مش عارف ايه اللي جوايا

Blueberry_59867 🇪🇬

أنا مهيبرة ومش عندي صحاب وعاوزة أخرج كل يوم

في شعور دايما حساه دايما حاسة انى مهيبرة ولا كل الناس شبهى بس انا الى معنديش صحاب القصة وما فيها دايما عاوزة اخرج دايما عاوزة بعد الشغل انزل اتمشي مع حد اروح ع النوم دايما كل يوم كل يوم عاوزة ابقي خارجة معرفش ده طبيعى ولا هيبرة واعمل اى وللعلم بشتغل مش فاضية وكمان باخد كورس ف اى الحل ...عرض المزيد

0 الدعم

5 نصيحة

Almond_56393 🇪🇬

أنا انطوائي نرجسي.. وانتظرتها ٨ سنين

هحكيلكم حكاية.. انا انطوائي ، نرجسي مش هجازف عشان مترفضش عايش في دنيا برفضها خوف لاترفض من ١٠ سنين أعجبت ببنت كنت لسه صغير وقتها وساذج.. قولت بس جامد اوي انا هفضل أحبها لحد ما الدنيا تظبط معايا واتقدملها واقولها بصي انا محوش حب ليكي قد ايه ، كل ده بتاعك انتي ، كنت راهب في حبها ، صاين قلبي عن اي بنت تانية عشانها.. عدت سنين وسنين ، حصلتلي ظروف شديدة شوية كنت فاكر فيها موتي ، مستحيل اقوم منها ، كنت بقعد بالشهور في السرير مستني روحي تطلع عشان ده الخلاص الوحيد للي بيحصل.. كنت طول الوقت بكلمها ف بالي وعايش معاها كأنها حقيقية وبحكيلها كل حاجة ، كنت بهون على نفسي واقعد افضفضلها في بالي.. عدى وقت كتير والظروف كانت بتروح لحتة اسوء كل يوم ، بقيت بس بتمنى اشوفها قبل ما اموت.. حسيت كل حاجة باظت وإني مش قد الوعد بتاع اني مش هكلمها لحد ما أكون قادر اتجوزها ، مش قادر خلاص انا عاوز اكلمها.. جبت اكونتها وكانت الصدمة ، كانت عايشة حياتها وشباب في كل حتة والدنيا حلوة ع الآخر.. يومها انا نزلت ف الشارع الساعة ٢ بليل من خنقتي وقعدت اعيط.. ما علينا قررت اكلمها وخلاص ، فاكس قصة الحب ، انا بموت دلوقتي ومحتاجها جمبي ولو حتى صحاب.. بعتلها بطريقة متقلش مني ،استنيت شهور ومفيش رد ، بعتلها تاني واستنيت شهور ومفيش رد ، بعتلها تالت واستنيت شهور ومفيش رد ، انا نرجسي وكل مرة ببعت كنت بخسر جزء من كبريائي ، بس انا بموت بجد مش بهزر.. في وسط الأيام اللي بتعدي دي مرة نزلت الشارع الفجر زي السكران بدور عليها جايز الاقيها صدفة ، مع العلم هي في مصر وانا مش في مصر ، بيني وبينها 6000 كيلو.. عدت شهور وكل مرة بحاول اعافر في الدنيا لوحدي ومش عارف ، بقيت كل ما اعوز انهار أعمل اكونت فيك واخش أقولها كل حاجة جوايا واوقات كنت بشتمها ،انا بحبك سنين وانتي سيباني اموت؟؟ مقولتش حبيني بس انا لو حيوان في الشارع وبيموت هتتعاطفي معاه ، انا جايلك وشايل قلبي ف ايدي بينقط دم ، مش بقولك نتعرف!! وأول ما اهدى بمسح الاكونت وكل حاجة وانام وكالعادة بحلم انها ردت عليا وافرح ، ولما اصحى وأكتشف انه حلم بحس كأن اليوم ده جنازة.. اتعلمت اعبر عن مشاعري واتعلمت اكتب بسبب الكلام اللي كنت ببعتهولها ، مش نرجسية بس كان كلامي زي السيف ، يدبح اي حد بيحس ، إلا هيه.. عدت سنين وسنين ومرة بعت ونمت وصحيت لقيت رسالة بعد ٨ سنين ، مكتوب ازيك؟ انا متوقعتش ان في حد ممكن يحب حد الحب ده كله ، بس انا مش عوزاك توقف حياتك عليا ، شوف واحدة تحبك ، *وقتها كنت بعرف بنات العالم كلهم ، بحاول اعوض النقص اللي عندي ، وبرضو مش عاوز غيرها ، وقولتلها انا مش عيل غلبان وعندي غيرك كتير بس انا عاوزك انتي ، تعالي طلعيني من كل ده* المهم قالتلي شوف بنت تانية ، قولتلها طب عارفة انا مين ؟ قالت لا ومش مهم اعرف ، وقالتلي احترم اني رديت عليك ومتبعتش تاني وعملت بلوك.. بعد ٨ سنين كان نصيبي فيها رسالة وداع مدتها دقيقة بتقولي متجيش هنا تاني ، وانا وعدتها عمري ما هبعت تاني ولحد دلوقتي عدى ٣ سنين ومبعتش.. هي في الحقيقة ماتت في عيني ، بس لسه روحها عايشة جوايا ، ولسه بتكلم معاها كل يوم قبل ما انام ، وبجيلها وقت ما أكون تعبان واحس اني لوحدي.. وتوتة توتة خلصت الحدوتة.. ...عرض المزيد

1 الدعم

3 نصيحة

Watermelon_58952 🇪🇬

مش عارفه اعمل ايه بعد طلاق اهلي وعايزه ابعد عن ابويا

مش عارفه اقول ايه بس بقالى كام يوم بعيش ايام سواد بسبب خلافات امى و ابويا امى سافرت عشان زعلانه منو و جابت اخرها هو بصراحه مش طبيعي بيتعبها وهى تعبانه اصلا و سافرت بس سابتنا فالبيت من غير ما تقول و عرفت انها سافرت لأهلنا فمكان ما مع أن تيتا جمبنا تقدر تقعد هنا بس مش فاهمه اى لازمه كدا برن عليها كتير و اتطمن عليها بلكتنا كلنا و سابتنا و عرفت من برا يعنى أنها بتعمل كدا عشان تأدبه ولما بابا عرف انها سافرت طلقها انا بصراحه مش زعلانه لانو قلبو اسود علينا و بيكرهنا اوى و بيبقى معاه فلوس مش بيصرف منو لله بس فعلا ييكرهنا اوى واحنا بنكرهو بس المشكله ف قعدتو معانا بيشتمنا كتير و ممكن يمد ايدو و بيحرمنا من المصروف مش عاوز يعمل اى حاجه ولا قادر يشيل اى مسؤليه كل ما اكلم امى متردش و تبعت حد يقولى الكلام الى عاوزه تقولو و ياريت بفايده تقولى هو بيعمل كدا عشان يضغط عليا لا مش هيقدر يجي جمبكو لا مش هيقدر ميدكوش فلوس و هو عامل كل دا حرفيا و خد مننا الفلوس إلى ادهالنا طب احنا ذنبنا اى و دا غير انى عرفت أن امى رايحه تسافر فمكان تانى عشان تفك و تغير جو بقولها هو انتى فارق معاكى الى بيحصل فينا تقول اه امال فين دا إلى فارق معاها تعمل كدا و تخرج؟ المشكله كل همها الشقه و أننا نقعد فيها لأجل أنها متتاخدش و هو ياخدها طب احنا مالنا ليه نعيش العيشه دى لى طب والله مش فهمه نقولها احنا هنروح عند ستى إلى جمبنا نقعد معاها احسن بكتير من إلى هو معيشهولنا تقول لا اوعو تتحركو من الشقه عاوزه حل ياجماعه بالله يكون عاقل و فنفس الوقت ميسبيش ضرر انا والله جبت أخرى و هما مخلينا فالنص بينهم و كل ما نطلب حاجه منو يقولى روحى لامك و العكس حسبي الله ونعم الوكيل فيهم انا عمرى ما هسامحهم المهم عاوزه حل ياجماعه انا نفسي ابعد عن ابويا والله و مش هيفرق معايا اعيش انا و اختى لوحدى و اشتغل والله بس بعيد عنو انا بخاف منو و حتى امى مبقتش عاوزاها حتى لو جت انا هفضل شايله منها جدا قولولى اعمل ايه ...عرض المزيد

1 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع