نصيب

Nutella_86470 🇪🇬

منذ يوم واحد

شعور وحيد

السلام عليكم بصراحه اول مرة اجرب الاب دا ومن كتر الكلام جوايا مش عارفه اقول ايه بس انت دائما حاسه اني لوحدي برغم حواليا ناس كتير بيحبوني وبحبهم بس برضو لوحدي يمكن عشان بدور ع شريك حياتي وشايفه أنه هو دا الشخص الي هيملئ حياتي ومش هكون لوحدي مش عارفه اذا كان تفكيري دا صح ولا غلط ؟ طب لو صح وانا مالي

Chilli_85656 🇪🇬 المفروض هيقل لما تشغلي نفسك بحاجة! بس هيفضل موجود لحد ما نلاقي شريكنا! ولو الشعور بالوحدة و الاشتياق لتكوين علاقة مع اخر نحبه من الجنس الاخر مكنش موجودة مكنش حد هيتجوز وكنا هننقرض! فمتقلقيش. ربنا عامل كده عشان يوفق ازواج ببعض! المشكلة بتحصل بسبب الظروف المادية والاجتماعية والنفسية اللي مش تمام في العالم كله اللي بتأخر ين الجواز! ربنا يحفظنا من الشعور الشديد بالوحدة، ويوفقنا بشريكنا.

عرض الكل 4 نصيحة

Mango_55931 🇪🇬

منذ 6 أيام

شعور آسف

انا عندي 32 سنة خطبت و مرتين و محصلش نصيب و عمري بيجري اووي بحاول اعدي اني لوحدي بس مش قادر و الله نفسي احب و اتحب و يكون ليا ونس و ده ماثر نفسيا علي شغلي و حياتي و مخليني منعزل لوحدي بس عارف اجيب او ادور فين حتي اختيارات الناس كلها غلط انا حقيقي تعبت بجد نفسي افرح و اعيش زي بقيت اصحابي و يكون

Blueberry_79013 🇪🇬

منذ أسبوع واحد

شعور مكتئب

انا اسفه يا حبيبي الفراق علي عيني والله لو بايدي مش هسيبك دقيقة واحدة بس انت عارف،، المهم خد بالك من نفسك و متبقاش تكتر مهدئ عشان نغزات قلبك و حاول تنام ان شاءلله هتظبط وحشتني اوى عارفة انها صعبة عليك و عليا والله بس ده قدرنا كل واحد يمشي طريقه لوحده لو لينا نصيب في بعض هنتقابل تاني (ياريت با

Coffee_84005 🇪🇬

منذ أسبوع واحد

شعور متعب

ازي بتقدرو تتعاملو وتكملو حياتكو عادي وانت بتحب حد من طرف واحد شايف نفسك معاه وحبك واخلاصك له من طرف واحد ازي بتتعايشو علشان جضيت والتفكير ف الوضوع مش بيوقف حرفيا يعني يارب لو مكناش من نصيب بعض لي علقت قلبي بيه اوا ليه اتقابلنا اصلا بجد زهقت

Marshmallow_52511 🇪🇬

منذ أسبوع واحد

شعور شاعر بالملل

عبّر عن شعورك بشكل مجهول

كل ما بحس ان الدنيا ضاقت بيا بقوم كاتبة الحاجه الي مضيقاني هنا 
عارفه انه حاجه غريبه شوية بس انا عايزة اتجوز و استقر نفسيا و احسن اني بقى عندي مسؤلية و بقى ليا حياتي الخاصة بعيدا عن اسرتي و اقدر محكية اي حاجه لماما و يكون عندي شخص واحد كده ليا انا بس و اكون انا برضو ليه هو بس نفسي اعيش جو الحب الي من طرفين ده نفسي اعرف عامل ازاي و ليه بحس انه مستحيل اوصل للمرحلة دي نفسي تستوعب الاحساس الي بسبب الي حواليا حاسه اني عمري ما هعيشه و اني انخلقت منبوذة و مليش حد 
عارفه اني لو اتوفت قبل ما اتجوز كده كده ربنا خليلي شريك ليا لان دي سنة الحياة و دي حاجه مطمناني اوي ان كده كده هناقابل انا و هو بس احساس انه هو مين و هتعيش ابن سوا واخيرا هقدر اعمل كل حاجه انا اتحرمت منها معاه اه اتحرمت منها زي اسمك ايده او احضنه مش معنها اني عايزه كده بالحرام بس عايزه اعمله و انا مرتاحه عايزة اصرخ بحبي لشخص معين قدام الناس كلها منغير خوف و بالاخص ماما نفسي اكون حياتي و يكون عندي بيبي صغير اهتم بيه و اربيه و نفسي اوي اتجوز حد يكون جميل و ميلان و هادي و يجي بالراحه حد يعرف ربنا حد اشوفه مثالي في نظري و اسعد بصحبته و يسعد بصحبتي حد اقدر اشاركه كل حاجه حرفيا عمر ما الاهل يقدرو يشاركوني كل حاجه زيه و بالاخص حتت العاطفة دي مستحيل هو بس نفسي اركد على حد معين كده و مفضلش مشتتة نفسي ارتاح نفسيا و ابطل تفكير اما اكون معاه نفسي اكتفي بحد معين نفسي اشوفه بقى 
انا هنا مش بتكلم على حد معين او اني جربت ادخل في علاقة محرمة قبل كده و اتعقدت منها*
انا بس عايزة اجرب الاحساس الي شبه بعيد ده 
يارب تظهر بقى يالي لينا نصيب من بعض ❤️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ أسبوع واحد

شعور مرتبك

عبّر عن شعورك بشكل مجهول

بحس ان نصيبي اتوه فأكتر طريق اتمنيت امشي فيه وكنت فاكرة ان انا لوحدى كدا بس طلع ناس كتير كدا مع إختلاف حلم كل إنسان عن التانى ولكن اكتر حاجة هتلاقيها صعبة ف حياتك هى اكتر حاجة اتمنيتها .. ومع الوقت فهمت ان دا قدر معظم الناس ان ربنا يختبرنا ويشوف رد فعلنا كنت ساعات بسأل نفسي كتير "ليه؟" 
خصوصا فاللحظة الى كنت بحس خلاص انى قربت من حلمى وواقفة ع بابه فجأة كل حاجة بتدمر مش مرة او عشرين مرة لا دا كتير اوى.. الاول كنت بتضايق بغضب ببكى كتير وممكن استغفر الله توصل للإعتراض ع الاقل بيني وبين نفسي الى هو انا عملت ايه ولكن مع الوقت بقيت صبورة وبفتكر علطول الاية "يقولون هل لنا من الأمر من شئ قل إن الأمر كله لله" الى هو انا لسه مش فاهمة حاجة موصلتش حتى للسبب بس انا واثقة ف الله وانه اكيد مقدر ليا الخير.. بس برضو بترجع تضلم جوايا تانى و بقول "ليه؟" انا موقنة ف الله تمام اليقين بس بخاف من فكرة ان العمر هيخلص ف إختبار كبير مش هوصل فيه لأى طريق وبحس ان دا قدرى مش كل الناس كدا فيه ناس بتوصل لطريقها عادى حتى لو هتعانى وهتصبر انا كل حاجة بتبوظ منى فأول الطريق بقول لعله خير بقول يمكن دى ذنوبي.. عايشة بين أمل وألم بس صابرة ومشكلتى مش فأى حاجة الا ف انى عايزة ابطل ايأل "ليه؟"

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_65823 🇪🇬

منذ أسبوعين

شعور مكسور القلب

Biscuit_84193 🇪🇬 شايفه انه ملهاش لزمه تعاتبه بصراحه لانه كان عارف وعمل كده واكيد دا لمصلحته عشان يكسب نقطه قدام صاحب الشغل..ف النوعيه دى مينفعش معاها عتاب دول بنتجاهلهم خالص ولا هزار ولا غيره..ولو قدامك شغل فى مكان تانى يبقى افضل كتير

عرض الكل 4 نصيحة

عبّر عن شعورك بشكل مجهول

عاوز رايكم و مساعدتكم لو سمحتم
انا عندي ٣٩ و الحكاية ابتدت من سنة ان واحدة اتعينت معايا في الشغل محترمة و متربية و مؤدبة و النصيب انها فيها كل الصفات ال بتمناها فعلا و كانت في خيالي للوحدة ال ارتبط بيها  انا مكنتش بفكر في الجواز قبل كده علشان مش عاوز أظلم بنات الناس لاني امكانياتي ان مفيش شقة و كان عندي محل ورث عن والدي مكنتش عاوز اتصرف فيه علشان ولدي الله يرحمة كان مرتبط بالمحل جدا  لما شفت زملتي دي فكرت في الجواز و اتصرف في المحل و اجيب شقة بس كانت فيه مشكلة ان البنت كانت مخطوبة مع الوقت و التعامل القريب حبتها من كل قلبي و هى الحب الاول ليا مكنتش بتكلم معاها في حجات شخصية او بخصوص خطيبها و كنت بتمنلها الخير بس معملة خطيبها ليه كانت وحشة اوي ضرب و شتيمة و بعد ما تكلمه في التليفون تقعد تعيط و انا مكنتش بكلمها في الحجات دي بس كنت ملاحظ المهم شاء ربنا في يوم ببص في ايدها ملقتش الدبلة عرفت بعدها انها سابت خطيبها لما خيرها بينه و بين الشغل هيا اختارت الشغل  بعد فترة  عرفت من صديقة  مشتركة انها اصلا منفصلة و عندها بنت صغيرة و مش قيلة في الشغل و دي كانت رغبت خطيبها و  خطيبها ده كان بيعايرها انها مطلقة ديما على اساس انها حاجة تقلقل منها المهم فكرت وصليت صلاة استخاره و قلت مفيهاش حاجة و حعتبر البنت بنتي و ربنا عالم و شاهد علي نيتي  فكلمت زملتي دي اني ارتبط بيها و اتقدم لأهلها قالت مش بفكر دولقتي والف من يتمناك و مقلتش على طروفها  قلت طب خدي  وقتك  فكري انا مش مستعجل و قفلنا الموضوع لان كنت بقول لنفسي ان انا اتقدمت بدري كان بعد شهر من ما سابت خطيبها و احنا كنا قريبين اصلا فده خلاني اتكلم بدري بس قلت المفروض اصبر و عدي شهر تانى  و من التعامل و انا اعزم مرة و هيا تعزم مرة لاقيت امها كلمتني في التليفون و مكنتش اول مرة نتكلم بس المكالمة دي مختلفة قالت هو انت لسه عاوز لسه ترتبط بينتي قلت ايوه قالت انت عارف ظروفها قلت ايوه و متقبلها تماما قالت كلم اخوها كلمته سال عليا و رد ان الناس قالت في حقي كلام كويس و اني محترم و الحمد لله و اقترح ان اكلم زملتي في التليفون على اساس اننا مش بنعرف نتكلم في الشغل لاننا مش حنتكلم كزملة و كمان يبقى بعيد عن الشغل لحد ما هيا تتعرف عليا اكتر و تاخد قرار قلت ماشي و فعلا كنا بنتكلم بالساعات ٦ ساعات في المكالمة الواحدة  و براحتنا بعيد عن جو الشغل هيا مقلتش انها بتحبنى بس كانت بتقول أسرار مش بتقلها لخطيبها حسب كلام اهلها و بتاخد  راحتها معايا في الكلام و الأمور مشيت حلو كلام و هزار لمدة أسبوع ظهر في الصورة خطيبها بدأ بيهددها انه يعملها فضيحة بالكدب في الشغل و عند أخواتها و حتى بعت ليا رسالة و مردتش عليه و كان بيقول انا حخليكي تسيب الشغل ده و انتي عينك مكسورة و في الأرض و حيعملك فضيحة وسط اهلك و اقول اني عملت و عملت انا علشان اطمنها قلتلها و امها اني مش مصدقه و كمان لأنها محترمة فعلا كانت هى بتتجاهله في الأول ابتدت ترد عليه قلها انا عملت كده علشان بحبك و كنت بهزر مش حعمل فضيحة ولا حاجة مكانتش موفقة ترجعله و احنا كملنا كلامنا عادي و اهلها قالوا ليا معلش اصبر عليها شوية لسه خارجة من علاقة فاشلة و وافقت و قلت على راحتها خالص مش عاوز حد يضغط عليها و في يوم بنتكلم هيا قالت احنا بنتكلم ليه و اننا عارفين بعض اصلا و انا كلامنا في التليفون عامل مشاكل ليا في البيت قلت مشاكل ايه كله بعلم اهلك و موافقتهم قالت انه ابويا قال يا انا أوافق و انت تتقدم و تيجي البيت و هو موافق عليك يا اما ابلغك علشان تشوف انت بنت الحلال و مبقاش معطلاق جنبي فاحنا اصحاب و زملة و اخوات قولت تمام إذا كانت دي رغبتك  
اكتشفت ان في نفس اليوم ده و قبل المكالمة الأخيرة ال بينا بساعات مديري ال في الشغل و ال بعتبره اخويا الصغير هو ٢٩ سنة بس اقدم مني في المجال 
( كان عارف اني بكلم البنت و بحبها و ناوي اتقدم) هو كلم البنت و قلها انا جايبلك عريس الهو صاحب الشغل بتعنا و صاحب الشغل ده غنى بس سلوكة مش كويس و بيجوز جوزات عرفي شهرين و يسيب او علاقات منغير جواز و بيشرب خمر و انا ال مكنتش مركز معاه في الأول ولا في حياته الشخصية و مديري ده عارف بكده من بدري جدا و كان لمديرى زي مكافأة مبلغ لو هو ظبط الموضوع لصاحب الشغل ال كان عرف اني بحب البنت لما سال بعض زميلنا في الشغل و بردوا اتقدم
و البنت مرفضتش العرض ولا وافقت بس قالت حشوف اهلي و ابوها لما عرف قالها يا تقولي لراجل (عليا انا) البيكلمك يجي البيت و انا موافق عليه يا اما تقولي له يشوف بنت الحلال متعطلهوش جنبك و هي اختار نبقي زملة و ده نصيب يومين و خطيبها قابلها في الشارع و قالها الناس طمعانه فيكي نرجع لبعض و رجعت يومين و شتمها في التليفون فقالت خلاص مش حرجعله مع ضغط المدير و صاحب الشغل ردت علي تليفونات صاحب الشغل مكالمت في حدود ٥ دقايق و  لمده ٣ ايام هي مكنتش موافق على صاحب الشغل بس تايها بعد كده اخوها الكبير قلها تسيب الشغل و كلم صاحب الشغل قلة ان كل شئ نصيب و كان اهلها مش موفقين عليه لما عرفوا سلوكة و اخوه رجعها لخطيبها علشان يقفل الباب قدام صاحب الشغل وخلاص 
ال عاوز رائيكم فيه اتعامل مع صحبى المدير ازاي انا مابعرفش ابقي بوشين او اكون شايل من حد و اتعامل معاه عادي او  اضحك في وشة حاسيس اني مخنوق في الشغل و حزين علطول و. مع الأسف محتاج الشغل و مفيش بديل قدامي دلوقتي مخنوفة اوي من الشغل بيفكرني بالعمله صاحبي و بيفكرني بالبنت البحبها انا بتمنلها كل الخير و بدعيلها و انا بصلي لحد دلوقتي الموضوع مر عليه ٥ شهور نفسي ارتاح 
اهم من اجابتكم الدعاء ليا  شكرا و اسف لحضرتك جدا جدا على الاطالة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_78389 🇪🇬

منذ 3 أسابيع

شعور مستنزف

Blueberry_79752 🇪🇬 اتقدم لها رسمي

عرض الكل 4 نصيحة

عبّر عن شعورك بشكل مجهول

اسف على الاطالة في بنت معايا في الكلية بس هي قسم و انا في قسم تاني المهم البنت دي أنا اعجبت بيها جدا في سنة أولى و اتغيرت كتييير عشانها مع العلم هي مكانتش تعرف اني معجب بيها أو كانت تعرف بس مكانتش متأكدة المهم هي بنت محترمة جدا و مش بتكلم ولاد و كانت دايما بتبصلي في الكلية كتير جدا ف أنا بعتلها واحدة صاحبتي تونسية لما كنت في سنة أولى عشان تكلمها و اعرف دماغها و حياتها من خلال صاحبتي التونسية دي ف عرفت منها أنها معجبة بواحد اسمه اسلام و أن هي مش بتكلم ولاد ف مش بتكلمه ف معجبة به من بعيد كدا بس المهم اني ساعتها اضايقت و كلمتها في الاجازة كدا و ساعتها عرفتني كل حاجة أن هي عارفه اني معجب بيها و اتفاجئت اصلا أنها حرفيا قالتلي اسمي مع اني كنت عامل اكونت فيك و قالتلي حاجة غريبة أنها قالت لصاحبتي التونسية دي فيما معناه انها قالتلها أن في حد هي معجبة بيه عشان توصلي رسالة ف قلتلها اني عايز اتقدملها و كدا بس على ما اتخرج أو سنة رابعة قالتلي هو عامتا كل واحد و نصيبه و يمكن على رابعة او لما تتخرج تشدك واحدة تانية و للأسف هي عرفت موضوع البنت التونسية دي ف أنا عايز اعرف يا جماعة أنا دلوقتي في سنة تالتة اهو هل لما اخلص رابعة اكلمها تاني و اقولها اني عايز اتقدم ولا بلاش أنا لحد دلوقتي بقالي تلت سنين في الجامعة بدون مبالغة عمري ما اعجبت بواحدة ولا بصيت ل اي واحدة ب انبهار من كتر ما انا بحبها ف المفروض اعمل اية و بعتذر عن الإطالة مرة تانية

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_64801 🇪🇬

منذ 3 أسابيع

شعور مرهق

انا تعبت من كتر المحولات وانى اسبت ل الى اودامى انى كويس فعلا و استاهل و فجأه تختفى وهيا مطمنا انى فعلا كويس مشعرف ازاى حد يبا معيا ويبا فى تفاهم وحنيه انا مشعرف ازاى اعرف ناس ويفضل ف حياتى هوا العشرا مباتش موجودا لى زى زمان ولا انا بس الى مليش نصيب

Avocado_72714 🇪🇬

منذ شهر واحد

شعور مرهق

عبّر عن شعورك بشكل مجهول

دائماً بقول لصحابي انه مش فارق معايا ولا هاممني وجوده زي عدمه بنسبالي بس انا في الحقيقة كدابة لو دققت في كلمة وجوده اه وجوده كان بيفرق جداً على الاقل كنت بحكي لحد يومي وانا مطمنه على الاقل كان شخص محترم على الاقل كنا بناخد قرارتنا سوا على الاقل كانت علاقتنا بيرفكت على الاقل كنا مش معرفين حد بعلاقتنا ودي كانت احسن حركة ممكن تتعمل على الاقل كنت باخد رأيه في كل حاجه على الاقل كنت بهزر وبيهزر معايا من غير ما نزعل من بعض او نتضايق على الاقل كنت واقفه معاه وفي وقت ما كان محتاجلي وهو كمان نفس الشيء على الاقل احترمني وعمره ما قلل مني ولا حتى شتمني او قال عني كلمه مش كويسه على الاقل مكنش عنده صحاب يتكلم معاهم عليا على الاقل دايما كنا متفاهمين مع بعض وخناقتنا كانت تافهه على الاقل مدخلش بيننا طرف تالت على الاقل كان دايما بينصحني بالصح ودايما كان خايف على مصلحتي ، هتسألوني طب طالما علاقتكم كانت كويسه للدرجادي ليه سيبتو بعض ؟؟
اولا سيبتو لان كان دايما مراودني شعور اني اللي بعمله حرام وغلط ولازم ابعد وطالما حبيتو من كل قلبي لازم استناه في الحلال كانت حركه اديها 10/10 كمان لانه معترضش علي دا حتى ساعتها لما سيبتو حاولت اكلمه تاني قالي احنا على اتفاقنا ومش هنكلم بعض تاني طول ما العلاقه حرام ، مبسوطه بس من جوايا خوف وقلق من المستقبل ليكون مش ليا ليكون مش هنبقى لبعض او حتى لو اتجوزت حد غيره مقدرش انساه جوايا خوف من حاجات كتير او حتى ما انساهوش وينساني عادي ويعيش حياته طبيعي كل دي حاجات بفكر فيها كل يوم مع انه قالي انه مش هينساني بس النفوس بتتغير مافيش حاجه بتفضل على حالها أنا سيبت الموضوع دا على ربنا وهو هيحلها إن شاء الله ربنا لو شايفه انه خير ليا هيحصل نصيب لو مش خير قدر الله وماشاء فعل وانا راضيه .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_50987 🇪🇬

منذ شهر واحد

شعور عاطفي

السعى دايما للأفضل دافع قوى جدا اننا نكون افضل وانتا منستسلمش لمحوافنا ونقول مش قادرين مجرد وجود الثقه بالنفس مع الاحترافيه تقدر تعمل اى حاجه انت عايز تعملها مع اختلاف موهبة كل شخص بس لو حطينا الموضوع فى دماغنا نقدر على كدا بقدرة ربنا والتوكل عليه ف متخفش عند حاجه خايف تعملها خد الرسك واعمل ربنا قال

Avocado_77362 🇪🇬

منذ شهر واحد

شعور منزعج

عندى مشكله مش عارفه العيب فين و ازاى انا كنت مخطوبه و محصلش نصيب و بعدين ارتبط و بردو مفيش نصيب المشكله انى مش بحب اطلب حاجه من عشان انا ملزمه من اهلى و بعدين انا عارفه كويس ظروف الشباب مكنش عندى مانع لو نزلنا و اتمشينا و مرحناش كافيه مش فارق معايا لو ف الاعياد والمناسبات ميجبش حاجه بس يقولى كلمه لط

Popcorn_52662 🇪🇬

منذ شهر واحد

شعور عاطفي

اكتر حاجة بضحكني اليومين دول ان كتر من العارفهم بق بيخطوبه أكبر مني وأصغر مني و قدي وانا وقف بقول مبروك وعمري ما جربت الهم جروبه دا حد يحبك وانت تحبه حاجة خلتني حساس ان خلاص رحت على او ان مليش نصيب فيه مش عارف ليه بس كل ما افكر اضحك ع نفسي اكتر عشان شكل زي عشت من غيره شكلي هموت من غيره لوحدي 😂😂😂�

Mango_58587 🇪🇬

منذ شهر واحد

شعور قلق

30 سنه والحمد لله جاهز وجد بس متجوزتش فمتزعلش لو مش عندك او ظروفك صعبه ولسه نصيبك مجاش لان كله قدر يا صديقي ولما يحي الاذن اكيد هنفرح باختيار ربنا لينا اللى مزعل الواحد ان الصبر ع الموضوع دا صعب خصوصا لو كان ليك تجارب سابقه او علاقات الانر ببقا بالدبل

Biscuit_17258 🇪🇬

منذ شهر واحد

شعور مستنزف

بتنامو ازاي بعد مابتترفضو وإزاي بيتم اخماد كم المشاعر السلبيه اللي بتحسسك انك مكنتش كفايه ازاي تقنع نفسك انه عادي وبتحصل وان دا لايقلل منك شئ كإنسان طبيعي وأنك فعلا حد كويس بس الفكرة انه نصيب ازاي متصعبش عليك نفسك وتمشي امورك وتقوم وتكمل كإنه عادي ولا المفروض اقعد شويه استوعب ولا اكمل سعي ولا اسمح ل

Sugar_21815 🇪🇬

ليه الدنيا مش سهله وكلنا أحلي بشعرنا وبلبسنا؟

جماعه احنا ليه مش عادي ننزل بشعرنا و نلبس ضيق و قصير و فساتين مفتوحه و نفرد شعرنا ليه مكانتش الشهوه اللي عند الرجاله قليله عشان نقدر نعمل كدا ليه مكانتش الدنيا مفتوحه و نعجب و نحب و نكلم و نعيش قصص حب جميله و نعمل علاقات ليه الدنيا مش سهله دي حاجه انا كنت بتمناها لكن للاسف الناس اللي احنا عايشين معاهم هيعتبرونا سلعه و اداه تسليه و ترفيه و الدين محافظ علينا من كل ده بس ليه احنا كلنا احلي بشعرنا و بلبسنا ليه مينفعش ابقي معجبه بواحد نحب بعض بكل حريه حاسه اني مكتئبه ...عرض المزيد

3 الدعم

29 نصيحة

Tofu_77801 🇪🇬

مش مبسوطة مع جوزى.. هل الطلاق هو الحل؟

انا جوزى حد كويس هو بيقدرنى وبيحترمنى وانا كذالك .. احنا بقالنا اربع سنين متجوزين وفى عشرة كبيرة ما بينا ونوعا ما الدنيا بينا متستقرة ولكن المشكلة انى مش مبسوطة معاه .. ومش بحس ان فيه مشاعر ما بينا يعنى احنا بنعامل بعض كويس وخلاص.. وحياتنا روتينية قاتلة .. ومفيش اى تجديد فيها ..حاولت كتير الاقى حل .. واتكلمت معاه ولكن كل مرة بنرجع لصفر وحاسة انى مش لاقية نفسى معاه وانه غير شخصيتى للطريقة اللى تناسب حياتة ولكن دة مع الوقت بدا يتعبنى ..هل ممكن يكون الحل فى الطلاق؟ ...عرض المزيد

1 الدعم

22 نصيحة

Mushroom_83350 🇪🇬

إزاي نعيش في عالم مقزز كده؟!

كدة هنضيع يعنى الآب ده مفيش حد حقيقى اصلا كله كلام خارج و اباحى ديه عقلية الشباب ولا ايه!!! انا عمرى شفت كدة والله مقولتش بدور على دكتور نفسانى ولا شيخ أو شيخة بس المستوى هنا بشع و مفيش حوار محترم متحضر حصل بينى و بين حد حتى البنات صدموني كل تفكيرهم كدة طيب الناس الى زيى يقفلوا على نفسهم طول العمر مفيش اونلاين بسبب ناس تفكيرها كدة!! مفيش حوار و يبقى ليا دعوة بحد عالم مقزز و بشع لأبعد حد إزاى الى بيتكلموا دول هيبقوا أب أو أم أو يبقوا فى مجال عمل يعنى إزاى دول يبقوا وسط مجتمع و أطفال و صحاب و عيلة إزاى ...عرض المزيد

6 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع