نصح

Grape_53645 🇪🇬

منذ شهرين

شعور محبط

مساء الخير، انا دايم التعلق باصحاب معينين بشكل مفرط بعاملهم بحب جداً و بتعلق جداً بخاف عليهم جداً و بنصحهم بس بحس ان ده مينفعش في المجتمع ده ،و بتصايق جداً لما الاقيهم بيضروا نفسهم، بس علي كده بحس نفسي حساس بزيادة و ان دي مش شكل صداقة علي حسب مسمي اللي حواليا فهل انا في مشكلة لاني بتعب جداً و بتحرق

Lemon_34495 🇶🇦

منذ 3 أشهر

شعور مكسور القلب

يقولك ازاي تحس نفسك ضعيف و انت معاك الحق، صاحب الحق قوي و اغلب الناس شايفة اللي ما عندناش مصلحة معاه بنترفع حتي اننا نتسلي معاه و لو عندك وقت فراغ ما تحضر التكتوك و متلبسيش الحجاب لو مش عارفة نفسك مش حتضعفي و جهاد النفس لعب بالدين و اللي يغلط غلطة صغيرة لازم يطلع يعتزر للشعب كلو و مش ما بينو و بين

عبّر عن شعورك بشكل مجهول

يقولك ازاي تحس نفسك ضعيف و انت معاك الحق، صاحب الحق قوي

و اغلب الناس شايفة  اللي ما عندناش مصلحة معاه بنترفع حتي اننا نتسلي معاه و لو عندك وقت فراغ ما تحضر التكتوك و متلبسيش الحجاب لو مش عارفة نفسك مش حتضعفي و جهاد النفس لعب بالدين و اللي يغلط غلطة صغيرة لازم يطلع يعتزر للشعب كلو و مش ما بينو و بين ربو و اللي يقع في موقف ضعف يتوصف بصفة وحدة انو ضعيف و يتحبس فيها طول عمرو و لو موقف فقر يتوصف بصفة وحدة انو فقير و يتحبس فيها طول عمرو و اللي ربنا رزقو بحاجة عشان هو يستاهلها و اللي ربنا ابتلاه عشان هو يستاهل و قليلة الحياء هي اللي بتعجب الرجالة و الملامح الطبيعية باهتة و الست السعيدة هي اللي مسيطرة علي جوزها و الراجل السعيد هو اللي معندوش احترام للمرأة و اللي معندهومش رحمة هم الاكتر و العكس قاعدين مكسوفين من نفسهم و ميعرفوش بعض حتي و انت ازاي عندك احساس و ازاي مبتذاكرش طول الوقت و ازاي مبتوصلش لهدفك، دة مش رزقك كدة، دة انت فاشل و ازاي بتتعب، انت معملتش حاجة و ازاي عيان، دي حاجة متخصش حد غيرك، اتحمل و اديني مصلحتي و بعدين اتعب بعديها زي ما انت عاوز و انتي ازاي بتحترمي جوزك، ازاي ميجبلكيش اغلي حاجة و ازاي بيتك مش زي بيوتنا و ازاي مش ساكنة في منطقة راقية زينا ، دة انتي فاشلة بقي و ازاي بتطبخي لجوزك و ازاي مش بتمشي كلامك عليه و ازاي مبيصرفش فلوسه علي مزاجك ، دة هو متحكم فيكي بقي، ازاي الطفل يغلط، لا دة هو لازم يتولد عارف كل حاجة
و اي دة انتي جاية تحكي مشاكلك متسندي نفسك يحبيبتي، هو احنا ناقصين نكد، لاااااا احنا محدش فينا بتحصل حاجة تزعلو ابدا، اصل احنا مش اغبياء و بنعرف نظبط أمورنا ، اي دة انتي بتتنططي م الفرحة لي يحبيبتي متخليكي عاقلة، اي دة انتي مبترقصيش و تضحكي بصوت عالي لي، انتي فرحانة من جوة، اي الفرح اللي من جوة دة، مفيش حاجة اسمها كدة
انت جاي تنصحنا، فاكر نفسك عارف حاجة، احنا مش محتاجين نصيحتك
اخوك و عاوزه يحبك، دة اللي هو ازاي، كل حاجة بالفلوس، ادفع يحبيبي و هتلاقيني بحبك و بونسك غير كدة متضيعش وقتي
اي دة انت عاوز تحكيلي علي مشاكلك، اسكت اسكت و اسمع مشاكلي انا، انت مشاكلك دي انت السبب فيها انما انا، انا مشاكلي كبيرة و محتاجة تتسمع و متحاولش تنصحني لو كان في حل كنت عرفته لوحدي
ليه يحبيبتي مبتتكلميش، اهتماماتك غير اهتماماتي، عشان اهتماماتك غلط يحبيبتي، سيبك منها و غيريها و اعملي زيي، اهتمي بحاجات عليها القيمه 
احنا مش محتاجين نتكلم في الدين مع بعض، ابحث في جوجل و دي علاقة بينك و بين ربك انا اي اللي يدخلني فيها، و الفلوس كلها مرمية في ايجارات و الشغل و الخبرة لازم في نفس المجال و فرش البضاعة ممنوع

في رأيي ان الحق محتاج جهاد و اننا محتاجين بعض و محتاجين نرحم بعض و نسند بعض و الصعوبة طبعا مش مبرر عشان نعمل اصغر حاجة تغضب ربنا، احنا بنحب ربنا و هنتحمل عشان ننجح في اختبار الدنيا و ممكن اوقات تعدي علينا الثانية كانها اتقل من الجبل و ربنا يقوينا كلنا

كلامي اقصد مني علي اقل تقدير نداء للرحمة، نداء للفهم، نداء لاحترام النية الطيبة والضعف والاختلاف
 رسالة مقاومة ضد العنف المغلف بالحكمة، ضد التنمر اللي لابس لبس النصح، وضد البرود اللي لابس وش القوة.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_37714 🇪🇬

منذ 9 أشهر

شعور مرتبك

Marshmallow_29286 🇪🇬 حلو انك نصحتيها وصبرتي عليها، هي حره في الاخر مش هتجبريها على حاجه، لكن شايفه انك بلاش تقولي لاهلها وتدخلي نفسك في مشاكل وتعمليلها كمان مشاكل، يمكن تتوب لربنا قبل ما حد يعرف، ويمكن رصيدها من الستر يخلص واهلها يعرفوا لوحدهم، ولو عرفت انهم عرفوا بسببك هتنسى موضوع التوبه وتركز عليكي وانك جبتيلها المشاكل ف ريحي دماغك

عرض الكل 4 نصيحة

عبّر عن شعورك بشكل مجهول

انا من عادتي ما كنتش بحب ان انا اصاحب البنات اللي كان ليهم علاقه بحاجه يعني بتغضب ربنا اذا كانت علاقات محرمه او اي حاجه عموما بتخلي ربنا يحط غضبه على الشخص ده وانا كان عندي واحده صاحبتي كانت قريبه مني جدا وصاحبتي دي للاسف ان هي كان ليها علاقه بالعلاقات المحرمه يعني كانت بتكلم ولاد ومش اكثر حتى من ولدين او واحد كانوا فوق العشر ولاد كانت تعرفهم، كانت قريبه مني جدا فقررت ان انا انصحها وافهمها ان ده حرام وان هي كده بتخلي ربنا يغضب عليها وان هي تتوب وترجع لربنا وحاولت معاها غالبا اكثر من سنه او سنه ونص بنصح فيها ومش عارفه اعمل ايه مش عارفه اقول لاهلها ولا لا انا حاليا انا علاقتي مقطوعه بيها ولكن معايا رقم باباهم ومعايا كمان رقم اختها ولكن انا مش عارفه ادخل نفسي في الحوار او اللي هو اقول لاهلها على المواضيع دي كلها عشان يخلوا بالهم منها او يعني اللي هو يفتشوا في موبايلها او كده لكن انا مش عارفه ان انا اتكلم وادخل نفسي في الموضوع ولا افضل ساكته وهم يكتشفوا لوحدهم ولا لا لان هما قفشوها مرتين وهي بتعمل كدا ولكن كان البيت كله يعلم ما عدا باباها ميعرفش بكل دا، ف انتم شايفين اني اقول لأهلها ولا اعمل اي لأني سيبتها بسبب اللي هي فيه ولكن ضميري بيأنبني لما بفتكر اني مش معرفه اهلها بحاجه زي كدا، وبتمنى منكم رد لأني مش عارفه اعمل اي.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_30319 🇪🇬

منذ 9 أشهر

شعور مهتم

موضوع:

ازاى بتطور من نفسك بجانب شغلك أو دراستك

كنت بطور نفسي دينيا كنت بسمع بوتكاست ديني كتر علشان يبقا عندي ثقافه دينيه وبروح دروس وحلقات دين وبروح كتاب احفظ قرآن وكنت بحاول اساعد صحابي وانصحهم كتير بالحجات اللي بسمعها علشان متسقلش عليها يوم القيامة 💙

Chocolate_35061 🇪🇬 بارك الله فيكي

عرض الكل 2 نصيحة

Coffee_27670 🇪🇬

منذ 9 أشهر

شعور مرهق

موضوع:

اكتشفت ازاي أن الطرف التاني بيحبك / مش بيحبك؟

لما كنت بنصحو. بحاجت عشان بحبو و نفسي اشوفو احسن و بدا ياخد الموضوع اني بعلق علي تصرفاتها و ان كده بتحكم فيها و انها عايزه تغلط براحتها من غير م حد يقولها الصح و الغلط مع ان كنت بنصحها بطريقة حلوه جدا و براحه

Onion_21923 🇪🇬

منذ 11 شهرًا

شعور مستنزف

انا جايه اكلمكم في موضوع مكزنتيش فاكره انو هيأثر فيا بس أثر جدا وبحاول معيطش انا ليا بنت عمي ست سنين ابتدائي و تلاته اعدادي سوي وفي نفس الفصل والدسك ثانوي بس اللي فرقنا هي راحت تجاره وانا ثانويه عامه دا غير اننا ساكنين في نفس الشارع نزلت استوري بترد علي الناس اللي بتبركلها علي خطوبتها و مقلتليش انا

Cherry_14010 🇶🇦

منذ سنة واحدة

شعور Okay 😐

أوحش احساس ممكن تحسوا لما تبقا بتنصح حد و يطلعك انت الغلطان انت نيتك تساعد حد يمكن تترد و حد في يوم يساعدك و ينصحك بس بتطلع انت الوحش المستشيخ أنا بس بني آدمه …بنصح…وبتنصح…مش ملاك؟ و ربنا يهديني و يهدينا جميعاً. 🌸

Carrot_74050 🇪🇬

حبيبي رفض يتجوزني بعد ١٤ سنة ولسه مكسورة

صتي طويله شويه.. هو انسان مغامر وانا تقليديه جداً.. انا عرفته من ١٤ سنه ، من اديان مختلفه..كنا في بدايه مشوارنا المهني..اول ما شوفته اتخطفت وهو كذلك..ابوه كان متوفي من وهو صغير ومامته كانت مريضه.. مره ف مره حبينا بعض واتعلقت بيه جداً.. كان اول مره احب ف حياتي.. هو كان طبعاً غيري.. بيصاحب من ابتدائي تقريباً وانا شخصيه مجربتش اي حاجه ف حياتي خارجه عن المألوف،كنت منبهره بيه وبشخصيته ومغامراته، وهو كان منبهر بالبراءه والتخلف اللي عندي.كان بيمر بظروف انسانيه و ماليه كتير زي ان كان عليه ديون ومصاريف البيت وهكذا،قررت اقف جنبه واساعده معنوياً و مادياً.. وقالي بحبك. قضيت معاه احلي سنتين..بس كنا عارفين ان انا مش لبعض ..وكان طبعاً بيعرف بنات عليا عادي ويسيبني ويرجع عادي..فضلنا كده فتره كبيره يسيب ويرجع يلاقيني زي ما انا منبهره، كل مره كنت بنهار واكتئب،قعدنا مع بعض قالي لازم حل.. خوفت وقتها امشي واسيب اهلي قلتله شوف حياتك.. لحد ما استقر ف وظيفه كويسه راح خطب وقالي بس ٦ شهور وفسخ الخطوبه وساب شغله قعد ف البيت فتره وانا اللي شايله وبعدين راح شغل تاني استقر فيه الي حداً ما.. كنا بنتكلم عادي يعني كل فتره كأصحاب. قالي انه هيخطب مره تانيه.. قعد سنه ونص معاها و قالي افضل بلاش نتكلم بطلب منه بس المشكله ان اهلها رفضوه لما اتقدملها، وبعدها فضل مكمل مع البنت بدون علم ابوها . بس للأسف عمل حاجه غلط واترفد.. ومن هنا ابتدي يضيع ويدخل ف ازمات وخطيبته سابته وسافرت ورجع يكلمني وانا اللي جيت ادعم واسند..تقريباً من ٢٠١٧ العلاقه اخدت منحني مختلف خالص، مكانش حد معاه غيري.. ولا حتي اخته ولا اصحابه مفييش.. ابتدينا نقرب جداً من بعض بعدها جت كورونا وهو اتعدي وانا كنت برعاه..وانا اتعديت كان هيتجنن. ٧ سنين تقريباً كنا اقرب اتنين لبعض، حبيبي وصديقي.. كنت مبخليهوش عايز حاجه.. بهتم بيه جداً و اشيله ف عنيا..يحب يعمل مشاريع اساهم فيها.. يحب يسافر اساعد باللي اقدر عليه.. قالي كتير انا مش ممكن هسيبك واحنا مع بعض.. طلب مني اسيب اهلي هنا ف مصر بس كان صعب عليا اعمل كده وانا هنا و عشان كمان وضعنا المادي، كذا مره محاولاته في الشغل تفشل .. طبعاً كان فيه خناقات كتير ف الاخر لاني ابتديت انضغط من الوضع ككل (معنوياً ومادياً) وكتير نتخانق ونسيب ونرجع.. خصوصاً اخر سنتين…وهو كان عصبي وبيغلط.. لما يغير عليا يغلط فيا وابتدي حتي ميحبش يخرج وممكن يقعد شهرين منشوفش بعض..لحد من فتره بسيطه جداً سافر بره بس حسيته انه اتغير هناك..كلامه ابتدي يقل شويه بشويه .. ابتدي يبقي بعيد…اتخانقنا كالعاده.. قالي عايز اركز واعمل مستقبل.. ولما اكون جاهز للجواز هكلمك.. بس انا مقدرتش استني خوفت ينساني فرفضت…وطبعاً ف الوقت ده اخته كانت ابتدت تظهر، قالي يبقي لازم اهلك يعرفوا عشان مينفعش اخدك منهم ولو حصل حاجه بينا هوديكي فين؟! لازم يوافقوا…ولازم يشوفوني راجل…اتفقنا انه يكلمهم وبالفعل حصل بعد مكالمه مدتها ٣٠ ثانيه بس، طبعاً اترفض بس يعني بأدب من غير اي تجريح منهم..بعدها قالي انا شايف ان كده كفايه ولازم نمشي كل واحد من سكه..فضلنا نتكلم بعدها كام يوم بس كنت حاسه انه مش مرتاح او بيتكلم غصب وكل شويه يقولي زهقت من الوضع ده وهو "حقه يعني مأنكرتش" انا يعني معرفتش اعمل ايه وقتها..قولتله خلاص امشي وركز علي حياتك ومستقبلك بس كان نفسي يحاول شويه عشاني يعني مش مجرد مكالمه تليفون.. حتي لما سبنا بعض كان علي الشات. بعدها بيومين بس وبعد ما الدنيا عندي هديت لان اهلي كانوا متدايقين مني جداً مع ذلك قالولي اعملي اللي انتي عايزاه بس موافقتنا مش هتاخديها. بعتله كتير وحاولت ارجعه واقوله اني هسيب اهلي هنا واروحله ونتجوز مدني، مرضيش قالي مينفعش دي مسئوليه انا مش قدها… انا مش عايز التضحيات دي.. قولتله انا كبيره وهتحمل تبعات قراري قالي لا انا عايز واحده طبيعيه معندهاش كل المشاكل والتعقيدات دي.. قالي انه خايف عليا يجراله حاجه واني ابقي لوحدي خالص..مع ان انا كده كده بسافر وبروح واجي واشتغل وبعتمد علي نفسي حقيقي كنت هلاقي سكه لو حصل حاجه يعني..قالي عايز عياله يبقوا ليهم اهل ويتربوا علي الصلاه رغم ان انا اللي كنت بتخانق معاه لما يفطر ف رمضان او يفوّت فرض. قال ان هو مكانش عايز يكمل بقاله ٣ سنين.. بس كان خايف علي زعلي وقتها..،وان هو ما صدق يحكم عقله..طبعاً طريقه كلامه معايا مكانش احسن حاجه ولا كانت طيبه زي ما متعوده منه..اكيد هو كمان كان مكسور زيي بظبط وانا مقدره، بس انا يعني معرفتش غيره عمري كله و محبتش غيره.. وحاسه اني ملامحي كبرت من بعده وكل حاجه بقيت حزينه..محدش مقدر ولا عارف ازاي انا مكسوره.. روحت لدكتور من كتر الزعل قالي لازم تنسيه وانا مش عارفه.. حقيقي الموضوع صعب..وانا متلخبطه يعني مش عارفه هو ليه موافقش هل هو فعلاً خايف من المسئوليه ولا هو مش جاهز يتجوز ولا هو مش عايزني انا؟!!. مجرد التفكير ف الموضوع مهلك وبينا زكريااااات كتير صعب تتنسي وف نفس الوقت انا مش صغيره والتوقيت مش افضل حاجه،،وحاسه اني هعيش كده خلاص. بقالنا سنه سايبين بعض لكن بيطمن عليا كل فتره. الفكره دلوقتي صاحبه راحله زياره ( ابن خاله خطيبته التانيه اللي سافرت وسابته) رجع يعرفني انه خلاص هيتجوزها وانا مش قادره استوعب الصدمه. ...عرض المزيد

0 الدعم

0 نصيحة

Corn_67700 🇱🇾

أفكار مجنونة مينفعش تطلع.. أنا محنوق جداً

احيانا بيجي ف بال الواحد افكار مجنونه حجات مينفعش تطلع برا الخيال حجات لو طلعت هيبان شخص عكس الشخص واحيانا في حجات بيبقي الواحد نفسه يعملها بس في موانع كتير اوي مينفعش يعملها عشانها احكولنا الحجات دي واي هيا بكل صدق وصراحه حتي لو حاجه مينفعش تتقال في الاول وفي الاخر هيا افكار عابره بعني . . . واللي حابب يتكلم برده بسكع كويس وبحكم السن والخبرة ممكن اساعد . . . واهو اي حاجه بقي المهم ادخلو عبرو عن اللي جواكم ولو بكلمه . . . . ...... ااااااااااااااااااااناااااااااا محنوقققققق جدااااااااااااااااااااااا😂😂🤦‍♂️🤦‍♂️🤦‍♂️ ...عرض المزيد

0 الدعم

0 نصيحة

Banana_74049 🇪🇬

عندي اكتئاب وبحب أسمع للناس وأساعدهم

انا شاب نص مصري نص فلسطيني وعندي مشاكل كتير ابسطهم اكتئاب 4 سنين بيروح ويجي وحاولت انتحر 3 مرات اخر مره ليله الكريسماس ... انا فاضي لو حد حابب يفضفض لان انا بحب اسمع للناس والاقيلهم حلول واساعدهم حتي لو بالكلام بس 🤍 ...عرض المزيد

0 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع