مقارنة بالسلفة

Marshmallow_55702 🇪🇬

منذ شهرين

شعور مكسور القلب

عبّر عن شعورك بشكل مجهول

تعبانة اوى بجد ومحبطة 
انا من ارياف ، يوم ما اتخطبت انا وجوزى قالولى هنعمل فرحه هو واخوه قولتله لا وكنت هرفض فالاول وبابا اخد منهم وعد بكده جوم قبل الفرح وقاله لا مش هنعمل وهنخطب لاخوه والاتنين مع بعض  .. الكلام ده كان بعد سنة وكنت حبيته ولحد انهارده مقتنعة انه يستاهل الحب هو احن واحد فالدنيا 
بس قهرونى واستنيت ست شهور خطبو لاخوه وعملوا الفرح جماعى
ودى مش نهاية القهر .. بدأوا يغيروا من كليتى مع انى عمرى ما اتكبرت بيها او ذكرتها وانا اصلا مش بعرف اترسم واعمل لنفسي مكانة وبكره ده ف نفسي اصلا ونفسي يبقالى image كده بس انا عبيطة 
دايما يقارنونى بسلفتى اللى اتجوزت معايا دى وانها احسن منى مع ان بشهادة كل خلق الله انا الاحلى شكلا والافضل عيلة وتعليم  
بس هى اذكى منى فالتعامل فبيت العيلة وبتعرفهم تديهم على دماغهم وتمشيهم على مزاطها ويحبو تراب رجليها بردو 
المهم ان كمان هى ما شاء الله اللهم بارك حملت بعد الفرح علطول وخلفت بنت زى القمر ربنا يحميها وانا بقالى تلات سنين ربنا مرزقنيش وبحمد ربنا عادى بس هما فالسنين دول هما وسلفتى ياما قهرونى بالخلفة وانا بتماسك وبظهر انى مش زعلانة ومش فارقلى واجيب هدايا اعياد ميلاد للبنت واعاملها كويس بس انا بخب البنت يعنى بعاملها كويس ليها مش ليهم بس بتقهر لما اتجبر احضر مناسباتهم وهما متجاهلين شعورى انا وجوزى حضرت عيد ميلادها امبارح لانه صادف يوم العيد مكنتش عاوزة احضره صراحة ومعرفش ايه السبب 
المهم انا عملت تحاليل واشعة وكده عندى تكيسات بس والدكاترة كانو بيقولولى بسيطة وهخلف عليها ومحصلش واخدت منشطات بردو محصلش 
انا شايفة ان كله بسبب وزنى الزايد شكلى مش تخين اوى بس انا قصيرة وتخنى كله ف بطنى .. طول التلات سنين اعمل دايتات وتبوظ 
فانتو شايفين الحل ايه .. انا لسا ف اول سنة نيابة انا دكتورة واتجوزت فالامتياز فلسا ف اول خطوات كاريري وبتعلم .. بفكر فالحقن المجهرى بس حاسة انه مش وقته  انا طموحه ونفسي اخلص زمالة واسافر بريطانيا بس خايفة من سنى ٢٨ سنة خايفة يكون حلى الحقن ولما الجأله يبقى سنى كبر ونتابحه اقل معايا 
وف نفس الوقت حاسة ان سربعتى عالخلفة بسبب كسوفى واحراجى ماللى مواليا 
بقيت بين نارين نار شغلى ونار انى عاوزة محسش انى محرجة دايما وسطهم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_73831 🇪🇬

خايف أقع في الحب وأتكسف أو أضيعها

أنا شخص عندي over thinking دي حاجة الحاجة التانية أنا بكره إني أكون ضعيف قدام أي حد ولو فيه موقف حصل هيخليني أكون ضعيف بتماسك جدًّا علشان مبنش بأي طريقة إني ضعيف وكده من زمان وأنا كاره موضوع الحب وإني أحب واحدة وأعترفلها بكده وهي ترفض أو توافق ده لو الشخص اعترف أصلًا لأن كلهم بيرفضو يعترفو بكده والكلام ده كله أنا مقتنع بالكلام ده من أولى ثانوي تقريبا أنا دلوقتي خلصت أولى جامعة وداخل تانية المهم أنا ف الترم التاني قابلت شخص ما وشدني بطريقة غريبة جدًا لدرجة إني رفضت الموضوع بشدة وعمال أقول أكيد فيه حاجة غلط لحد م اقنعت نفسي بالعافية إنها عجبتني لكن أنا قدام أمرين البنت جميلة جدًّا ومستحيل حد يكون بالجمال ده والاحترام ده اللي أنا بشوفه يحب شخص زيي الموضوع التاني إني مش شايف نفسي الشخص اللي هيجيب رقمها ويكلمها ويعترفلها وابقى تحت رحمة إنها توافق أو ترفض ولو وافقت هعمل إيه بعد كده ولو رفضت فأنا هكسف نفسي وشايف إن ده ضعف وف نفس الوقت أنا قلقان جدًّا إني أضيعها ولو فكرت ف الموضوع بلاقي نفسي بفكر أنا هتجوزها على طول إزاي لدرجة إني حسبت كل التكاليف اللي هحتاجها علشان أقدر أتجوز فمش عارف أعمل إيه ...عرض المزيد

0 الدعم

0 نصيحة

Lemon_66502 🇪🇬

اعرف الفرق بين الاهتمام والاعجاب وتحكم في علاقتك

افهم الفرق بين الاهتمام والاعجاب علشان تحافظ علي اهتمام الطرف التاني: ١. الاهتمام: يعني انك تبعت ليه رسالة تسأل عليه وتديله شعور انك موجود في حياته. بس من غير ماتفريط. وده بيخليه يحس بقيمتك ووجودك. ٢. الاعجاب: وهنا الخطر يعني انك لما تبالغ وتدي كل تركيزك ومشاعرك فدماغ شريكك بتسجلك انك مضمون وساعتها بيبدأ يقل اهتمامه بيك. والسر هنا ان الأنسان بطبيعته بيميل اكتر للحاجة اللي مش مضمونة. يعني لو فضلت موازن بين (اهتم بيك) وبين (ممكن اختفي في اي لحظة) هتخلي الطرف التاني دايما عايز يثبت نفسه ليك. ...عرض المزيد

0 الدعم

0 نصيحة

Watermelon_73560 🇪🇬

الرفض من بنت بحبها القشة اللي قسمت ضهري

انا اترفضت من بنت حبيتها و اهتميت بيها و شايلها علي كفوف الراحه بس دي مش نرجسيه منها ولا اي حاجه هي كانت صريحه و دي حاجه احترمتها فيها جدا كان في مشاعر بينا الاول و كل ده بيروح لحد ما هينتهي و من كتر مانا حاسس اني خسرتها تعتبر هي القشه اللي قسمت ضهري اخف روح و شخص و كل حاجه بس تقيله اوي ف وجعها جوايا ...عرض المزيد

1 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع