة سلبية انك تطلعه في العلن عشان للأسف الناس بتاخد انطباع سىء عن الشخص الغاضب. يمكن غضبك اتجاه اهلك دا جزء من الامان عشان هما اكتر ناس عارفينك و بتعمل قصادهم حاجات لا ارادية من كتر ما هما اتعودوا عليك و انت اتعودت عليهم. حاول متكتمش غضبك و طلعه و لكن بشكل صحي لنفسك

عرض الكل 4 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Mango_67603 🇪🇬

منذ 3 أسابيع

شعور محبط

انا نفسيتي وحشه اوووووووووووووي انا بعد م حبيت 4سنين دلوقتي عاوز يبعد عني بيكسرني وبيوجعني وانا مش عارفه ابعد عنه عشان حبيته بجد بس كل ده بسبب غلطه مني غبي صحابي الي حسبي الله ونعم الوكيل فيهم غووني اعملها بس هو بعديها سمحني ورجع ف الاخر بعد م اتغيرت عشانه بيدعي عليا اموت وبيكسرني وبيلف علي وحده كا

Hazelnut_52786 🇪🇬 كلامك غير مفهوم وضحي مشكلتك اكتر علشان نقدر نساعدك

عرض الكل 25 نصيحة

Mango_67250 🇪🇬

منذ 3 أسابيع

شعور قلق

ان عندي مشكلة كبيرة موقفة حياتي حرفيا و هي ان علاقتي باخويا بايظة جدا و تكاد تكون معدومة دلوقتي و ده بسبب معاملته ليا و انا صغيرة كبرت بقيت بخاف منه و حرفيا بخاف اقعد معاه في مكان واحد بخاف اتكلم معاه و وصل بيا الأمر بقيت مبحبش اسمه و مش بحب اسمع اسمه اصلا حاولت كتير اوي اتخطي الخوف ده بس مش عارف

Chilli_63343 🇪🇬

منذ شهر واحد

شعور مكسور القلب

هو لي محدش بيحضنا ومحدش يحتوينا يعني لما اجيب اخري من كل حاجه وطاقتي خلاص بتخلص اجري ف حضن مين بالاخص ان اهلي محدش بيحضني ومعنديش صحاب اني اروح احكي ليهم وبحاول اقرب من ربنا بجد نفسيتي وحشه ونفسي اترمي ف حضن حد وافضل اعيط من كتر اللي انا فيه 💔💔

Strawberry_25812 🇪🇬

منذ شهر واحد

شعور مرتبك

حد عدي من مرحلة التوهان قبل كده! يعني التوهه اللي بعد التخرج والكلام ده نفسي أقرب من ربنا اكتر واكتر تاني بس حاسه اني تايهه مش عارفه اعمل حاجه بتوتر من اقل حاجه بحس بضغط لفكرة اني عندي كورس او اسمع بودكاست او المفروض اعمل حاجه حاسه نفسيتي مش مستحمله اي كلمه بتعدو من المرحلة دي ازاي! عندي اقتناع تام

Chilli_60185 🇪🇬

منذ شهر واحد

شعور مكسور القلب

عبّر عن شعورك بشكل مجهول

انا عندي مشكله خنقاني  انا شخص خد صدمات كتيره قوي في طفولتو وفي شبابو من كل حد اصحابي اهلي كلو لاكن اهلي بقو كويسين وأت حياه جديده فا المهم خلاص كده اشتركت معاه كوتش اونلاين محترف وخدت بطولات ومطلع ناس بطولات وروحت بقا جيم عشان اتمرن علي خطه الكوتش الاونلاين بتاعي كان في كوتش هناك فا انا اول مره اخش الجيم ومش عارف مكان الاجهزه فا المهم انا من الي حصل في حياتو فا عندي نوبه توتر كده فا بالغلط قلتلو اني معايا كوتش اونلاين وفين وفين بقا عقبال ما يفهم اني مش بقل منو واني مش عشان مفيش كوتش حلو في محافظتي خلصت وروحت اتمرن فا وانا باخد الوزن من المكان الي بيحطو في وقع راح شال معايا وقلي باين انك بتعرف تلعب وتلقيح بقا رغم اني موقعتش الوزن من الجهاز  روحت براحه كده كلمتو وقلتلو انت اخويا الكبير ولو في حاجه زعلتك متزعلش مني  قالي لا ومش لا وخايف تتصاب وكده  و لقح مره مرتين بس بيقول لحد بيمرنو ايه مثلا حسك زعلان مني ولا حاجه علي اساس اني روح كلكتو يعني وقلتلو انت اخويا الكبير  ولو في حاجه زعلتك مني متزعلش كنت عايز اكسبو بالحب والاحترام يعني ودي بدايه حياتي الجديده بدايتها زفت 😂 الي انا اعرفو أن الناس في الجيم رجاله كويسه كده ورياضيه مش عشان انا معا كوتش غيرو يقوم متضايق ودي حاجه ضايقتني اوي  وانا اصلا طالع من مدعك وكان معمولي سحر وليله ما يعلم بيها الي ربنا ونفسيتي صفر  وبقيت حساس ودي حاجه خنقاني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Plum_62202 🇪🇬

مخنوق وخايف ومش جاهز اتقدم لبنت بحبها

محتاج احكي حاجة واسمع منك حلول دلوقتي انا في بنت بحبها من وانا ف الكليه 4 سنين لحد ما لسه متخرج السنادي وطبيعي عاوزاني اتقدم حقها ولاكن في كذا مشكلة الاولى انا لسه متخرج مش معايا الماديات المتاحة زي انا مش عندى شقة حاليا لسه مقدم علی اسكان اجتماعي ودى حيلك ع ما تستلمها بقي الثاني انا لسه متعين ف شغل مرتبه قليل جدا جدا جدا بس عملت كده علشان اعرف يكون عندى حاجة اتكلم بيها عندى شغل ولسة مقدم ع شقة بس النقطة ف اهلى رافضين انت معندكش شقة رسمي هتعمل اي ازاى معندكش شقة مينفعش تروح وانا لسه ورايا جيش ف شهر 4 كمان ف لا متروحش تكلم ابوها ولا تعمل حاجة ف دى مشكلة وان ابوها راجل يعني هي اول بنت ليه ف بيحبها جدا جدا جدا بيخاف عليها من الهوا اعتمدا يدلعها وحقه بس هو بردو لما عرفته كانت ساكته في منطقة متوسط الحال زي لاكن السنه اللي فات مستواهم اللهم بارك على جدا جدا ونقلو ف مكان ف کمبواند ده عملى مشكلة نفسية بس عادي ولاكن ابوها دايما بيقولهم هاتوا حد ميتعبكوش يكون جاهز والحاجات دى وان هو ممكن لما يعرف أني معنديش شقة ميقعدش معايا اصلا ولا يكلمني انا مخنوق جدا وخايف اوى اوى وهي عملت علشاني كتير اوى واستنيتنيتي تمنعت عرسان كتير وفي حد صاحب ابوها متقدملها واهلها بيحبو جدا جد جدا بيلمح كثير لابوها يتقدم وأبوها موافق عليه وحابه وعائلتها كلها حابه انا جنبه مش جاهز بای حاجه لسه هو صاحب ابوها ف الشغل وعنده شقة وعربية وكبير مش صغير 30 سنه وانا وهي 22 ف هو جاهز انا جنبه ولا ايه حاجه بس ف أقل حاجه قابل باباها اکلمو خايف من رده فعلو كلامة وخايفه اتكسر الفكره انا اهلى بيقولو انت معکش ای حاجه دلوقتي ف كلمو وروح عرفو أنك بتحبها بس مش هقدر تعمل اي خطوة رسميه دلوقتي اي خطوة هتكون بعد الجيش بس روح واتكلم معا انا مش عارف طب اروح اتكلم معا ف اي ولا اقول اي واحاول ازای اتكلم معاف حتة اني دلوقتي جايلك علشان مش عاوز اعمل حاجة غلط و الدراسه خلصت و ملیش تواصل معاها بس انا قولتلها اني بحبها وهي قالتلى تعالى كلم بابا ف عاوز اكون قد كلمتي وجيت لحضرتك انا ممكن اكون مش جاهز حالياً ولاكن فعلا بحبها وعاوزها مش عارف كلامه هيكون اي او انا اقول اي او ارد ازاى او اى حاجه او اتكلم ف اي او هو ممكن يقولى اي انا مقدر انو اب وعاوز كل حاجه لبنته واحسن حاجه بس انا خايف من حاجات ومنها وكلمهاش تاني وحاجات تانيه كتير اكيد بس انا مش عارف حتي اعمل اي واتكلم ف اي حتي وهو ممكن يقولى اي وهي تعمل اي علشان تقف معايا وتتكلم أهلها تقول اي محتاج حلول او اراء ...عرض المزيد

0 الدعم

0 نصيحة

Chocolate_65230 🇪🇬

قلبي وجعني أوي ومش عارف أكون مبسوط

قلبي وجعني اوي انا حزين بجد و كل يوم دماغي مش بتبطل تفكير قبل النوم و بحس بحاجات كتيره بتخليني مش عارف اكون مبسوط بجد انا بقالي كتير اوي محستش بشعور الفرحه ابدا انا دايما بيجيلي احباط و حزن وتعب 😭😭😭😭 الدنيا مش حلوه بجد 💔عارفين كل ده بسبب ايه 💔😢 بسبب اني مأكلتش محشي بقالي 3 سنين 😭😭😭💔💔 ...عرض المزيد

0 الدعم

0 نصيحة

Strawberry_74152 🇪🇬

عندي فضول اجرب التدخين.. بيدي ريلاكس ولا كله وهم؟

بصراحه اليومين دول عندي فضول غريب نفسي اجرب التدخين حتى لو مره واحده. عايزه اعرف الإحساس عامل ازاي هو بيدّي فعلاً نوع من الrelaxation زي ما الناس بتقول؟ ولا كله مجرد hype وهمّي؟ مش بقول اني عايزه أبقى مدخنة ولا حاجه، بس يمكن التجربه نفسها تبقى مختلفة ...عرض المزيد

1 الدعم

7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع