نعمة

Apple_62060 🇪🇬

منذ أسبوعين

شعور آسف

نصيحة صغيرة كل ما تمشي ف الشارع تلاقي حد بينام ف الشارع او بيشحت او لقدر الله ماشي علي عكاز وغيره افضل استغفر واحمد ربنا علي نعمه دقيقه ف كل مره تلاقي حاجه زي دي ربنا مدينا نعم لازم نفضل نشكره عليها واننا احسن من غيركوا صباحكوا فل يا فاكهه ♥️

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Tofu_19483 🇪🇬

منذ شهر واحد

شعور مرهق

عبّر عن شعورك بشكل مجهول

الاقتباس ده بيمثلني حقيقي
مثل شخص يسقط من الطابق الخمسين ويعجب بزهور الشرفات التي يمر بها في دربه إلى الموت
أنا حياتي بقت صعبه ف كل حاجه أنا لسه بتعالج من المرض الحقير ده بس كل الرعب ف قلبي علشان نوع الخلايا اللي عندي من أشرس أنواع الخلايا السرطانية وأنا حياتي بقت كلها قلق وخوف وضغط لا مني عارفه هعيش ولا هموت ولا ايه دنيتي مع المرض الزفت ده ولا ايه النهايه يا ترى بجد مين فينا هيكسب التاني!
مبقيتش قادره أستحمل وتعبت ونفسيتي تعبت من كتر الضغوطات اللي بعيشها ف سن المفترض إني أكون بعيش شبابي فيه،مش عارفه أقول ايه لكن بما إننا ف أيام جميله ف أنا أكتر واحده فيكوا محتاجه الدعاء و ف أمس الحاجه لكل دعوه ومش هفكركوا ب إن الدعوه بظهر الغيب مستجابه بإذن الله 
متنسوش تدعولي أستحلفكم بالله تدعولي علشان أنا مش عارفه يعني إذا كنت هعيش ولا لا بس أتمنى لو ربنا كتبلي عمر يكون عمر مليء بالطاعه والقرب منه ولو مكتبليش عمر يتجاوز عن سيئاتي ويغفر لي ويرحمني ويدخلني الجنه
ادعولي كتير
وبفكركم إنكوا متنسوش إن طالما عندكوا نعمة الصحه فكأنما حيزت لكم الدنيا ومتنسوش إن كل ما دون الصحه والأهل دون ولا تزعلوا نفسكوا الزعل آخرته وحشه زي ما انتوا شايفين كده أنا الكانسر جالي م الزعل ف معلش هتستفادوا ايه لما لقدر الله صحتكوا تتبهدل ؟
ولا أي حاجه ف ف ستين داهيه أي حاجه ما دام صحتكوا وأهلكوا بخير ومتنسوش تحمدوا ربنا على كل النعم ومتبصوش للي ف إيد غيركوا مهما كان اللي ظاهرلكم علشان الظاهر حاجه والباطن حاجات تانيه خالص
لا تنسوا أختكوا توفي الصغيره من الدعاء♥️
جزاكم الله بالأضعاف المضاعفه من دعائكم لي وجبر قلوبكم بما تتمنون♥️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Durian_52455 🇪🇬

منذ شهرين

شعور وحيد

انا فى أجازة الجيش وبزعل اوى انى فى اجازة (غريب مش كدة) نفسى افضل فى الجيش طول العمر… اهو على الأقل تفكيرى يقل شوية ومحسش بالوحدة بحس وانا هناك ان فيه حاجة عايش علشانها انى بخدم فى المكتب، واساعد زمايلى فالشغل، وبيكون فيه شوية وقت اساعد فيه الناس الوحيدة وباكل وبشرب من غير فلوس ومش ناقصنى حاجة!! بس

Tofu_19479 🇪🇬

منذ 3 أشهر

شعور لا مبالٍ

عبّر عن شعورك بشكل مجهول

أقولكوا على حاجه بجد؟
بما إني مريضة كانسر بقه وكده وقبل الكانسر كان عندي مشاكل كتير أووي وهموم كتير أووي بس عارفين بجد بعد الكانسر اكتشفت إن كل ما دون الصحة دون أي هم وأي حزن غير الصحه وفقد الأهل دون والله والله إن ما فيه نعمه أعظم من إنك تكون بصحه كويسه تصحى براحتك تنام براحتك مفيش مرض بيقلق نومك،الرسول عليه أفضل الصلاة والسلام قال: (من أصبح منكم آمنًا في سربه، معافى في جسده، عنده قوت يومه، فكأنما حيزت له الدنيا)
ف بجد متزعلوش نفسكوا على أي حاجه والله كل حاجه غير الصحه والأهل تهون احنا ف نعم كبيره أووي بس للأسف بنألف النعم ف نبدأ نحس إن ده الطبيعي،إن طبيعي نلاقي نأكل ،طبيعي نلاقي مكان دافي يحتوينا،طبيعي صحتنا تكون بخير،طبيعي أهلنا يكونوا جنبنا،مع إن كل دي نعم مش طبيعي الإنسان يمتلكها لكن ده كرم ورحمة وفضل ربنا بينا،لما بدأت الكيماوي كنت باخد كل أسبوع جلسه كنت بتدمر بدأت أدرك وقتها نعمة حياتي اللي كنت شايفاها عاديه وسوداويه ومليانه هموم بدأت أشوف إن كل اللي كنت حاساه تفاهات،كل ما دون الصحه دون والله،فكرة إني كنت كل أسبوع باخد جلسة كيماوي وما أدراكوا وجلسات الكيماوي وألمها النفسي والجسدي كنت بتدمر وكنت ببقى رايحه وأنا عارفه إني رايحه جلسة العذاب النفسي والجسدي بدأت أدرك فعلا نعمة وفضل الأيام اللي كنت شايفاها عاديه وممله واتمنيت لو يرجع يوم واحد منها أعيشه ،احمدوا ربنا ع النعمه اللي انتوا فيها ،وأنا كمان بحمد ربنا إني كان معايا فلوس أتعالج وعملت عمليتي الأسبوع اللي عدى ده ف حين إن ناس كتير مش معاها فلوس تتعالج وحالتها أصعب ،أنا شوفت حالات كتير أصعب من حالتي وحمدت ربنا على كرمه ورحمته بيا،اه زعلانه وحزينه وقلبي واجعني لكن بحمد ربنا إنه أكرمني وواثقه ف عوضه هيكون جميل ،لازم نبص دائمًا للي أقل مننا مش للي أعلى،للي أقل صحه،للي أقل مال،للي أقل سعاده لأن لو بصينا للي أعلى عمرنا ما هنرضى ولا قلبنا هيعرف يرضى
أتمنى تدعولي ربنا يصبر قلبي ويراضيني ويجزيني خير ع اللي مريت بيه 
وأنا ف النهايه مش بتفه من وجعكوا لكن بفكركوا إنكوا متزعلوش وتحطوا ف بالكوا إن أي حاجه غير الصحه والأهل ف ستين داهيه فداكوا كل حاجه 
يارب قلبكوا ميشوفش الوجع ولا تعانوا ف حياتكوا ولا تتعبوا خالص وربنا يفرح قلوبكم ♥️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_32659 🇪🇬

منذ 3 أشهر

شعور غير مكتمل

السلام عليكم ،بقالي ٣ سنين مش عارف اعيط ممكن ناس تشوف اني دي حاجه حلوة او تافهه بس جوايا كمية طاقه سلبيه عايز اخرجها مش عارف جربت جميع الطرق الممكنة اغاني،قرأن ..كان اخري لي هو نقطتين عياط ، العياط فعلاً نعمه الموضوع فعلاً مأثر عليا ياريت لي عنده حل يفيدني وشكراً

Cookies_38918 🇪🇬

منذ 3 أشهر

شعور لا مبالٍ

اكتر حاجة اتعلمتها من الدنيا وكمان من الناس المحترمين في الابلكيشن ده ان ( الحب.) نقمة مش نعمة... لو حبيت عقلك هيقف، ولو اشتغل شوية يدوب يدورلك على مبررات تمشي نفسك فيها، ولو اتسحلت اكتر احتمال تخسر نفسك.. بتبقى من الاخر كدا انسان مغيب... شايف مصلحة غيرك هي مصلحتك بدون اي داعي ، بايدك وبرغبتك قررت

Strawberry_11964 🇪🇬

منذ 4 أشهر

شعور خجول

حاليا بداخلي كمية هائلة من عاطفة الأمومة أُمارسها على إخوتي صديقاتي أحبتي الأطفال -أعرفهم أو لا- حتى قطط وكلاب الشارع. الحمد لله الحّنان الذي أعطاني من صفاته الحنان ونزع من تكويني القسوة وجعل قلبي على الجميع قلب أم الله يديم النعمة (" 🫂💗🦆

Strawberry_11964 🇪🇬

منذ 5 أشهر

شعور عاطفي

في نعمة عظيمة وقت البلاء اسمها ( ستر الإنكسار ) ان ربنا يسترك من اظهار الضعف و الانهيار و أنك تتقبل أقداره أمام الناس بمنتهى الرضا حتى إذا خلوت تنكسر بين يدي الله وحده. النعمة دي لا تقدر شكر الدنيا و الله .. و لكن قليل من يفهم أن هدوء المبتلى ليس دليل على راحة باله و انما هو مستور من الانكسار أمام

Strawberry_11964 🇪🇬

منذ 5 أشهر

شعور خجول

سبحان الله! الجلسات اللي بنقعدها مع شخص قضّى وقت كفاية في تهذيب نفسُه حقيقي بتكون جلسات ولا أروَع ومش الجلسات فقط.. العلاقة عمومًا وحتى الهزار وكل ردود أفعاله بتكون مُختلفة، مُهذَّبة، وراقيـة بتحس ان كل كتاب قرأُه وكل مَجلس حضرُه وكل جلساته لتَنقية نفسُه ماراحتش هدَر.. وشتّان ما بينه وبين الأشخاص

Strawberry_11964 🇪🇬

منذ 6 أشهر

شعور عاطفي

يوم مش جميل مادة مكنتش مريحة ف المذاكرة وصعبة ف الامتحان ومش مبسوطة عامة(" لكن الحمد لله اليوم عدي علي خير ونظن ف الله كل الخير ونجيب تقدير حلو ف الاخر بكرمه ولطفه علينا مش بجتهدنا وحسباتنا (" الحمد لله علي نعمة الصيام والصلاة الا بتمطئن الإنسان بوجود ربنا الجميل الذي لا يكل حتي نمل الحمد لله ع

Strawberry_11964 🇪🇬

منذ 6 أشهر

شعور لا مبالٍ

التخطي ده اعظم انتصار عرفته البشرية يعني مفيش احسن من ان شئ يبقى طول الوقت مسيطر على تفكيرك ومسببلك توتر وفجأه تصحى الصبح وكأنه مكنش موجود، ربنا يرزقنا ديما نعمة التخطي علي الأشياء إلا لا نملك حيلة لحلها (:"🫠🦆

Kiwi_49822 🇪🇬

منذ 7 أشهر

شعور منزعج

موضوع:

رساله عايز تقولها لحد بس م عارف.

مش عارف اذيتك فيه لما اتعاملت معاكى بلطف وبقلبى ولما تيقنت بحبى ليكى وحسيت انى قادر اتقدم اعترفتلك وقولتلك اجى اتقدم امتى قولتيلى سيبنى افكر وكررت العرض كذا مرة وبردوا سيبنى افكر لغاية ما اتفاجأت انك اتخطبتى ال مش عارف افهمه مارفضتيش عالطول ليه ايه لازمته الحوارات واللعب ده ولما عاتبتك بتقولى مغصوبة

Apple_18027 🇪🇬 ربنا يعوضك بالخير يارب

عرض الكل 4 نصيحة

Tofu_19479 🇪🇬

منذ 7 أشهر

شعور ضائع

موضوع:

رساله عايز تقولها لحد بس م عارف.

بصوا يا جماعه هختصرلكوا كل حاجه ف كلمتين.. قال رسول الله صل الله عليه وسلم: (من أصبح منكم آمناً في سربه، معافى في جسده، عنده قوت يومه، فكأنما حيزت له الدنيا بأسرها)..كل ما دون الصحه والأهل دون..كنت الأول بيحصل معايا مواقف حزينه كتير جدًا وحاجات تكسر القلب وكنت علطول بقول ليه وليه حظي مش تمام بس لما

Marshmallow_49911 🇪🇬 ربنا يشفيكى ويعافيكى يارب ويقويكى على المرض ويسهل عليكى رحله العلاج وتطلعى منها سليمه معافيه بإذن الله

عرض الكل 8 نصيحة

French Fries_49539 🇪🇬

منذ 7 أشهر

شعور عاطفي

كل سنة بفتكر ان السنة دي مكنش فيها انجاز او لحظات سعيدة كتير و افتكر ان السنة الجاية أكيد هيبقي فيها ، بس ال بيحصل ان كل ما بشوف اي صورة او فيديو في الميموريز بلاقي ان كان في حاجات كتيرة كويسة منها مبقاش موجود اصلا و للاسف مكنتش حاسه بيه ، كل وقت ليه الصعب و المحن ال فيه بس ده مش معناه ان الوقت كله

Carrot_47651 🇯🇴 اعملي مكان بتلفونك فيه كل ذكرياتك الحلوه صغيره او كبيره ابتداء من أكله بتحبيها نهايه بسفر مثلا اي شي سويته بتحبيه خطيه هناك شو ما كان الفكره من الصور الحلوه و الذكريات الحلوه أن تورينا أنه في حياه جميله و مشاعر حلوه تستاهل نعيش و نتفاءل عشانها و بدل ما تشوفي الموضوع أنه ذكريات راحت و ما بتتكرر و ناس راحت ما تكررت لو تستمري سنين عموضوع الذكريات حتنتبهي كلها مع ناس مختلفين يعني الي بروح

عرض الكل 2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع