نرجسية الأب

Coffee_68523 🇪🇬

منذ 3 أسابيع

شعور ضاق ذرعًا

مساء الخير يا جماعه ❤️ من قبل ما اتكلم، لو هتكتب advice إن حياتي أحسن من حياتك أو أم إزاي أهلي دول أحسن من اهملك، ف وفر وقت و متكتبش advice. ديه مش مسابقه مين أهله اوحش من التاني. أنا مصدقا إني لقيت تطبيق ممكن افضفض فيه و يبقي عربي (جربت تطبيقات تانيه بس إللي عليها اكترها أجانب و مش فاهمين والبيئه إ

عبّر عن شعورك بشكل مجهول

مساء الخير يا جماعه ❤️
من قبل ما اتكلم، لو هتكتب advice إن حياتي أحسن من حياتك أو أم إزاي أهلي دول أحسن من اهملك، ف وفر وقت و متكتبش advice. ديه مش مسابقه مين أهله اوحش من التاني. أنا مصدقا إني لقيت تطبيق ممكن افضفض فيه و يبقي عربي (جربت تطبيقات تانيه بس إللي عليها اكترها أجانب و مش فاهمين والبيئه إللي أنا عايشة فيها)

المهم. أنا كتبت بوست فوضوي سيكا بليل و يعني شكرا لكل حد هون عليا بكلامه الجميل. ياريت كان الاحساس الجميل ده كمل معايا لتاني يوم بس الحمدالله علي نعمة الاهل إللي واقفين لبعد علي الواحده

بجد أنا مش فاهمه ولا بابا ولا ماما. يعني هما كبار. هو داخلي ال ٦٠ و هي داخلة علي ال٥ج جابوا منين البطاقه إنهم يتشالوا و يتحطوا و يتخانقوا ديه أنا مش عارفه و الوضع بقى مقرف جدا. هو واقفلها علي الواحده و هي واقفله علي الواحده و في أقل مشكله لازم يجعروا لبعض و عارفخ إن في ناس هتقولي طب ما طنشيهم و هما بيتخانقوا، أنا بعمل كده بس المشكله إن لازم يجيوا يطلعوا عصبيتهم عليا أنا منغير سبب. و كل كوم و كوم أنا بابا أصلا فيه صفات نرجسيه و يجي يسألني يقولي أنا غلط يا بنتي؟ ولاهي أنا لو قولتله آه يتقمص مني و أنا المفروض مدخاش في مشاكل أبويا و أمي هو أنا إللي متجوزة ولا هما يعني؟؟ بجد كرهت فكره الجواز بسببهم مع إني مش شايفة أي مفر تآني من الجحيم ده غير آنتي أتجوز بس إنت مش عايزة أقع مع واحد يكرهني عيشتي طول عمري ولا أهله يكرهوني أو يحقدوا عليا (عيلة بابا تصرفاتهم مليانه حقد سيكا ناحية ماما منغير سبب) ده أنا لما بتخانق مع حد بحس بكميه تعب رهيبه و ده بيبقي مره كل فتره مش حرفيا كل يوم. مش عارفه جايبين البطاقه ديه كلها منين علشان يطلعوا ميتين أهل بعض

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_53277 🇪🇬

مش حاسس بفرح ولا زعل وعايز حد يهتم بيا

انا بقالي شهر لا بحس بفرح ولا زعل حرفيا كل الخناقات اللي كانت بتحصلي في الجامعه وبيني وبين والدي مبقتش تفرقلي وبقيت بحب العزله والوحده مع اني اجتماعي جدا وعندي صحاب كتيير اوي بس فجأة بقيت طول اليوم عامل وضع طيران وسايلنت للتيلفون وواخد جنب من الكل وبطلت احكي واتكلم انا مرتاح كده بس في نفس الوقت حاسس اني نفسي حد يجري يهتم عليا ويفضل ورايا ويسندني بس مش عارف كأن جوايا جزء راضي على اللي بيحصل وجزء مش راضي ابدا حد يفيدني يا جماعه ...عرض المزيد

1 الدعم

1 نصيحة

Lemon_66502 🇪🇬

ليه بتبعت رسايل تعارف لأي واحدة ست؟

بعض الرجالة بتقعد تبعت رسايل تعارف لأي حساب عليه اسم واحدة ست حتى لو مش حاطة صورة. الحقيقة ده شيء مش هيفيدك بحاجة يعني هو انت لما بعتلها رسالة تفتكر كده هتبقى النجم الجذاب؟ 😅 ياعم افهم…ده مش بيزودك قيمة ولا بيخليك مختلف بالعكس…بيخليك زيك زي غيرك من الكتير اللي بيعملوا نفس الغلط ورسايلهم بتوصل في الاذر بدون اي قيمة. واه يجدعان انا شاب عشان محدش يدخل يشتمني بس ...عرض المزيد

2 الدعم

1 نصيحة

Apple_73825 🇪🇬

أبحث عن زوجة ثانية للاستقرار | القاهرة

ابحث عن زوجه ثانيه عمرها من ٤٣ وحتي ٤٩ يفضل ارمله او مطلقه بدون اطفال أو طفل واحد محجبه مستوي اجتماعي متوسط محجبه متوسطه الجمال مؤهل عالي هادئة متدينه تبحث عن الاستقرار. أنا ٥٤ عام متزوج وأب ولكن في حكم المنفصلين ولا ارغب في الطلاق علشان الاولاد بصحه جيده ومستوي اجتماعي متوسط ومن القاهره واعمل في السادات بوظيفه جيده لو ممكن ترشيحات ...عرض المزيد

1 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع