مشكله مع الصحبه

Mango_11070 🇪🇬

منذ سنة واحدة

شعور Not great 😕

عبّر عن شعورك بشكل مجهول

كنت انا وهي اكتر من صحاب كنا يعتبر اخوات مبنخبيش عن بعض حاجه ودايما بناخد رأي بعض بس من شهر 1 دخل بينا حربوقتين وفرقونا عن بعض وحاليا لما اتصالحنا مرجعناش صحاب بقينا زمايل او حتى يمكن اقل  من زمايل لإن اوقات بضحك مع زمايلي انما انا و هي الرد على قد السؤال ف المهم النهارده كنا ماشيين مع 2 زمايلنا قالتلي ع قراية فتحتها انها تاني يوم العيد ف واحده منهم سألتها اذا بالليل ولا ب النهار ف قالتلها بالنهار عشان واحده كدا تيجي ف انا قولتلها هو يفرق معاكي اني اجي او لأ قالتلي لو مكنش يفرق معايا مكنتش قولتلك ف انا سكت ف واحنا ف الدرس انا كنت بتكلم مع المس وهي قاعده مع 4 زمايلنا وبيني وبينها صف خلصت كلام مع المس و سرحت شويه ف واحده من اللي هي قاعده معاهم قالتلي انتِ زعلتي ف صحبتي قالتلها بصوت واطي زمانها زعلت بس انا قولتلها ازعل ليه قامت قايله مسمعِتش ف سألت واحده تانيه ضحكت وقالتلي خلاص ف انا كنت قررت اني هروح بعد اللي قالته قبل م نروح الدرس ان مرواحي هيفرق معاها رغم اني متأكده اني هقف لوحدي وهي هتكون قاعده مع البنات اللي هيكونوا هناك سواء من العيله او صحاب بس بعد الحوار اللي حصل منها ومن البنات ف الدرس رجعت افكر تاني اذا اروح ولا لأ ف انتوا اي رأيكم اروح ولا اي ولو لأ قولولي السبب عشان اكون مقتنعه ولما هي تسألني مروحتش ليه دا اذا سألتني اصلا اقولها السبب دا مع العلم اننا اصحاب من اكتر من 11سنه.  وشكرا لكل شخص قرأ كلامي وشكرا ل اللي ه‍ يهتم.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_74359 🇪🇬

ازاي إنسان يستغل وفايا كده بعد كل ده؟

انا حبيت حد ووعدني انه هياخد خطوه بعد كام شهر الحال فضل 3سنين بسبب الظروف وان حالته الماديه وحشه. فعلا فضلت معاه لانه كان جدع وكويس جدااا واخلاق وبيصلي فعلا فعلا زي الكتاب ماقال وكنت من وقت للتاني اشك فيه لان مافيش حد كامل كده هو من محافظه وانا من محافظه تانيه خالص وكان بيجيلي وبيعملي احلي حاجه فضلت ارفض اي حد علشانه وكنت بقول لاهلي هستناه واتخانق معاهم واهله كويسين معايا جدااا سافر مرتين السعوديه ومتوفقش ونزل واشتغل هنا في مصر وبرضو متوفقش فضلت جنبه وادعمه وسهلت كل حاجه وافقت بدبله وقولتله موافقه بشقه عقد مؤقت لحد ما نقف علي رجلينا برضو مافيش خطوه. الحمدلله سافر السعوديه استلف ومشي اشتغل وعمل عمره وبدأ يقف علي رجله اتغير معايا فجأه ومبقاش يكلمني ولا فاكرني اصلا ولما عاتبته طلعني غلطانه واني مش مستحمله ظروف شغله وان غصب عنه ومتزعليش وبرضو. الحوار هو هو. قولتله انا تعبت لو باقي عليا. اتغير لو مش باقي خلينا صحاب بحكم العشره والسنين رد وقالي اللي يريحك بعت رسايل كتير يقرأ ومايردش. الصراحه فضلت ادعي عليه من حرقت قلبي. انا حاسه اني هموت ازاي انسان يستغل حد بالشكل ده ازاي بعد ده كله عمل معايا كده ازاي عرف يتخطي ويدوس علي كل يوم كنا مع بعض فيه من حلو ووحش ازاي عرف يقسي عليا كده اعمل ايه واتخطي ازاي واعمل ايه مخي وقف مني حاسه اني تايهه ...عرض المزيد

0 الدعم

1 نصيحة

Strawberry_58144 🇪🇬

لم أعد أتحمل السير في الحياة وحدي

اشعر ان قلبى ارق من الحياه.. لم اعد اتحمل تلك القسوه.. اشهر اننى.. ليس لى مكانا فى ساحه المحبين.. وكان نصيبى من الدفا لم ينصفنى به القدر.. الا يحق لى الامان؟ الا ترق لى الحياه مره؟ لم اعد احتمل السير فى تلك الحياه وحدى.. لم اعد احتمل وجه القوه الذى اجبرت نفسى على ارتدائه.. انا اضعف منك ايتها الحياه الا تشفقين على؟ ااه لو ينال المرء ما يحب.. ولو لمره واحده.. ...عرض المزيد

0 الدعم

4 نصيحة

Coffee_74353 🇪🇬

مراتي طالبة الطلاق وخدعتني مع أمها

النهاردة عيد زواجي الأول، مراتي مش معايا بقالها شهرين وطالبة الطلاق لأن أمها عايزة كده، عاملالي بلوك من كل حاجة ومفيش بينا أي تواصل، كنا بنحب بعض جداً لحد المشكلة اللي حصلت بيني وبين أمها وفجأة إكتشفت انها بتكذب عليا كتير وان هي وأمها بيخططوا عشان ياخدو مني القايمة والدهب وكل حاجة، بتدخل بأكونتات فيك أوقات تراقب البروفايل بتاعي، حتى لما قالو هيقعدو عشان يتفقو على الطلاق اهلها اختفو وبقالهم شهر محدش بيتكلم، مش عارف اتخطى ان دي مراتي وبتعمل فيا كده بعد ما شافت مني كل خير وبشهادتها، بمجرد ما أمها تديها الأوردر أياً كان هو ايه بتنفذه، أبوها ملهوش لازمة في الحياة متجوز على أمها وطول عمره عايش بعيد عنهم حتى مبيروحش ليهم البيت زيه زي قلته، مش عارف ممكن أتصرف ازاي، انا مش حابب رجوعها، لكن شعوري بالخذلان والظلم قاتلني، دي مش مُجرد واحدة عرفتها، دي مراتي، وهي هي نفس الشخص اللي بيكذب ويتجنى عليا، دماغي هتنفجر مش عارف أعيش، ولو السما انطبقت ع الأرض مش هاخد الخطوة وابادر ان أكلمهم، لأنهم اتعودو مني اني دايماً اللي علطول ببدأ ...عرض المزيد

1 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع