مش عارفة أظبط نفسي

Banana_69853 🇪🇬

انا بنسي كتير وعامله ليا ازمة في حياتي

انا بقيت بنسي كتييير و عامله ليا ازمه لدرجه اني الصبح و انا رايح الشغل باخد ساعه بدور علي حاجتي الشخصيه الاقي التليفون انسي المفاتيح الاقي المفاتيح الحمدلله و خلاص طالع من البيت احمدك يارب انسي الشاحن لاني نسيت احط التليفون علي الشاحن من بليل ارجع تاني اجيب الشاحن اتأخر علي الشغل المحفظه🤦🏻 وها كذا دا روتين كل يوم حتا و انا ماشي في الشارع لو قابلت واحد اعرفه و اتكلمت معاه شويه انسي انا كنت عايز اي و في مناسبات ببقي معزوم عليها ينساها و في ناس كتير بتزعل مني بسبب كدا و ممكن يكون واحد بيحكيلي حاجه و بيكلمني و بعد شويه اسأله انت كنت بتقول اي مكنتش كدا خااالص و بحاول بحاول بجد اتخلص من الموضوع دا مش عارف و حاليا مش لاقي مفاتيح الشغل هعطل ناس كتير الصبح عن شغلها بقالي ٣ ساعات بدور عليها الحمدلله المشكله ان دا طبيعي و مش بشرب حاجه و لا بتعاطي حاجه عندي مشاكل ؟ عندي محيط مشاكل في حياتي و كل يوم واحد يجي يقعد معاك بحكيلك مشاكله و المطلوب منك انك تسمعه و اقسم بالله ببقي نفسي اسمعه و احل معاه بس انا مش معاه اصلا ببقي في كوكب تاني يا جماعه الحياه مشقه و ربنا يخرجنا منها علي خير ...عرض المزيد

0 الدعم

0 نصيحة

Watermelon_52298 🇪🇬

اتعامل مع أبويا القاسي ازاي بعد الطلاق؟

انا عندي ٢٠ سنة و انا صغير خالص حصلت مشاكل بين ابويا و امي ادت لطلاقهم في ٢٠٠٧ بعد الطلاق بفترة ابويا رفع قضية رؤية عشان يشوفني و كدا المهم كنت بروحله كل اسبوع مرة و كدا مع انه بخيل جدا و مكنش بيدفع نفقة تستاهل و لحد دلوقتي المهم هو كان بيعاملني بقسوة لدرجة اني لما نجحت في رابعة ابتدائي اداني جنيه واحد انت متخيل و تدور الايام لحد ٢٠٢٠ و انا داخل المدرسة الثانوية و كانو طالبين بطاقة الاب للتقديم و طبعا هو رفض كعادته فا امي رفعت قضية عشان تاخد الوصاية التعليمية بتاعتي و تقدملي هي في المدرسة المهم انا من وقت الموقف دا و انا قطعت علاقتي بيه نهائيا مبكلمهوش ولا بشوفه لحد ما انا رفعت عليه قضية نفقة و اول ما عرف بالقضية حاول يتواصل معايا عشان يحاول يتقرب مني و يخليني اتنازل و كدا المهم ان النفقة اصلا كلها ١٤٠٠ جنيه يعني مش مبلغ ولا حاجة و قعد برضو يقولي اكلم اعمامي و كدا و اللي هو ميعرفهوش اني اصلا بكلم اعمامي عادي و ولادهم و حتى اخواتي منه ( هو اتجوز واحدة تانية و خلف منها بنتين) فا انا اتصرف معاه ازاي دلوقتي اكلمه ولا لا و ياريت نصايح ليا ...عرض المزيد

2 الدعم

1 نصيحة

Apple_66014 🇪🇬

الصراع الداخلي بين المشاعر الصح والغلط

سبحان الله الإنسان عباره عن كتله ضخمه من المشاعر والاحاسيس منها ماهو سليم وسوي ومنها ما هو غير ذلك ومن هنا يبدأ السراع الداخلي والخفي بين الصح وأخطاء وفي بعض الأحيان بيكون السراع ده شديد علي النفس وخاصه اذا كانت المنافسه بينهم شديده ...عرض المزيد

1 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع